【再爆原來Andi喺加拿大有屋企⋯】Andi母親曾向吳綺莉攞錢

2018-04-28

對於卓林與外籍女友Andi在Youtube放片，自爆患創傷後壓力症，交代自己無家可歸一個月。今日《蘋果》致電吳綺莉好友郭秀雲，佢認同卓林受人擺佈，佢話：「Etta(卓林)依家受人擺佈，佢講嘅嘢都唔係講得啱。老實講，佢話佢parents係homophobic，第一，parents係兩個家長，咁佢係吳綺莉個女，另外嗰個根本都冇企出嚟去同佢有任何關係，所以佢要企出嚟認一個家長，嗰個應該係吳綺莉。

o依家係佢自己攞返晒自己啲嘢，返屋企剿，翻轉間屋，攞晒啲嘢之後，就唔聲唔聲消失咗，咁佢媽媽根本冇辦法控制到佢，因為佢已經18歲。而佢話佢父母係homophobic，亦都係非常之錯，因為我同Elaine(吳綺莉)都有朋友係男同性戀或女同性戀者，我哋對於呢方面嘅人絕對冇任何歧視或唔好諗法，因為老實講，我自己就係有好幾個同性戀朋友好死黨，同埋好欣賞佢哋，所以佢講嘅說話聽頭個兩句，已經唔使再聽落去，根本係受人擺佈，有咩目的？自己去諗。」

郭秀雲更爆料指Andi母親曾向吳綺莉攞錢，佢話：「仲有一樣嘢，佢指homophobic parents，話嗰補習老師嘅父母，我就知道嗰個補習老師係有個媽媽，嗰個媽媽曾經叫吳綺莉send個囡去加拿大，去佢到住，只係求其收返佢幾萬蚊一個月，脆脆地唔係好多，老實講，都唔係細銀碼。若然你問我，咁如果嗰女仔補習老師個阿媽喺加拿大，又有屋企，又可以照顧到，咁佢哋要搞到話要淪落係街頭呢，再加上望落佢兩個都似乎肥肥白白，似乎佢拍嘢嗰度，背景係屋企嚟，究竟搞邊科？」

(蘋果日報)

【廖碧兒曾稱男友單身】但被指其實已同正印拍拖七年未分手

2018-04-28

選美出身嘅39歲廖碧兒（Bernice），入行18年戀事多姿多采，先後同劉愷威、陳豪拍過拖，跟住又同李澤楷表弟林忠豪傳緋聞，不過都係無疾而終，直到今年3月有《蘋果》讀者遇見Bernice與型男蜜遊芬蘭，事後呢位型男被起底，原來男友叫盧啟賢（Calvin），係一位失婚富二代，同前妻育有一女，當時有報道指Calvin認識廖碧兒嘅時候，身邊已經有一個泰籍女友Nina，不過Bernice出席活動承認新戀情之餘，亦否認自己係第三者，仲話男友係單身。

有消息指Calvin做投資生意屬隱形億萬富豪，其家族生意龐大，喺中港、新加坡、印尼、英國及加拿大均有物業，連楊紫瓊都係佢客戶，早前更被指在法國豪擲兩億歐元（約19.3億港元）狂掃香檳，日前又有讀者指Calvin喺蘭桂坊開party，除咗以逾50支價值約6千蚊嘅香檳出嚟宴客，玩得好high嘅Calvin仲同唔少靚女埋身影合照。

噚日《蘋果》又收到讀者黃小姐報料指，Calvin與Nina拍咗拖7年，雙方從未分手，身邊朋友亦形容廖碧兒係第三者，黃小姐表示：「Nina一直都係正印，佢同Calvin感情好好，Calvin亦啱啱先陪Nina去完泰國，佢哋兩家人都好close，所以唔明點解廖碧兒會講自己係Calvin女朋友。」

