入行多年的陳庭欣與香港先生翟威廉的緋聞最惹人談論，緋聞傳足五年，但兩人一直死口不認拍拖，其後陳庭欣被爆戀上有米律師唐偉倫，曾經默認與唐偉倫拍拖，不過這段情已經成為過去式。。。
港姐出身的無綫小花陳庭欣又有新仔登場，新歡更是有過億身家的美容零售商老闆楊振源（Benny），入行多年的陳庭欣與香港先生翟威廉的緋聞最惹人談論，緋聞傳足五年，但兩人一直死口不認拍拖，其後陳庭欣被爆戀上有米律師唐偉倫，多次被目睹出雙入對，對感情事堅持低調的陳庭欣，曾經默認與唐偉倫拍拖，不過這段情已經成為過去式，分手後陳庭欣火速達着新歡。
楊振源（左一）係美容零售商老闆。
Benny雖然是圈外人，不過曾經先後與圈中不少女星傳出緋聞，包括已為人母的孫慧雪、曾被指是周永恒趙頌茹婚姻「小三」的𡃁模劉依靜。有傳陳庭欣跟Benny兩年前在一個晚宴上認識，不過當時陳庭欣心有所屬，直到最近兩人被爆秘密拍拖，陳庭欣也大方直認雙方正處於了解階段。
(on.cc東網)
事前就透過大會講明唔准問有關私人生活及黎明等問題，但最終當記者提問時，佢都有大方回答，至於有冇探好友黎明個BB時，即興奮大笑，直認。。。
韓國神劇《太陽的後裔》女星宋慧喬去年10月結婚，噚日自婚後首度襲港，今日下午先到中環出席品牌店鋪嘅開幕儀式，晚上再出席品牌派對活動。
喬妹喺現場接受傳媒訪問，不過事前就透過大會講明唔准問有關私人生活及黎明等問題，但最終當記者提問時，喬妹都有大方回答，講到自己好鍾意來香港，喺香港有好多朋友，但今次行程冇乜時間，希望見到幾個朋友。至於有冇探好友黎明個BB時，喬妹即興奮大笑，直認有睇新聞，亦都恭喜佢，但今次時間就未必可以見到。
宋慧喬其實與黎明是多年的好友，兩人的關系一直很好，令大家震驚的是，宋慧喬在出道之前還做過黎明演唱會的伴舞，兩人可以說是有著十幾年的友誼了。
對於自己有冇生B計劃時，喬妹話有計劃，但未知幾時，直認仲會有呢一日，預告會做媽媽。喬妹話知道唔少粉絲等緊自己新作，佢亦有睇緊劇本，當中包括電影同劇集。對於有傳佢會同朴寶劍拍新劇《男朋友》，喬妹話未決定，仍然考慮中。問到享唔享受現在生活時，喬妹話現在好多時間去旅行、睇戲同埋見朋友，似乎相當滿足。
(蘋果日報/騰訊)
徐濠縈、雷莊𠒇(Juliette)、貝安琪、許懷欣和太太等噚晚在中環置地出席一間概念店開幕活動，阿徐一身潮服現身。
阿徐女兒康堤即將考試，現時閉關讀書，考完試兩母女就可以御准去玩玩放鬆心情，考試期間係父親節，老公陳奕迅亦可能唔喺香港，暫未知點慶祝，阿徐話：「每年阿女都會畫心意咭，我哋開心接收放喺廳，好似個畫展咁。」阿徐現時已經好少陪女兒溫習，因為學習程度好深，女兒只有靠自己，亦冇補習，十分自律。阿徐話：「唔係叻，係唔使我擔心。」
女兒現正讀中二，中三後才揀科，阿徐持開放態度：「唔會逼佢讀書，好似佢唔鍾意中史，唔會逼佢一定要有好成績，低分都冇所謂。我覺得阿女鍾意音樂，音樂有好多種，唔一定要同爸爸一樣做流行歌手，向其他發展都可以，我哋會引導佢做自己鍾意做嘅事，唔會有壓力。」
(蘋果日報)
「有人試過爭我錢不過還畀吳若希，有時我自己都認錯，幾時可以同吳若希演孖女或失散多年嘅姊妹。」
正所謂人有相似，就算出名有靚樣嘅星明藝人都冇例外，時不時都會有撞樣嘅情況出現！
前港姐陳庭欣在網上轉載咗一張朋友給她的截圖，朋友向她表示透過Facebook自動認人系統，原想tag歌手吳若希時，電腦嘅自動系統竟然將吳若希tag咗做陳庭欣。
