她帶同3歲半兒子Damian今午出席活動，懷有5個半月身孕的她透露預產期為11月，選擇開刀生。今次會為兒子添個弟弟：「老公嗰邊鍾意仔，所以老公、奶奶等都好開心。（再追個女？）暫時唔會喇！」
藝人岑潔儀又指囝囝已知道弟弟的 存在：「佢成日走嚟錫我個肚，又發出聲響整蠱細佬。（呷醋？）未，我有做心理輔導。佢好叻，我未知有嗰陣佢指住我個肚話有BB，之前未驗到性別，又話畀我知係細佬。」
問到老公送甚麼獎勵？她答：「佢話到時咪知囉！上次佢送咗海外投資嘅嘢畀我，我叫佢今次唔好，想留多啲日後畀小朋友用。」她又透露有意與其他幾位圈中媽媽出書：「講吓啲懷孕，湊仔心得，但要等我生埋、坐完月先，預計農曆年前後啦！」
(on.cc)
恭喜晒！接受傳媒電話訪問時話一家人都好開心，佢話唔使老公獎勵：「我獎佢啦，幫佢生咗個仔，大家都開心，話晒隔咁多年(大女Kesha今年6歲)，終於幫家姐有個細佬。但老公地位越來越低，哈哈，理佢唔到，要顧住小朋友先。」
40歲嘅汪琳日前再添一子，囝囝重6.8磅，眼仔睩睩，似足媽咪。
汪琳囝囝對眼同爸爸、媽媽、家姐一齊咁大，全家都好似樣。
汪琳話家姐Kesha完全冇呷醋，仲幫細佬改英文名，汪琳話﹕「家姐諗咗三個英文名，一個係迪士尼卡通支蠟燭Lumiere，另一個係孖寶兄弟個細佬Luigi，我話唔好諗呢啲啦，全部係卡通人物，之後佢睇咗一套戲，大家都好鍾意Lewie呢個名。」汪琳透露Kesha好緊張細佬，佢話：「家姐覺得細佬好可愛，點解手仔腳仔咁細。因為BB要抽血，佢又問點解咁細個腳仔要貼膠布，咁咪好痛，好肉緊，好錫細佬。」
汪琳話囝囝喊聲好搞笑，佢話：「好似怪獸咁，可能有比較啦，家姐好尖好響，佢就『蛙蛙』聲線咁，但就同家姐一樣咁大聲。」問到會否餵人奶？佢話：「會呀，努力緊，哎吔，又要由頭嚟過，努力湊大小朋友。」
（on.cc）
女星自責地表示：「女兒於5月15日在拘留所早產，當時只懷孕6個月，出生時只有350克的死胎，她覺得經歷很痛苦，罪孽深重才被奪走寶貴的東西，對此感到非常懊悔。」
33歲日本女星麻生希（原名島崎彩），今年2月再度爆出藏毒，與27歲同居無業男友高畑愛平疑吸毒兼當毒品拆家被捕。5月初獲保釋後傳出為男友懷有身孕，但麻生希其後否認，但前日她在社交網透露B女已夭折。
麻生希保釋後剪了一頭短髮。
麻生希自責地表示：「女兒於5月15日在拘留所早產，當時只懷孕6個月，出生時只有350克的死胎，她覺得經歷很痛苦，罪孽深重才被奪走寶貴的東西，對此感到非常懊悔。」
BB本來預產期是9月，估計是懷孕期間吸毒，才導致胎兒早產夭折。而麻生希亦出現蜘蛛網膜下腔出血症狀，目前正在休養中，她正努力戒毒，希望重整心情後努力活下去。
（on.cc）
視帝王浩信與陳自瑤（Yoyo）結婚7年，早前傳出女方主動提出離婚，並已分居一段日子，但為了6歲的女兒王靖喬，二人的關係已好轉。早前兩公婆一齊出席女兒的幼稚園畢業活動，回復一家三口的溫馨生活。
日前下午，Yoyo到馬鞍山出席新劇宣傳活動，離開時獲十多名男女粉絲上前索簽名兼影合照。心情大靚的她來者不拒，有求必應，全程笑容滿面，態度親切。
