【囝囝竟然答…】梁洛施：真係俾佢激死

2018-07-24

梁洛施（Isabella）自從宣佈全面復出後，上周佢出席美容活動，當時佢就講到明唔會俾三個囝囝曝光，唔會帶佢哋參加親子真人騷咁話，但係對於佢自己嘅私生活，Isabella就完全唔介意曝光㗎喎，好似今日佢就係ig度貼咗兩張同鄭秀文(Sammi)、舒淇、馬詩慧同囡囡王麗嘉，與及同佢合作嘅經理人Kim飯嘅相，正所謂「三個女人一墟」，佢哋六個女人兩個墟咁食飯，相信一定嘈到拆天，開心滿分。

Isabella喺ig度貼咗兩張相，見到一班美女，全部素顏上陣，但更亮嘅亮點就Iabella嘅留言，因為佢話囝囝食咗「誠實豆沙包」，完全冇講大話，仲希望佢要keep住落去。

究竟Isabella囝囝講咗乜呢，原來係佢好老實咁點評同媽媽飯局嘅靚女。「去食飯之前囝囝問我今晚我哋同邊個食飯，我話去Auntie Kim屋企同幾個姐姐食飯lol，佢問我咁D姐姐係唔係好似你咁都係拍戲架？我話係呀。有一個叫Auntie Janet係Super Model嚟㗎。」

跟住Isabella就俾咗Sammi張相囝囝睇，再問佢：「媽咪型啲定Sammi姐姐型D？」「Sammi姐姐型D……」Isabella再攞咗舒淇張相俾囝囝睇：「舒淇姐姐靚D定係媽咪靚啲？」「WOW！舒淇姐姐靚啲！」最後Isabella嘅留言係：「最後我同囝囝講媽咪覺得你好乖你好誠實你要keep住咁樣知唔知道！真係俾佢激死」。

除咗Isabella貼相，Sammi亦有喺ig度貼相，佢留言話：「Happy night. 女人之夜。」

(蘋果日報)

【19小時的煎熬】自己用手接生打破傳統禁忌

2018-07-24

7月真是喜事不斷！今次終於輪到她於18日順利產下一子，而情路走得坎坷的她，對於孩子爸爸的身分，始終不願多談，為了好好養身體，慢慢減少工作量，但仍會在網路上和粉絲分享懷孕的點點滴滴，如今熬過煎熬的孕期，她終於生下兒子Joseph。

她通過Facebook發喜訊，並寫下生產的痛苦過程~

據《蘋果日報》報導，網紅T妹17日就已經在產房催生，還好有打無痛分娩，生產過程才不是太痛苦，她也一心期盼寶寶出世，「有點興奮又緊張！謝謝粉圓們陪伴著我度過孕期的各種不適！要替T妹加油唷～」，她提到由於催生過程不順，煎熬了整整19個小時，才靠著吸盤和自己的手順利接生，產後整個人就像是虛脫般，

另外大家關注的焦點，是Joseph爸爸的真實身分，T妹是未婚生子，雖不願多談孩子的爸爸，但她日前難得在臉書透露，在愛情中傷痕纍纍，她當時在男方負債時，拿出她所有的存款幫助對方，結果卻發現被設計，一切只是場騙局，讓她不再相信愛情，是兒子給了她滿滿的力量，讓她有動力繼續走下去。

（圖片：Facebook）

「在我最絕望的時候，寶寶在肚子裡踢，提醒我，媽媽妳還有我！」，為母則強，為了好好生下寶貝兒子，T妹覺得不管付出多大的犧牲都很值得，像是懷孕後，寶寶的親爸爸獅子大開口索取了300萬，她一句怨言也沒有，認為再苦都該對無辜的寶寶負責。

T妹的作風大膽，剛住進月子中心就洗頭洗澡，打破傳統禁忌。

T妹的月子中心（Facebook）

對於未婚生子這件事，她也表示如果因為男方不認就拿掉小孩，那麼這個女人也不值得同情，「多少單親媽媽就算經濟能力不好，還是勇敢扶養小孩！如果是這樣，我會給予同情！」

囝囝Joseph要一直愛錫媽媽啊！

（東森新聞）

【因為城城就係…】唔怪之得方媛咁開心~

2018-07-24

郭富城近日就好忙，除演藝上嘅工作，佢仲搞埋個人專屬護膚品牌Aa Kode +，雖然自家品牌嘅廣告片上，喺背景音樂入面出現咗一把女聲，可能涉及版權問題，而城城公司亦發咗聲明，指目前現在流出的影片，其實只是預覽版，並非最終版。最終版的背景音樂因已購買並擁有其使用版權，所以不會出現上述的「女聲音樂水印」。咁愛錫城城嘅歌迷，就可以放心啦！

