下月踏入49歲嘅鄭嘉穎與比自己年輕22年嘅陳凱琳(Grace)拍拖3年，當年兩人因為拍攝無綫劇《殭》撻着，起初不被睇好，有指女方家人好反對，但兩人排除萬難，越來越恩愛。
有報道指鄭嘉穎已求婚成功，並已定於下月去海外舉行小型婚禮，只邀請十多位至親友，當中包括嘉穎拍攝《鐵馬尋橋》幾位好兄弟馬國明、林子善、黃嘉樂及「阿妹」唐詩詠等，相信Grace一班姊妹陳嘉寶、賴慰玲等亦獲邀請出席見證兩人婚禮。之後會再喺Grace成長地方加拿大補擺喜酒。
《蘋果》今日向嘉穎同Grace求證，兩人似乎已夾定口供，嘉穎話:「我都想，哈哈哈哈哈！多謝大家關心，我哋兩個感情好好，至於結婚呢，有消息再通知大家！」
而Grace亦未有否認婚訊：「多謝大家關心，我哋兩個感情好好；至於結婚，有消息再通知大家！」有指嘉穎好鍾意小朋友，由於年紀唔輕，一直都好想快啲迎娶Grace過門；而Grace嘅好姊妹賴慰玲去年亦成生咗BB，所以Grace亦唔太拒抗27歲就做少妻同嫩媽，計劃婚後立即造人生B，為鄭家繼後香燈。
(蘋果日報)
又走一個。
通常用親呢個term，都大概估到，走嘅，唔係嗰種「走」，應該就係，又有無綫藝人離巢。
如題。今次係同無綫合作十二年嘅Jason陳智燊。將為人父，噚晚佢毅然宣佈此重要決定。「返來香港之前我猶豫咗好耐，一個人自己離開屋企，追求一個唔知可唔可以實現既夢…我好幸運，有一個好支持我嘅家庭，阿爸阿媽既鼓勵，我哋四兄弟之間嘅扶持，令我更有信心去追夢。」
「返到來香港我都一樣幸運，加入TVB之後得到好人嘅愛戴。樂小姐不斷帶當時嘅我出席活動，不停搵機會俾呢個新人。Sandy（余詠珊）亦都俾咗我好多做主持嘅機會，等我再深入了解呢一行。「多謝珍姐（曾勵珍），多謝你多年來嘅栽培，多謝你咁多年來一直提醒我要做好自己，多謝你令我實現到我演戲既夢想。」
「我要多謝所有合作過既同事，我喺TVB呢個家庭可以過得咁開心全因為你哋，最唔捨得就係你哋….」
「支持過陳智燊嘅人，衷心感謝你哋嘅鼓勵同愛戴。我會加油，我會繼續做好自己！」其中一個hashtag係#NewChapter之前睇過鍾嘉欣、岑麗香喺社交網發表嘅「告別TVB的信」，對陳智燊這一篇，已經不感意外……Sigh。陳智燊仲有另一個post，係感謝雙親、以及代為照顧雙親嘅好友，仲有懷孕七個月嘅太太宋熙年。他特別寫道：”@RahRahSong starting a family with you has been the most precious thing in my life. Thank you for the confidence and motivation that you inspire in me. You give me strength to pursue my dreams, to be a better me, to make you and our son proud.It’s gonna be exciting!”好感動！！！
自細喺英國長大，父母在當地開餐館嘅陳智燊，在倫敦大學畢業後，03年返港，加入娛樂圈，06年加入無綫電視第20期藝員訓練班，最初被派到明珠台做節目主持，至近年開始拍劇，「入屋」之作包括2011年處境劇《誰家灶頭無煙火》，翌年拍《幸福摩天輪》坐正做男一，可惜陳智燊似乎生成一條「二奶命」，始終上唔到一線，而且有段時期仲幾黑仔，有份演出劇集如《三個女人一個因》、《超能老豆》都無啦啦被抽起Delay出，搞到陳智燊無晒心機，故近年來同老婆宋熙年疊埋心水做Youtuber，成功吸客，殺出新血路。俾心雞呀陳生陳太！