陳庭欣得知後在網上發文表示：「電腦都總有出錯嘅時候，我不是吳若希，吳若希不是我，自動辦認臉孔功能失敗，電腦都認錯唔怪得好多人都認錯，有人試過爭我錢不過還畀吳若希，有時我自己都認錯，幾時可以同吳若希演孖女或失散多年嘅姊妹。」
而吳若希亦有留意呢個post，仲有留言「hahahahahahahaha」。陳庭欣仲講笑同吳若希講「 我下次幫你頂上呀。」
(on.cc東網)
馬德鐘落咗好多心機，但最後宣布。。。仲留言話非常感激大家，而太太竟然話呢個係好消息，佢留言：「很高興你終於可公佈這好消息！」
「馬神」馬德鐘除咗拍戲，佢近年進軍飲食業，前年喺尖沙嘴同屋企人斥資7位數字開咗日本餐廳，生意唔錯。舊年7月再喺紅磡黃埔開蠔吧兼酒窖，有指投資千萬。
不過馬神今年4月，先壯士斷臂，執咗開業唔夠一年嘅蠔吧同酒窖；事隔唔夠兩個月，馬神今日再喺fb公佈尖沙嘴嗰間日本餐廳都執埋。其實當日馬神開呢間餐廳時，係佢馬家六兄弟姊妹夾份一齊搞，用作紀念亡父，餐廳個名仲用咗馬爸爸名字中間個「松」字。馬神為餐廳落咗好多心機，出錢出力，仲成日落去巡舖，親自招呼人客，可惜最後都要關門大吉。
馬神昨日留言：「#結業通知#由2018年5月1日開始，我司屬下在尖沙嘴經營之『松日本料理』，已正式結束及易手，其註冊商標亦已撤離上址。上址之所有業務及舊員工均與我本人無關。如發現這註冊商標未經許可仍有人擅自使用，務請通知我們。最後，非常感激大家過往對我們的支持！」
馬太張筱籣亦轉貼老公貼文後留言：「很高興你終於可公佈這好消息！拿得起，放得低！可以真正過自在自主的人生！」
《蘋果》聯絡馬神，問到佢餐廳結業一事，佢只話：「不做了！哈哈。」語氣輕鬆。他補充謂：「香港嘅營商環境實在太差，請人亦困難，要保持食品質素更唔容易，感謝上天喺我嘅人生裡面，俾我呢次經營飲食業嘅經歷，啟發咗我對飲食健康嘅關注，好多反式脂肪食品，好多生食嘅細菌，動物脂肪嘅害處等等嘅問題。依家我嘅食用品，大多以素食及有機食品為主，感覺我身體健康咗唔少。依家唔再經營飲食，我可以更專注我自己最熱愛嘅演藝事業，亦有更多時間享受生命，多做運動。而我太太終於可以做番佢嘅專業喇。呢段時間真係辛苦咗佢，要幫忙我處理業務，真係要講聲感謝！」最後馬神稱無意再開食肆：「唔會再做，減少殺生！」
(蘋果日報)
「係呀係呀生咗喇！呢個大隻過哥哥呀，一出嚟醫生都話佢大隻，係大隻妹，有3.75kg，我都想生重啲嘅，大隻啲易湊啲，o依家都叫肥肥白白架喇！希望佢健健康康啦！」
31歲嘅前新聞小花蔡雪瑩（Snowy），16年4月嫁畀全國政協朱銘泉兒子、上市公司太子爺朱威霖（William），同年8月已經幫朱家添丁，生咗得意B仔Wesley。
去年年底，Snowy肚凸凸出席活動宣佈再次造人成功兼陀B囡，原來昨日已經「卸貨」，剖腹誕下3.75kg，即8.25磅重嘅B女，中文名未改，英文名就叫Sheryl。
Snowy兩年抱兩，佢昨日接受《蘋果》電話訪問話：「係呀係呀生咗喇！今日下晝出世，呢個大隻過哥哥呀，一出嚟醫生都話佢大隻，係大隻妹，有3.75kg，我都想生重啲嘅，大隻啲易湊啲，o依家都叫肥肥白白架喇！希望佢健健康康啦！」
問佢畀囝囝見咗妹妹未？Snowy就話：「頭先妹妹推上嚟嗰時應該見到喇！但o依家就安排咗佢返屋企先！其實老公今日一早已經帶咗囝囝嚟等妹妹，而兩星期前，我哋已經同佢講妹妹就嚟出嚟，叫佢Kiss妹妹，同埋買定玩具畀佢，話係妹妹送畀佢嘅，咁希望佢唔會妒忌會鍚妹妹啦！」
