咁會唔會學似湯洛雯咁，兩姊妹一齊出嚟見人？子羚話：「咁要睇下佢肯唔肯，同埋有無客戶搵我哋啦，如果有嘅我或者請佢(妹妹)食餐飯啦。」
姚子羚今日到尖沙咀出席護膚品店開幕，對於早前被傳媒及網民發現，原來有個現職now TV新聞主播嘅親妹妹饒慧珊，唔少人都大讚妹妹同家姐一樣咁靚，子羚表示：「唔知俾邊個發現到我有個妹妹，樣又靚身材又好，係性格比較怕醜啲。」
子羚又話姊妹關係曝光後妹妹出街都有啲唔習慣：「佢始終唔係圈內人，仲未習慣出街俾人望俾人認得，我都有同佢講叫佢唔使驚，有人讚係好事。」
早前姚子羚同胡蓓蔚、陳自瑤同李施樺幾姊妹去馬來西亞拍節目， 佢話：「我哋去咗好多地方，包括有機農場，親手摘生薑同紅蘿蔔。」又透露九月會同李施樺去東非旅行：「今次算係還咗個心願，終於可以去非洲睇動物大遷徙，而且同行仲係好姊妹，我哋仲約咗聽日一齊去打定預防針。」
(蘋果日報)
胡杏兒噚日到深圳出席珠寶活動時，咁啱呢一日係七夕節，活動上佢見證一對相識十年，拍拖八年嘅戀人修成正果，喺佢面前求婚成功，令杏兒大為感動，佢笑話冇諗到今年嘅七夕過得咁浪漫：「聽到佢哋嘅戀愛故事，自己都聽到眼濕濕，祝福一對新人白頭到老。」
雖然噚日要開工，不過杏兒早已為家中兩位大小情人分配好時間，總之個個都浪漫冇分大細，杏兒笑話：「近排放多咗時間喺囝囝身上，所以噚晚做完嘢之後，即刻趕返港同老公享受二人世界，拍拖應下節。」
問到有冇計劃同老公生多個BB？杏兒就話：「順其自然啦！不過多一兩個小情人都好welcome。」另外，杏兒近日有留意到登革熱增加個案，所以近排減少同囝囝去公園玩，驚會被蚊釘，仲將原本已肥嘟嘟嘅Baby Lee變成Baby Fat，就算去街都做足防蚊措施，儘量安排室內嘅親子活動。
藝人呂慧儀出席《愛.回家之開心速遞》宣傳活動，與一眾小朋友玩遊戲，被問為何仔仔「蟹籽」未有前來？她透露4歲大的仔仔星期六日都要學游水，並笑指現在以「你四歲啦喎」作為口頭禪：「依家佢四歲，做好多嘢都冇人幫，好似刷牙、食飯咁，要自己嚟！」
問到是否適合再生一個？她直言未有想過，因她與老公黃文迪都忙，又叫老公畀心機搵錢，她笑謂：「我身體幾好，隨時都ready，但係叫佢畀心機搵多啲錢先。（想生？）隨緣啦，太忙都少見，又差咁啲情趣啦，連拍拖都冇時間，依家唔係工廠式生產呀！」
至於仔仔出世後，可曾試過兩公婆去旅行？她說：「冇！我地連去飲都帶埋個仔，我啲朋友變成佢啲朋友！」又指仔仔曾想要細佬妹，但轉頭又不想與人分享爸爸媽媽，謂要等仔仔學識照顧人才考慮生。
(on.cc東網)
李亞男上月宣佈懷孕成功後，今日穿上藍色薄絲長裙，配上一吋多粗踭鞋，精神奕奕現身沙田為梳化店擔任揭幕嘉賓。
亞男身形同面形未見走樣，佢笑指有時自己也忘記腹中BB，不自覺地越行越快，而平日都有行公園做運動令身體再強壯，而老公王祖藍都很放心自己，冇過份管束，問到祖藍會否陪伴戒口？亞男話：「我都會陪佢食刺身，因為佢好鍾意食，但係佢會同我講話啲刺身過咗期，臭嘅，好難食。」
亞男話懷孕至今身體未有出現嘔吐情況，只是初期較攰易眼瞓，相信BB都吸取好多營養：「最近開始感覺到BB有少少郁。」問到係咪已經懷孕5個月？佢話：「過咗4個月。」至於性別就稍後公佈，但通常大家指頭一胎係女會似爸爸，如果係仔就媽媽，亞男話：「佢啲基因咁強，好難講啦今次呢單嘢，好驚！」問到好驚係咪對BB性別有所暗示？亞男就話：「唔係，係我好緊張。」
