眾星晒相賀母親節，社交網排山倒海見到多位巨星背後最重要的女人出鏡，另有不少星級媽媽有感而發，45歲奧斯卡影后桂莉芙白德露（Gwyneth Paltrow）就上載14年前為前夫Chris Martin懷第一胎的「孕媽媽」照，留言祝所有媽媽母親節快樂！
而Victoria’s Secret模特兒Chanel Iman就於母親節正日，在社交網晒黑白大肚照，宣佈為老公懷有二人首個愛情結晶品，準備做媽媽的喜訊！恭喜恭喜！
(on.cc)
【不可不知的營養素】準爸爸的營養對BB尤其重要！
孩子雖然在母體中孕生，但後代的優劣很大程度上取決於受精卵的質量。很多準爸爸都有抽煙、喝酒的習慣，平時飲食也沒什麼規律，蔬菜和水果吃的很少。而長期飲食不規律，就很容易導致許多維生素和礦物質缺乏，從而影響了生殖功能，對精子質量也會有一定的影響。
多數人以為葉酸只對女性有益，其實葉酸對男性也益處多多，體內葉酸濃度和精子密度和數量有密切關係。葉酸也叫維生素B9，備孕期間男性是否服用，主要是取決於男士自身的身體狀況。如果平時飲食方面不均衡，還有不少不良的飲食習慣，那最好也一起吃葉酸。
有許多研究發現，人體血液中的葉酸濃度跟男生精子的健康度有關，而且有研究顯示，因為鋅離子跟葉酸是人體合成 DNA需要的物質，所以兩者一起補充，改善男性性功能的效果更好，能使精子濃度上升，增加正常精子的比例，深綠色蔬菜如菠菜、空心菜、韭菜及豆類食物是葉酸的代表食物。
所以吃葉酸並不是女人的“專利”，作為繁衍後代的另一半，父親的營養對孩子將來的健康至關重要，所以專家建議準爸爸也應和準媽媽一樣從孕前開始就補充葉酸。
【被品牌終止合作】星二代出櫃：我都係愛我想愛嘅人
她強調不後悔出櫃，因為正面的事不怕被人知：「我都係愛我想愛嘅人，唔應該係秘密。（受到歧視心情有冇好差？）冇，只係少少驚訝，香港呢個咁國際化嘅城市，都有啲比較保守嘅諗法，希望可以有啲進步，多啲人留意，仲要宣揚愛就係愛，唔應該分。」
藝人王敏德與名模馬詩慧的女兒王曼喜（Kayla）到中環出席活動，提到出櫃後有品牌不和她合作，Kayla說：「唔係直接講，而係有人話我知佢哋因為呢種原因唔同我合作。（多唔多？）我冇問清楚。」
王敏德馬詩慧一家
講到媽媽曾擔心沒機會抱孫，Kayla笑言：「我細佬、妹都會有（小朋友），我哋溝通好close，有講到就算我同女仔一齊，都有機會生小朋友，或者領養，所以佢都有機會抱孫。」問到將來想自己還是另一半生？Kayla指很大機會是自己：「我好鍾意小朋友，覺得生育過程好特別，不過未知幾時，好難講。」
星二代王曼喜
(on.cc)
【你永遠都在我心中】田蕊妮：夢中見！
田蕊妮突然在社交網寫了一段文字，並說：「……這些年來我正努力去學習放下一些人和事，唯獨是你，我不能亦不會……你永遠都在我心中。夢中見！」
字裏行間盡是掛念。
昨日係母親節，好多藝人都有喺社交網貼圖多謝媽咪，雖然有啲藝人嘅媽咪已經離開咗，但佢哋嘅母愛一直在仔女心中！好似田蕊妮咁，雖然田媽媽喺2016年已經離開咗，但田蕊妮都有上載媽咪年輕時嘅美照。
田蕊妮（明報資料圖片）
仲留言話好掛住媽咪：「親愛的母親，你快樂嗎？這些年來我正努力去學習放下一些人和事，唯獨是你，我不能亦不會。你離去後我們只剩下回憶，無論是開心與不開心的都變得無上珍貴。你拖著（着）我的手散步，抱著（着）我親我的臉，你不適時我為你按摩，我們為著（着）些瑣碎事而吵架…一切一切就像是昨天的事。我真的真的很掛念你。無論你身處何方，你永遠都在我心中。母親節快樂！夢中見！」
