羅霖接受訪問時，講到有份演出的《宮心計2深宮計》終成功在內地網上架，她表示很開心，之前出席活動時仍未收未有轉機，豈料之後兩個小時後就收到消息：「好開心感恩，為我哋打咗支強心針，冇諗過咁快，審批過程快。（知唔知係咩原因？）真係唔知，但好開心，咩原因都好，未夠24小時，點擊率已經過咗一億，我啲內地朋友都話要買會員支持我。」她又笑言要練定歌，希望可以多些返內地登台。
（資料圖片）
羅霖又透露二仔最近做健身，隔日就抱起她來健身，並謂幾個月前12歲的細仔打算抱起她：「我已經借力，但佢跣一跣腳，我哋兩個跌低咗，但佢個頭撼咗落地，佢個頭起咗瘤，其實仲有少少流血，但我冇話佢聽，之後搵冰同佢敷。」她亦謂到二仔話要抱起她時，其實是有少少陰影：「但佢有健身，其實我都好耐冇試過畀男人抱過，有時出街3個仔會一人一袋幫我攞嘢，終於搵到啲仔嘅好處。」
12歲的細仔（資料圖片）
(on.cc)
阿嬌昨日喺美國同台灣「醫界王陽明」賴弘國舉行婚禮，之後一對新人會返港註冊，好姊妹祖兒、阿Sa同Yumiko都有飛去觀禮，場面相當感動！衆人亦先後發表祝福宣言，祝福一對新人！阿嬌社交網也很熱鬧，很多明星都留言送上祝福！
但有網友就好奇問，點解阿嬌台灣歌星老友楊丞琳冇去陪嫁，只喺社交網分享阿嬌婚禮相同埋只係得一句留言：「好感人，恭喜！」
除咗龍虎豹蛇，阿嬌同楊丞琳都好fd。 （微博圖片）
楊丞琳初時回應網友時表示：「請你們不要一直問好嗎？而且很重要嗎？」但就有人將句子解讀為發脾氣，有粉絲稍作安撫後，楊丞琳再回應話：「我知道，我也沒有生氣，脾氣真的沒那麼差，就只是請大家不要直接相信新聞然後就覺得我怎麼沒去，因我被邀請參加的不是美國這場婚宴。」楊丞琳可能就露口風，之後會來港出席註冊儀式，或者係阿嬌會跟賴弘國返台灣再搞party？
楊丞琳喺社交網上載咗幾張相，就俾質疑點解冇受邀到LA，佢最終忍唔住講，佢獲邀出席嘅唔係LA party。
(apple daily)
活動尾聲時，台前幕後為她製造驚喜，交由馬浚偉獻花，及送上全部演員簽名卡紙，佢頓時眼濕濕。馬浚偉更表示。。。
她擔任《宮心計2深宮計》宣傳活動司儀時，未知是否心情太興奮，竟連番講錯馬浚偉及蕭正楠名字，引得全場發笑！
活動尾聲時，台前幕後為她製造驚喜，交由馬浚偉獻花，及送上全部演員簽名卡紙，李美慧頓時眼濕濕。馬浚偉更表示：「美慧係個好女仔，喺橫店拍嘢撞見流浪狗，佢會捉佢哋去睇醫生、沖涼，走咗又返去睇小狗！」遊戲期間馬浚偉又叫美慧小心身體：「你粗身大細呀！」
李美慧將將於6月3日跟比她年長25年的富商曾文豪結婚，談及造人大計，當記者追問她何時開始造人，她直言：「決定結婚就開始。（有好消息未？）er…唔講得住！」
默認有喜，她指工作上尚未與未婚夫達成共識：「不過就嚟有共識。（咁生咗成年唔做嘢？）未必，我睇自己身體狀況。」
而香港設婚宴後，美慧夫婦7月會到法國尼斯再宴客，她直言刻下心情不緊張。
(on.cc東網)
洪欣大仔張鎬濂(Ashley)眨吓眼已經17歲，兼中學畢業喇！洪欣同老公張丹峰今日喺微博貼出一家三口合照，着住畢業學袍嘅Ashley真係快高長大，已經高過父母，媽咪洪欣留言：「接下來還有更重要的，張鎬濂，我們一起努力。」