至於李亞男身邊班好姊妹如鍾嘉欣提議自然分娩較好，亞男自認超級怕痛，但又知道自然分娩復原快，加上自己骨架大應該易生，現時仍思考當中，問到祖藍係咪已答應陪伴入產房？亞男透露：「呢個都係考慮嘅其中因素，因為如果我穿羊水時候，爸爸喺台上做嘢，咁我就會好失望；若果係開刀，咁爸爸就可以請假，所以爸爸個期都好緊要。」
(蘋果日報)
藝人鄧麗欣（Stephy）、陳庭欣及柏天男到深水埗出席電影《L風暴》活動，與Fans玩遊戲。正跟台灣男星邱勝翊（王子）熱戀的Stephy，在台上將「拍得愛情片多」講錯成「拍得拖多」，即尷尬𢱑頭，引來全場大笑。
之後受訪時，她自嘲由於太早起身，所以條脷仍未熱身，而並非因為最近生活太Sweet。講到昨日七夕網上post和王子遮面的合照放閃，她說：「其實係咁啱，我以前情人節都會發啲post祝大家快樂，只係依家嘅狀態畀人覺得更sweet，但我唔係特登。（你哋有冇慶祝？）冇呀！所以post吓相。（你留言叫大家放低手機，係咪有感而發？）唔係講任何人，係覺得情侶之間都要珍惜對方。」
講到她的Instagram刪除了所有朋友，個人帳戶只留下王子一人，非常專一。她解釋：「其實之後會Follow番其他朋友，因為想控制Follow嘅人數，一直未有時間整理。不過好多朋友話我最近放閃太多，話就嚟甜到糖尿，其實我唔係刻意，係咁啱有啲節日。我都有post好多其他工作，可能之後要控制吓，停一停。（享受網上晒恩愛？）我冇刻意隱瞞，網上係share自己生活嘅平台，都係想開心share吓啫！」
戲中Stephy飾演一名私影模特兒，她表示接戲前並不認識這種工作，要做一些research。問到是否要扮得更年青？她笑說：「我諗做私影又冇年齡限制嘅。（使唔使好性感？）都唔算，最多係Bra Top露腰。導演都唔想太過誇張，因為其他男仔都着晒西裝，唔想我太跳Tone。」
(on.cc東網)
今日佢就喺Instagram貼出Lucy新相，佢變咗攣毛B，萌到不得了，仲留言話：「登登登……登#點解阿女變咗貝多芬#電咗髮 #扮可愛」眼睛大如波子，好精靈活潑！
42歲嘅李璨琛12年同時裝設計師嘅梁志瑩結婚，今年3月，佢哋愛情結晶品李元元（Lucy）出世，囡囡確實係父親前世情人，李璨琛對住囡囡即冧爆，Lucy已5個月大，識笑識陪人玩，今日李璨琛就喺Instagram貼出Lucy新相，佢變咗攣毛B，萌到不得了，李璨琛留言：「登登登……登#點解阿女變咗貝多芬#電咗髮 #扮可愛」Lucy眼睛大如波子，好精靈活潑，佢個樣生得同爹哋李璨琛餅印一樣，不過爹哋卻搞笑話佢似著名作曲家貝多芬。
李璨琛升呢爹哋，有女萬事足，佢樂得湊女為樂，不時喺Ig貼出愛女相，佢有日仲貼出父女喺梳化攤抖相，廿四孝爹哋仲為囡囡Lucy搧涼，佢留言：「大熱天時唔比人開冷氣，搞到我要幫個女撥扇，睇下Lucy個樣幾無奈，#出汗#排毒 #心靜自然涼個屁。」
李璨琛仲會餵奶，佢好享受父女親子任何一刻，畢竟小朋友眨眼就長大。
(蘋果日報)
林芊妤（Coffee）、楊柳青噚晚到中環，祝賀前落選港姐林慧倩投資6位數字開嘅餐廳開幕，佗緊8個月BB嘅Coffee着住露肩裙，襯平底鞋現身。
佢急不及待讚自己：「我好乖唔着高踭鞋，B仔就快8個月，之前胎盤前置，每個月都覆診，早排太操勞，胎盤未上返去，醫生話咁樣好易會出血，比較危險，原本想同老公去旅行，都要打消呢個念頭。」
為咗BB安全同自己健康着想，Coffee明白有啲嘢需要犧牲，雖然老公翟志榮（Weng）近呢兩個月較得閒，佢話：「我自己嘅工作都cut咗好多，係想趁呢段時間去旅行，因為BB出世之後就冇二人世界機會，本來想去土耳其或澳洲。」