其後她乘閨蜜唐詩詠的座駕前往九龍塘搵食，泊好車後，雙雙步往附近一間西餐廳醫肚。
二人發現記者時，即笑笑口打招呼，而Yoyo更笑到見牙唔見眼，狀甚風騷。她們逗留個多小時便埋單走人，沿途被不少途人認出兼眼望望，但她們一於少理，繼續邊行邊傾往停車場。
之後Yoyo繼續坐詩詠順風車返將軍澳寓所，臨上車前不忘向記者揮手道別。
（on.cc）
「多女公」藝人林盛斌（Bob）今日現身書展為太太黃乙頤（Pearl）撐場，期間影大合照時，未夠一歲的Jaye氣力為之驚人，人仔細細就可以拎起本大過自己塊面嘅書，實行以「行動」力撐媽媽！未幾，記者要求放下新書再合照時，Bob貪玩一手從囝囝手上強行扯走本書，嚇到Jaye即時爆喊，要Pearl抱開「定驚」，Bob則充滿內疚感想氹番囝囝，當Jaye被安撫後重新埋位時全程都怒睥爸爸，仲趴落Pearl身上撒嬌，場面搞笑！
問到為何只帶同孻仔林道申（Jaye）到場？Pearl解釋說：「三個女同婆婆依家喺加拿大多倫多探家姐，唔想佢哋等埋我呢個活動而玩少幾日，但細佬夜晚都要我陪瞓，所以就等埋我下星期日先飛。」她續指今次是囝囝第一次出埠：「平時出街都會帶齊佢哋，出街唔係啲咩特別嘢。」
Bob則表示每年暑假都會一家去旅行，今年都唔例外，希望抽到時間，又不忘大讚太太為新書出花了不少心力，所以專登推Job撐老婆：「書入面都係參與咗少少訪問，老婆係超人媽媽，佢出書都希望可以鼓勵其他媽咪。」
Pearl就話出書契機是身邊朋友都希望自己分享湊仔心得。問到可有送書給剛宣布榮升爸爸的好友王祖藍？Bob即刻話當然有，要鼓勵、支持佢同李亞男：「一知道佢有BB就即刻Send Message恭喜佢，呢一年都成日叫佢快啲生賺夠啦，始終有個家庭、有BB係唔同，即使喺內地工作有幾如火如荼，有埋家庭係圓滿啲，但點知呢幾個月無提就即刻有，仲諗住傳授生仔秘方畀佢，點知佢話自己教自己！」
（on.cc）
芝士奶蓋飲品大行其道，但原來單是那層奶蓋的卡路里已等於一碗飯？有營養師表示，芝士奶蓋熱量驚人，最普通的茶底芝士奶蓋有三百五十卡路里，當中芝士奶蓋佔了二百二十卡路里，相當於一碗飯；只要每星期飲兩杯，一個月足以肥零點八磅。芝士奶蓋飲品配搭豐富，除了配茶底，又可配沙冰、抹茶及珍珠奶茶等，到底哪一種配搭最邪惡？營養師一一為你拆解。
尚營坊高級營養師蘇玥明表示，芝士奶蓋的成分主要是全脂奶、糖及淡忌廉，以最常見的五百毫升茶底芝士奶蓋飲品為例，已逾三百卡路里，並含相當於六茶匙油的脂肪量，達到每日脂肪攝取上限，至少跑步一個鐘才能抵銷整杯飲品的卡路里。部分飲品店提供「輕芝士」奶蓋選擇，將淡忌廉轉做牛奶或鮮奶，與「濃芝士」相比，卡路里可降低七成，但味道相對較淡。
在眾多芝士奶蓋的飲品配搭中，含糖量最高的非「芝士芒果沙冰」莫屬，含有十茶匙糖，即飲一杯已超過世衞建議每日六茶匙糖的攝取上限。勿以為芝士奶蓋搭配宇治抹茶「無咁肥」，甚至以為可以消脂解膩，蘇指由於該些抹茶加了奶及砂糖，單是茶底即有三百卡路里，再上加芝士奶蓋，整杯的卡路里實際高達五百二十。
