藝人龔嘉欣（Katy）近年事業發展順利，工作接唔停手。演藝事業穩步上揚，大家都期待她更好的作品，希望她下一個獎項就是最佳女主角！但唔知係咪太忙冇時間休息，令身體響起警號！
今日佢喺社交網自爆患上俗稱「生蛇」嘅帶狀疱疹，暫時要停工休養一排，並為影響工作進度而致歉。為免大家擔心，佢續表示已經求醫，並上載咗自拍照同一堆藥物嘅相。
佢留言話：「對不起，因為身體狀況影響了拍攝，我已回到香港，看了醫生，確定是『生蛇』，醫生說需要靜靜休息一段時間。謝謝在我生病時候照顧我的同事，也希望大家都多注意自己身體，可以的睡多點，休息多點，放鬆一點。」
其實藝人曹永廉同陳志健亦試過開工期間患上「生蛇」，總之身體要緊，希望Katy早日康復！
龔嘉欣接受東網訪問，佢話：「謝謝關心，休息中，之後再傾，thank you！」
(on.cc東網)
係圈中模範夫妻，兩人喺2015年夏天一索得男，上月才被拍得一家三口享受天倫樂，爸爸抱住下月滿三歲嘅乖仔流露出慈父一面，原來當時女方已經懷孕，難怪佢笑得咁開心。。。
40歲日本女星菅野美穗今日傳來再度懷孕喜訊，有當地報道指佢正為44歲嘅堺雅人陀B逾五個月，趕得切今年內再做父母。
堺雅人同菅野美穗都算係圈中模範夫妻，兩人喺2015年夏天一索得男，上月才被拍得一家三口享受天倫樂，堺雅人抱住下月滿三歲嘅乖仔流露出慈父一面，原來當時菅野已珠胎暗結，難怪堺雅人笑得咁開心。
(蘋果日報)
葉璇去年與男友小默先生傳出情變，未幾被指復合又分手，關係撲朔迷離。惟早前突然傳出葉璇疑有喜，當事人一直未有否認。
昨日於微博甫了收樓的相片，於北京收到一幢别墅的她，令不少網友既羨慕又妒忌，又指她與男友好事近，可以嫁了。
葉璇於微博中留言謂:「終放收房大吉了，吉時剪彩，感謝你給我一個這麼漂亮温馨的家！」連表情都是結婚時用的穿婚紗小頭像，真是甜蜜。
如果真係結婚兼懷孕，就真係三喜臨門啦！
(on.cc東網)
38歲胡杏兒，15年尾嫁李乘德（Philip）成為人妻，去年10月誕下得意B仔李奕霆（Brendan），肥嘟嘟嘅李奕霆（Brendan）已經九個月大，杏兒同老公不時都會喺社交網上載佢嘅生活照，一家三口甜到漏。
今日杏兒就上載咗佢一家三口喺澳門大三巴牌坊前面影嘅相，原來今次係杏兒囝囝出生以來，首次衝出香港。佢同老公、囝囝齊齊戴Cap帽，杏兒就負責孭住囝囝，佢留言話：「奕霆拿到護照及身分證後第一次離開香港，帶著公公婆婆，爺爺嫲嫲一行人6大1小坐船過大海到了澳門，謝謝酒店管家姐姐照顧，兩晚行程一切順利，吃了我最愛的豬扒包，公公餵老虎機餵了$120，吃了米芝連點心、葡國菜，還到了很多很多人的大三巴留影。」
除此，杏兒又鬼馬留言：「後面的靚姐很搶鏡。希望下次來BB你會行路了，媽媽腰快斷了，因為你真的很重！」
(蘋果日報)
今年書展，喺眾多o靚模當中有一個大眾相對熟悉嘅面孔，佢就係39歲嘅楊思琦。
初次推出寫真嘅思琦，喺佢本價值198大元嘅《Miss Szeki2018》當中除咗靚相之外，仲寫咗唔少佢嘅內心剖白，寫真更搵嚟家燕姐、曾志偉及陳志雲等當年喺大台同佢同事過嘅前輩寫序。喺寫真當中，思琦話自己其實一直都覺得自己好平凡，日常生活亦都好枯燥苦悶，自細亦唔識打扮，當年選港姐亦都係被阿媽推去，就連當日去面試嘅妝都係阿媽幫手化，佢話自己當初覺得自己又老土又肉酸，當時佢就心諗：「咁嘅樣，點選美啊？」
另外佢仲提到喺大台工作好忙，最初四年一路都冇假放，直到身體開始出現問題先知驚。思琦又主動提到當年「人生馬戲團事件」，佢就話係佢咁多年最接近死亡嘅一次。思琦憶述當晚與鍾嘉欣等人唱完卡拉OK之後，準備返酒店，一行出門口，見到對面馬路泊咗五架車以上，思琦表示當時仍未意識發生咩事，突然響起好急嘅開車門聲，「一群人便手拿開山刀、圓月彎刀、大鐵通，從貨車向我們衝過來！我不知道發生甚麼事，那一刻我只知道要逃亡，馬上便和Linda（鍾嘉欣）一齊走，就算中途拖鞋甩掉都不能回頭，因為跑慢一步都會被捉到，真係好似拍戲，我知道如果被人捉到，我一定『渣都冇』。其實我已經無力再跑，因為腳軟，全靠Linda死拉住我，後來見草叢就一齊跳進去。」說法同鍾嘉欣大同小異。