黃小姐又稱Nina有向Calvin了解：「唔知Calvin講咗乜啦，Nina都信佢。」黃小姐又話：「Nina係泰國華僑，佢屋企好低調，但為咗呢單新聞，屋企人都覺得好煩，Calvin都唔想好似俾人起晒家底咁。」

雙方家庭對近日嘅感情新聞感到煩惱，怕令Calvin形象轉差，黃小姐又指日前蘭桂坊party的相片，都係Calvin嘅同事。黃小姐亦透露身邊有朋友見過廖碧兒，不過Calvin同佢只可以話係close嘅朋友：「唔會無端端問人知唔知Calvin有女朋友，但咁多新聞出咗，佢點會唔知？總之一班朋友都係想幫Calvin同Nina，唔想佢哋生活受影響，又成日俾人跟。」

(蘋果日報)

【仲有詩詠親手餵飲奶！】B囡真係愈大愈可愛～

2018-04-28

藝人唐詩詠近日被網民指舊愛洪永城做宣傳，之後更引發網上罵戰。不過唐詩詠似乎冇受事件影響，呢日佢就去咗探好友，仲落手落腳幫手湊對方嘅囡囡。詩詠喺社交網上載咗一張手抱B囡嘅相，相中見佢揸住奶樽，小心翼翼咁餵佢飲奶。。。

呢日佢就去咗探好友楊洛婷（Rabeea），仲落手落腳幫手湊對方嘅囡囡Tanya。

唐詩詠喺社交網上載咗一張手抱Tanya嘅相，相中見佢揸住奶樽，小心翼翼咁餵Tanya飲奶，面上仲流露出慈母式微笑添。

唐詩詠亦有留言：「第一次餵飲奶，成功」，並大讚Tanya好乖。

(on.cc東網)

【你快樂所以我快樂】容祖兒激罕PO文講同劉浩龍依家⋯

2018-04-28

劉浩龍尋晚就啱啱開完演唱會，作為前度嘅容祖兒不避嫌撐場，睇足全場之餘亦非常投入，從祖兒嘅態度嚟睇，唔少人都會懷疑佢哋藕斷絲蓮！祖兒凌晨喺社交網就發咗張劉浩龍赤裸上身嘅黑白照，除咗睇到劉浩龍好大隻一身肌肉之外，唔通祖兒係想借呢張相宣布佢哋未分手？

睇埋祖兒嘅發文，原來佢係解構番佢哋嘅感情路同埋依家嘅關係，祖兒話係緣分令到佢哋聚埋一齊，兩個人互相影響、支持同學習，雖然劉浩龍個樣有啲招積，但係個人好真心同忠誠，不過人大咗明白感情有不同嘅層次，最緊要係感情不變，仲話「你快樂所以我快樂」。

文中仲有幫劉浩龍喺演出時失準講番句好說話，表示人總不能完美，知道佢已經盡咗力，偶有失手希望大家高抬貴手，仲讚劉浩龍係值得更多掌聲嘅。

(on.cc東網)

【承認患有創傷後壓力症候群】卓林走投無路首次公開話爸爸係成龍

2018-04-28

吳綺莉女兒卓林與女友Andi加國尋爸，尋爸短片顯示為本月24日，該片更火速在網上瘋傳。原來Andi同日在網上平台上載一段1分49秒「求助」片段，片中見卓林和Andi面容憔悴，卓林在片中表示，自己是Jackie Chan（成龍）個女，又叫大家轉發片段，在走投無路下，這是卓林公開認老竇。

卓林又在片中表示拍片是想關心她的人知道發生甚麼事，她又說，「我們的愛比你們想像更強壯，但我們也感到疲累。沒有人能幫到我們，包括我所認識的人、家人、朋友及政府機構」。

卓林在網上平台又留言自爆患有創傷後壓力症候群（PTSD）。

卓林指自己曾報警，去過一個慈善機構，也去過醫院和食物銀行，她更爆粗說：「我直頭唔明發生緊咩事。因為我哋已經搵過警察，去過醫院、食物銀行、LGBTQ庇護中心、全部都唔理我哋。」

