陳冠希(Edison)自從做咗爸爸，就變咗做炫女狂魔，不時喺社交網上晒囡囡Alaia嘅可愛相。
但原來呢個福利並唔止屬於爸爸Edison，仲有嘅就係Alaia嘅姑媽，即係Edison嘅家姐陳見飛(Tricia)喇！
Tricia今日就喺ig度貼咗一家人喺洛杉磯食飯嘅相，見到一歲多嘅Alaia企喺爸爸Edison同媽媽秦舒培中間，手就拎住墨西哥薄脆，而嘴仔就見到好多忌廉，真係好可愛呀！
除咗呢張食飯相，Tricia亦有貼到爺爺陳澤民同孫女玩嘅相，見到爺爺好開心咁抱住Alaia，真係好溫馨呀！
睇番呢個姑媽，佢個ig就知道佢已經完完全全被姪女Alaia俘虜，唔係Alaia嘅單人相同短片，就係合照，佢就試過貼咗同Alaia嘅合照，留言話：「Addicted / 上瘾了 ~ #alaiachen」
網民都笑佢係晒娃狂魔。
(蘋果日報)
去年為老公樊少皇誕下囡囡的藝人賈曉晨（JJ）於觀塘出席新片記者會，產後首度接工作的她，透露囡囡目前八個月大，問到外出工作可會捨不得女兒？她說：「我出咗門口之後就開始掛住佢啦！依家做咗媽咪就知道係咩感覺，BB喺香港，工人湊住先！」又直言因電影在香港拍攝，所以接下工作。她透露早前有內地片商邀請她拍攝電視劇，但要在內地工作，而且要去七十多天，所以推掉。
少陪BB感內疚
JJ笑言劇組沒有遷就其拍攝時間，但今天是首日開工並不辛苦。在戲中飾演女警察的她會有開槍鏡頭，而且與鍾欣潼有不少對手戲，談到收身成績不俗，她謙稱仍未達到自己的要求，至於可有打算再生第二胎？她說：「未諗呀，湊好呢個先啦！出去做嘢就少咗陪BB時間，我都覺得內疚，以前見BB都冇乜感覺，依家做咗媽媽之後，就感受好深！」
工作有成就感
她透露老公亦有跟她回港：「呢幾日返咗嚟，之後要去工作，最少去一個月。（佢有冇叫你唔好拍戲？）冇咁講，但係我佗BB同湊BB嘅時候好耐冇工作，我覺得工作可以有成就感，所以都會做少少！爸爸已經成日開工，如果媽媽都成日開工，對BB唔好！」
談到囡囡的情況，JJ笑指囡囡4個月的時候，已經同11個月大的BB同Size，大大隻！因此不少人笑果然是力王的女兒。
(on.cc東網)
佢仲一臉幸福摸住巨肚，流露出懷孕嘅喜悅。臨盆在即嘅佢仲分享佗第二胎嘅感受：「倒數一個月啦！雖則個肚大到唔知想點，全身賤肉橫飛，寶寶24小時飛毛腿，活潑到令我晚晚失眠。。。」
已有一女嘅藝人郭穎兒（Celia k.）早前宣布有喜，再度做人母當然開心，最近仲影埋大肚寫真作紀念。Celia k.喺社交網上載寫真照，見到佢着上白色低胸裙，上圍明顯升Cup，佢仲一臉幸福摸住巨肚，流露出懷孕嘅喜悅。臨盆在即嘅佢仲分享佗第二胎嘅感受：「倒數一個月啦！雖則個肚大到唔知想點，全身賤肉橫飛，寶寶24小時飛毛腿，活潑到令我晚晚失眠，仍然好感恩你一直努力長大，下個月見！」
另外，Celia k.亦晒老公陪囡囡玩嘅溫馨片段，見到佢哋兩父女玩得咁開心，簡直係過二人世界，當媽咪冇到喎！
不過有網民留言話佢好幸福就真，皆因老公知道佢佗B好辛苦，主動分擔湊女嘅責任，So Sweet！
(on.cc東網)
藝人鍾欣潼（阿嬌）於觀塘出席新片記者會，她表示已有八年時間沒有真真正正拍過港產片，上次只有為好友蔡卓妍客串《原諒他77次》。
今次飾演女社工的她，透露拍攝期大約一個月。問到是否要與老公賴弘國分隔兩地，她甜笑表示：「唔係呀，佢做完嘢都會返香港。（有時間搞婚禮？）一直搞緊，啲朋友同事幫手，依家都未影相。（想點影？）有畫面啦！」又指婚照應在外地影。
談到生仔大計？她直言不會不設防，而且要計劃及養好身體，目前仍未有計劃，提到她變瘦，她則表示拍戲前都要瘦一點。