最邪惡榜首是「芝士珍珠奶茶」，一杯有六百二十卡路里，足足等於三碗飯。蘇指該款飲品除了含有最肥的全脂奶及奶精，珍珠一般用糖水煮過，兼以薯粉製成。以一百二十磅體重的女士為例，飲一杯已經等於一份正餐的熱量。若每周飲兩杯，一個月可增肥一點五磅。如果中午到茶餐廳吃完一碟叉燒飯或一碗榨菜肉絲麵，再飲杯「芝士珍珠奶茶」做飯後甜品，便等於一次過食了兩個正餐。
蘇又說，炎炎夏日，不少辦公室一族午膳後愛飲杯奶蓋或台式飲品，她指該些飲品主要成分是單糖，代表升糖指數高，飲後被身體吸收得快，血糖易大上大落，午後變得沒精打沒采及疲倦，亦易工作時打瞌睡，建議少飲為妙。
（圖片：on.cc）
(on.cc)
藝人陳展鵬與單文柔（Phoebe）情侶檔出活動，Phoebe更大晒長腿。原本通告只有陳展鵬出席，二人被問名單是否臨時改動，展鵬謂是好友開張，對方昨晚突然問他女友能否一起來，又見Phoebe有期故一起出席。被問到情侶檔示人是否酬勞更高？Phoebe笑指酬勞合理，當半賣半送。至於將來會否更多機會以情侶檔出活動，展鵬指TVB的活動不時一起出席，商演就要看朋友邀約，笑謂「冇理由貼錢做㗎」！
展鵬早前接受專訪時，指有結婚打算，他說：「想㗎，出世識性都想，男人都想啦，隨緣啦！」問到可有問過女友是否想嫁？Phoebe借機替男友宣傳劇集說：「睇《天命》安排啦！」展鵬則笑指：「工作先，聽日結都唔出奇㗎！」二人又打情罵悄，Phoebe笑指：「其實係要睇佢決定娶邊個先！」展鵬則笑指：「可能係你決定呢！」
談到鄭嘉穎與陳凱琳八月低調成婚，二人未有正面回應。
但嘉穎的好友林子善則回應指：「應承咗嘉穎，狗咬都唔可以講，所以我哋只會去，其他嘢我哋唔可以講！」展鵬聽畢就笑謂：「係就開心啦，係怕恭喜錯啫，如果佢喺香港擺酒就梗係一定去啦！（有通知你？）都話狗咬都唔講啦！」至於將來結婚會否大方公開，他直言公布與否與大方無關，雖身為幕前人，但亦有私隱。
（on.cc）
藝人袁偉豪（Ben）現身書展為其純影集舉行簽名活動，女友張寶兒亦有到場支持。Ben指今次出書為慈善，所以做得特別開心，問到是否因為慈善才豁出去？他說：「好多嘢，都想畀人知我有啲料，張相放喺最後有意思，人生出世係赤條條，走嘅時候乜都帶唔走。（介唔介意女友為慈善全裸影相？）你睇吓佢介唔介意先，要影都係我操刀。」寶兒就坦言未有勇氣去做。
純影集入面除咗有Ben唔少精彩靚相，仲有佢一張全裸照！而作為女友嘅張寶兒當然全力支持男友，當中佢亦有客串演出添，但就冇正面出鏡。
今日寶兒就公開一張正面照發文感謝男友，畀佢動力：「謝謝你，一年前告訴我想借我的背面⋯⋯ 你給了我鍛鍊的動力。曾經想過無數次想要放棄，反正我不是主角，但你讓我知道，奮鬥只需要一個藉口，我是我人生的主角。#係咩驅使你做出呢個勇敢嘅行為 #係yolo呀 #係愛自己呀 #里程碑 #為自己大膽一次 #老爺車系列 #終於可以鋪相 # #寶兒心誌」
(張寶兒社交網)
佢仲話全因男友嘅鼓勵，勇敢走出第一步，為自己建立起健康的生活習慣。
