【陳媽媽笑到見牙唔見眼】鄭嘉穎陳凱琳婚期已定

2018-07-24

昨日下午二時許，記者於陳凱琳的九龍塘獨立屋寓所門外，遇見剛飲完茶返家的陳凱琳父母和家姐。

陳凱琳爸爸一馬當先行得最快，聽見記者講「恭喜！恭喜！」即刻笑晒口。被問囡囡Grace幾時註冊結婚？陳爸爸好口密話﹕「我都唔知。」有冇見過嘉穎？佢話﹕「以前見過，呢排少見啲。(有冇話幾時結婚呀？)未同我哋講呀！」

記者追問係咪就快抱孫？陳爸爸初時扮聽唔見，話﹕「吓？你(記者)跌咗嘢呀。」再問，係咪就嚟抱孫？陳爸爸笑笑口話﹕「抱孫？我個女都未結婚。」一直在旁嘅太太就笑到見牙唔見眼。

問有冇傾禮金？陳爸爸擰擰頭，然後話﹕「我老婆開唔到聲呀。」被笑開心到開唔到聲，陳媽媽做口型話感冒，老公代答﹕「把聲沙咗。(咁有冇講幾時結婚呀？)冇講冇講。」

有傳Grace已經同嘉穎同居，所以好少返屋企住，記者問Grace今日會唔會返屋企？

陳爸爸收起笑臉話﹕「佢喺度住架，但佢現在唔喺屋企，出咗街。」臨入屋前一家人都好有禮貌同傳媒講拜拜，仲話﹕「多謝晒你哋關心呀！」

二人拍拖超過三年，但因年齡相差22歲，起初戀情不被看好，幾經努力打破重重障礙，二人終於修成正果下月結婚，最新消息婚期已定為8月12日。

兩個成日喺公開場合都糖黐豆！（資料圖片）

翻查通勝上述日子既宜嫁娶亦宜出行，絕對適合他們選擇低調到峇里舉行小型婚禮的決定。而鄭嘉穎於婚後三日便會踏入49歲，他們已計劃好繼續留在峇里，與至親好友一同慶祝他榮升人夫後的首個生日。

（資料圖片）

（綜合報道 / on.cc / apple daily）

【醫生當時不停掌摑佢】孫耀威自爆試過升仙

2018-07-23

孫耀威到電台宣傳新歌，歌曲內容講述生命倒數60秒，往往人到最才懂得珍惜，卻已沒足夠時間。

老孫分享了一個自己曾接近死亡的經歷，曾因食物中毒至不停嘔吐，不慎被自己嘔吐物跣倒，撞爆鼻骨流血不止，醫生就用超大棉花捧插入他鼻孔止血，劇痛令到他即時休克，血壓更下降20。

他說：「升仙嘅時候，聽覺、視覺都好模糊。當時好想嗌Macy（老婆陳美詩），就好似見最後一面咁，但當然係嗌唔到佢。」醫生當時不停掌摑促使他甦醒，醫生更指心跳持續下降，的確會有死亡風險。老孫坦言事後更珍惜家人、朋友及太太Macy，會身體力行表達愛意。

（singtao）

【活到老襯到老】日本夫婦結婚38年每日情侶裝網上放閃

2018-07-23

放閃不是年輕人專利，日本一對銀髮夫婦即使已結婚38年，仍堅持每日情侶裝示人，並開設社交網站帳號與網民分享每日襯衫及生活點滴，目前約有71萬名粉絲。

這對銀髮夫婦來自日本秋田，雖然2人都已經60多歲，但心態依然年輕，每日在社交網站Instagram發布情侶裝合照放閃。相中女主角Tomi跟丈夫兩人是青梅竹馬，由相愛到結婚、再誕下1名女兒，但38年來兩人仍恩愛如昔。Tomi婚後雖一直是家庭主婦，但沒被生活磨滅熱情，不但打扮得十分年輕，還把老公打理得跟自己一樣時尚。老公亦很體貼妻子的少女心，一直陪她穿情侶裝，並上載至Instagram上與網民分享。

這些照片被網民一致好評，兩人並不是單單以情侶TEE來放閃，而是利用如出一轍的穿搭風格，來塑造二人合拍又恩愛的形象。甚至色調、條紋、外套，兩人都互相配合，從細節中可見二人相愛多年，已磨練出二人獨有的默契。

▲ 黑白灰永遠是最易襯的顏色。

▲ 條紋的粗幼度不同，但同以白色作點綴，細節中見巧思。

甚至連Instagram帳號的名稱由來，亦是二人相愛的證明。「Bonpon511」中用上了二人的綽號命名，Bon是丈夫的綽號，而Pon則是妻子暱稱，至於511則是二人的結婚紀念日，二人於1980年的5月11日成婚，至今38年，依然恩愛如昔，愛得高調，放閃度絕不比年輕人遜色。

▲ 同一款格紋，相近的襯法，一樣漂亮。

▲ 兩夫婦同時具有紅、深灰及格紋的元素，但用在不同地方上，男的穿紅色冷衫，女的則穿紅色裙，依然襯絕。

（Topick)

