【最後婚訊變分訊】當年被扑頭打劫差啲死：令到我嘅記性同組織能力變差

2018-04-27

試過喺頒獎禮拎唔到獎，於是乎喺好失望嘅情況下，忍住眼淚離場，點知俾公司鬧佢唔尊重場合，結果喺種種壓力下，令佢感覺違背咗自己嘅真實個性，最後決定勇敢踏出一步，主動向公司提出解約：「呢個係我第一個為自己決定嘅主意，當刻好堅持，勇敢保護自己感受。」

喺80年代出道，憑《從不喜歡孤單一個》而走紅嘅彭家麗，早前接受梁梓禧喺有線嘅節目訪問，分享入行多年嘅心路歷程，彭家麗話當年出唱片做歌手係佢人生第一份工作，但係因為本身性格唔識溝通，令到佢受盡功壓力，佢話：「我唔識同人傾偈、溝通，好大壓力。喺台上開心，但一返到後台就流眼淚，享受唔到個過程。」

嗰陣佢覺得自己雖然付出一百分努力，但係冇乜回報，彭家麗話佢試過喺頒獎禮拎唔到獎，於是乎喺好失望嘅情況下，忍住眼淚離場，點知俾公司鬧佢唔尊重場合，而且仲因為有唔少歌手都用各種招數搶風頭，結果喺種種壓力下，令佢感覺違背咗自己嘅真實個性，最後決定勇敢踏出一步，主動向公司提出解約：「呢個係我第一個為自己決定嘅主意，當刻好堅持，勇敢保護自己感受。」

嗰陣佢由歌手變咗做歌唱老師，不過喺04年被扑頭打劫，幾乎令佢冇咗條命，佢話：「因為頭骨破裂，我嘅小腦有個兩吋長嘅傷口，呢個意外令到我嘅記性同組織能力變差，不過我覺得可以執番條命，令到我識得知足常樂，樂觀接受事實。」

至於感情方面，彭家麗當年本來已經計劃結婚，不過最後「婚」訊變「分」訊，彭家麗話：「分開係因為唔適合，對方係Mr Right嘅話，停一停、諗一諗都可以。有問題唔係問題，唔處理先係問題，不過我對感情仲有希望，希望遇到一個令自己開心嘅人。」

(蘋果日報)

【偷偷洩蜜不得了】昆凌著鬆身裙遮肚

2018-04-27

台灣天王周杰倫（周董）與太太昆凌育有一對仔女，早前傳出昆凌疑似再度有喜，被指佗第三胎嘅佢呢日帶埋愛犬出街，仲喺社交網上載合照。

相中所見昆凌以鬆身裙示人，露出纖幼雙腿，不過坐低時刻意用手臂遮肚，難怪唔少網民都紛紛留言，問佢係咪有好消息要公布。

雖然相片中唔見周董嘅身影，但其實佢都有同行，仲喺網上「打卡」去咗昆凌開設嘅cafe，洩「蜜」之餘又為太太宣傳，果然係「愛妻號」！

(on.cc東網)

【三個仔女都咁生性！】一歲波仔真係好叻！

2018-04-27

藝人陳琪與老公胡諾言育有三個非常精靈兼孝順嘅仔女，大女胡芷苓（JayJay）之前仲特登用晒零用錢買咗條鏈送畀佢，可見孝順程度100分呀！

唔好以為只有JayJay咁識做，就連只有1歲嘅細仔胡澔錕（Jayden）都相當錫住媽咪！1歲人仔識做啲咩？咪就係幫媽咪手做清潔，陳琪喺社交網晒出Jayden做清潔工嘅相，仲大讚囝囝係佢嘅好幫手，陳琪留言：「波波（Jayden）捐窿捐罅瞓身清潔，絕對應該攞『最佳勤工獎』。我嘅清潔好幫手。」

相中見Jayden拎住一支高過佢成個身位嘅地拖係度左抹右抹，地下又抹吓、櫃底又抹下，睇嚟應該係畀媽咪訓練得多！

唔少網民都話Jayden咁細個就識幫手做家務，睇嚟陳琪好快就可以甩難囉！

(on.cc東網)

