胡杏兒昨晚出席活動時稱想拍完戲加速追生第2胎，若然追到女兒就開心到暈；活動後她衫都唔換，就同老公李乘德（Phil）去食日本料理，仲嗒返杯清酒；Phil在社交平台就貼上杏兒一手掩臉一手舉杯的照片，留言李太自從前年12月後首次再飲酒。
Phil說夫妻情趣就是一齊出去喝點酒，令他不時想念，終於杏兒禁酒16個月後，囝囝Brendan都開始食固體食物，讓善良媽媽是時候放鬆和享受。Phil坦言這夜他們很快樂，李太杏兒隨即留言，直言一杯清酒後已很醉，重點是：「ok let’s make baby Lee 2 tonight」！急不及待，不用等拍完戲就追生B了！Phil都估不到杏兒這麼開放，給杏兒3個臉紅表情符號；網民就在旁食花生留言打氣加油！
(singtao)
最近播出的《棟仁的時光》，當然有唔少人都拭目以待視后唐詩詠的新作。不過，劇中賴慰玲的出現就成了不少網民驚喜! 事關賴慰玲以好戲見稱，加上樣子生得標緻，所以深受不少網民愛載。賴慰玲為了生B差不多成年都沒有同大家見面，依家播出她的作品，總算一解網民相思之苦!
賴慰玲成為《棟仁的時光》焦點
如果有留意賴慰玲的話，大家都會發現劇中的她肚凸凸。賴慰玲話︰「套劇對我好有意義，因為係我懷B時拍攝。當時只有監製、Ben、子善同長興知道。我們在戲中的是兄弟手足之情，因為他們對我的特別照顧。」好多人說胎教好重要，賴慰佗住BB拍攝， BB分分鐘盡得媽咪真傳啊!
劇中不時見到她肚凸凸
(Apple Daily)
收銀員以後接觸熱感紙收據，或需考慮戴手套。浸會大學生物系研究發現，收據所用的熱感紙塗上化學物質「雙酚A」，屬已知賀爾蒙干擾劑。雙酚A可經皮膚接觸進入身體，收銀員日日提取熱感紙收據期間，化學物從手指皮膚走入血液，可於血液游走全身達一星期。接觸時間愈長，吸收劑量愈高，有機會造成多種代謝問題，或致癡肥、心血管病、抑鬱焦慮等。孕婦吸收過量雙酚A更可能影響胎兒發育。
浸大生物系教授黃港住表示，雙酚A是已知可干擾賀爾蒙的化學物質，約十年前曾從塑膠奶樽驗出，現時雙酚A主要見於罐頭內壁塗層和熱感紙。近年有研究發現收銀員尿液的雙酚A水平較高，大部分是從皮膚吸收。去年一項加拿大及瑞典聯合研究進一步顯示，參加者從膳食吸收的雙酚A可於廿四小時內清除，經尿液排出，經皮膚接觸雙酚A的參加者，一周後仍於尿液驗出殘留雙酚A。
黃港住解釋，經進食攝取的雙酚A進入胃腸後，很快經由肝臟代謝及排出體外，相反經皮膚攝取的雙酚A進入血管，游走全身才經血進入肝臟進行代謝，留在體內時間較長，期間一直干擾內分泌，對身體影響較由膳食攝取更大。
歐洲食品安全局一五年把雙酚A人體可容忍攝取量，由每公斤體重每日五十微克，大降至四微克，歐盟亦宣布，二○二○年起禁售雙酚A含量達紙張重量萬分之二的熱感紙。黃港住認為，雙酚A可擾亂內分泌及細胞之間的溝通，有研究指雙酚A可能導致抑鬱或焦慮、高血壓、心血管病風險、癡肥、糖尿病等。雖然各項實驗未有統一結論，但雙酚A對人體的健康風險已受國際關注。
他表示，胎兒和嬰幼兒接觸雙酚A後損害較大，因他們器官和身體結構處於發育階段，內分泌受干擾的後果較成人嚴重，「小童對有毒物質較敏感，同一個攝取量(大人與小童)效果很不同，而且造成的後果可能無法逆轉。」皮膚接觸熱感紙的時間愈長、面積愈大、手部濕潤、沒有洗手，經皮膚攝取的雙酚A分量愈高。
一般人從熱感紙攝取的雙酚A分量不多，但收銀員每日處理大量收據，黃港住建議可戴上棉手套減少接觸，以及接觸熱感紙後用梘液洗手，孕婦和嬰幼兒更要避免攝取雙酚A。