(蘋果日報/on.cc東網)
點知畀老婆鬧爆，佢就話﹕「所以每收一個朋友短訊就鬧一次。我份人性格就係咁，衰性格，對太太、父母、仔女都係咁。。。」
森美因為宗教信仰，所以好少談論玄學，但上得嚟《玲機一動》節目，都自爆咗一單同玄學有關嘅嘢，仲影響佢一生。
森美笑笑口話﹕「記得同老婆求婚時好浪漫㗎，喺法國香榭麗舍大道。當時同老婆入去一間飾物店，佢見到一隻vintage戒指話幾靚，我就話麻麻地俗氣，但轉頭偷偷去買。一心諗住上到巴黎鐵塔頂求婚，點知喺香榭麗舍大道鬧大交，我就問自己『係咪鬧交仲鍾意呢個女人？』我答係，就求咗婚。點知，過咗一年都未結婚，佢突然同我講話幾年前睇相，今年唔結就會散，佢仲會搵到過好過我嘅男人，咁我即刻娶啦！婚後十幾年講番呢件事，佢竟然話『咩相士』，係咪呃人吖，簡直係麥玲玲過你一棟呀！」
森美話到依家都會成日同老婆鬧交，因為之前患抑鬱症，有時脾氣都好大，幸太太會忍讓自己。向來口多多嘅森美，好愛老婆陳雅嫻(Veronica)，但又唔識表達。早前係旅遊節目話好想同愛嘅人一齊睇雙彩虹，點知畀老婆鬧爆，佢解釋﹕「人人以為我好錫佢，但佢覺得一啲都唔錫，所以每收一個朋友短訊就鬧一次。我份人性格就係咁，兜口兜面唔識表達，衰性格，對太太、父母、仔女都係咁，見到就板起塊面，唔見個心就好掛住心軟。」
結婚15年，森美都係從一而終，亦唔介意畀老婆check手機，佢話﹕「男人個心都係想見識嘅，但我孤寒，出去玩仲要我畀錢你，咁就唔係好抵啦。」玲玲師傅取笑森美追女仔都係「齋講」，拍拖次數唔夠五次，森美哈哈笑話﹕「係喎，人有兩種，一種行動派成日追女仔，好似運動員跑得快，但講唔到你知點跑，教練就會諗到方法，所以我啲橋都係work嘅。」
而森美同小儀多年來合作無間，對於經常踩小儀，森美話係為小儀好﹕「香港人大部份都係有善心同愛心，踩佢低過實際，大家就會抬番高佢，但如果有聽我做節目，都知我依家冇乜理佢，哈哈。」
(蘋果日報)
資深歌手陳潔靈一連12場在演藝舉行的音樂會獲張學友、郭富城、小美、林振強太太及兒子、張艾嘉、林珊珊等人送上花籃。她以心口有薄紗的低V高衩晚裝現身，唱出張國榮歌曲、由小美重新填詞的《由靈開始》，之後唱出一連串金曲，如《千個太陽》、《只怕不再遇上》等。
與Celine Dion有共同點
期間她亦分享感受，表示最近見完國際天后Celine Dion，發覺兩人有相同處：「就是Husband離世後，但我哋都好快收拾悲痛，踏上舞台。」她亦謂林振強改寫了Celine的一首歌給她，叫做《哭…可以麼》，她謂：「由最初喊到一個字都唱唔到，到慢慢唱多幾個字，喊完又唱，唱完又喊。」然後她唱出此曲，亦藉此向林振強致敬。之後她又與不同樂手表演，如小提琴、二胡等，來到Encore環節，她唱出《誰令你心痴》及《明星》，最後圓滿結束。
向香港音樂人致敬
騷後接受訪問，陳潔靈表示今次想向香港音樂人致敬，亦加了新的演繹方式，希望為大家帶來驚喜。講到場地很特別，是一個小劇場，跟觀眾近距離接觸，她表示：「呢個場地每位觀眾都可以睇到我，咁Close嘅地方即係歌手同觀眾之間要把握得好好。」
喪夫打擊大