卓林更指有人將她與女友夾硬分開。講到佢跟Andi要分開，卓林又爆粗：「兩個相愛嘅人，依家被人拆散，佢哋想搞X我哋。只不過因為，我唔明，我愛她，我愛你。」

卓林深情望Andi表示愛她，Andi即向卓林獻吻。

吳綺莉表現激動，力斥Andi不是：「佢30幾歲，做過老師兼有社會經驗，去引導一個18歲、完全冇經驗嘅年輕人拍片，相信一個錯誤嘅價值觀。我覺得冇錢生活應該去搵工作，而唔係拍片話畀人知自己冇錢、自己爸爸係邊個！全球人類都係為工作而努力，唔係借人哋嘅名聲去搵錢，呢個唔係正確嘅價值觀，都唔合邏輯！」

談到卓林的情緒病，吳綺莉繼說：「佢情緒上係有問題，舊年就應該睇醫生，尋求專業人士醫治，不過佢走咗冇睇醫生。講真唔通窮就要去打劫銀行？呢個唔係正確道理。做人就要自己努力，唔應該怪責父母，嗰個30幾歲嘅，推佢去拍片，畀人睇到佢真面目囉！香港幾多人攞最低工資都返工，冇工作就出嚟拍片鬧父母，咁一日咪好多呢啲片？佢（卓林）入世未深，世上冇十全十美嘅父母，自強最緊要。（呢幾日有冇同卓林聯絡？）呢啲我唔想講喇。」

(on.cc東網)

【食啱食物會變白】面膜如果係呢個質地效果更好！

2018-04-27

很多人都有一白遮三醜的觀念，但若不是天生白，靠後天也可以讓膚色亮起來！iStyle專訪台安醫院皮膚科醫師曾德朋，分享皮膚嫩白的5個關鍵。

1 基礎保養永遠最重要
清潔、保濕、防曬，這三件事幾乎是每個皮膚科醫師掛在嘴邊重複提醒的事，雖然是老生常談，卻是好膚質養成最重要的三個關鍵。卸妝沒有清乾淨一定冒痘，保濕不足細紋就提早報到，而防曬更是美白保養最重要的步驟，不先做好防禦工作，皮膚怎麼白得起來？而且要亮白，最重要的就是肌膚體質要健康，做好這三件事，當皮膚自身代謝好了，自然就透亮了。

比起年紀增長，紫外線過度曝曬更會加速老化。

2 吃對東西當然會變白
曾德朋醫師也提到，雖然很多人會說吃進肚子裡的食物，經過消化之後，能真正對皮膚有幫助的比例並不多，但有吃就有幫助，總比不吃好。建議女生多吃藻類、莓果類水果、蘋果及薏仁等，並少吃油炸及燒烤食物。

生活習慣也很重要，長期熬夜不只傷身也一定傷膚。

3 敏感肌也救得回來
台灣女生皮膚敏感的比例逐年增高，一大因素就是外在環境。但pm2.5其實不是壞東西，環境賀爾蒙才是皮膚越來越容易敏感的元兇；敏感是後天造成的，跟過敏不一樣，當肌膚受到外界刺激，長期處於油水屏障不平衡的狀態，只要承受超過臨界點時，就會泛紅脫屑變成敏感；幸好，敏感是可逆的，只要做對保養，就會恢復原本的健康。

4 粉底越細，可能越傷皮膚
現在都喜歡質地細緻的粉底，上妝後才看不見粉感。但醫師提醒，其實這樣貼膚的粉底，需要更強的界面活性劑才能卸得乾淨；相對的，卸妝產品的清潔力越強就越傷皮膚，養好肌膚是最重要的，粉底就能越用越少。

