藝人陳凱琳（Grace）以一身甜美造型到銅鑼灣出席品牌活動，除了向粉絲派糖外，更分享與男友鄭嘉穎的甜蜜回憶，笑言：「舊年有機會一齊去泰國，當然要把握機會接觸泰拳，當我打緊時聽到嘉穎幫我打氣，佢咁鼓勵我覺得好開心好sweet。」Grace表示珍惜今次打泰拳的機會，因她與嘉穎喜歡的運動大不同，男友喜歡打網球，而自己最迷上室內單車，一星期會運動兩、三次。
Grace正忙拍新劇《包青天再起風雲》，嘉穎則身在泰國拍戲各有各忙，已有三星期沒見面，平日會靠視像電話聯繫，但嘉穎習慣專心演出少講電話，通常收到開工短訊後便會失聯12小時。Grace早前在橫店拍劇中暑，講到泰國天氣熱會否擔心男友？她說：「都怕，會提佢注意，佢話會定時沖凍水涼。」稍後將到新疆拍外景的Grace透露會在當地逗留四天，有向身邊朋友打探當地景點希望藉機會旅遊觀光。
（on.cc東網）
藝人苟芸慧在中環出席護膚品代言人簽約儀式，她穿上一襲紅色長裙，加上手上戴着三卡的求婚鑽戒，加倍明艷照人。
苟芸慧將與陸漢洋（William）結婚，但婚期一直保持神祕，她笑說：「我都唔知幾時，因為全部都係William安排，佢直接同我經理人度期，依家工作去到10月尾。（11月結婚？）我都唔知，佢唔想我擔心，呢一樣都係佢sweet嘅地方，佢鍾意畀surprise我。（幾時影婚紗相？）稍後會去紐約為雜誌影婚紗相，但係自己嘅婚紗相就未知。（樣樣都唔知會唔會好緊張？）可能我份人都係乜都唔知，呢個都係好事嚟，令到件事好有神秘感，我鍾意神秘感，感覺得好浪漫。（會唔會覺得唔實在？）唔會，好似求婚都係唔知，但係一樣都覺得好浪漫，自己好鍾意。」
心情大靚
苟芸慧早前被拍得與陸漢洋到上水古洞雙魚河鄉村會所，疑似視察婚禮場地，苟芸慧笑言：「佢嗰日係話約咗朋友去飲茶。（鍾唔鍾意場地？）環境幾好，自己都鍾意有陽光大自然嘅地方。（香港擺酒？）自己希望多倫多會擺一次，因為我屋企人喺嗰邊，長輩年紀大唔想佢哋飛來飛去，如果佢香港屋企人多，香港都可以，大家一齊開心吓。」
做定皮膚護理
苟芸慧指會多做皮膚護理，保持最好狀態為結婚做準備。苟芸慧的姊妹團包括鍾嘉欣、李亞男、岑麗香、王君馨等，她笑言姊妹也趕生BB，她們到時佗B出席，會令她顯得更加瘦。
不過無論苟芸慧肥還是瘦，陸漢洋都一樣超愛她！
(on.cc)
去年4月確診患大腸癌第三期，之後公開戀情，仲多謝女朋友同佢一齊抗癌，不離不棄，令到唔少網民都覺得超感動！兩人拍拖接近一年，今日傳來好消息，就係宣佈佢哋今年十月底將會舉行婚禮，修成正果恭喜哂！！！
由現年37歲嘅韓國搞笑藝人劉相務，前年爆出性侵醜聞，好在事後就獲判無嫌疑，點知佢又禍不單行，去年4月確診患大腸癌第三期，接受手術後一直要持續接受抗癌治療，並停工醫病。
去年劉相務喺Instagram公開作曲家女友金延智嘅照片，公開戀情，並感謝女友同佢一齊抗癌。兩人拍拖近一年，今日韓國方面就傳來好消息，二人將於10月底舉行婚禮。
(蘋果日報)
33歲的她去年底宣布懷孕喜訊後，今日透過社交網公布誕下一名男嬰，首次榮升媽咪，可喜可賀！
結婚時獲舊隊友到賀。
今日在社交網透露母子平安。她形容見到BB那一刻，非常感動！她表示作為一個母親，會與兒子一起成長，又會向已為人母的舊隊友攞湊仔經驗。日本女團Morning娘前成員石川梨華曾在電視節目表示恨生B，如今終圓做媽咪的夢想！
石川去年3月與拍拖兩年多的棒球手野上亮磨結婚，同年11月宣布懷孕。
石川梨華
石川梨華及其其朋友
(on.cc)
萬眾期待嘅電影《復仇者聯盟3：無限之戰》喺噚日正式上晝，一班Marvel迷梗係排隊入場睇戲喇，噚晚有唔同嘅特別場，邀請咗圈中人出席，大家入場前後都喺fb瘋狂洗版，分享吓心情有幾咁興奮，估唔到因為一包薯片，竟然喺掀起咗一輪風波！
