之前一直傳戲假情真，甚至被拍到二人蜜遊韓國兼手拖手行街，一直冇承認，不過呢日就有傳二人已經正式升呢做戀人，戀愛ing喇！因為有人就捕獲到佢哋喺餐廳，兩個人食一啖就錫一啖，認真sweet到暈呀！之後男方仲幫佢整理頭髮真係超細心。。。
有「童顏巨乳」之稱的台灣女藝人郭書瑤（瑤瑤）自從和金陽分手後，當時傳出她和一齊拍攝台灣電視劇《稍息立正我愛你》的前SpeXial成員王以綸戲假情真，但瑤瑤一直沒有承認，甚至被拍到二人蜜遊韓國兼手拖手行街，當時瑤瑤以二人是「閨蜜」作回應。
不過呢日就有傳二人已經正式由「閨蜜」升呢做戀人，戀愛ing喇！據悉，瑤瑤與王以綸當日相約外出食飯，在的士上二人已吻過不停，認真sweet到暈呀！
到了餐廳，他們更是食一口、親一下，親得忘我，原來不介意地在公眾場所騷恩愛，之後以綸還幫瑤瑤整理頭髮，而瑤瑤看來也很享受，完全無視旁人眼光。
不知經過這次甜蜜用餐之後，他們會不會正式公開戀情呢？
(on.cc東網)
王浩信婚後專注事業，喺大台劇接劇，未知係唔係太忙忽略咗家庭，早前傳佢同陳自瑤婚姻亮紅燈，陳自瑤亦少咗喺網上同老公王浩信晒恩愛，日前陳自瑤同姚子羚喺橫店忙完拍新劇《包青天再起風雲》後，二人終於喺網上罕有「同框」。
講緊就係佢哋合體出席陳敏之老公William嘅生日飯聚，當晚佢哋同王浩信、蕭正楠、陳自瑤、黃長興及梁烈唯等去咗黃宗澤開嘅Oystermine開餐。
敏之剛才喺IG貼出合照，相中見陳敏之、黃長興及梁烈唯都係同另一半一齊企，唯獨王浩信同老婆陳自瑤企到好開，好似分「楚河漢界」咁，王浩信搭住蕭正楠膊頭，展露微笑。
(蘋果日報)
藝人陳敏之與好姊妹早前相約他飯敍，兩男一女一個「嬲」字，可是這一次的組合就好開心！！
陳志雲在社交網上載三人合照，相中陳志雲狀態甚佳，差不多60嵗的他駐顏有術，被指愈見年輕，有望成為「美魔男」。
三人飯敍後，敏之和好姐妹嚴淑明最後也去過陳志雲家，從合照中，看到志雲家的傢俱以白色為主，非常整齊，嚴淑明同敏之更大讚音響好正！
（on.cc）
37歲的她於2011年下嫁39歲男星，至2015年4月榮升父母，先誕下大女兒露熙，上周宣布再度懷孕。她目前懷孕4個月，預產期是今個秋天。
韓國元祖女團S.E.S的Eugene曾於上月底與老公奇太映出席張東健主演的韓片《七年之夜》首映禮，但日前好姊妹Bada與Shoo舉行「S.E.S Green Heart拍賣會」，Eugene則未見影。而Eugene於本月12日錄影的美妝節目於今早播出。
她在節目中分享再度懷孕的喜悅，腹部已微隆的她摸摸自己的肚子，流露一臉幸福的笑容，明顯「幸福肥」的她亦因懷孕而身形較之前圓潤不少。
（on.cc）
連日佢都只係晒BB手仔相，或者只係見到BB頭頂嘅相，早前佢專登去報新手父母課程，學點樣餵奶同換尿片，睇佢喺IG貼嘅相，照顧BB似模似樣。今日終於貼出囡囡嘅正面相，留言：「大家好我叫元元呀!同大家say個hello先!」
42歲李燦琛上月榮升爸爸，任職時裝設計師嘅太太梁志瑩(Pae)為佢生咗囡囡，李璨琛今日貼出囡囡嘅相，留言：「大家好我叫元元呀!同大家say個hello先!」
相中見元元着蠶蟲造型，睇落成個波，正在熟睡B嘅元元嘟起嘴仔，闔埋眼好似瞓得好冧，又好似陶醉咁，對比之前爸爸李璨琛po出嚟嘅童年相，元元條眉同嘴仔都好似爸爸，唔少網民都讚元元好得意，個嘴仔好搞笑。