Ben笑指很開心成功拍到背面全裸照：「好在冇畀人拉，張相喺峇里一個小灘度拍，個沙灘冇乜人，只有幾個外籍美女，佢哋見到我同攝影師度位都好識做走咗。（唔同你一齊影？）我唔好意思，而且寶兒喺度。」問到會否介意男友的臀部被公諸於世？她表示都並非第一次。Ben又感激女友在書中客串，文字上亦有給予意見，問到為何不影女友正面？他解釋：「想講人生入面會遇到不同嘅人，有好多伴侶。」
（on.cc）
她的名字大家可能不是特別熟悉，但她身上的兩個標簽卻廣為熟知：香港小姐冠軍和六福珠寶創始人。
1987年，她參加了香港小姐選拔，同期競爭的選手有邱淑貞，邱淑貞的實力用今天的話來說，是眾望所歸，但大概因為長得太美，被人造謠整容，不得已退出了比賽。
少了大熱門競爭對手，當時並不熱門的楊寶玲憑著大方得體的表現逆風翻盤，獲得冠軍。當選港姐後，又在國際選美大賽中得到“亞洲皇後”頭銜，及“環球小姐”第五名，被稱為獲獎最多的港姐，至今無人超越。
楊寶玲進入娛樂圈後參演了不少電影電視劇，有《都市麗人》、《飛龍猛將》等，搭戲梁家輝、郭富城等大咖，其中最經典的角色應該是《蜀山奇俠傳之紫青雙劍》中的紫瓊了。
娛樂圈的鶯鶯燕燕太多，楊寶玲沒有繼續待在娛樂圈這塊是非之地，轉而下海經商，與合伙人創辦了六福珠寶，但任六福珠寶執行董事及代言人，以一己之力書寫了“富婆”成長史。
從亞洲皇後到珠寶皇後的成功轉型，楊寶玲在事業上算是獨立女性的典範，但愛情路途卻坎坷多舛。
1997年，楊寶玲被爆和詞曲制作人陳榮森秘密結婚，但婚姻曝光不久，楊寶玲就親自開發佈會，稱正在辦理離婚手續。
她的第一任丈夫
而離婚後前夫陳榮森無品格的言行讓人大跌眼鏡，在公共場合數落前妻的不是，公開閨房秘事，說楊寶玲要求甚多，一周要10次，以夫妻間的性事來泄憤實在太低格調，還好楊寶玲得以離婚抽身遠離極品渣男。
離婚後五年，楊寶玲再次找到歸宿，與賭場CEO Nelson wong在美國拉斯維加斯結婚，並育有一子，只是這段婚姻也沒有走到最後，於2014年離婚告終。
再度離婚後的楊寶玲重遇發際線開始上移的初戀男友Gva，當時Gva 得知楊寶玲恢復單身，對她展開追求，並承諾未來願意去美國和她一起生活，男方的窮追不舍終於打動楊寶玲，兩人一拍即合，各自帶著兒女重組家庭，一家人和樂地生活在一起。
和初戀男友再續前緣時的楊寶玲49歲，但歲月似乎沒有在她身上留下痕跡，靠譜的愛人，穩定的家庭讓她有了一分氣定神閑的姿態。
（騰訊）
王祖藍為陳志雲演嘢會擔任嘉賓。
講到太太李亞男有了BB，問他可會請假陪太太安胎？他表示：「呢段時間會拍部香港電影，內地工作少啲，盡量留喺香港工作多啲。」
長短腳之戀李亞男王祖藍最近宣佈成功懷孕 （資料圖片）
問即將升為人父的他心情可會緊張？他表示：「我以為自己唔緊張，但原來唔係，如超聲波我唔夠膽望，原來呢個生物就係我嘅BB，都驚到時入產房我都要畀人救。（預備到時入產房？）我盡量努力呢段時間克服我嘅恐懼。」問到BB可是手長腳長？他謂現時還未見到。
問到預產期係幾時？他表示：「年尾年頭咁上下啦。（性別保密？）等佢講，依家所有嘢睇佢頭，幾時公布、影咩相、裝修都係睇佢頭，佢大晒。」
(on.cc)