(on.cc)
【自己同老公都好鍾意小朋友】即宣佈封肚！
她出席童裝活動，穿上品牌的16歲童裝示人，她表示全靠每周做兩次瑜伽及一次健身keep fit，並非坐著就會瘦。
並於活動後就會一家四口到沙灘曬太陽慶祝，兒子則送了親手製作的心意卡做禮物。黃婉君（Rosanne）直言與老公均喜歡小朋友，生夠一打也可以，老公亦想追個女兒，奈何香港的育兒費用不少，加上細仔已5歲，應該不會再生。
(singtao)
【希望BB配合到】陳倩揚：懷有呢胎就發現…
懷胎7個多月的藝人陳倩揚出席活動，她透露預產期7月中，問打算開刀定順產？她說：「如果肚入面嘅妹妹合作，都想佢同哥哥一樣順產，依家少咗工作多咗時間同BB女傾偈，希望佢配合到。」她表示7月頭爸爸和兒子都不在香港，加上常聽說第三胎可以有早產情況，故唔希望BB預早出世：「成日同佢傾偈都叫佢等埋爸爸同哥哥。」
陳倩揚覺得BB女非常活躍，每朝睡醒都會踢她：「會成日郁，啱啱坐車時佢都好興奮咁郁。」她表示懷有呢胎便發現原來可以同BB溝通，認為傾偈好緊要。問BB快將出世可會緊張？她說：「唔緊張，開始準備BB用品，洗衫同執房等，兩個哥哥都好幫手，細佬話要幫手砌BB車，又話要幫妹妹試新浴盤。」她認為細仔喜歡表達自己，跟她很相似，相反大仔比較內斂，但心思細密，有時會說些冧爆說話。
陳倩揚一家
問兩兄弟有可打算送禮物給妹妹？陳倩揚坦言他們沒有這概念，但自己常教導手足之情好緊要：「呢樣係父母畀嘅禮物，希望佢哋珍惜，大咗要守望相助，有商有量。」談及今日母親節，她透露活動結束後會買餸回家煮餐飯給媽媽食，全家一齊慶祝。
(on.cc)
【大晒九個月肚】萬事俱備，只欠宮縮
最近拍攝了一輯新大肚寫真，肚大如籮的她笑容間流露出幸福氣息！Nicole直言期待分娩，希望盡快跟BB見面：「要準備嘅嘢都大致準備好晒！朋友都話『萬事俱備，只欠宮縮』，好期待BB快啲出嚟同我哋見面，健健康康就心滿意足！」
Nicole好期待BB出世！
已懷孕九個月的無綫女藝人梁麗翹（Nicole）又分享最近產檢的一件搞笑事，就是老公一度聽錯醫生話BB女似「賊」！她說：「產檢嗰陣見到BB個頭，醫生話我哋聽BB有頭髮，成個『擦』咁！之後我話如果BB出世真係有頭髮成個擦咁就好啦！我老公忍唔住講：『點解醫生係咁話我個女似個賊？』好搞笑！哈哈！」
Nicole又表示現時已停工準備生BB，笑言朋友都不敢約她，怕她飯局期間突然生得，但她說：「個個以為準媽咪應該攤喺床專心休養，但其實我係要日日出街散步當做運動，唔可以就咁攤喺度，所以請各位朋友仍然可以繼續約我去街！」
Nicole笑言朋友話佢「萬事俱備，只欠宮縮」！
(on.cc)
【你真係識用微波爐？】10樣不能叮的東西！
個個都用微波爐，唔通個個都識用微波爐咩？不論上班族還是學生，都會經常利用微波爐「叮」飯盒、加熱飲品等等，對於甚麼都要快的香港人來說真的很方便；只不過你知不知有甚麼東西是不能放進微波爐「叮」呢？想「叮」得安心食得安全就要「叮」走以下幾種食物，不要放進微波爐了！
1.連殼的雞蛋
以為是common sense，但身邊總有聰明人試過將雞蛋放進微波爐！由於蛋殼不透氣，將連殻的蛋放入微波爐的話，蛋裡面的水變成蒸氣，在蛋殼內壓力提高，澎漲繼而產生爆炸。以為去掉蛋殻「叮」就可行了，非也！因為蛋黃上有一層薄膜，同樣道理下，亦會使雞蛋爆炸。