【盛傳奉子成婚】今日宣佈成家立室

2018-07-23

去年承認有個拍拖兩年的女友，對方是他在新加坡讀書時的學妹，而今日就宣佈婚訊。他的好友邱凱偉（Darren）昨晚在社交網分享Alan向女友求婚的視頻，見拿着紅玫瑰的Alan突然單膝向女友下跪，再拿出鑽戒造型的氣球向女友求婚，女方驚喜得點頭答應，他亦開心得攬實女友合照。

Alan笑到見牙唔見眼！

好溫馨呀～

雖然盛傳已故飛車特技人影星柯受良兒子柯有倫（Alan）奉子成婚，但他的經理人代為否認：「佢依家仲有三部電影在手，婚禮最快要明年才舉行。」Darren大讚好兄弟一定會是個好丈夫，將來也是個好爸爸。他笑言本以為純粹是兄弟簡單聚會，完全沒想到會見證好兄弟的求婚重要時刻。

修成正果！

（on.cc）

【半夜入院吊鹽水】陳貝兒：我嬲自己咁都捱唔到

2018-07-23

陳貝兒上月出發去為大台拍攝節目《嫁到這世界邊端2》，尋訪異鄉人妻感人古仔，佢呢次行程長達40日，要去瑞典、法羅群島、波蘭、希臘同土耳其合共5個國家，全程總共要坐19程飛機，諗起都頭痕。貝兒日前去到最後一站土耳其，即係行程第37日，倒數就可以返嚟，點知噚日佢頂唔順病咗要入院。

今次行程，貝兒同攝製隊全程執晒又凍又熱地方嘅行李，塞爆兩個篋，隨行共5人攝製隊外景，全團三男兩女，貝兒係冇助手照顧，即使出鏡妝頭、服飾全部部由佢自己搞掂。貝兒每到一站都打卡報平安，點知今午就喺facebook貼咗吊鹽水相，異鄉倒入院，認真慘慘豬。佢留話言：「口裏說頂得住，但身體卻很誠實…..#多謝土耳其醫生護士悉心照顧#多謝土耳其人妻夜媽媽車我入醫院#多謝關心而家好好多#只差一點點#繼續加油。」

陳貝兒早前喺法羅群島,當日天氣好凍(fb圖片)

據知因為每站行程都好緊密，壓力大，唔夠瞓，加上土耳其氣溫高達41度，噚日仲全日外景，真係收買人命，貝兒拍攝中段已頭暈不適，但佢唔敢講出嚟，怕影響進度，畢竟佢哋進入最後三日倒數狀態，佢諗住頂硬上，但半夜拍完都係好唔舒服，工作人員就帶咗佢去當地醫院睇急症，醫生要佢立即瞓床吊鹽水。因為拍攝進度緊密，貝兒吊完鹽水漏夜又要出院，佢堅持今日頂硬上開工。

陳貝兒噚晚吊鹽水(fb圖片)

貝兒呢次去到第三站法羅群島，嗰度係偏遠郊區，山區低溫十度以下佢都撐到，但趕行程，成個月唔夠瞓，佢日前訪問已吐苦水：「行程好密，有啲攰。」點知佢去到希臘天氣開始炎熱，成個月外景chur爆，去到土耳其甚至高溫到41度，外景下乾煎。其實事發前，貝兒都喺Instagram嘅限時動態貼出拍攝相，其中一張係當地氣溫圖。

陳貝兒正身虎土耳其外景,仲有兩日返港(fb圖片)

貝兒今日回覆傳媒時，氣弱游絲：「我嬲自己咁都捱唔到，土耳其天氣太熱，外景有啲暈，仲差三日咋，我唔想阻礙拍攝進度，點都要撐埋佢。」貝兒話噚晚半夜入院，吊完鹽水，今日凌晨就出院返咗酒店，佢再抖吓就出動繼拍攝工作。佢話：「仲有兩日，我點都拍埋佢，今次好多謝團隊照顧我，冇事，大唔使太擔心，多謝關心。」

呢次團隊僅五人(fb圖片)

（on.cc）

【何雁詩最近心不在焉？】好彩有姚子羚出手相救！

2018-07-23

問到是否一度為了鄭俊弘有想過不續約？何雁詩笑說：「唔關佢事，簽合約要諗清楚，續約嗰方面冇諗過Fred，我相信我喺度、唔喺度都希望唔好影響到佢。」

何雁詩和鄭俊弘（資料圖片）

又指傾續約時沒有被要求低調戀情，因本身也盡量低調。她希望年尾可以有新歌面世，但沒有在傾合約加入出碟、開騷的條件，合作最緊要是心態一致，並否認打算做職業高球手，她笑說：「嗰排得閒頹廢就打吓波。」