講到她在台上表示老公過世後唱歌不停喊，問到出事後最難過的一次表演經歷是甚麼？她表示記得有次在亞博做慈善騷，跟肥媽及劉美君一起合唱林子祥的《友愛長存》，但當時她企在台上腦海是空白，眼淚哽在喉嚨，但劉美君未知道她老公過世一事，到她返回後台見到肥媽老公即跪在地上爆喊，她表示：「到幾個月之前我咁啱見到劉美君，同佢講返呢件事，話當時真係唔好意思，我崩潰咗。但係嗰件事之後三個月我上紅館開騷，所以練咗好耐，所以其實頭先我台上講好多嘢都係真心。」
（on.cc東網）
藝人身為公眾人物不時會被粉絲索合照，呢種情況相當普遍。不過上個月有位空姐上載咗一張同周杰倫嘅合照喺社交網，留言：「聽着你的歌長大的」。點知就係咁佢無啦啦被傳有喜，仲話已經辭咗職去養胎。
周杰倫無辜牽涉喺事件中！呢件事喺網上傳足半個月，該名空姐終於忍唔住發文澄清，表示：「對於網上一些造謠的言論我現在這裏澄清一下：當時我只是在周杰倫演唱會前粉絲見面會上跟周杰倫拍了合影，當天有一百人左右都跟周杰倫拍了合影，我們並不認識，也沒有發生網上謠傳的事情。感謝大家。」
(蘋果日報/on.cc東網)
富豪「大劉」劉鑾雄一向出名好火，今日67歲生日他鬧起人上來依舊中氣十足。大前日他帶同太太甘比及一對仔女到銅鑼灣希慎廣場閒逛時，跟o靚模許珮榆（Diva）發生爭執達十分鐘。起因是大劉指Diva險撞到囝囝仲學，更形容對方為「整容怪物」。Diva受訪時重申沒有撞到對方，對於被指整容感到傷害。大劉昨直認自己肉緊，更怒斥：「電梯意外會死人！」
城中超級富豪「大劉」劉鑾雄，早前經歷換腎大手術，以為已經收起過往的霸氣。不過讀者傅先生透過本報「爆相爆片」，指大前日在銅鑼灣希慎廣場，見到大劉跟一名少女發生爭執。該名少女昨日證實為模出身的許珮榆（Diva），前年曾參加ViuTv選美真人騷的《美選D.n.A》。
昨日再有本報讀者李小姐爆料，表示她目擊事件，並詳述事件始末。據李小姐稱，事件起點是在扶手梯開始，當時甘比拖着囝囝仲學，囡囡秀樺則站在前面，戴着口罩的大劉壓尾，在三母子後面。不過，Diva突然攝在大劉跟甘比中間，跟前面的甘比只有三至四吋距離。李小姐形容Diva在扶手梯上忙於篤手機，未有捉實扶手。身後的大劉忍不住出聲說：「姐姐，好心你唔好掛住睇手機啦，好危險㗎，撞親人點算？」少女即時反唇相向：「點會？我睇緊路，點會跌親？」李小姐覺得由於Diva就集在大劉一家中間，所以作為男主人的大劉特別緊張。一聽到Diva這樣說，大劉即扯火並厲聲問：「你點睇路呀？你睇住部手機！你知唔知幾多意外？而且仲會整到其他人，你有冇諗過撞到人點算？如果我老婆仔女整親，係咪你賠先！」
據知，Diva當時認不出與她對罵的男子就是大劉，認得之後，女子即反擊：「咁有善心，就積吓福！係咁喺度鬧人！嘥啲時間做有意義嘅嘢啦！」所以就爆出大劉說：「積你個福！積你老母！佢（子女）受傷係咪你賠呀？」大劉又再爆：「邊個叫我話緊你，仲係咁嘅態度？」又就其樣貌作出批評，女子馬上澄清：「我冇整容！如果我證明我冇整容，你賠番幾錢畀我！」兩人爭執達十分鐘。
當事人Diva昨日以短訊回覆本報，重述事發經過，她重申完全沒撞到大劉的兒子：「嗰日喺希慎有fans認得叫我影相，又叫我加佢fb。加完之後，我攞住部電話行上電梯。跟住有個阿叔係度鬧我，話我做乜攞住個電話『做乜喺度攞住部電話、喺度望電話』，仲要語氣極度惡劣。」Diva反問攞電話跟對方有何關係時，該位「阿叔」說：「點解唔關我事呀，你撞到我個仔……」Diva強調跟前面的小男孩（仲學）有兩至三呎距離，但對方越鬧越過份。她說開頭並不認得對方是誰，還叫他不要勞氣，直至見到甘比叫：「爸爸唔好嘈」，才知道是大劉。