【因為健康問題而退出節目】曬第二胎超聲波相！

2018-04-27

不過今日就突然有報道指，佢最終因陀B引發嘅健康問題，決定退出節目，而工作人員亦表示，已向節目組表示會退出節目，不過仍然協商中。據悉佢只拍到下周播出嘅內容，節目組亦正物色其他人接替佢嘅工作。

韓國元祖女團S.E.S嘅37歲成員Eugene，上周二宣佈陀B 4個月，為演員老公奇太映懷二胎，其愛女露熙就升呢做家姐，預產期係今年秋天，不過Eugene就未有停工，繼續擔任節目《女子Plus》主持人。節目噚日首播，Eugene於節目上大談大女露熙，表示露熙一搭車返幼稚園就會喊，明顯唔捨得父母所以唔想返學，近期情況先有改善，Eugene又公開咗第二胎嘅超聲波照片。

不過今日就突然有報道指，Eugene最終因陀B引發嘅健康問題，決定辭退《女子Plus》嘅主持工作，而Eugene所屬事務所嘅工作人員亦表示，已向節目組表示會退出節目，不過仍然協商中。據悉Eugene只拍到下周播出嘅內容，節目組亦正物色其他人接替Eugene嘅工作。

（蘋果日報）

【兩場婚宴】6月11日喺洲際擺53圍！

2018-04-27

過咗大禮，今日向好友派中式喜餅，盒內有一張請柬，見一對新人身穿馬褂同裙褂，準新娘頭上戴金光閃閃嘅頭飾相當貴氣，佢哋將會喺6月11號(星期一)擺酒，大宴親朋。喺6月搞兩場婚宴，招待一對新人嘅親友。。。

全球華人都知薛家燕個仔結婚，去到新加坡、馬來西亞、美國，家燕姐都聽到身邊嘅人祝福。

過咗大禮，今日新奶奶薛家燕向好友派中式喜餅，盒內有一張請柬，見兒子石耀庭(Jackson)同新抱仔陳素怡(Zoe)身穿馬褂同裙褂，Zoe頭上戴金光閃閃嘅頭飾相當貴氣，一對新人喺6月11號(星期一)擺酒，大宴親朋。

家燕姐同時喺六公館訂咗酒席，耀庭同Zoe喺6月搞兩場婚宴，喺洲際擺53圍招呼家燕姐啲朋友，而六公館場婚宴就係招待一對新人嘅親友，人數約三、四百人左右，成個婚禮豪使4千萬。

(蘋果日報)

【突然離世】家人發聲明透露係自殺…

2018-04-27

突然身亡，外界本來猜測與其酗酒習慣有關，但家人發出之聲明卻透露應屬自殺：「他在思考人生意義、生活和幸福的問題上遇到許多掙扎。他不能再繼續下去了，他想找到平靜。不是為了成為商業機器而活著。。。」

28歲瑞典著名DJ Avicii上周五於阿曼（Oman）逝世，死因一直未對外公佈，然而其家人昨日就發表聲明，指：「他不能再繼續下去了，他想找到平靜」，令外界猜測他是自殺身亡。

Avicii上周突然身亡，外界本來猜測與其酗酒習慣有關，但家人發出之聲明卻透露應屬自殺：「他在思考人生意義、生活和幸福的問題上遇到許多掙扎。他不能再繼續下去了，他想找到平靜。Tom（Avicii本名）不是為了成為商業機器而活著，他是一個敏銳的人，他熱愛粉絲，但卻不喜歡在鎂光燈下。你將永遠被愛和悼念，你和你的音樂將會永存在大家的記憶中。」

(蘋果日報)

【徵狀好似鼻敏感】嚴重可致聽力受影響、睡眠窒息症

2018-04-27

通常在幼童時期出現，增大會壓着鼻道影響呼吸，令小朋友常感「鼻塞塞」，嚴重者有機會導致睡眠窒息症。雖然多數會隨年紀增長減退，但為免影響成長，嚴重的個案需以手術切除。

小朋友長期鼻塞未必是鼻敏感，有機會是腺樣體增大引致，若家長未知病因就自行買噴劑或其他藥物醫治，小心有反效果，例如令鼻膜變薄易出血。耳鼻喉科專科醫生盧廸聰指，腺樣體增大通常在幼童時期出現，增大會壓着鼻道影響呼吸，令小朋友常感「鼻塞塞」，嚴重者有機會導致睡眠窒息症。雖然腺樣體增大多數會隨年紀增長減退，但為免影響成長，嚴重的個案需以手術切除腺樣體。