Snowy又話老爺、奶奶同媽咪都好緊張，佢生緊嗰時已經喺手術室出邊等，已經見咗孫女。講到今次心情，佢話：「陀佢嘅時候無上次咁緊張，但臨生都係好緊張，阿囡出嚟喊得勁過哥哥，我聽到佢喊我都喊，老公全程陪住我，佢都好開心呀！」
(蘋果日報)
稍後會跟明星足球隊到俄羅斯睇世界盃，「外國地方更易吃素，球隊亦會幫now拍世界盃節目。（你與TVB有約，有牴觸？）因為球隊想齊人熱鬧點，不用跟TVB報備，我低調地攝在後面打氣便可，毋須太講究。」
關禮傑出席洋酒品牌活動，自認愛飲紅酒的他稱食飯也會與太太小酙，皆因飲酒可加速飽肚，趁機Keep Fit。他謂已跟隨太太及女兒吃素1年，身體變得更輕盈，外出工作時也盡量茹素。
(singtao)
夏天最好唔好成日戴帽，令頭蓋難以散熱，加上炎熱高溫，大大增加出汗量，頭皮油脂分泌旺盛，脂腺和汗腺的分泌物會堵塞毛囊，更容易滋生細菌，引起發炎、頭瘡、脫髮等問題。加上帽口過緊，導致頭皮血管被壓迫，阻礙血液循環，難以輪送養分，影響毛髮正常生長，會容易造成脫髮。但對於各位帽子控黎講，唔俾你地戴帽係無可能既事。所以，我地就搵到三個小tips幫大家避免甩頭髮 !
建議揀一頂由100％（例如棉或者羊毛）製造，而且要岩季節。夏天可以戴棉帽等頭皮可以呼吸，避免陽光傷害頭皮；而係冬天可以揀溫暖既毛冷帽，保護頭髮同防止頭皮乾燥。
係室內既時候，或者唔需要戴帽去保護陽光、冷風既時候，就應該俾頭髮抖抖，除低頂帽。避免持續戴帽，因為咁樣會損害頭髮，導致頭髮折斷或者分叉。
尤其係夏天既時候，頭皮出黎既汗水同油脂會集中係帽入面，所以一定要定期清理你既帽。皮脂、油脂和死皮會刺激皮膚同頭皮，可能會導致頭皮出問題，其中一啲情況可能會導致脫髮。
記住依三個tips，大家就可以放心繼續買帽，放心做帽子控啦 !
(經濟通)
23歲時首度懷孕，可惜發生宮外孕的情況，後來再次懷孕卻小產，她近日於訪問中談及早年小產後感受到巨大的痛苦與思念。
她表示做媽媽有莫大的痛苦與同等的喜悅，而她與老公當年一結婚就想生小朋友：「之後我哋好早就失去咗個小朋友（宮外孕），真係好大創傷！當時我哋就領養伊莎貝拉（Isabella）。」她又透露媽媽有個領養的家姐，所以一直都認為自己亦有可能領養小朋友：「我只係冇諗過咁早發生，而真係發生咗。」
現年50歲的奧斯卡影后妮歌潔曼（Nicole Kidman）早年與型男湯告魯斯（Tom Cruise）結婚，兩年後再領養兒子康納（Connor），不過兩人最後離婚收場。妮歌失婚後4年再嫁歌手Keith Urban，為男方生下兩女。
(on.cc)
藝人陳琪教小朋友一向好有辦法，之前大女胡芷苓用晒零用錢買鏈送畀佢，而細仔胡澔錕（Jayden）就幫手做家務，但其實二女胡芷悠（Jacey）都一樣咁乖巧。
JayJay係用佢零用錢買頸鏈畀媽媽，好愛媽咪陳琪！
呢日陳琪見仔女考試溫書溫到好悶，於是決定帶住佢哋去西貢歎下午茶。
陳琪喺社交網晒出多張合照，相中見Jacey除咗全程拖實Jayden外，仲非常細心體貼，幫手餵細佬食麵，果然係個好家姐。
陳琪見到囡囡咁乖都非常感動，佢留言：「盡顯家姐風範，就連二家姐都咁懂事，睇嚟我好快有好日子過……有愛嘅畫面值得記住」。
陳琪
(on.cc)