Diva表示言談間有叫大劉不要亂鬧人、積口福，他聽完後更嬲話找人打我，她說：「就算佢係有錢人都要講，我都冇撞到佢個仔，為啲冇發生嘅嘢而鬧我。我唔會因為佢係大劉而畀面佢囉，如果真係撞到你個仔，我一定會say sorry，咁但係冇吖嘛。見你靚女啲，就話你整容怪物，你講完我唔鍾意，呢句傷害到我，咁去驗囉，我講到如果我冇整容，你賠錢畀我呀。」對於今日67歲生日的大劉，Diva祝他「身體健康」，又提議他返自己的商場The One逛街。
大劉昨晚接受本報獨家電話訪問，他澄清道：「我開頭唔係鬧佢，係好好聲氣嘅。我話『姐姐，你左手拎電話、右手篤手機，唔睇路，好危險，好易發生意外撞親人。』」他主要是擔心對方會令仔女有危險，兩人因而發生爭執。至於罵對方為「整容怪物」，大劉直認不諱：「我當時嬲得滯，我睇佢個樣都唔止整容一次啦！網上傳聞話佢做過舞女、生過仔，我唔知真定假，唔關我事，但我絕對相信佢整容係真嘅，我用肉眼睇，估佢整容整咗N咁多次！」
大劉受訪時又承認怒從心起，而說出過過份的說話，至於Diva受訪時稱大劉怒從心起，她說：「佢仲嬲，仲話搵人打我。」大劉解釋說：「當時大家鬧緊交，一時之氣，梗係亂噏，邊得閒打佢？盞益咗佢！」又稱：「我家咁肉緊，係因為呢啲電梯意外成日發生，係真係會死人，所以我先會話佢！」
(蘋果日報)
下月踏入49歲的鄭嘉穎與27歲女友陳凱琳拍攝無綫劇《殭》撻着，縱使相差22歲，戀情一開始不被看好，甚至有指女方家人反對，但他們愈難愈愛，據知下月二人更會於海外舉行小型婚禮，只邀請十多位至親好友見證，「父女戀」正式開花結果。
鄭嘉穎於圈中曾公開的女友包括王馨平、周麗淇及佘詩曼，三位都是拍拖多年後性格不合分手，直至2015年，Grace這朵「嫩花」插入嘉穎心，隨即愛得癡纏。二人半同居般開始，Grace多次表示已視嘉穎為Mr.Right，每當被催婚，她都冧爆回應，恨不得即時下嫁一樣。去年中，她自爆結婚是兩年內的事，最爆是有次她於社交網自稱已有「未婚夫」，當時嘉穎回應：「係咪講緊我呀？唔使一定要結婚，可以跳過呢個步驟。」
行奶奶政策加晒分
畢竟，Grace很懂嘉穎的心，知男友最錫媽媽，故一早行奶奶政策，之前嘉穎做舞台劇，她一副新抱仔姿態孖住未來奶奶睇騷，又打入嘉穎的朋友圈，大家都讚Grace是好女仔、人品好，單是這些，嘉穎已給女友加晒分。雖然二人近年經常分隔兩地，嘉穎於內地拍劇及多部電影，半年來密賺了半億，都是想娶女友過門，快快生B做老竇。快將「入五」的他本身甚喜歡小朋友，之前Grace的好姊妹賴慰玲生B，二人結伴探望時，嘉穎甫見BB即雙眼發光，雖然Grace年紀輕輕，但都甘心做「少妻」及「嫩媽」，二人亦有計劃，婚後即刻趕工生B，實行為鄭家繼後香燈。
或於加拿大擺酒
嘉穎圈中最好的朋友包括拍攝《鐵馬尋橋》的幾位稱兄道弟藝人馬國明、林子善、黃嘉樂及「阿妹」唐詩詠等，繼林子善結婚後，嘉樂與馬國明都經常被指好事近，這位「阿哥」當然不能再被爬頭，雖然圍內已稱呼Grace為阿嫂，但眾好友都勸二人早日拉埋天窗一家親！之前唐詩詠便於社交網向各位阿哥催婚，留言說：「Full of love，祝大哥（鄭嘉穎）快啲結婚、祝二哥（馬國明）快啲結婚、祝三哥（黃嘉樂）快啲結婚、祝四哥（林子善）快啲生仔。我就努力工作。」現時「大哥」婚禮舉行在即，據知這幾位兄弟姊妹亦已向公司請假，齊齊飛到婚禮場地見證甜蜜一刻。
之後，一對新人或於Grace成長地加拿大擺酒，宴請親朋。
(on.cc東網)