(蘋果日報)
吳綺莉和女兒「小龍女」吳卓林去年爆衝突、一度鬧上警局，家務事成為外界焦點，母女關係修補後，吳卓林又為交友問題和吳綺莉鬧翻，離家和網紅女友同居，吳卓林宣佈出櫃後，常發文放閃，但自去年11月後，小龍女就沒更新IG，通訊軟體也沒上線，疑似人間蒸發，連吳綺莉也找不到她，吳綺莉報警後驚動香港警方找人。
吳綺莉（資料圖片）
昨日下午，傳媒找到吳綺莉，並問有關傳言是否屬實，她就話︰「你們不要胡亂設想，我相信她的朋友，她身邊的朋友都是好人！(現時已經找到卓林？)只是電話聯絡！(知道她的下落嗎？)她現時與我的朋友。」
吳綺莉和女兒吳卓林（資料圖片）
問到吳綺莉知不知道失蹤人口調查組曾聯絡她的朋友，吳綺莉話︰「我不清楚，家中的事就是這樣，早前已經交代一切，我真的覺得大家互有信任！」問到她已很久沒見過女兒，大家關係有否好轉？「我覺得需要互相遷就，最重要信任，每件事都要學習！」吳綺莉沒有以前那麼執着！
（Apple Daily / 中時電子報）
37歲的名模熊黛林（Lynn）被爆人工受孕佗B女，直至尋日被指已經在港島區一所新開的私家醫院秘密開刀誕下孖女，負責接生醫生則曾為Lynn的姑奶郭可盈及徐濠縈等接生，是圈中知名的星級醫生。
今日Lynn終於報喜，她發出一家四口的全家福給傳媒，見Lynn同老公郭可頌一人抱住一個B，而Lynn就依偎住老公，非常溫馨，照片所見，剛生產完的Lynn一啲水腫都冇，外表仍然省鏡，另外，Lynn又發出兩張B女的腳板相，及一張做出心形手勢圈住BB腳仔的照片，真係隔住個MON都感受到嗰份喜悅。
新手媽媽Lynn表示第一眼見到兩個囡囡時，又感動又開心，Lynn話：「BB女5磅左右，眼仔好大好靚女，老公開心到不得了。」出名錫老婆的郭可頌，喺Lynn入產房前非常緊張，見到老婆同囡囡平安時終於鬆一口氣。但由於初生BB太嬌小，令新手郭爸爸不敢亂抱兩位前世情人，最終要靠Lynn出手：「我叫老公坐定定擺住抱B姿勢，然後叫我媽咪抱囡囡放在老公懷抱，老公後來抱到不捨得放手。」
郭爸爸有Lynn這個大情人，又新添兩位小情人，自然幸福滿瀉，Lynn更說看到大隻老公抱住嬌小B女的畫面，反差很大非常搞笑。而剛剛生完BB的Lynn精神相當不錯，且安心咁話：「媽咪都有飛過來香港陪我待產，我已慢慢開始學習湊小朋友，並餵人奶；因為是對BB最好的嘛，最緊要她們健康。」至於BB現時仍未改名，Lynn和老公會細心為囡囡挑選最適合的名字。
(on.cc東網/蘋果日報)
前港姐張寶兒（Bowie）同袁偉豪打得火熱，仲不時放閃，但其實Bowie未同袁偉豪拍拖之前，曾經同一個叫Jonathan嘅男仔拍拖多年，但Bowie入行冇耐，佢哋就分咗手，而Bowie亦都未有講解兩人分手原因！
呢日，Bowie錄影好姊妹麥明詩主持嘅節目《#後生仔傾吓偈》，罕有地講番上一段感情嘅死因！呢集以「分手」為主題，雖然佢冇開名講個男仔係邊個，不過就話係入行之後就同呢個男朋友分手，啲時間咁脗合，似乎真係講緊Jonathan啵！Bowie笑笑口咁講番當日分手嘅經過，佢話因為入行後工作愈來愈忙，同對方感情生變，她說：「入咗行之後，我個mindset（心態）就係『有嘢忙有嘢忙』，佢就開始Feel到我offline咗。」