身體皮膚會互相影響，外用內服都要顧到。

5 挑對面膜材質
皮膚代謝週期約28-35天，適度清掃角質也有助一掃暗沈。女生都愛敷片狀面膜，但比起一般材質的面膜，生物纖維面膜敷的效果更好；因為一般面膜只是載具，亮白效果靠添加的保養成分，但生物纖維面膜本身就有膠原蛋白，再加乘保養成分之後，效果更提升。

(自由時報)

【激動表示千祈唔好！】楊張新悅宣佈BB性別

2018-04-27

Nicola指自己能夠有4個小朋友，係天賜嘅禮物，希望每個小朋友都可以健康成長。本來冇諗過懷孕，問到有冇打算再生？佢即激動表示。。。

名媛楊張新悅（Nicola）今日出席活動，育有三女嘅Nicola透露現時懷孕7個月，預產期係7月，並指今次佗B時3個囡囡都算大，所以都唔會話好辛苦，公開喜訊宣布今胎佗B女：「今次佗B期間冇乜體毛，加上相士話過我老公前世有好多女朋友今世要還，所以我一早估到BB性別。直至上個月驗血，終於知道結果，屋企會有四個女四條Queen！」

問到佢今胎都係女有冇失望？Nicola指冇，因為本來冇諗過懷孕，更冇諗過要追仔：「冇話生仔有丁權，所以冇壓力。雖然生仔係驚喜啲，但生女都係好事，唔使從頭學習點樣湊男仔，加上佢太多家姐，係仔嘅話可能唔夠man。」

問到有冇打算再生？佢即激動表示：「千祈唔好！唔好祝我連生貴子，再生嘅我帶住5個小朋友就搭唔到的士！」Nicola亦指自己能夠有4個小朋友，已經係天賜嘅禮物，希望每個小朋友都可以健康成長。

(on.cc東網)

【最後婚訊變分訊】當年被扑頭打劫差啲死：令到我嘅記性同組織能力變差

2018-04-27

試過喺頒獎禮拎唔到獎，於是乎喺好失望嘅情況下，忍住眼淚離場，點知俾公司鬧佢唔尊重場合，結果喺種種壓力下，令佢感覺違背咗自己嘅真實個性，最後決定勇敢踏出一步，主動向公司提出解約：「呢個係我第一個為自己決定嘅主意，當刻好堅持，勇敢保護自己感受。」

喺80年代出道，憑《從不喜歡孤單一個》而走紅嘅彭家麗，早前接受梁梓禧喺有線嘅節目訪問，分享入行多年嘅心路歷程，彭家麗話當年出唱片做歌手係佢人生第一份工作，但係因為本身性格唔識溝通，令到佢受盡功壓力，佢話：「我唔識同人傾偈、溝通，好大壓力。喺台上開心，但一返到後台就流眼淚，享受唔到個過程。」

嗰陣佢覺得自己雖然付出一百分努力，但係冇乜回報，彭家麗話佢試過喺頒獎禮拎唔到獎，於是乎喺好失望嘅情況下，忍住眼淚離場，點知俾公司鬧佢唔尊重場合，而且仲因為有唔少歌手都用各種招數搶風頭，結果喺種種壓力下，令佢感覺違背咗自己嘅真實個性，最後決定勇敢踏出一步，主動向公司提出解約：「呢個係我第一個為自己決定嘅主意，當刻好堅持，勇敢保護自己感受。」

嗰陣佢由歌手變咗做歌唱老師，不過喺04年被扑頭打劫，幾乎令佢冇咗條命，佢話：「因為頭骨破裂，我嘅小腦有個兩吋長嘅傷口，呢個意外令到我嘅記性同組織能力變差，不過我覺得可以執番條命，令到我識得知足常樂，樂觀接受事實。」

至於感情方面，彭家麗當年本來已經計劃結婚，不過最後「婚」訊變「分」訊，彭家麗話：「分開係因為唔適合，對方係Mr Right嘅話，停一停、諗一諗都可以。有問題唔係問題，唔處理先係問題，不過我對感情仲有希望，希望遇到一個令自己開心嘅人。」

(蘋果日報)