登革熱威脅升溫，本地感染個案已增至18宗。政府加強滅蚊，醫管局嚴陣以待。有指登革熱病徵不算嚴重，一般亦不會有重大死亡風險。然而只有中過登革熱的患者，才知患登革熱之苦。有過來人把自己10年前染上登革熱的經歷寫下來，形容當時「有接近死亡的感覺，爭少少就與神同行」。他呼籲市民勿輕視登革熱疫情，「小心白紋伊蚊、小心偽大使。」
原文如下：
話說小編之一，十年前都中過一次登革熱…
當年小編大好青年，經常運動，籃球足球每次打到熄燈，雖然唔係大隻仔，都肯定係鋼條仔，算係幾健康～一次入馬灣工作後，當晚頭暈身慶（㷫），以為不外乎感冒發燒。翌日去睇家庭醫生，食咗2日藥未見起色，以為處方藥力不夠，於是再到另一診所睇病，而當時小編已經病到七彩，出入已經需要家人攙扶。頭痛，身痛，眼窩一直疼痛。基本上全日卧床無力，無力起身，更加無力食野、咀嚼、無力飲水。年少氣盛嘅我，狀態同百歲老人無分別！家人買咗魚蛋粉比我，結果花費半小時先食到一啖，之後放棄食用灘(攤)喺梳化迷糊睡去…
剛好到咗周末，親友聚會，當我狀似奄奄一息，眾人發現唔妥＋力勸，最終需要叫白車（救護車）入急症室。猶記得當日醫生話「未知咩病」，安排咗病床及吊鹽水，直到深宵情況好轉安排出院。（但絕未病愈，明顯仍然留有不同痛症）
過兩日，新聞發布發現首宗登革熱個案及第二第三宗懷疑個案。同日，醫院打電話叫我返去檢查驗血，方發現原來我就係患上「登革熱」（變相即是我先係首宗個宗，好彩唔使上報紙）我唔知道患上係「登革熱」還是「登革熱重症」，病情會急劇惡化。當時醫生同我講，第一次中登革熱，致死率唔算好高，但患者不幸再中，致死率可達50／50％（註：係當時醫生所講）所以小編真係一直都好驚再中呢個疫症，況且全天候防蚊，邊可能架！？
呢次病例絕對係小編生平病得最厲害一次，好彩年輕時經常運動，有足夠體魄抵抗一時。多年回想起都認真覺得「有接近死亡嘅感覺，爭少少就與神同行..」
我上網睇過政府網站對呢個疫情嘅資料，發現上面寫嘅嚴重性，同小弟體會到嘅嚴重性，稍有落差，當然我只係一介草民，沒有專業知識去質疑，#更加唔會突然扮健康大使咁無恥～唯有透過此post呼籲大家唔好睇少政府隱瞞/淡化疫情嘅可能（如2017大型流感超過320人死亡，比SARS還要多，政府一直淡化兼冷處理！）
總之唔好睇少「登革熱」、小心白紋伊蚊、小心偽大使。
(Topick)
一般而言，藥品從冰箱取出後一遇到熱空氣，水氣便會凝結在藥品表面，導致受潮變質，因此，除了特別強調須放在冰箱的藥品外，其他的都不應放冰箱。此外，藥品放在冰箱，也非常容易讓孩童以為是食物，不小心誤食。