而張丹峰亦貼相留言：「未曾錯過哥哥每一個重要的時刻，中學畢業啦！從幼兒園，小學到中學怎樣覺得一眨眼就過了，時間去哪?還好我們都沒老。」
洪欣今日電話回覆《蘋果》，講到囝囝中學畢業，笑言唔敢相信，日子過得咁快：「好似冇幾耐咁，佢入中一時，我仲係好擔心，因為嗰時細個，學校離屋企都幾遠。咁快就畢業，當然好開心，但做媽媽嘅，個仔幾多歲，一路都會有唔同階段嘅牽掛，其實讀書係最簡單嘅階段，出到社會就係從新開始，嗰時嘅擔心會多過讀書時，因為出到社會面對嘅問題更加多，不過囝囝好乖，好聽話，希望佢將來嘅人生，可以順順利利。」
至於Ashley將來升學嘅選擇，洪欣話無論囝囝選咩，作為媽媽都會支持，等7月考試放榜，再作打算：「最重要佢開心，由細到大，唯一希望佢成長過程，將來到老都可以快樂，唔使為其他事擔憂。男仔對事業比較看重，我成日同個仔講，任何事都唔使太緊張，只要盡咗力，就算達唔到理想都唔緊要，最重要問心無愧，快樂同健康。」洪欣仲笑話由細到大幫囝囝儲埋嘅利是錢，會等到佢8月16日18歲生日時，一次到畀番晒佢，唔知呢份算唔算係畢業禮物喎。
(蘋果日報)
已有一名3歲半兒子的她，笑指小朋友第六感很準確，她謂：「之前未驗到有BB，有一日個仔同我講，我個肚入面有BB，咁當時又真係經期遲咗冇嚟，我再問佢男定女。佢話係。。。」
正懷孕第二胎的藝人岑潔儀現身公開活動，透露現時腹中BB有3個半月大，害喜情況已有好轉，基於患有鐵缺性貧血，故現時要多進食紅肉。
已有一名3歲半兒子的她，笑指小朋友第六感很準確，她謂：「之前未驗到有BB，有一日個仔同我講，我個肚入面有BB，咁當時又真係經期遲咗冇嚟，我再問佢男定女。佢話係細佬嚟嘅，不過我就想有個女，可以扮靚，但老公係傳統男人，生10個仔都話好。」
岑潔儀更指現時尚未知今胎BB姓別，但屆時會在港開刀生產，老公亦已為BB想好英文名，岑潔儀笑言無論結果是男仔或是女仔也決定封肚。
(on.cc東網)
自爆早前去買嘢時被誤認係袁偉豪，否認後對方又指佢係蕭正楠，事後佢話：「相信因為當時劇中嘅袁偉豪都係留咗鬚，我即時冇買嘢。」
洪永城同譚凱琪今日喺佐敦出席店舖活動，二人即場下廚整甜品，之後互相餵對方試食。洪永城自爆早前去買嘢時被誤認係袁偉豪，否認後對方又指佢係蕭正楠，事後佢話：「相信因為當時劇中嘅袁偉豪都係留咗鬚，我即時冇買嘢。」問佢係咪唔高興，佢笑話：「唔係，相信佢講我係蕭正楠都係講笑，公眾場合我又點會發脾氣呢。」
譚凱琪由細開始已經學煮嘢食，一路長大一路自學，o依家最鍾意煲湯，男友都會係受惠對像：「我煲湯都會邀請佢飲，一個人飲唔晒。」講到一半，佢突然醒起身邊嘅洪永城目前仍然單身，即刻笑言對方孤家寡人，煲湯會預埋佢一份，洪永城即扮可憐話：「係呀，我夜晚都會覺得凍同寂寞。」洪永城話之前拍節目遇到一啲女藝人煮嘢食好叻，覺得如果另一半識煮嘢食嘅人會彌補自己不足。
(蘋果日報)
藝人蘇志威、劉小慧、林盛斌（Bob）、范振鋒（阿范）、李思欣、姚嘉妮、林祖輝及方伊琪到大角咀出席MediPoint醫學健康中心開幕活動，分享對身體檢查及保持健康的睇法。
