台灣天王王力宏與太太李靚蕾婚後育有兩個千金，今年仲追仔成功添，今朝十一點佢就喺社交網報喜，指太太已經生咗喇，母子平安！
王力宏晒咗一家三口合照，佢同李靚蕾合埋眼頭貼頭，囝囝就喺李靚蕾懷中，皮膚仲係紅卜卜，照樣都係睇唔到正面，不過就睇得出阿仔好多頭髮，而王力宏仲公開已經為囝囝改咗名喇：「感謝主我的情敵不再是貝多芬，而是：王…嘉…耀 👶🎵❤️ 今天我們有了兒子，老婆 辛苦了，母子均安。謝謝大家的祝福，我跟老婆的心裏充滿感動，溫暖，期待，希望，和感恩！」
其實上次二家姐王嘉娜出世，佢哋兩公婆都晒咗張類似嘅合照。
大女王嘉莉出世就得腳仔相。
(on.cc東網)
家燕姐說：「我哋唔係同班同學，我留意到有個靚仔成日嚟裝我。」佢直認不諱：「佢算係校花，我哋小息就走過去望吓佢有冇返學，我哋只係o靚仔，點敢同佢交流。」
薛家燕與于洋在96年於處境劇《真情》中演螢幕夫妻，往前追溯，原來兩人那些年是同校，當年是童星的家燕姐是校花，學弟于洋不時前往偷望，至70年代，于洋加入銀壇才結緣。于洋曾駕駛跑車約家燕姐遊車河，卻被薛母棒打鴛鴦。今年是家燕姐加入娛圈60周年，兩人日前重提這陳年情史，皆忍俊不禁。
現年68歲的薛家燕在8歲就入行，今年是她入行60周年，家燕姐將於12月初踩入紅館舉行「薛家燕愛你無限60年演唱會」。家燕姐日前與同校的于洋重返母校接受本報專訪，校務人員及學妹熱烈歡迎，家燕姐和于洋更到當年經常早禱的教堂參觀，一齊時光倒流那些年跪低禱告。家燕姐當年一邊上學，一邊拍戲，是學校的風頭躉，她笑說小息時有各級同學慕名到課室偷望，其中一個偷望男生，就是現年69歲的于洋。
于洋雖然年長家燕姐一年，但他卻是學弟，因為他由內地來港，追不及程度讀低一班。家燕姐說：「我哋唔係同班同學，我留意到有個靚仔成日嚟裝我。」于洋直認不諱：「佢算係校花，我哋小息就走過去望吓佢有冇返學，我哋只係o靚仔，點敢同佢交流。」家燕姐中學畢業後全職拍戲，于洋之後也成功投考邵氏而入行。
家燕姐與于洋在70年憑電影《石破天驚》初結片緣，于洋大膽相認同學關係，兩人一齊開工拍戲，火速熟絡。于洋對家燕姐甚有好感，平日除做柴可夫管接管送，有一次更相約遊車河，家燕姐說：「佢當年買咗Alfa Romeo，話接我去街，媽咪聽到要跟埋去。點知落到樓下，佢揸跑車，後面得dog seat，媽咪即刻話『唔好去』，拉我上樓，最終我哋冇得去街。」
趕絕外母型跑車，薛母也「趕絕」于洋，他無奈說：「佢爹哋媽咪好犀利。」家燕姐解釋雙親恐圈中人複雜，反對她跟行內人交往：「估唔到于大哥係最單純，有次我去日本受訓，于大哥過來探我，佢拎個大篋，媽咪以為佢過嚟住好耐，打開篋，裏面全部係買畀我嘅零食，當時我好感激，但媽咪唔鍾意。曾江約我睇戲，爸爸話佢使乜約我，問佢自己唔識去咩，黎小田都試過。」後來于洋移民加拿大，兩人各自結婚。
家燕姐在84年嫁給生意人石保慶，婚後息影生了三子女，可是在95年離婚，家燕姐復出接拍《真情》演「好姨」，原本劇中她跟曾江一對，但曾江沒檔期要離開，劇情改為好姨配上高山青，家燕姐向曾勵珍提議找于洋演出，兩人最終變成螢幕夫妻，家燕姐說：「我人生呢60年，佢出現咗好多次。」
匆匆走過60年，家燕姐感慨道：「活得精采，雖然我人生順境多，逆境係婚姻幾年，憑住大家支持，我可以喺逆境變順境，天無絕人之路。」問到家燕姐恨找伴侶嗎？她坦言：「我都唔夠時間做嘢，有時夜晚餐飯都凌晨2點幾先食，要搵個伴，唔通兩點幾食完，三點幾先見佢，個個都走人。每日開心，有好多朋友就夠啦！」
(蘋果日報)