(on.cc)
歌手陳柏宇（Jason）同老婆符曉薇（Leanne）兩公婆出名感情好，早前更宣布就快做爸爸嘅好消息。不過尋日陳柏宇出席簽名會活動時，就指屋企兩隻愛犬因為成日打交，仲話可能要做最壞打算以將狗仔畀人，因此被網友指佢哋要B唔要狗。
陳柏宇因為兩隻愛犬成日打交，指可能要做最壞打算以將狗仔畀人，因而被網友指佢哋要B唔要狗。 （資料圖片）
Leanne今日就喺社交網嬲爆回應指佢同Jason一直都冇諗過棄養，只係喺BB啱啱出世時將狗狗暫時放喺朋友度，等等幾個月BB安定咗就會接狗狗返嚟：「我睇到哩（依）段野（嘢），覺得好好笑。睇埋入面留言真心嘔血 首先我地（哋）係唔會唔要Bessie B.B. 任何一隻動物 第二d（啲）人話我地（哋）教得唔好 如果成日上黎（嚟）我屋企嘅朋友都知 vv同Beisse以前唔係咁 係搬左（咗）黎（嚟）新屋哩（呢）幾個月先打到咁 第三 我地（哋）無驚過佢傷害bb 因為一個係（喺）地下 一個係（喺）bb床 唔通佢識飛上黎（嚟）咬bb 我地（哋）係驚佢地（哋）打傷 前幾日佢地（哋）打到vv差d（啲）咬中bessie眼球 好彩咬到眉頭 如果大家識得vv Bessie都知 佢地（哋）多次因為打交睇醫生 報導（道）話會比（畀）朋友 我地（哋）係諗bb岩岩（啱啱）出世時 先放去朋友度住（而個朋友係我地（哋）以前同屋） （Bessie第二個老豆） 等幾個月bb安定左（咗）就會攞佢返黎（嚟） 不過哩（呢）個最壞壞打算 因為陳生最愛嘅係Bessie 佢會因爲Bessie老而抱住Bessie喊（Bessie先10歳） Bessie哩（呢）幾個月變成咁 我地（哋）都唔知點解 所以要搵專業人士幫忙 vv由細到大都好忍讓 不過哩（呢）幾個月開始忍唔住Bessie 做出反擊 Bessie係一隻老虎狗 vv係一隻鬆師狗 佢哋打起上來 真係好傷 我地（哋）就係因為錫佢地（哋）先搵解決方法 唔通由佢地（哋）打死？ 所以希望大家明白報導文字意思」
(on.cc)
早前喺社交網宣布再度懷孕，現時喺廣州安胎嘅佢，呢日喺社交網自爆有小助手，原來係囡囡羅紫晞，榮升家姐嘅佢真係好乖，似乎想減輕媽媽做家務嘅辛苦，先拎住個掃把喺度為自己個「樂園」打掃一番。
但晞晞似乎覺得唔夠乾淨，好唔滿意咁，之後再出動埋吸塵機喺窿窿罅罅打掃，確保一塵不染，而李蘊亦代晞晞留言：「我間唔中都會幫手打掃吓嘅！」唔少網友都大讚晞晞好乖好幫得手，咁快就已經有家姐嘅風範！
媽咪錫錫~
藝人李蘊
李蘊同老公
(on.cc)
今年2月宣布要跟當時拍拖只有3個月的男友「閃電俠」結婚，今年內出嫁做狗年新娘。自公布喜訊後，準新娘不時在社交平台放閃，分享待嫁的喜悅心情。
他們第一張的合照
超浪漫！
昨晚，卓韻芝在Instagram分享自己與「閃電俠」在疑似遊艇上的照片，並留言︰「我想說，我愛這個人；越（愈）來越（愈）愛…」大批粉絲留言送祝福，也有網友取笑她說︰「肉麻死咩～」
卓韻芝揚言愈來愈愛未來老公。（網上圖片）
卓韻芝早前與未婚夫旅行。（網上圖片）
（ig / mingpao）
「係我近來見過最好畫面！」昨日（20日）旺角街頭出現的一幕，令不少網民覺得孝感動天。一名目測約4歲的小男孩，知道母親正抱着嬰兒，難以自己彎下身子綁鞋帶，於是即蹲下埋首為母親代勞。有路過的司機目擊過程，立刻拍下動人的一幕。