至於愛情，思琦就話自己其實一直都好想結婚，呢幾年亦一直有人追求，可惜都係搵唔到啱嘅人選，而對於另一半，思琦話自己搵嘅對象外貌係其次，最緊要係愛佢及囡囡，另外經濟方面，佢話佢唔係搵啲咩大富豪，不過最起碼都可以自己搞掂自己，對於愛情，佢仍然期待，但亦只能隨緣。
而喺寫真結尾，思琦仲大爆一個小秘密，原來家族當中唔只佢一個港姐冠軍，佢同大美人李嘉欣係親戚。思琦話其實李嘉欣係佢姑媽嘅姨甥女，佢哋兩個唔熟，不過偶爾喺家族聚會會見面，思琦仲話其實佢一直都避免講呢件事，不過就想將呢個小秘密作為寫真嘅結尾。
（蘋果日報）
鄧麗欣（Stephy）同前棒棒堂成員邱勝翊（王子）甜蜜公開戀情，舊愛方力申喺荃灣出席展銷活動， 被傳媒包圍問回應，問佢有冇恭喜Stephy，小方仲自爆一早知。
小方話：「早兩三個月已經知道，我守秘密幾好，亦都見過佢哋冇尷尬，公開咗之後希望大家問佢嘅嘢可以問我少啲，可以問返佢多啲，其實呢段時間我喺自己網裏面都好多fans同我講見到佢哋，所以我都知道。」之後小方又叫大家以後有嘢可以問番Stephy，仲勸fans可以focus返個人感情，同父母之間嘅感情，唔使太過關心佢呢方面。
至於由乜嘢渠道知道兩人拍拖？係咪Stephy親口講呢？小方避談：「太過Detail喇，我哋見過面有打個招呼冇尷尬，你哋最關心都係想知我尷唔尷尬啫！（幾時見過？）唔只見過一次，但冇尷尬。」笑問佢覺得Stephy同王子係咪好襯？小方就話：「女仔鍾意咪得囉，你哋教我答嘅。」
小方再被問到覺得王子靚仔啲，定佢本人靚仔啲？佢就笑住話：「邊有得咁講，依家唔係選美，我唔係sell樣嘅，sell緣份同隨緣囉！（係咪戥Stephy開心？）呢個問題好得意，咁梗係啦，你教我可唔可以有第二個答案呢，我叫小方啫，其實個人好大方，唔好再問我呢啲咁難答嘅問題啦！」
至於佢自己感情有冇著落？小方就好巴閉咁話：「我大把女，泳會有幾十個女，多到不得了，完全唔使愁，開心到不得了，日日對住無憂無慮，天真可愛小朋友，好享受游水工作 。」最後，大家問小方知唔知Stephy鍾意王子啲乜？小方就正經叫大家問番Stephy嘅閨密，因為作為前度不能太close。
另外，早前佢睇波時上載一張照片，背景有位女性，佢自我解畫指相中女子非其女友，呢個舉動被Stephy批評為此地無銀，小方就解釋：「我講咗報紙都寫，唔講仲得了，講咗係有先見之明啫，我唔需要呢啲版面。」
(蘋果日報)
宣布有喜後的李亞男，今日首次露面，着咗條鬆身紅色吊帶牛仔裙，由幾名工作人員陪同下，到書展出席新書活動。
身材微隆嘅亞男全程笑住口，問佢可唔可以摸住肚影相，雖然佢笑稱：「依家都冇乜嘢睇，得個肚腩仔。」不過影相時都有摸肚、指一指個肚，兼做出心形手勢，笑不攏嘴。亞男表示，除期待新生命外，另一BB《暖．男廚房》，亦於今日「出世」，版權及收益會捐出。
腹中胎兒是仔是女？李亞男甜笑：「過咗3個月，好感恩冇嘔，淨係覺得攰，所以成日瞓。」胃口有冇改變？「有呀，我以前唔食麵，王生（王祖藍）就好鍾意，唔知係咪似老竇，依家都變成鍾意食麵。」
至於BB性別，已照超聲波嘅亞男就話：「遲啲先公佈，我希望係一仔一女。」她稱同祖藍都覺得仔女冇所謂：「最緊要係BB健康，唔好似佢。大家講笑咁講，最好有番我少少嘅高度，不過OK嘅，如果似佢，都係靚仔或靚女。」造人成功，祖藍可有何慰勞？李亞男話：「陪咗我返加拿大見Daddy、Mummy，因為佢好難先放到假，今次過去最主要都係報喜。」