無綫劇集《天命》演員到馬鞍山宣傳劇集，以露背裝晒Bra扣的她，裙子背部扣子甩掉，險象環生，要姚子羚出手相救。

對於被指為保男友鄭俊弘（Fred）前程而不續約星夢，打算由歌手變回高爾夫球手，她否認並指最近已與星夢續約：「最近續咗約，我同老闆何哲圖都係有思想嘅人，呢段時間大家去傾，有好多地方可以合作，所以就續約。」

（on.cc）

【年底急嫁】傳葉璇已懷孕5個月

2018-07-23

藝人葉璇於2015年跟內地男友小默先生公開戀情後，一度曾鬧分手，感情反覆。

不過，最近她忽然「放閃」，先回覆網友說自己結婚生B，又暗示收車同巨型鑽戒，剛又有傳聞她已經還了五個月身孕，並訂了印尼峇里島一間水療酒店，準備今年年底跟小默先生舉行婚禮。賓客除了雙方家人外，還有葉璇好友莫小棋擔任伴娘。

有指葉璇好友莫小棋（左）會擔任伴娘。

葉璇經常貼出與小默先生的甜蜜合照（微博）

早前更表示買BB衫買到碌爆卡：「不是說好了三歲之前只用一塊布包着不要浪費錢嗎？怎麼看到可愛爆炸的就把卡刷（擦）爆啦？沒收信用卡的時候到啦！」不少網民都立即恭喜她！

有傳媒聯絡到葉璇，佢表示：「不用回覆，太無聊！」，未有正面回答，看來又要等待葉璇多給大家一些暗示了！

(on.cc)

【爸爸一個鐘頭後入返醫院】孝順女康華擔心：一堆人等你

2018-07-23

康華年逾80歲的老父一直患有心臟病，她曾透露爸爸今個月要入院做手術，昨日凌晨她在微博貼出爸爸戴着氧氣罩躺在病床的相片，並留言﹕「我家大寶（爸爸）今天不聽我話，看吧一出一進自己都怒了。來給我大寶加個油吧，加油加油，打個氣，快點回家，一堆人等你。」
康華父親還要多留院觀察幾日才可出院。（微博圖片）

據知康華父親日前入院做手術，雖然已出院，但情況反覆，出現發燒情況，所以要再留醫，難怪令康華擔心。

康華昨回覆傳媒時說：「前日做完手術，噚日由醫院送回家，但一個鐘後又發燒，跟手即刻又送番醫院，要留院。好彩今日退咗燒，嚇死我。」並否認這次入院做心臟手術：「之前好多樣嘢，一樣樣解決。」
康華與爸媽（資料圖片）

康華（資料圖片）

(apple daily)

【宣佈即將嫁打工仔】大讚未婚夫性格十分溫柔

2018-07-23

今日透過傳媒公佈喜訊，宣佈將於今年內與拍拖4年的30多歲的圈外人男友結婚，成為首位嫁人的桃草成員。

她透露未來老公年約30多歲，身高約1米8，是一名打工仔，她大讚對方：「他的性格十分溫柔，能包容我的一切。」兩人於5年前經朋友介紹結識，翌年拍拖，她去年獲男友於家中求婚後，踏入今年便拜會雙方家長報告婚事。不過，當年盛傳因受欺凌而離隊的早見，表示還未向前桃草隊友報告婚訊：「我想她們看到報道會大嚇一跳。」
早見婚後會繼續藝能工作，她今日會舉行記者會，親自交代婚事。

日本偶像女團桃草四葉草(桃草)的23歲前成員早見明里電影《銀魂》、晨早劇《阿政》及真人版劇集《愛吃拉麵的小泉同學》等。

早見明里去年曾參演真人版《銀魂》。

（on.cc）

【神神秘秘】原來上個禮拜已經做咗爸爸！

2018-07-23

今日佢喺微博貼圖，話太太同囡囡都已經出院，返咗屋企休息。

剛才喺微博貼咗幾張好sweet嘅相，一張係佢同前世情人灰鼠B嘅鼻貼鼻、一張就係一家三口嘅自拍相，真係好溫馨呀！

原來上周一已經做咗老竇(微博圖片)

佢仲話：「古有三~六~九堂訊之期，今有1，3，5，7，9餵奶換片時，昨日灰鼠B出醫院，下午5點到家餵完奶換完片瞓到晚上11點，諗住再餵多次，就起碼天光?哈哈，太天真。1am，3am，5am，7am，9am，投降了。哈哈。不過我倆還是順利完成任務，我和太太互相稱讚之餘，更交換了禮物，真係好驚喜，大家有新電話影低灰鼠B，加上視頻架用喺廚房，邊煮邊看視頻人生嘛。。生活要TM的有激情。。。!!」
兩母女已經出院返家休息(微博圖片)

睇番阮德鏘嘅微博，原來灰鼠B早於上周一(16日)出世，當時阮德鏘都有貼相都留言向雙方家長報平安㗎！
睇住前世情人，你睇佢幾SWEET(微博圖片)

好耐之前有幫過TVB拍劇（資料圖片）

當然要恭喜埋粵劇名伶阮兆輝做咗爺爺喇！仲可以教孫女唱大戲添呀！

(apple daily)