而「城嫂」方媛(Moka)噚日亦放晒心咁，約咗班好姊妹出海散心，但就唔見佢囡囡Chantelle（Chant）喎！

Moka留言話：「與積極向上的人在一起，總能感受正能量，如同被陽光圍繞，每次和好友相聚，也是一件快樂的事情！」有網民就留言話：「你老公就是積極向上正能量的典範啊」！

(蘋果日報)

【06年退出娛樂圈】何韻詩：哇痴線，咁都俾佢撞到我！

2018-07-24

歌手何韻詩今年都有殺入書展，但就唔係佢出書，而係佢老竇何德星（菇爹），推出新書《麻辣教師》，連日嚟阿詩都好落力咁去書展幫老竇宣傳，佢仲係書展撞到好耐無見嘅老友！

杜汶澤都有去撐場呀！

阿詩講到當年同佢好friend，翻查過歷史，原來佢哋係同一年角逐樂壇新人獎㗎，即係2002年，當時佢哋仲一齊姊妹花咁接受專訪，而當年阿詩就傳出同容祖兒有親密關係。

（資料圖片）

就係陳文媛(BoBo)喇！今日阿詩喺社交網度貼出同BoBo嘅合照，佢哋好巧合咁着咗「情侶裝」牛仔恤衫，化咗淡妝嘅BoBo，精神飽滿，阿詩見到老友都好熱情咁搭晒膊頭影相，佢留言話：「哇痴線，咁都俾佢撞到我！陳BoBo啊各位同學～～！！（佢真係路過㗎咋…）#老朋友 #十世無見 #想當年真係勁friend #而唯一無同佢被傳緋聞 #真係神蹟」。

阿詩發文都好搞笑咁Hashtag講番當年唯一無同BoBo被傳緋聞嘅事！

當年兩個係同期新人，好Friend架！（資料圖片）

（資料圖片）

唔知大家記唔記得，當年陳文媛做歌手嗰時，何韻詩作過首《下個密碼》畀佢㗎。

久未露面嘅BoBo睇嚟保養得唔錯，精神飽滿、同當年做藝人都冇乜點變。佢2001年出道，2006年退出娛樂圈，之後撻着金融才俊金紫耀，獲男友打本開設美甲店做老闆娘。

容祖兒（右）同劉浩龍當年都有現身支持老闆娘Bobo。（資料圖片）

不過最後可惜跟金紫耀未能開花結果，有傳因金家一直抗拒BoBo入門。受情傷的BoBo重返教會，認識了有共同信仰的老公，拍拖一年後於2016年結埋婚，專心做幸福人妻。

好似仲有埋小朋友添！一家三口真係幸福！（資料圖片）

（apple daily）

【畫面超溫馨】陳展鵬單文柔曬「一家三口」

2018-07-24

藝人陳展鵬及女友單文柔（Phoebe）近年越愛越高調，不時孖公仔現身，日前仲情侶檔出席活動、受訪期間仲大耍花槍放閃！談及結婚打算，展鵬仲鬆口表示「出世識性都想」，唔通真係好事近？

呢日Phoebe喺社交網上載咗張「一家三口」嘅相，佢留言：「Grace bb：Phoebe姐姐，我想同展鵬哥哥影相！我：來，跟我走，唔洗（使）怕羞（醜）喎😎 #我想同你地（哋）影相好耐 #小甜心 @my_littlegrace」

展鵬輕輕抱住細路女，個畫面真係好溫馨、好有全家福feel。網民都大讚張相好sweet，仲話個小妹妹好似佢兩個嘅囡囡添！

而另一段片就見到Phoebe左擁右抱，畀兩位妹妹輪住錫錫，Phoebe即刻笑到見牙唔見眼、簡直冧到暈！

(on.cc東網)

【楊采妮留言送祝福】原來下個月生得：Oh My God！

2018-07-24

她寫道：「20+20歲，頂了一個不可能再大的肚子，雖然時而很喘，腰痠肋骨痛，腳腫動作慢，但還是很想開心的度過一天。歌迷還是那麼瘋狂，朋友們依然貼心，家人永遠給予我最大的幸福。沒有更多的慾望，只想吃塊蛋糕，把腳抬起來跟家人朋友聊天，看歌迷的留言。謝謝大家的祝福！」