至於現時同樣有咗嘅好朋友鍾嘉欣有冇畀貼士？「佢同我講最緊要係有健康同快樂嘅生活，因為可能係鬼妹，所以都冇乜煲湯水，所以佢覺得最重要都係開心。」
李亞男又透露，（即將）為人父嘅祖藍好緊張：「佢今日叫晒公司所有人嚟陪我，我第一次照超聲波嗰陣，雖然佢面容扮冇事，但佢見到個圖就唔知點咁。」
李亞男表示計劃BB會喺香港出世，但因為王祖藍之後好忙，搞到亞男都唔知自己應該順產定開刀：「我預產期係12月或1月，都幾疊住佢舞台劇時間，所以都要睇王生個期係點，到時先再度順產定開刀。不過我暫時諗都係開刀，但都要睇吓到時自己母性係點。」
(蘋果日報)
最近頻頻喺社交網曝光嘅梁洛施（Isabella），聽日就會繼2013年再次復出，出席喺中環化妝品活動，喺復出見人前夕，今日佢又喺Instagram上載一張當年佢抱住只有半歲大嘅大仔李長治嘅相，留言︰「於我而言，家庭重要，事業同樣重要，得到家人的支持，令一向喜歡演藝事業的我能重投工作，做一個有自信兼且獨立的女人！」之後佢仲tag住「#WomensPower #努力工作 #兒子的榜樣 #為愛我的人努力 #獨立自信 #GirlsPower」，睇到佢對今次復出好有決心，唔少網友都留言叫佢加油。
至於Isabella上載呢張抱住大仔長治嘅相，又話「得到家人的支持」，「家人」點都應該有李澤楷份啦；至於點解唔出囝囝新相，而出番2011年發俾傳媒刊登嘅舊相，未知係咪因為「家人」唔想小朋友曝光率太高啦。但估唔到Isabella冇用原相，反而cap過張相，所以質素上有少少散。今日較早前Isabella仲去咗跑步，佢仲貼咗張相，顯示佢跑咗7.35km用咗41分鐘時間，佢留言︰「有時候身體就不想動，但是我必須的！美好的一天又來了，期待明天跟大家見面喔！」
(蘋果日報)
藝人吳日言（Yan）去年膽粗粗試搞慈善跑活動後，將善款幫助到有需要的人，因此感到很開心。今年已成為準媽媽的Yan繼續將善心發揚開去，更找來好朋友森美及董嘉儀（LuLu）拍慈善跑的網上宣傳短片，她更身懷六甲地到每一個拍攝場地跟進宣傳短片的拍攝情況。
談到森美瞓身演出，她說：「佢今次真係瞓身演出，真係瞓喺地下嗰度拍咗成4個鐘頭，仲要碌埋落樓梯添！」
她再說：「我真係好感動呀，一開聲叫朋友幫手，佢哋都冇問酬勞就答應喇！除咗森美大哥之外，亦都多謝呢排世界盃好Hit嘅LuLu，佢今次造型要模仿扮演『港版羅拉』，又要搬又要抬又要曬，都好辛苦！」
而LuLu則表示：「因為今次拍嘢，可以飾演『羅拉』呢個角色好開心，為咗真實感親身體驗搬運工作。」
(on.cc東網)
去年9月答應男友嘅求婚，仲話計劃今年10月結婚，呢輯prewedding嘅相身穿白色露背婚紗裙，同Steve企喺高處、僅容納兩個人嘅石邊擺甫士。不過兩人有備而來。。。
大名娛樂老闆林建名細女林煒珽（Veronice），去年9月答應外籍男友Steve嘅求婚，仲話計劃今年10月結婚。原來Veronice已經為婚禮籌備緊，上周佢哋去咗美國加州位於米爾谷嘅國家公園，拍攝prewedding嘅相，Veronice仲貼咗係佢嘅Instagram度，留言︰「Heheheheen」
向來鍾意玩攝影嘅Veronice，呢輯prewedding嘅相身穿白色露背婚紗裙，同Steve企喺高處、僅容納兩個人嘅石邊擺甫士。不過兩人有備而來，Steve着住爬山運動鞋，扶實未婚妻。原來今次提議去呢度影婚照，係未來新娘子Veronice嘅意思，仲有佢哋真係要攀山上去，真係有毅力。
今年30歲嘅Veronice，男友Steve係英國同愛爾蘭混血兒，但喺香港土生土長，仲係駐港英資獵頭公司嘅高層。Veronice講過婚後會努力造人，因為佢同未來老公都好鍾意小朋友。
(蘋果日報)