2.沒加蓋地叮醬汁
醬汁和湯如果沒有蓋上就放入微波爐，你最好做定要清潔的準備！
3.水果
雖然大家會問誰會「叮」水果，但其實網上有不少文章介紹過可以利用微波爐製作水果乾的。不過不是全部水果都能「叮」，例如葡萄、香蕉、草莓和奇異果都不可以，只有蘋果可以；將它切片再「叮」2-3分鐘就可以變成水果乾！
4.辣椒
把辣椒過度加熱的話，容易起火，而且加熱後散發出的化學物質會刺激眼睛和灼傷喉嚨。
5.純液體
任何純液體都不可以放入微波爐加熱，以水為例，傳統式的煲水到達100ºC的時候，水會轉化成水蒸氣，可是微波爐的發熱原理不同，水會保持在100ºC，但不會化成蒸氣，科學稱為Superheated Water，而當中最危險的是當水碰上任何東西都會發生沸騰現象，讓滾水四濺。
6.塑膠盒
塑膠做的器皿大部份都不能放入微波爐，包括即棄杯及外賣飯盒，首先加熱的過程會使發泡膠變形，其二加熱中會釋放出有毒物質並且落入食物，危害健康。現時市面上有不少耐熱塑膠盒出售，所以大家可以留意有標示為「微波安全」的器皿才可以用。
7.金屬
不論金屬器皿或餐具，連錫箔紙也是不可以的，因為金屬不能和電磁波產生振動，不能加熱食物又會損害爐身，最嚴重會產生爆炸。
有金屬邊的器皿也不可以
8.冰鮮肉微波爐不能100%殺死肉類的細菌，因此只建議用最低功率來急速解凍肉類，但緊記「叮」完之後就要趕快用其他方法把肉類徹底煮熟，不然半熟的肉類置於空氣中容易讓細菌滋生。
9.有膠水的紙袋或杯
在高溫的情況下，這些紙製品上的膠水會釋放入有毒物質，對人體有害之餘，更會引起爆炸。
10. 叮nothing！沒放任何東西
正如上述所說的發熱原理，沒有東西吸收微波，它就會自身吸收，叮空氣最後隨時會產生大爆炸！
（sina / 新傳媒）
【一家三口準時過母親節】爸爸代初生囝囝送花比老婆！
早前誕下囝囝，生完後連日嚟媽咪都未有更新社交網。
晒花相！應該老公送的~
今日趁住母親節，啱啱榮升人母嘅佢就喺社交網上載鮮花相，相信應該由老公代囝囝Cody送畀佢，太太王棠云（Sarah）仲發文話：「第一個母親節，好新鮮的感覺，真的覺得每個母親都很偉大，是人生一個很難忘的一個過程。」佢仲感謝余文樂呢段時間畀佢嘅支持同鼓勵，令佢更堅強同勇敢，絕對感受到大家畀佢嘅愛，而樂仔亦同樣晒出同一紮花相，祝大家母親節快樂！
(on.cc)
【第一個母親節就晒素顏照！】新手媽媽熊黛林獻吻感激母親
現年37歲嘅名模熊黛林（Lynn）上月為老公郭可頌誕下咗一對孖女，Lynn為咗照顧一對愛女仲搞到自己有「媽媽手」添！今個母親節對Lynn嚟其實講意義重大，事關係佢做咗媽媽之後第一個母親節。Lynn今日就喺社交網post出佢同媽媽嘅合照，相中見Lynn以素顏上陣，母女二人仲齊齊拎住紮花合照之餘，Lynn仲作狀向母親獻吻，真係好sweet呀！
今次係熊黛林升呢媽媽之後嘅第一個母親節。
熊媽媽收好多花。
Lynn留言多謝媽媽幫手湊囡囡之餘，仲話身為兩個BB嘅媽媽真係唔容易，Lynn留言：「媽媽母親節快樂！謝謝你過來幫我帶娃！祝我自己的第一個母親節快樂！兩個娃的媽還真不是那麼容易當的。祝全天下的媽媽，母親節快樂！全天下的娃娃們，要記得孝順你們的媽媽。」
熊黛林晒素顏。
兩母女都好靚！孖女一定好靚女啦~
（on.cc）