懷胎9個月嘅孫燕姿，今日挺巨肚慶祝踏入女人四十，在社交網晒生日蛋糕相，總共有4個蛋糕咁多。
孫燕姿切了4個蛋糕慶生（網上圖片）

臨盆在即嘅燕姿呻腰痠肋骨痛（網上圖片）

第三個蛋糕喇！人緣超好！

原來歌迷好有心，在紐約時代廣場嘅電視牆賣廣告為偶像慶生，短片中燕姿高舉雙手，螢幕打出大大隻字：「Happy Birthday Stefanie Sun」

只要路經鬧市時代廣場，都可以見到燕姿嘅生日之喜，據知廣告會連出4日，每小時第8分鐘出來，從早上6點8分到凌晨1點8分。燕姿知道後興奮表示：「Oh My God！謝謝歌迷們的驚喜與瘋狂！」

好友楊采妮都留言送祝福：「親愛的，是不是收蛋糕收到手軟好好享受大肚肚的最後階段！這亦是難得的一次寶寶在肚子裏和媽媽一起慶生生日快樂。」燕姿同荷蘭籍老公納迪姆結婚7年，育有5歲兒子「納小子」，第二胎寶寶亦即將出世。

楊采妮留言祝福燕姿！

（apple daily）

【同湯怡十年戀情】洪卓立：大家覺得分咗就分咗

2018-07-24

洪卓立（Ken）跟張敬軒和吳浩康等出席《新城台慶音樂會》記者會，早前因女友湯怡一句不知他喜歡買什麼，而惹來二人分手疑雲。

Ken強調與女友感情生活很好，只是和女友覺得近年實在講得太多，有共識盡量少講，免影響工作。

他說：「我看到她說不知我喜歡買什麼都嬲，一起10年是否會不知？我會否不知她喜歡吃什麼？只是她不懂得怎避談，什麼都說不知，她一向都是推個波給我，我無所謂，就樣大家幻想一下，覺得分了便分了，湯怡是屬於大家，袁家怡（湯怡真名）是屬於我的。」

(明報)

【宣佈解散劇組停拍】突然發出聲明指自己險被性侵

2018-07-24

近日盛傳與女友陳凱琳雙喜臨門嘅鄭嘉穎，其實早排捲入過一單事業風波，有指佢同謝天華等人合演嘅大陸網劇《套路》，傳因製作公司在個多月內豪花6,382萬元人民幣（約7,800萬港元），卻僅拍出不到七集的劇本素材，並拖欠劇組工作人員薪金數十天至兩個月不等，資方突然對內宣佈解散劇組停拍，一度傳出劇組人員滯留泰國，但酒店費用無人支付。

鄭嘉穎（資料圖片）

謝天華（資料圖片）

點解提番呢件事？係因為今次輪到《套路》個導演林淑貞今日發出聲明，指自己喺本月16日清晨約6時，佢喺海口某酒店熟睡期間，突然感到有人壓喺佢身上並摸其胸部，林淑貞指對方係一名只穿黑色內褲嘅陌生男子企圖性侵自己，林淑貞稱基於本能，奮力打該男子及趕對方出門。

其後在酒店人員協助下報警，一行人到了海口巿公安局濱江派出所，指涉案男子為白姓海航受訓飛機師，當時是從隔籬房、18樓高嘅露台爬去林淑貞房間，該男子自稱酒後糊塗犯錯。

林淑貞發聲明稱早前險被性侵（微博圖片）

林淑貞在聲明中指，當日整個報案過程，公安都冇筆錄或錄影，而白姓男子嘅朋友，以及其海航嘅上司都有到，林淑貞指公安力勸佢和解。林淑貞稱由於佢係香港人，對中國大陸嘅執法及司法制度唔熟，就話要考慮幾日。後來林淑貞咨詢過朋友嘅意見後，決定先立案，先再決定起訴定和解，於是喺19號再到公安局立案。

林淑貞指海航高層亦有勸和解，指因培育一個機師成本好大，而公安又話林淑貞亦有打白姓男子，如果林淑貞堅持告白男，佢哋都會告林淑貞襲擊罪。

林淑貞喺聲明結尾話，自己要將件事公開，唯一嘅訴求係希望有關方面依法處理事件，彰顯公義，而佢仲話：「我對祖國的法治仍有信心。」

呢套劇嘅另一個導演劉國昌今日凌晨回覆傳媒時，亦承認確有此事，佢話：「劇組制片有協助林導前往派出所報案，亦參與調查案件，涉事為海航受訓機師，案件仍在進行中。」

據知，林淑貞曾參與過不少大型電影製作，如成龍的《紅番區》、李連杰的《投名狀》及《功夫之王》等，和不少巨星合作過，是資深的電影工作者。

（綜合報道 / apple daily / on.cc）

【太太患有子宮瘤】艾威：用佛系復原法

2018-07-24

「嗰段時間唔敢嗌交，最大導火線都係佢唔肯去開刀。」威嫂割瘤後數月，肝、腎出現積水和氣泡，結果她在一年間先後3次出入手術室，由脹爆身形再突然暴瘦30磅；為幫太太醫病，艾威花掉近百萬儲蓄，幾乎一鋪清袋。。。