搞笑的Bob及阿范在台上針鋒相對，Bob先自嘲有暗病，經常跟阿范一齊「瀨嘢」，因此要多做body check，他又問思欣覺得阿范身體哪裏最唔妥，但又不給予思欣回答的機會，Bob繼續說：「阿范啲陽萎醫好未？」思欣配合說：「醫好咗！」嚇得阿范說：「係誤傳！」阿范隨即指Bob有口臭，應該要睇牙科。
此外，活動期間黃夏蕙突然殺上台，向中心顧問送上金財神擺設。
(on.cc東網)
臭豆腐聞起來很臭，吃起來卻有一股獨特的「香」味，令人食慾大開；老外對它敬而遠之，卻是我們的美食。
然而，臭豆腐特殊的臭味和發酵製作的過程，讓人擔心它對健康不利。臭豆腐到底對人體有沒有好處？怎樣吃才健康？
臭豆腐的起源
據說在清朝康熙八年，有個舉子叫王致和，從安徽不遠萬里上京趕考，卻不幸落榜。王致和盤纏不足，回不了鄉，思量之後乾脆重操家傳舊業，在京城賣豆腐維生。
有一天，王致和豆腐做多了，不巧來買的人很少，剩下許多。天氣炎熱，眼看豆腐要變餿，王致和不想浪費糧食，於是決定將剩的豆腐做成腐乳。他將豆腐切塊，配以鹽和香料，封入罈子裡。
過了許多日，王致和打開罈子，卻見豆腐臭氣熏天、顏色奇異，跟腐乳相差甚遠。試嚐一口，竟然十分美味；拿到店鋪試賣，沒想到很快吸引了許多買者，結果這「臭豆腐」就此流傳開來。
清末時，慈禧太后偶然吃到臭豆腐，也對它十分喜愛，還賜名「御青方」。
跟醬油、豆豉、納豆等許多豆製品一樣，臭豆腐屬於豆類發酵製品。做法是：將素食材搭配香料，天然發酵數月，製成臭滷水；然後把豆腐浸泡在滷水中，讓其中的細菌、真菌分解豆腐中的蛋白質，進而使豆腐的組織變得鬆弛，並散發出臭味。在不同地區，臭豆腐的具體做法和成品也有著不小的差異。
天然發酵而成的臭豆腐，對人體有如下益處：
● 在發酵過程中，豆腐會產生多種具有特殊香味的、對人體有益的有機酸、醇、脂、氨基酸等物質，這些物質易於消化吸收，還可增進食慾。
● 臭豆腐含有植物性乳酸菌，也是一種發酵產物，能夠調節腸胃功能，提升免疫力。
● 發酵後的臭豆腐還會產生豐富的維生素B12。維生素B12可以促進新陳代謝、維護血液和神經系統的健康，減緩大腦老化。
雖然發酵過程使臭豆腐產生了許多營養成分，但同時也產生了硫化氫、胺類等蛋白質分解後的腐敗物，可能對人體有害。
輔仁大學食品科學系兼任講師文長安曾撰文表示，越臭的臭豆腐，害處越大。因為味道臭的豆腐中含有更多的離胺酸（lysine），離胺酸雖然是必須胺基酸，但當它與還原醣共同加熱，會產生毒性物質AGE，具有致癌性。而臭豆腐越臭，也意味著其中氨、揮發性胺類、屍鹼等物質更多，對於身體都不是很好。
另外需要注意的是，臭豆腐在製作過程中，對環境的溫度和濕度要求很高，掌握不好就容易發生微生物污染。食用時就可能引起腸胃道疾病。
想要品嚐美味又兼顧健康的臭豆腐，不妨留意以下四點：
1. 不要買臭味太重的臭豆腐；
2. 選正規廠家製作的臭豆腐，潔淨度比較有保障；
3. 注意油炸油的品質，避免多次油炸後油脂劣變；
4. 少吃油炸臭豆腐和醬料太多的臭豆腐，因為油炸、特別是反覆油炸會破壞食物養分，增加熱量，甚至產生致癌物；而太鹹的臭豆腐含鈉量高，對於高血壓、腎臟病病人尤其不利。