她又透露擺酒應在12月，笑指會避開聖誕節，至於場地決定未？她則表示正如火如荼進行中。問到是否由英皇老闆楊受成包起酒席？她說：「係。（楊生送樓，收樓未？）未得閒搞，好似未起好！」
(on.cc東網)
昨晚忽然在ig留下「當我擁有好多機會嘅時候，偏偏失去咗你！」又加tag寫「#再見了 #我愛你 #忙碌令我忘卻痛楚」鍾舒漫亦有留言：「佢要你快樂啊！！！」
35歲嘅吳浩康（Deep）入行15年，因為唱功好，加上出道時被指聲線似陳奕迅，短短時間已冒起，惜頻有負面新聞加上緋聞多多，事業直插谷底，幸唱片公司未有放棄他，去年還給予他踏上舞台，舉行個人演唱會機會，令他有重新出發的機會，Deep亦不時在社交網留言，表示要向紅館出發，正能量滿滿。
然而，Deep昨晚忽然在ig留下「當我擁有好多機會嘅時候，偏偏失去咗你！」又加tag寫「#哥哥 #再見了 #沙煲兄弟#我愛你 #忙碌令我忘卻痛楚」其舊愛鍾舒漫亦有留言回應他：「佢要你快樂啊！！！」
《蘋果》今日聯絡Deep，問他發生什麼事？Deep就透露哥哥突然中風，10日前離世！Deep補充謂：「其實佢係我表哥，佢媽媽係我爸爸個妹，但我哋兩家人溝通得好緊密，尤其我同哥哥，基本上同我親阿哥係冇分別，呢個世界上，除咗我阿爸，最重要男人就係呢個哥哥，佢好錫我，我同佢感情好好。」
Deep續說：「好突然，佢大我兩、三年，佢81年，走得好突然，佢喺國內做緊培訓，昏迷就冇醒過，10日前走咗。佢係一個盡責好爸爸，有5個小朋友，好彩佢一向係一個有準備嘅人，有買保險，所以屋企經濟唔係問題，但小朋友成長好重要，我希望可以為小朋友帶嚟一啲色彩，因為小朋友有時需要嘅唔只係錢，會睇下有乜嘢係哥哥走咗，要完成埋佢，呢part係依家屋企最重要嘅嘢！」
除咗舊愛鍾舒漫留言安慰，Deep唔少朋友都有留言為佢打氣，不過就未見早前宣佈與他分手、復合又分手的另一舊愛李昭南，相反李昭南就更新其ig，貼出一張戴上拳套的相。
（蘋果日報）
大陸藝人范冰冰出名係美女，出身自演藝世家，范爸爸范媽媽都係歌手及演員，而佢細佬范丞丞都參加了《偶像練習生》出道成為藝人，但估唔到連范冰冰堂妹原來都係Model！最近微博流傳冰冰堂妹范朵朵行貓步嘅照片，年僅7歲嘅佢，喺T台度一啲都不怯場，眼神好有自信，搔首弄姿，似足一個專業Model。
原來佢來頭認真唔惹少，佢曾為中國國際時裝周行騷，還受邀擔任CIP國際少兒模特明星盛典全國總決賽特別來賓，去年在T台之星國際賽獲得兒童組的冠軍，是一名圈內知名的小模特兒，唔通范家演藝基因特別強大？
有成熟一面，都有童真嘅一面，話晒只有7歲，另一輯曝光的照片中，就見朵朵穿上校服，素顏的她眼大大面尖尖嘴細細，一睇就知係美人胚子，加上有冰冰嘅加持，前途無可限量呀！
(on.cc東網)
亦有喺ig嘅即時動態到同大家分享，佢仲寫住「突如其來的生日快樂」。從早上7點落紅陣痛、8點住院，到下午4點打無痛分娩都很順利。。。
台灣藝人「蛇姬」林采緹去年底被爆懷孕，今年5月中就同交往多年嘅男團「Under Lover」成員胡睿兒登記結婚，正當林采緹等待小寶寶出世嘅時候，日前胡睿兒涉嫌喺夜店撿屍性侵女子，引發軒然大波。
噚日就係林采緹嘅預產期，佢嘅密友、BB嘅契媽就係噚日中午率先嘅fb度預告：「就是今天了。」意思係話契仔今日就要出世喇！而胡睿兒嘅經理人就話胡睿兒全程陪產，直至夜晚6點半終於傳來喜訊：「「小孩已經平安順利生產下來，很健康，希望大家能把時間留給他們家人」。
而林采緹亦喺fb公佈囝囝已經出世嘅喜訊，佢話重3260克(約7.19磅)、長50cm的健康寶寶，從早上7點落紅陣痛、8點住院，到下午4點打無痛分娩都很順利，「進產房用力幾次就出來了」，看到寶寶時「真的完全融化了」。當然佢亦有留言多謝醫護人員同老公嘅照顧啦！