艾威同太太Lisa，以及林熹瞳，今日去到沙田大會堂出席醫學座談交流會，分享過往患病經歷及保健之道。Lisa曾患有子宮瘤，冇特別接受任何手術治療，Lisa話o依家已經康復八、九成，身體狀況OK，艾威笑言：「太太係用『佛系復原法』。」Lisa補充指：「最緊要保持心情開心。」問到艾威點樣o氹老婆，艾威話主要係屋企隻狗o氹太太開心，佢哋返到屋企，狗仔都係撲向太太。

艾威話話o依家世界潮流係盡量少用藥，佢話：「未接觸呢個方法之前，會食好多唔同嘅藥，例如止痛藥。

太太子宮發現巨瘤，一度被指有「餡」。威嫂割瘤後數月，肝、腎出現積水和氣泡，結果她在一年間先後3次出入手術室，由脹爆身形再突然暴瘦；為幫太太醫病，艾威花掉近百萬儲蓄，幾乎一鋪清袋。

威嫂大病之時，艾威的事業又停滯不前，面對重重困難，問如何自處？艾威說：「我冇喊喎！我啲眼淚係要收錢，嗰段時間唔敢嗌交，最大導火線都係佢唔肯去開刀。」如今威嫂病癒，艾威說話仍然毫不留情：「太太其實唔合格，好多問題，不過既然佢咁鍾意我就算，佢都係差唔多死先話我靚仔。」

威嫂又話：「老公係啲囉囉唆唆嘅人，不過佢都係珍惜我，我應該講多謝，雖然好老套，但多謝係唔夠，應該係講感激。經歷咗咁多嘢，都係咁囉唆，又冇任何埋怨，盡力咁照顧我，好多謝你對我嘅包容，對我做嘅心意，我諗好難下一世再搵個好似你咁嘅老公，希望下一世可以再重遇你！」

對老婆的剖白，艾威竟然「冷」回應：「都係勸佢咋，唔係話第二世搵番佢，冇第二世，所以要好好珍惜呢一世。如果你真係愛我嘅話，你好好控制自己嘅起居飲食，到𠵱家都未肯早睡早起，又未戒凍飲，仲想食完晚飯繼續打麻雀，如果真係有心多謝我，做好呢幾樣嘢先同我講幾咁鍾意我。」艾威語重，卻心長，愛就是這麼簡單！

「原來演戲同埋做人都係越簡單越好，好似當年我參與訓練班嘅時候，周潤發嚟講咗一堂，佢畫咗一個大圓圈，佢話做演員就好似一個圓圈，最終會行返去起步點。我資質愚鈍唔明佢講乜，到都30、40年後先至知道，就係做番自己。」

林熹瞳話：「曾經上過焦媛堂，對方都有講過類似嘅說話，演員最終係唔記得晒所有台詞。」林熹瞳表示，正為ViuTV一齣劇處境劇編寫劇本，劇中艾威飾演反派，林熹瞳飾演臥底，林熹瞳話：「之前因為冷親，感冒傷及肺部咳出血，要食止血丸同埋抗生素治療。」

(蘋果日報)

【原來唔只朱茵】連周家蔚都係：我好想知…

2018-07-24

素顏朱茵現身送機，兩母女表現得難捨難離，黃鶯攬實媽咪喊到收唔到聲，眼腫腫鼻紅紅，十分慘慘豬，朱茵都忍唔住跪地抱實囡囡喊，最後一家三口更擁作一團！

同時出發嘅洪天明三父子就表現冷靜得多，老婆周家蔚喺ig貼一家四口相並留言：「Hi everyone! I’m gonna be shooting for 24 days.電話會給收起來。沒法跟我聯繫敬請諒解！my phone getting confiscated.For 24 days.Bye!!」

但原來周家蔚都係一樣咁唔捨得！

洪天明與兩位兒子洪大仁及洪竟琋齊齊為內地親子節目《想想辦法爸爸吧！》錄影，節目將於26日播放，天明一個男人帶住兩個囝囝去拍攝簡直係一個大考驗。

而太太周家蔚亦表示，經過今次旅程，兩個囝囝都長大了、成熟了：「我依家明白原來冇得見兩個仔咁耐真係好掛住，好唔捨得。我都好想知爸爸係點樣帶住兩個囝囝，唔係一般容易。」

(on.cc東網)