藝人湯洛雯（靚湯）以密實秋冬裝造型出席活動，受訪時講到與羅天宇分手五個月後，身形日漸脹爆，她謂有留意報道：「我由細到大都有啲肉哋嘅，睇到輯相都肉肉哋，特別係嗰Pat pat。（真係肥咗？有冇磅重？）咁又冇磅，但都係脹脹哋嘅。」
靚湯續解畫話因為之前同朱千雪去日本拍《3日2夜》，之後又同閨蜜莊思明、彭慧中去越南旅行，都食唔少，期間仲自爆有「艷遇」，對一男子一見鍾情，冧笑話：「喺酒店Reception（接待處）有嗰男仔好靚仔！我哋3個女仔去問嘢，都忍唔住話佢好靚仔！（有冇影相、拎電話呀？）冇呀！我唔會做主動嗰個，但如果佢有心搵我都可以Check我哋住邊間房嘅。」
之後會減肥？靚湯話飲食上會多加注意：「不過有啲朋友話輯偷影相都幾靚！哈哈，都係自己呃自己！（會做吓運動？）以健康為主啦，女仔又唔係一定話瘦先靚，有啲肉哋都OK嘅！」
(on.cc東網)
BB來了！喺facebook報喜：「終於見到妹妹啦。」，杜汶澤即留言恭喜。佢仲話：「今次特登搵咗個通乳師去醫院幫我按摩，希望成功啦，今次有心理準備㗎啦。」
31歲嘅0靚模郭穎兒（Celia K.），生了第二胎，同樣係囡囡，Celia家中已有1歲大囡囡李明芯，呢一胎本來預產期係下月初，但因為佢個圓太重太大，囡囡趕着出世，Celia揀咗前日入院剖腹取女，母女平安，BB英文名叫Lia，重6.38磅。Celia喺facebook報喜：「終於見到妹妹啦。」
有過上一胎生產經驗，Celia呢次淡定好多，不過醫生從佢肚中拎咗妹妹出嚟，一度令Celia驚驚，佢昨日接受《蘋果》訪問，Celia話：「妹妹開刀，一出世冇喊，嚇死我，原來比較斯文，噚日出世，我產後傷口好痛。今日落咗地，傷口超級痛同埋好暈。」Celia話會繼母乳育嬰，佢話上次長女芯芯喺醫院餵奶失敗，佢汲取上次教訓，佢話：「今次特登搵咗個通乳師去醫院幫我按摩，希望成功啦，今次有心理準備㗎啦。」
Celia老公李冠鋒視囡囡為前世情人，錫到出晒面，芯芯出世後，Celia受寵程度降呢，佢笑言：「小三都唔夠，自己仲要生多個小四。」Celia決定兩個夠晒數，佢話無意追仔，兩個夠晒數。Celia貼出產女喜訊，杜汶澤即留言恭喜。
(蘋果日報)
18歲已簽杜琪峯公司旗下做演員，被譽為「最索星二代」的她原來讀書都好叻，她透露今年入讀大學，更開心能入到心儀學系。。。
藝人龔慈恩18歲女兒林愷鈴出席化妝品牌活動，被譽為「最索星二代」的她原來讀書都好叻，她透露今年入讀大學，更開心能入到心儀學系，她說：
「讀香港大學建築系係我第一志願。（係咪考得好好？）我讀國際預科文憑（IB），滿分45分，我攞咗41分，盡自己努力，已無悔。（媽咪有冇獎勵你？）媽咪對我讀書從頭到尾都放手，當我好努力應付考試時，佢反而叫我出去玩，但我出嚟成績對自己係一個肯定已好滿足。（係咪一直成績好，所以媽咪唔使擔心？）都唔係，我細個掛住畫畫同音樂，成績唔好，到中三、四先臨急抱佛腳。」
問到已簽杜琪峯公司旗下做演員，是否已有拍攝作品？她說：「都接拍咗啲嘢，啱啱拍咗微電影，呢方面都試咗幾年，試咗都好有興趣，依家可以說我係兼職。」她繼又表示本想到外國讀書，但覺得現在所有事都好鍾意而決定留在香港。
(on.cc東網)
台灣綜藝天王吳宗憲因為19歲子鹿希派（吳睿軒）「炸台北市政府」論，早幾日（20日）帶同仔仔現身公開道歉，當時更宣布僅出道23天嘅鹿希派退出娛樂圈！事隔幾日，吳宗憲今晨就喺facebook以「不知道該說甚麼？」為題開live向網民「告解」，更不禁苦笑、哽咽、慨嘆「18年的努力全都毀掉」！
（相關新聞：https://goo.gl/zZDxMS）