事緣有一個幕後嘅宣傳人員，完場之後喺fb留言，除咗讚套戲幾咁好睇之外，仲留言：「唯一不愉快係在場遇到一個自以爲天王巨星嘅TVB男artist，從好多TVB前輩口中都聽過呢位上位中嘅小生態度非常差，今日親歷其境，未開場我朋友同我傾偈，佢以為我朋友望佢，佢已經用非常唔友善嘅眼神『睥住』我朋友，到電影開始，我係食電影院購買嘅薯片，佢竟然用極差嘅語氣同我講，你細聲啲！』我好肯定我係冇製造任何不必要嘅聲量，丫巨星不如你表演如何食薯片完全冇聲？你咁驚聽到任何電影以外聲音，你點解唔自己包個戲院睇啦嘛，咁咪冇聲咯。我又冇講野又冇睇電話聽信息。會有咩聲？而且坐得係呢個area嘅都係被主辦邀請嚟嘅人，簡稱行內人，你要覺得自己有幾紅先會用咁冇禮貌嘅語氣同人講嘢？真係火都嚟。」唔少人都有留言問呢個係邊一個，但係佢都冇開名，最後呢個TVB嘅男artist喺自己嘅fb開post講呢件事，原來嗰個就係袁偉豪！
跟住袁偉豪喺自己嘅fb轉發呢個行內人嘅post兼留言，佢話：「請大家不用猜，這幾位行內人所說的人就是我，本來可以靜心去欣賞一場好戲，但後來變成如此收場要讓幾位同行留下不好印象，要讓大家有個不愉快的晚上，首先我表示歉意！」袁偉豪話自己有一點要澄清：「我並沒有用不友善的眼神望著你們，我只有對著當時正在進食nachos時把包裝發出聲響的那位朋友在他耳邊輕聲説聲：「唔好意思，可否細聲一點？」
這位朋友就回應我一下並且表現得很合作，直至電影最後出字幕的一刻，這位nachos先生旁邊的朋友就向我連聲說道：「咁x巴閉包場睇戲呀嗎！未聽過人講話睇戲不准進食！什麼大明星！咁X巴閉，點解要攞免費飛睇呀？」等等⋯⋯」
佢續話：「人之常情，我當刻真的有點火起，但我只有回頭跟這幾位行內人正面説：剛才真係唔好意思，我已經好有禮貌而且在你耳邊細聲說吧！（沒有讓大家失儀的意思）對方説：得！我一定（將事件）擺上網，總之坐咗係你隔離嘅就唔係二打六！我跟他點頭之後我便跟我幾位圈中朋友離場！我想再搞清楚一點，我冇唔准你進食！只係想你能為他人設想，進食時細聲一點！讓大家可以專心觀賞電影而已，而且我們都是主辦單位邀請來的賓客更是沒有分高低你我！」
最後袁偉豪就話：「我不是想和你們有什麼口舌之爭，只是想為我自己做過的事負上責任，無論你是「行內行外人又或者是什麼人也好」只是希望大家可以説一點道理和給大家一些基本專重，多謝！」
(蘋果日報)
美國一名懷孕人妻正準備誕下第二位胎兒，但世事無常，丈夫在此時突然離世。令她希望與丈夫和兒子一起拍攝全家福的夢，永遠不可能實現，幸有一班有心人幫助。
為了迎接新生命的誕生，這位準媽媽原先打算拍攝一輯全家福，可惜的是丈夫在拍攝前的2個月突然因意外離世，令原本美滿的家庭變得破碎。但準媽媽是一名堅強的女子，雖然丈夫已經不在，但她仍然希望和他一起拍攝全家福。
最後，拍攝團隊決定用修圖軟件，把丈夫的影像加入準媽媽和兒子的相片中，實現了準媽媽的願望，亦藉此表達她對亡夫的思念。
（bastillepost）
藝人馬國明與黃心穎以情侶檔姿態現身宣傳，其中一個big big channel新節目是7月推出的「唱K專區」，網友可即時與藝人對唱！當高層余詠珊介紹此節目時，即場點名叫馬國明練歌，場面搞笑！
事後馬國明否認歌藝渣：「我唱歌OK喎，但要揀啱歌囉！」
問到有否試跟女友黃心穎合唱？心穎即笑指二人有代溝，指對方不懂她年代的歌曲，但隨即補鑊，讚男友「聲底好」、「唱得唔錯」。
二人又指期待公開合唱，因可以登台搵真銀。問到會否介意每次同場都被將戀情擺上台？心穎說：「唔介意，慣咗啦！」
馬國明則說：「可能玩多一排大家就唔玩，轉玩第二Pair㗎喇！」
(on.cc東網)
黎明早前宣佈做老竇，前助手Wing為佢生咗囡囡，Wing升呢做「天王嫂」，由於黎明處理感情事一向好低調，想保護囡囡同Wing，唔想佢哋曝光，點知囡囡出世嘅消息「外洩」，令黎明出聲明稱唔會再現身浸會醫院，又指「原來有些人真是有種漢奸基因」。