Bowie話對方知道大家距離愈來愈遠，但就冇輕易咁放棄呢段感情，反而好努力箍煲，她說：「佢開始送花畀我，咁多年都冇送過花畀我，但終於送花畀我喇，又送嘢畀我，又陪我去邊。」
聽到在場人士都嘩嘩聲，但就換來Bowie嘅一句：「我已經冇感覺喇！」唔少網友都話佢前度男友已經補救得太遲，仲話Bowie變起心上嚟認真夠狠，但亦有網友力撐佢其實只係理智啫！但講到尾，如果Bowie唔分手，又點會畀佢遇到袁偉豪呢？
網民有話兒：
Viexxxe Yxxn Wxxg Yxx：冇錯，冇感覺就做咩都冇用
Stexxxn Pxxg：唔緊要，好多人等住追你
xx水：係個男仔唔識貨！
Yxxn Kxxa：如果唔係你都遇唔到袁偉豪啦！
(on.cc東網)
拍拖以來一直保密，連父母家人都不知情，直至上星期五，兩人忽然一次過在fb宣佈拍拖兼訂婚的消息，令人嘩然。「我大佢咁多年，成功機會係好低，唯一可以做嘅，係FB messenger傾吓偈，有機會就約佢出嚟飲吓茶。佢鍾意食嘢。」
現年77歲嘅香港電影海報教父阮大勇，70年代開始為《天才與白痴》、《半斤壬八両》、《猛龍過江》、《死亡遊戲》等經典電影繪畫海報，生平事跡被拍成紀錄片《海報師：阮大勇的插畫藝術》，去年香港電影金像獎更頒贈專業精神獎，向阮老師致敬。
77歲的阮老師鮮有談及愛情生活。07年喪偶後，阮大勇原沒打算再有第二春，直至45歲酒店公關、亦即酒店市場傳訊總監Virginia許慧韶在他生命中出現之後，令老師生活從此不一樣。
女人觸覺好敏銳，未幾Virginia察覺到阮老師有追求之意，反應是即刻落閘：「因為佢年紀，我唔想嚇到人心臟病，因為我脾氣唔係咁好，所以我開始feel到佢有少少鍾意我嘅時候，我好抗拒，佢講乜我就話唔得、唔得閒，由好好朋友變咗乜都no，令佢好唔開心。」
「攤牌」後第二個，即去年7月5日，是Virginia的45歲生日，阮老師嘗試再約對方食飯見面，一約就約了兩個月，直至9月9日，Virginia終肯食飯見面。究竟這兩個月是如何打動Virginia？又係facebook，仲玩埋instagram。原來阮老師不停在Virginia社交網俾like俾反應，打動女方，首肯相約見面。阮老師說：「我係朝早講早晨，夜晚請安。我一路堅持，佢fb post啲嘢出嚟，我梗係like啦。」
Virginia就說：「最令我感動係，佢其實唔識instagram，但佢開咗個ig，like我啲相又留言。我覺得不如做番朋友啦，我唔想傷害個長輩。」當日飯局上，從來冇教過學生嘅阮老師，為咗接近Virginia而主動話要教Virginia畫畫，他說得坦白：「我從來唔教人，因為我真係唔識教人，我係為咗接近佢，但佢一直話no。」
阮老師讚Virginia有藝術天份，喺阮大勇遊說下，Virginia終於成為阮老師第一位徒弟，兩個人周末周日在維園公園畫畫。畫畫過程中，Virginia感到阮老師的真誠。今年1月，兩人跟一位女性朋友入赤柱玩，Virginia見到現今「海報師」畫廊前址，環境很漂亮，阮大勇就決定租落嚟開畫廊，同Virginia一齊落手落佈置。開畫室主要也是為了追求Virginia？阮老師笑笑口承認：「好大部份都係……」