吳宗憲透露仔仔今日會上黃國倫嘅歌唱節目《金曲傳奇~無與倫比同樂會》，為「復出」之路留伏線！吳宗憲本來打算陪佢上去，但自己要去馬來西亞，隔空叮囑愛子「靠你自己，從最低層做起，你就好好去做，時間可以幫你說明一切！」為咗畀仔仔獨立成長，吳宗憲宣佈從今天起，仔仔不再係自己公司嘅旗下藝人，不過有網民就表示「見過最快復出的藝人」！
重提未婚生子
直播中，佢為咗個仔重提18年前承認未婚生子一事，但如今四個子女都規規矩矩長大，本應為此驕傲「就是我做到了不讓社會大眾覺得我是王八蛋」，但結果因為呢件事全都毀了！
佢更自責「我是一個失敗的父親」，因為專注工作忽略咗家庭！雖然係仔仔嘅錯，但佢就話事後曾向兒子道歉，佢話：「你講幹話被無限上綱、被拿出來的原因只有一個，就是因為你爸爸是吳宗憲。」不過佢亦為仔仔講說話，指對方平時「做一個蛋糕都不會，怎可能做一個炸彈！」唔少網民都留言讚賞吳宗憲處理手法：「他做錯，但是你的態度真的很好。」又為佢加油打氣！
（on.cc）
佢於社交網上載張同未婚夫喺樓梯嘅合照，見佢着住粉紅色魚尾裙畀未婚夫攬到實一實，頭頂仲加埋個女神光，真係勁靚，佢留言話今次呢個意大利之旅，冇觀光冇食美食，仲要勁早起身，但一切都好值得：「We didn’t just eat and sightsee this time in #Italy! One morning… we groggily rolled out of bed at 5am for #prewedding shoot! It was well worth it…. no one was in our shots since everyone was still sleeping （我哋今次係意大利冇食嘢同去玩，仲要有一日早上五點起身去影結婚相，但係好值得，因為大家當時仲瞓緊覺，所以一個人都冇。）」
藝人甄子丹太太汪詩詩表妹湛琪清（Jessica）早前宣布喺峇里島旅行時，獲男友兼名醫之子金承威驚喜求婚，雖然當時話暫未計劃婚禮，不過原來早前已經飛咗去意大利影結婚相！
汪詩詩表妹湛琪清（Jessica）
(on.cc)
曾經捱過一段苦日子，與同學分租一百呎劏房，但現在今非昔比，有傳她2014年曾與經營電子產品的百億劉姓富豪相戀，對方座擁不少工廈與獨立屋，身家豐厚，當年對方更不時帶她出席朋友聚會，關係相當之好，可惜，最終都因為對方桃花太多，相戀兩年後分手收場。
不過，該兩年藝人朱晨麗（朱朱）並沒有白過，因靠着對方的關係，令她認識不少闊太。前年更跟幾位闊太一齊於淺水灣搞高檔畫廊，該畫廊的畫作最平都要過百萬元，絕對是有錢人的玩意。顧客個個都是有錢人。
獲無綫力捧，擔正 《特技人》女主角
除了開畫廊之外，她亦在前男友身上學識投資，2014年便豪擲7百萬買入將軍澳The Parkside兩房單位，第二年已經可以全數付清，唔使供樓。該單位現升近千萬，朱朱由住劏房到現在座擁千萬物業，現更貴為無綫當家花旦，際遇都算相當之好！
2014年7百萬買入將軍澳The Parkside單位，第二年已經全數付清，依家層樓升到近千萬！
對於被指與經營電子產品的劉姓富商拍拖，並有她跟該富商食飯之照片，朱朱表示：「大家係認識，呢單消息只係翻炒舊聞，食飯相亦係兩年前既事，唔想牽涉到身邊圈外朋友，因此唔再回應。」至於因對方的關係而認識一班闊太，早前更與幾位闊太開畫廊，她則表示：「係同教會嘅朋友開嘅。」
（on.cc）
根據醫管局最新發布的數據，胃癌是本港第6大常見癌症，本港每年亦有逾千宗胃癌新症。有醫生表示，不少人誤以為胃癌一定會嘔血，但其實胃癌初期徵狀不明顯，都市人常見的胃痛，已可能是胃癌的警號。三餐不定時、精神壓力大等，均有機會增加患胃癌的風險。