原來林采緹係7月22日生日，而佢知道自己將分娩，所以佢嘅朋友就提早咗係大前晚同佢慶祝，林采緹亦有喺ig嘅即時動態到同大家分享，佢仲寫住「突如其來的生日快樂」。而囝囝噚日出世，兩母子都同屬巨蟹座，唔知性格同喜好會唔會好相近呢！
(蘋果日報)
李佳芯（Ali）因在劇集《BB來了》演活港媽一角而人氣急升，她直認拍攝初期，確實有挑起對BB的愛，因現實中未生過BB，過程真的好像做了一個媽媽的責任，代入角色亦要幻想及投放很多在BB身上。
35歲的她年紀已不輕，但她明言與男友陳炳銓無傾過生兒育女問題：「大家連結婚都不敢去想，唯一有共識是這幾年大家先將焦點放在工作，自己在工作上很難得一直保持有不同角色去演，可能之前曾試過無工作的日子，所以有的話，我都想繼續去做，其他事自己不敢去想，也沒時間去想。
他亦覺得自己應該在工作上要更加拼搏，可能這是男人心態，絕不關女尊男卑事，而是他本身事業心很強，其實他多年來在自己追求的範疇都無停過，這是我見到的，但每個人際遇不同，我已經遲，他可能再比我遲少少，但男人在事業所行的路比我長久很多，可能只不過大家起步點不同。」
李佳芯不介意做高齡產婦，她對感情或下一代的事比較隨緣，她說﹕「我不想刻意去做些事如冷藏精子、卵子，我想隨緣，心態是如果到40歲突然好想要，就看看個天給不給我吧！我以前曾想過28歲要結婚生仔，但發覺很多事情都無得計劃，自己也想不到30歲才入TVB，何况生兒育女或感情事，所以都不去想。」
不排除衝動閃婚
既然未有計劃當然不會讓「意外」發生，她笑道：「這個『意外』只會發生在劇集裏，我也是很清楚自己在做什麼，所以我不擔心有『意外』這問題。但如果說到閃婚又是另一個話題，我的性格是可以閃婚的，可能突然間情緒來到，衝動就會說﹕『好吧！結就結啦！』便去旅行註冊。」
(明報)
長腿妹陳嘉桓（Rose）到旺角出席活動，笑指自己食相「呃到人」：「可能一般好味嘅，人哋睇住我食，以為真係好好味，我又比較男仔頭，朋友叫我『恒仔』，因為『桓』同『恒』字形似，大家成日叫錯！」
問有否試過緋聞男友黃宗澤手勢？她大方回應：「有，大班人上佢屋企開派對。（話你泊架車喺佢樓下幾日，過埋夜喎？）嗰排世界盃，睇完波凌晨4、5點先走，咁都算過夜嘅，走我一定揸走架車，可能係時間上嘅誤會，佢屋企嗰啲人都可以揸車去㗎（即訪客車位多）。」
冇單獨約會
她指與黃宗澤太熟，未感到對方追求之意，但當問到對方是否她「那杯茶」？Rose笑說：「呢類型係唔錯。（考驗吓佢先？）同行大家明白大家嘅，不過我真係冇諗，依家keep弗成功，想做吓嘢先。（咁大班人個個唔傳只傳你喎。）唔知呀，可能（記者）淨係見到我。（再去佢屋企？）佢唔喺香港，況且世界盃完咗啦。」似乎好清楚黃宗澤行蹤。
當被問到是否與黃宗澤保持聯絡時，陳嘉桓即謂：「咁我仲有好多朋友可以交流溝通嘅，唔只佢一個。（其實有冇試過單獨約會？）冇，一大班人食飯㗎。」
(on.cc東網)
今日公開婚照，透露二人因為深厚感情及非常信賴對方，因而決定結婚。由於佢哋之前並未傳出拍拖消息，一嚟就宣佈要結婚，因此震驚不少粉絲。。。
韓國男團XENO-T（前團名ToppDogg）嘅26歲前成員P-Goon，今日突然宣佈婚訊，表示將於下月25日跟女團BP RANIA嘅24歲前成員俞敏結婚，同時公開二人婚照。
P-Goon及俞敏今日透過媒體公開婚照，透露二人因為深厚感情及非常信賴對方，因而決定結婚。由於P-Goon及俞敏之前並未傳出拍拖消息，一嚟就宣佈要結婚，因此震驚不少粉絲。
P-Goon曾係YG事務所嘅練習生，曾經係男團WINNER嘅預備成員，而P-Goon離開YG後，於2013年以ToppDogg嘅隊長身份出道，去年P-Goon因入伍而退團。
(蘋果日報)