臭豆腐是民間特色的小吃美食，流傳世界各地。在不同地區的料理方式，均有相當大的差異，蒸、煮、烤、炸、紅燒都有，鹹、辣也各擅其長；普遍烹調方法：油炸臭豆腐、清蒸臭豆腐和臭豆腐麻辣鍋等。無論哪一種都各有特色，希望這項傳統美食在兼顧健康的潮流下，能繼續發揚光大。
（大紀元）
她透露得知懷孕後，老公即變成「緊張大師」，樣樣事禁止她做：「我同佢性格好唔同，可謂一凹一凸，好多想法都唔同，我哋去迪士尼玩，有小小刺激嘅遊戲佢就話孕婦唔玩得，但對我嚟講。。。」
名模Rosemary一直渴望有小朋友，她與印度籍老公Jason努力年多後終於造人成功，但她懷孕後，兩夫妻的感情卻有所變化。Rosemary現時懷有五個多月身孕，她透露得知懷孕後，老公即變成「緊張大師」，樣樣事禁止她做。她說：「我同Jason性格好唔同，可謂一凹一凸，好多想法都唔同，好似我有咗後，好想向大家宣布與分享呢個喜悅，但佢就想低調，覺得家人知就得。所以到我懷孕五個月，個身體唔可以再隱暪時先畀講。佢又超級緊張，我哋去迪士尼玩，有小小刺激嘅遊戲佢就話孕婦唔玩得，但對我嚟講呢啲遊戲好小事，佢就太誇張！」
佗B後躁底發老脾
諸多小事累積會令夫妻變質，Rosemary直認懷孕初期很辛苦：「可能因為我嘅身體荷爾蒙變化，整個人變得好敏感，小小事都好火、狂躁！我成日會向老公發脾氣，醫生話個情況都好常見，最好嘅方法係盡量唔好令到我唔開心，所以我同老公喺嗰段時間有啲問題。（因為咩事？）好似我平時要早瞓，但佢好夜返屋企，返到嚟仲會喺房睇電視、玩電腦，我就會唔開心，覺得佢吵住我瞓覺，跟住我就會好嬲，覺得佢好自私。（點解決？）依家佢轉變咗好多，佢去另一間房睇電視唔騷擾我。」
同老公關係有改善
為令Rosemary心情平靜，Jason亦出盡法寶，Rosemary說：「依家關係好好，佢每日都會打好多啲電話畀我，又不時問身邊啲媽咪朋友意見，解釋畀佢知我點解會咁樣。而每次見醫生佢都會陪我，佢就話要了解BB每一個過程，所以到時一定會陪我入產房。」
至於懷孕時還做吊倒等高難度瑜伽動作，她表示醫生已不建議做：「因為有啲動作對身體唔好，如果做太多upside down，BB愈來愈大，個盆骨位驚定形，變得好大，以後好難收番。所以我依家一星期教一堂瑜伽，但就唔會親身做，只係指導吓學生嘅動作。」
(on.cc東網)
鐘欣潼（阿嬌）與靚仔醫生賴弘國洛杉磯婚禮就在市中心的Biltmore酒店舉行，原來阿嬌成為「人妻」前一晚就喺對面嘅美國銀行大樓（US Bank Tower）內高檔中餐廳擺兩圍，來一個預演晚餐(rehearsal dinner)。
美式婚禮傳統上，新人在結婚前一日會舉行婚禮預演晚餐，宴請雙方家長、伴郎伴娘以及重要親戚。而喺洛杉磯舉行婚禮嘅阿嬌，亦有「入鄉隨俗」，於24號晚上擺兩圍宴請長輩。
可能因為婚禮要食西餐，怕媽咪及未來老爺奶奶唔慣，細心的阿嬌專程訂了市中心新開嘅高檔中餐廳利軒（Li Orient）冧長輩。
利軒位於美國銀行大樓4樓，正正就是酒店對面，方便出入，又有隱閉私人派對房，唔怕被打擾；加上餐廳提供精緻廣東菜及fushion中菜，啱晒長輩口味，阿嬌未過門就咁抵得諗，唔怪知賴爸爸喺婚禮上話希望阿嬌做佢個女啦！
(蘋果日報)