腺樣體位於鼻道最後段，是對抗上氣管細菌的第一防線。盧廸聰指，腺樣體增大因免疫系統反應過大所致，通常會在兩至三歲時發生，因為腫脹壓住鼻道，病童因此感難以呼吸。除了鼻塞，腺樣體增大會釋出分泌物，小朋友亦有鼻水較多現象，徵狀看似是鼻敏感般。呼吸困難影響病患睡眠，長遠令專注力不足、渴睡，影響學習表現，盧形容：「佢哋朝早起身有更多賴床情況」。

部分病人的腺樣體有機會增大至堵住排出耳水的小洞，致中耳積水，聽力受影響。若長期沒處理，更有機會導致睡眠窒息症，而且小朋友長期張開口呼吸，也會影響下顎發展。

盧廸聰指，按他的臨床經驗，每周也接獲新症，患者若出現流鼻水、鼻塞的徵狀，會先以檢查燈觀察鼻孔內情況，再配合內視鏡，局部麻醉後將鏡頭放進鼻腔，便清晰可見腺樣體增大情況。由於腺樣體增大沒有顯著的藥物醫治，若增大嚴重壓住鼻道，醫生會按病情為患者施手術，將腺樣體完全切除，術後復發機會低。

盧廸聰提到，腺樣體增大多數會在青春期減退甚至消失，但若發現病患十幾歲時仍持續有腺樣體增大情況，有機會是患淋巴癌的徵狀之一，安全起見要及早求醫。

(東方日報)

【秘訪求子聖地】捕獲吳奇隆孖劉詩詩去…

2018-04-27

早前大陸突然傳出47歲嘅「四爺」吳奇隆，同細佢16年嘅劉詩詩離婚，三年婚姻劃上句號，當時仲話係劉詩詩出軌並懷孕，但BB爸爸唔係吳奇隆，標題仲寫著「卓偉爆料：劉詩詩承認婚內出軌，和吳奇隆已協議離婚！」被離婚消息傳出後，吳奇隆即委託律師發聲明駁斥，以平息今次嘅風波。

平息咗被離婚事件後，日前就有粉絲喺社交網分享咗吳奇隆同老婆劉詩詩喺貌似日本嘅電車上嘅相，相中見到吳奇隆拎住自拍神棒，同老婆、朋友自拍，劉詩詩仲撲喺老公嘅膊頭上，真係好sweet㗎。

而噚日再有粉絲喺日本嘅清水寺，野生捕獲到吳氏伉儷嘅相，有指清水走係觀光勝地，亦有傳該寺求子、安胎都好靈驗吓，唔知佢哋係咪去求子呢！？

(蘋果日報)

【岑杏賢朱千雪蔣家旻張嘉兒超齊人】湯洛雯：係我蠢定係你哋太醒呢？

2018-04-27

話時話圈中有少婦聯盟、胡說八道會仲有已經由處女黨變成嘅人妻黨，唔知佢哋有冇諗過組個聯盟咁呢？講緊嘅就係湯洛雯、蔣家旻、岑杏賢、張嘉兒同朱千雪！佢哋時不時都會聚會下，感情非常之好～今次就到靚湯！但佢卻懵然不知，難怪佢都留言話係自己太蠢定佢哋太醒。。。

與羅天宇結束4年情的湯洛雯（靚湯）下個月就31歲生日，雖然依家孤家寡人但都不愁寂寞，因為佢有一班好姊妹，呢日蔣家旻、岑杏賢、張嘉兒、朱千雪齊齊聚集喺靚湯屋企提早為佢慶生，一班好姊妹向靚湯送吻，場面非常溫馨！

不過重點喺一班好姊妹將兩個生日蛋糕放咗喺靚湯屋企個雪櫃度，而靚湯卻懵然不知，難怪佢都留言話係自己太蠢定佢哋太醒：「雖然未踏入生日月，但已經收到第一個生日蛋糕啦，話時話點解係（喺）自己屋企，都可以完全唔知你哋買咗兩個蛋糕，仲要擺埋入雪櫃，係我蠢定係你哋太醒呢？不過真係覺得好sweet，im so blessed to have u girls。」