今日有周刊指，B女出世後，黎明已第一時間「封鎖」消息，黎明亦停工陪月，甚少外出，暫時禁止友人探B女，又同醫護人員、屋企家傭及看更講明齊齊封口，點知都係百密一疏，睇怕嚟天王更加努力保護家人。
(蘋果日報)
39歲嘅廖碧兒(Bernice)曾經與劉愷威同陳豪拍拖，但都係無疾而終，早前終於覓到新愛，與富貴失婚男友盧啟賢(Calvin)相戀。有指Calvin係隱形億萬富豪，其家族生意龐大，喺中港、新加坡、印尼、英國及加拿大均有物業，做投資生意嘅佢連影星楊紫瓊都係佢客戶，早前更被爆到法國豪擲兩億歐元（約19.3億港元）狂掃香檳。
（資料圖片）
廖碧兒近夫生活富貴，搬入大埔倚龍山莊之餘，仲買紅酒莊。(ig圖片)
日前有讀者Alice指日前見到Calvin喺蘭桂坊嘅Play開派對。據聞Calvin最近登上美國某媒體喺2018年金融市場十大最有影響力人物，當晚唔少財經界人士及財經版傳媒都被邀請出席。讀者Alice話Calvin出手好闊綽，攞咗逾50支價值約6千蚊嘅香檳出嚟畀在場人士飲用，而Calvin當晚玩得好high，賓客大部份係女性，Alice話﹕「唔少人都想同佢合照，但佢有好多保鏢，四個圍住佢，兩個喺門口守住，有人行埋去，啲保鏢都會嘗試推開啲人。」
Calvin身邊有保鏢傍實，但靚女們就例外可以埋身影相。
但當然有例外，唔少靚女都可以埋身影合照，其中一位穿上露肩裝嘅輕熟女，與面紅紅醉意甚濃嘅Calvin頭貼頭影相，Calvin仲搭住對方肩膊，狀甚親暱。Alice話﹕「聽到有人問佢女朋友(廖碧兒)喺邊，但佢都只係笑。」
其實Calvin女性緣都好旺，與前妻育有一女，而認識廖碧兒嘅時候，被爆早已有位泰籍女友Nina，對方屋企喺泰國做電訊生意，但廖碧兒早前出活動就否認做第三者。
廖碧兒早前被踢蜜遊芬蘭。(資料圖片)
(Apple Daily)
「其實o依家嘅老闆，喺16年已經有叫我幫手，但嗰時覺得仲係好鍾意，而且加入TVB只係3年幾，都想再做下，學多啲嘢，所以就婉拒咗對方邀請，估唔到相隔兩年，對方仲記得我，所以轉工係被對方誠意打動。」
無綫前新聞女主播羅鈺文（Yuki）今年2月離開新聞界，已經喺傳媒界打滾咗9個年頭嘅佢，既然已跨過七年之癢，點解會轉型擔任財經公司管理層？問Yuki係咪婚後想生活變得更有規律，訪問當日由老公Leo全程陪伴嘅Yuki笑一笑說：「其實o依家嘅老闆，喺16年已經有叫我幫手，但嗰時覺得仲係好鍾意做傳媒，而且加入TVB只係3年幾，都想再做下，學多啲嘢，所以就婉拒咗對方邀請，估唔到相隔兩年，對方仲記得我，所以轉工係被對方誠意打動。」
目前生活比以前穩定，Yuki坦言都有不習慣地方：「o依家係返朝九晚六，同以前好唔同，不過由新聞轉去財經界，係有好多嘢學，見嘅人好多，都要學點同人打交道都係大挑戰。」
比Yuki先離職嘅師兄師姐一大籮，方健儀、周嘉儀、蔡雪瑩、黃紫盈、伍家謙等人紛紛轉型，更有指前主播成為藝人競爭對象「爭飯食」，問Yuki可有考慮做幕前工作？佢表示：「離職後係有唔同機構搵過我傾，問我有乜合作空間，但我諗會先兼顧目前工作，如果有機會都唔會排除有可能性，因為自己離開咗都有掛住幕前，有時會睇番自己最後一次新聞報道或天氣報道！」
話晒Yuki都做過宅男女神，前年封盤嫁人後，唔少網民對其丈夫身份一直感到好奇，究竟係何方神聖有幸被女神戀上？之前有傳Yuki老公係消防員，仲身材健碩，不過Yuki受訪當日，一直喺鏡頭後監場嘅老公，似乎不如網民形容嘅……健碩喎！
Yuki即時為大家揭開謎底：「其實係誤會，消防員係我好朋友，嗰時啱啱畢業準備入TVB，朋友啱啱passing out，我哋影咗張相，咁就傳咗佢係我男朋友喇。我哋大家都成日攞嚟講笑，其實我先生係空中服務員。」
(蘋果日報)