「唔知呀，覺得個世界都仲有美好嘅事。個細路仔斯斯文文好乖。」目擊者大讚男孩的舉動，相片事後被上載到Facebook群組「馬路的事討論區」，事發於昨日下午5時許，當時該名手揪着羽毛球拍及袋子的小男孩，在旺角花園街近好景商場，一間食店門前為相信是其母親的女子綁鞋帶。
「見到好多都係倒返轉頭，老豆老母仆晒喺地幫仔女綁鞋帶，呢個細路抵讚！」網民除了大讚男童年紀小小就懂得綁鞋帶，已十分了不起外，更大讚他孝順，認為他的家教很好，大讚男童是乖仔、是暖男。
網民有話說
Fo Fo Wong：咁辛苦生你出嚟，值得！
謝利：話畀佢學校知，做模範生。
Sam Chan：唔好玩啦，孭住bb喺前面根本綁唔到鞋帶，就算綁到都好辛苦，不過個小朋友值得一讚…
Ben Wong：我驚小朋友唔識綁蝴蝶結，打咗死結就…
Bobby Ho：一件好浪漫的事
Marcus Fong：感動，此情此景在現實社會就等同神奇迹
(facebook / on.cc)
鄧兆尊一直好有桃花運，除咗有大婆Carmen喺埋一齊20幾年外，同二奶車厘子（Cherry）都有10幾年，新收嘅揼骨妹三奶Claire都行埋年幾。
日前見佢同車厘子逛銅鑼灣，身邊又多咗一個中女，而且呢位中女同車厘子好似幾好感情，兆尊行喺兩女前面食煙，兩女就喺後面跟住，一路講唔停。兆尊偶爾會回頭望下佢哋，咁車厘子就會好醒目咁行快幾步，同兆尊又傾下偈。
後來佢哋3個人行到利園商場附近，入咗一間大時裝店睇衫，兩女都係買底衫，所以不停喺女裝部試衫，兆尊就冇入去，只係企埋一邊用手機嚟打機，最後兩女各自買咗一件底衫就離開。之後佢哋行咗去時代廣場16樓，去到一個波鞋特賣場睇波鞋，最初都係兩女喺度試鞋，後來車厘子都叫兆尊試鞋，結果佢哋3個人離開時，合共買咗5對鞋，全部由兆尊埋單。
中女同車厘子好似幾好感情
《蘋果》打過俾兆尊，問佢係咪有新寵四奶？佢話：「梗係冇啦！嗰個係車厘子啲好姊妹，車厘子約咗我，佢叫埋個姊妹一齊出嚟，就係咁簡單。」
（Apple Daily）
袁偉豪（Ben）﹑唐詩詠和朱晨麗等，今日為劇集《棟仁的時光》宣傳，Ben日前表示父親健康狀況進入倒數階段，問到現時父親情況如何？他說：「OK啦，反反覆覆，這個時候要多點陪他，有時要在家中睇住，他經常不小心會跣低或撞倒。（女友張寶兒陪你？）都是的，得閒就陪。」
同唐詩詠一起宣傳劇集
問到會否結婚沖喜？Ben說：「沒想過。（結婚）不是首要做的事。（但老人家想看你成家立室？）再看看如何。（帶女友返家？）之前有見過面兼吃過飯。」
(mingpao)
今日喺facebook宣佈同未婚夫Haris正式結婚，婚後移居倫敦。恭喜佢榮升人妻呀！
曾參加大陸歌唱節目《我是歌手2》嘅27歲馬來西亞歌手茜拉今日喺微博亦貼出結婚相，留言：「感謝所有親朋好友的支持，我與我心愛的真命天子Haris已經許下我們的愛情誓言，正式成為夫妻。希望大家能為我們送上美好的祝福，我們會一直幸福下去。」一對新人着白色馬來傳統服，新娘子依偎Haris身邊，未知係唔係一對新人有啲緊張，個樣睇落有少少嚴肅。
茜拉婚後移居倫敦。微博圖片
據台灣報道指茜拉同Haris於2010年認識，當時對Haris一見鍾情，由於二人長期分隔兩地，感情冇咩進展，直至2017年8月，先開始拍拖，相戀2個月即宣佈訂婚，去年11月3喺馬來西亞搞訂婚儀式，訂婚5個月後，o依家終於拉埋天窗。
之前茜拉上《我是歌手2》節目，同G.E.M.老友鬼鬼，G.E.M.同男友Mark感情穩定，唔知幾時到G.E.M.好事近呢?
(apple daily)