講到生B準備功夫做成點？佢就開心話得到好多贊助，BB床同必需品都齊晒：「之前搬新屋，因為大肚婆有避忌，所以老公負責搬，我就返娘家住，好多嘢仲未執，下個月又要上育嬰班，已經搵咗陪月姐姐。」
(蘋果日報)
「我相信明天會更好
不管抱著誰 我依然可以自由地流浪
我相信明天會更好
不管你在哪兒
變成了哪一國的星星
我相信明天會更好
祝你愉快 這裡留白」
盧凱彤（Ellen）變成了天上的星星，林二汶跟她說：「放心去忙着放假，我會忙着活好。未知何時收工，收工你嚟接我啦，到時電聯。」二汶很有信心，Ellen會收到message，因為，「你往生的世界，電波接受訊號很強，這些post，你應該都load得到。」而且，應該不用煩著用邊個plan比較好。
Ellen妻子余靜萍亦已復工，為曾國祥執導電影《少年的你》續任美指，昨日曾國祥還在社交網貼出余靜萍工作的照片，寫道：「強人是你！」
Ellen喪禮上，余靜萍和二汶，亦一直十分堅強，直到臨別一刻。今日有周刊報道，稱表現硬淨的二汶，在火葬場內，與相識18年的Ellen真正訣別一刻，終於忍不住崩潰痛哭，明哥黃耀明馬上攙扶。當Ellen的靈柩除除送入火化爐內，眾親友都喊著她的名字，此時余靜萍雙親亦忍不住悲慟痛哭，林嘉欣一直扶著。
周刊報道又指，Ellen生前為新碟錄了幾首歌，包括《光》，原定上周派台，唱片公取環球為表尊重，故將之延期。由於Ellen生前為新碟錄好的歌不多，故公司計劃以single形式，預算今年內推出。
(蘋果日報)
呢日，李施嬅喺社交網上載多張靚相，並留言：「可以同好姐妹一起工作，太感恩。食得太多榴槤，我地（哋）身上散發著（着）榴槤嘅味道回港喇！」
藝人李施嬅近日聯同幾個好姊妹姚子羚、胡蓓蔚同陳自瑤，齊齊去咗馬來西亞拍攝節目。難得可以出埠拍攝，佢哋當然好好把握機會寓工作於娛樂，順道喺當地遊覽啦！
呢日，李施嬅喺社交網上載多張靚相，並留言：「可以同好姐妹一起工作，太感恩。食得太多榴槤，我地（哋）身上散發著（着）榴槤嘅味道回港喇！」其中一張相佢哋淨係做「影後」，四女背向鏡頭坐喺度鬥大籮，構圖搞笑！
而另一張相中，佢哋就一字排開擺甫士，而每人腳下都刻有唔同嘅英文字，姚子羚係「Pretty」，陳自瑤係「Cute」，李施嬅係「Gorgeous」，而胡蓓蔚就係「Hot」，李施嬅仲搞笑咁問粉絲認唔認同呢啲字添！
(on.cc東網)
鄭嘉穎同陳凱琳結婚，一班老友出席峇里婚禮時都玩得好盡慶。開心旅程雖然已經結束，不過喺當地影嘅靚相，執一執之後都陸續登場。
繼Anjay同賴慰玲後，Natalie噚晚都激罕喺ig上載一件頭泳衣相，由於好遠，唔少網友都話想睇近啲(相關新聞：https://goo.gl/4WAUxV)。今早Natalie亦大方再晒多三張，有前有後，仲有美腿，身材fit到爆，配合海天一色，加上白滑美肌，確係賞心悅目，數小時已有逾二萬個likes。
Natatie透露相片由黃嘉樂女友Samantha操刀，話係送俾大家嘅「遲來的七夕快樂」，佢仲搵咗啲資料，發現#4月14是blackday係for單身人士的，唔知明年嘅4月14詩詠能否脫離單身行列呢？！
唐詩詠(Natalie)日前仲上載咗一條被曹永廉整蠱嘅片段，留言﹕「話說我接唔到個花球，話說呢個男子話要拋花球俾我，結果……曹永廉，你係咪想屎」。原來阿廉只係拋花瓣，仲笑Natatlie﹕「好多散拖拍….哎吔，一個都冇呀。」搞到全場大笑。
(蘋果日報)