雙方家人有冇反對？Virginia說不知道，因為父母早已離婚，且自己與雙親關係好疏離，在公佈婚訊後，媽咪只在fb給了一個like。當阮老師向Virginia父親「提親」的時候，女方父親只回覆謂很忙，不方便聊電話講，並謂稍後「約出嚟見面傾」，不過之後一直未再聯絡。Virginia承認：「有少少先斬後奏，因為如果我地向所有人請示，所有人都會反對，冇人會贊成。」至於阮老師女兒，與Virginia同齡，她又是否贊成？阮老師說：「佢初初同Virginia好傾得，不過後來佢知道我要結婚，佢都話：『哎呀，爸爸你真係咁樣……』佢都有啲顧慮，做女有咁嘅反應係好正常，佢話你咁大年紀，會唔會俾個女仔呃呀?我估佢有咁想法，我希望佢慢慢了解多啲啦。」
婚禮，兩人決定不擺酒，咩都唔搞，阮老師坦言Virginia不太想見他的朋友。Virginia就說：「我唔鍾意人哋指指點點，我覺得好多人好錫佢，成日覺得我係一個壞女人，唔知謀住佢啲乜嘢，所以你對我品性唔了解就唔好埋嚟批評我啦，因為我會覺得好委屈嘅。」
說到這裡，Virginia已忍不住眼淚：「我真係俾佢（阮大勇）真誠感動0架嘛，點解啲人覺得我係貪佢錢？世俗人眼光就係覺得一個後生……」阮老師即安慰她：「我係畫畫佬，冇可能係有錢佬，我又唔係畢加索。我又冇做房地產投資……我覺得佢為我犧牲好大，壓力好大，我壓力冇佢咁大，所以我盡我力量，對佢一日好過一日。」
曾有一段不愉快婚姻的Virginia說，離婚後曾想過不再拍拖：「佢（阮大勇）冇做啲嘩眾取寵嘅嘢，好低調，令我好舒服，冇海枯石瀾，反而令我好平靜，呢個人可以信賴，同埋我望住佢，其實可以過廿年卅年。」是否因為缺乏父愛，才愛上阮老師？Virginia說：「係嘅，我承認嘅，佢可以填補到我心靈。有時好似我爸爸關心我支持我，因為由細到大，我爹哋媽咪從來冇讚過我，我係缺乏家庭溫暖，所以識咗佢之後好平靜，呢個世界我乜都唔驚，我唔相信愛，但我相信佢個人就得啦。」然後Virginia望一望阮大勇：「佢成日話，你點知你唔會死得早過我？點解我哋唔好好珍惜呢十年或者廿年呢？其實佢堅勇敢0架！」
(蘋果日報)
「細龜」黃一山拍過《逃學威龍》、《九品芝麻官》等經典電影，喺90年代與吳孟達、「如花」李健仁等都係周星馳御用配角。但隨住星爺減產，細龜近年轉戰大陸拍微電影，一來可以密密做搵多啲，二來方便照顧患有先天腦白質退化症嘅大仔頌衡。
細龜與周星馳在《逃學威龍》有多場對手戲。
在《唐伯虎點秋香》，細龜同李家聲分別飾演華文同華武。
日前下午二時許，細龜獨自到九龍眼科醫院睇普通門診，佢喺治療房逗留約20分鐘，之後再排隊預約下次覆診時間。等候其間，細龜不時低頭睇文件，佢要將啲文件擺到好近，視力似乎麻麻。
細龜黃一山
細龜戴住護目鏡同口罩離開醫院，被問到咩病…
細龜話﹕「人年紀大(53歲)，可能我個樣仲幾青春，但裏面機件行咗幾十年，車都要換，但就人冇得換。」原來細龜患有白內障準備排期做手術，佢話﹕「滴咗眼藥水，所以瞳孔放大，唔可以接觸強光。其實我都有睇私家，但香港有眼科醫院，日日睇唔同症，我都想有多啲專業意見。」細龜有嘗試除護眼鏡俾記者影相，但抵唔住強光要立戴番，太太擔唔擔心？佢好樂天咁話﹕「冇，生老病死每個人都必須經歷，開心，有悲歡離合先叫人生。」
細龜一家住喺番禺，方便照顧患有先天性重病嘅大仔。
（Apple Daily）