楊思琦今日到新城電台接受訪問宣傳佢嘅首本寫真《MISS SZEKI 2018》，囡囡卓穎亦有陪媽媽一齊現身，思琦表示寫真推出兩日，得到好好嘅反應：「好多謝大家支持，有啲地方已經賣斷市，書商係有加印嘅諗法，如果就最好。」思埼話書展當日聽到好多人讚賞，問到覺唔覺得自己本寫真重受歡迎過一眾靚模？佢話：「唔好咁講，其實只係諗住趁青春留倩影。」
除咗留倩影，思琦妹喺寫真入面仲送咗個彩蛋畀大家，就係提到原來同李嘉欣有親戚關係，嘉欣係佢姑媽嘅姨甥女，思埼話：「其實係當時出版商問我有冇一啲特別事可以同大家分享，我嘅生活一路都好透明，好多嘢大家都知道，於是就諗會唔會有啲嘢係大家唔知呢？其實呢樣喺我哋屋企人當然唔係秘密，只係大家唔知之前亦都冇特別講。」咁喺同大家分享之前，有冇事先諮詢姑媽？思琦話：「咁又冇同佢講過，其實我哋雖然係親戚關係，但平時都比較好少見。」咁今次公開，怕唔怕嘉欣唔鍾意？佢話：「我唔猜測啦，冇咁嘅需要。」
今次寫真咁受歡迎，會唔會吸引到更多人向你問價？思埼話：「都唔係淨係出寫真先有人問啦，我都唔得閒留意，唔講呢啲啦。」佢又透露囡囡今日先首次睇完成本寫真，咁囡囡有咩反應？佢話：「佢咪不停話好靚好靚囉。」未來會唔會考慮再影多輯？思琦話：「未知，做好今次宣傳先，到時再算。」
另外，思琦今日喺商台嘅錄音訪問中就提到自己對愛情仍然有憧景。「如果可能嘅話、又有適合嘅人、時間，每個人都想，結一次婚都好正常，我未結過呀嘛，但都要睇遇唔遇到，我都仍然相信愛情嘅。」同時亦開出擇偶條件。「希望成熟啲，一來要感覺，二來要錫我、我屋企人，（即係之前嗰啲唔夠錫你？）唔係，最緊要相處到、溝通到、真誠…」
至於使唔使事前畀囡囡過目，佢就話唔使：「大人要覺得啱唔啱之後先再決定，圈內、外都冇所謂，結過婚都冇乜問題。」
(蘋果日報)
「其實都有好多嘢未搞，自己都忙緊，好辛苦先搵到酒店場地，印帖未搞，仲要搞過大禮啲嘢！婚紗方面，佢鍾意就得，始終都係要佢自己心頭好。」真係好Sweet呀！
藝人韋家雄十月六日便與拍拖數個月、比他年輕近廿年的女友鄧楚雅（Keynes）拉埋天窗。二人日前正式入紙排期註冊，其擬結婚通知書亦正式曝光。韋家雄報稱地址為將軍澳區，而女友則報稱寓所在屯門區及任職接待員。
家雄將於旺角帝景酒店設婚宴，他接受東網訪問時表示現忙於拍攝無綫劇集《牛下女高音》，但一有時間就會搞婚禮事宜。他謂：「其實都有好多嘢未搞，自己都忙緊，好辛苦先搵到酒店場地，印帖未搞，仲要搞過大禮啲嘢！」
而太太Keynes那天當然要靚靚示人，故近日都忙於揀婚紗，問到家雄會否給意見時，他笑謂：「佢鍾意就得，始終都係要佢自己心頭好。」相信未來老婆聽到都會冧到漏呀！
(on.cc東網)
雖然係臨急「吹雞」但都見到好多人出席，好似姚子羚、周家蔚、蔡思貝、湯洛雯、歐陽巧瑩、林師傑、洪永城、胡蓓蔚與老公單立文、陳山聰同女友Apple、李思欣同老公范振鋒、張達倫夫婦等等，而曾經傳緋聞嘅洪永城同思貝仲唔避忌拍片搞鬼！
藝人楊秀惠（Vivien）34歲生日，但未到正日已經慶祝，佢喺Instagram上載咗張大合照，原來佢臨時臨急Call食生日飯，胡定欣仲勁有義氣第一個到現場幫手吹氣球布置添！
今日正式踏入34歲嘅佢，凌晨時分瘋狂喺ig洗版，上載多張同來賓嘅合照，當中胡定欣、陳山聰、單立文同胡蓓蔚仲封咗利是畀佢添！
Vivien就笑言呢個係「百日宴」叫大家唔好問佢幾多歲喇，佢留言：「好友們一收到電話就即刻俾（畀）面出席了，謝謝大家！」網民都預祝佢生日快樂呀！
(on.cc東網)