臨床腫瘤科專科醫生陳亮祖表示，胃癌的病徵不明顯，患者發現時可能已是後期，部分人誤以為胃癌一定會嘔血，但其實未必，即使是都市人常見的胃痛，已可能是患胃癌的迹象，或要做胃鏡來確定是否患病。
此外，不少都市人的生活問題都有影響，例如三餐不定時有機會導致慢性胃炎，而精神壓力則有機會導致胃酸倒流、胃潰瘍等，均可能間接引致胃癌。
胃部的腫瘤有很多種，陳亮祖表示，常說的胃癌是胃腺細胞癌，此外常見的還有在胃部肌肉的腸胃基質瘤，以及在胃壁的胃淋巴瘤。他指出，幾種腫瘤有不同徵狀，胃癌患者常會感到飽滯、胃痛，容易出現貧血，大便呈黑色，徵狀與胃炎相似；胃淋巴瘤的徵狀與胃癌類似，會出現胃痛及胃炎徵狀；至於腸胃基質瘤，患者的胃、腹部感覺不明顯，大便亦未必有血。
三種腫瘤的成因及治療亦有不同，腸胃基質瘤成因不明，胃淋巴瘤可能與幽門螺旋桿菌有關，至於胃癌的高危因素則較多，例如長期吃太鹹、醃製食物，少吃菜，有吸煙習慣，體重過重，或遺傳因素等，都可能與胃癌有關。在治療方面，胃淋巴瘤以化療針為主，胃癌及胃腸道基質瘤則主要以手術切除。
坊間對胃癌有不少謬誤，例如有指因少吃蔬菜容易有胃癌，有人卻稱全素可以預防胃癌；但亦有指食素容易缺乏維他命B12，反而容易導致胃癌。陳亮祖說，兩種做法都是誤解，未有資料顯示食素可以防止胃癌，部分患者是因為遺傳因素，無法吸收維他命B12而導致貧血，而非因缺乏維他命B12而導致胃癌，所以也不能說食素就會導致胃癌。
此外，坊間亦有說法指，吃太熱的食物會燙傷消化道黏膜，長此以往有機會演變成癌症。陳亮祖指︰理論上確是如此，但實際上應該是喉嚨和食道首先出事，其實食物到達胃部需要一段時間，通常都已冷卻。
（Topick）
不論胃酸倒流是甚麼徵狀引起都不適宜服用藥物（這裏指的是西藥）。胃酸倒流是胃無法製造足夠的胃酸，引起食道下端賁門括約肌無法關閉，造成胃液甚至胃中食物倒流食道，不是胃酸太多。Dr.Mercola在「為何藥物治療胃酸倒流弊多於利」文章中指出（Why Medications for Heartburn Can Do More Harm Than Good），利用化學藥物強行壓制胃酸的結果會引起更嚴重的胃病，世界上論證這個問題的醫學文獻已經有超過16,000篇！
有甚麼食物可以在胃酸倒流引起胃痛的時候很快化解徵狀？
Baking soda，就是普通食用鹼或者叫小蘇打。市面還有一種蘇打叫泡打粉（Baking powder），兩種都用在製造糕點，但成分不盡相同。我們需要的是普通食用鹼Baking soda，請不要混淆。
方法︰半茶匙小蘇打，幾滴新鮮檸檬汁，加入半杯暖水，對中和胃酸有幫助。不建議單純喝小蘇打加水。這個方法只能暫時緩和胃酸倒流所帶來的難受。
新鮮檸檬汁，有患者只是喝用小半個檸檬汁加溫水也有緩解胃酸作用。這也是周啟邦先生的經驗，這是在他去世前三年，與他在一次午飯的時候他特意告訴我的。這個辦法我自己試過，出外景時胃酸倒流，最容易找到的解藥就是檸檬與溫開水，對我很有效。
如果突然出現胃酸倒流，不要嚇自己，吃得太飽後平躺或者是半躺半靠，也會感到胃酸跑到喉頭。如果不是飯後的姿勢引起，但出現的頻率不高，譬如只是一周一次，可能都不算是病。有肥胖問題的人，有以上徵狀的機會比較多。飯後習慣性地走15分鐘，甚至只在室內走來走去15分鐘，都有效減少患病的機會，生活習慣上任何輕微的改變，都會為身體帶來改變，好習慣帶來好改變，反之一樣。
（Topick）
