提到上月細女出世，要湊三個小朋友會否辛苦？他直言：「幸福嘅辛苦，最辛苦係老婆，佢開心。原本兩個都夠。（再追多個？）唔好喇。點解我唔生夠四個？因為我條腰有問題，以前日日抱佢兩姊弟、騎膊馬，幾年前先發現腰骨有問題，所以依家都冇點抱，要留番畀細女。（細女難湊？）唔難，有經驗喇，最難湊係第二個，因為大女瞓，另一個又醒，24小時，依家好ok，佢哋都識唔好嘈，幫手照顧細女。」
高皓正透露大女學芭蕾舞，兒子學Hip hop ，但二人都不愛在別人前表演及比賽，反而愛在家開騷，他說：「佢哋會叫人熄電話睇佢哋表演，又唱歌好開心。」
他稱子女有上游泳班、學溜冰、跆拳道等興趣班，但自己不是怪獸家長：「好多都係贊助，唔係迫佢，係佢地鍾意先會學。」另外，母親節因老婆正在坐月，所以他會做代表帶子女與家人食飯。
(on.cc東網)
陳豪同陳茵媺兩公婆今日喺樂富出席「盛湯廚房」活動，為惜食堂籌款，大會邀得森美擔任大會司儀。大會安排陳豪揀湯俾老婆飲，佢就揀咗神級fusion湯：「Because she is my 女神。」仲餵老婆飲，陳茵媺即好甜咁話：「啲湯好甜，老公餵仲甜。」
影合照嗰陣，森美主動走埋去攬住陳豪，笑言自己係第三者（港生同天諾re-u？）。陳豪受訪時笑言：「佢兩個都係我嘅人，我哋太熟喇！成日都有合作。」陳茵媺仲話自己唔會呻醋：「佢搞氣氛好好呀。」咁會否三人行食飯？陳豪笑稱：「我哋自己出街食飯都少，social life近乎零，因為工作同家庭都佔晒啲時間。」
獲老公稱為女神，陳茵媺冧笑話：’He does it all the time. ‘陳豪就話自己唔會成日讚，因為要發自真心先講：「我唔係為氹而講，要好似我咁真心。」陳茵媺即好開心咁話：「Oh my Goddess！咁會覺得特別啲嘅。」問番陳豪當年講咗咩令你嫁畀佢？兩公婆即互相對望，陳茵媺話：「好難答你。」陳豪就好有默契咁話：「唔話你知。」
陳茵媺又話自己唔係成日刻意讚老公，覺得呢啲只係生活嘅一部份。陳豪就話：「我覺得好似教小朋友咁，如果做咗好嘅嘢，就要正面去讚賞佢。係人都需要人哋鼓勵、欣賞，我哋嘅屋企都比較正面、好陽光，需要正向思想。」原來兩公婆噚晚都有去睇古巨基演唱會，陳豪話：「我初初以為係表演嘅一部份，後嚟先覺得唔對路，見佢之後跳舞都有啲生硬，知道佢忍住痛，好戥佢心痛，但亦覺得佢好堅強。」陳茵媺就大讚基仔好犀利，好欣賞佢嘅堅持。
(蘋果日報)
珍惜身邊人、珍惜時間，往往因為工作忙，才漸漸發現陪伴家人相處嘅時間並唔多，袁偉豪近年不時出埠工作，又拍劇又登台，個樣睇落好攰，原來佢又孭起屋企生活費同爸爸嘅醫藥費。
今日有周刊指，袁父患肝癌，由於身體虛弱，未能進行治療，病情反覆，出入以輪椅代步，袁偉豪作為家中長子，肩負重擔，憂心爸爸嘅病情，知道之前顧住事業拼搏，錯過家人相處時間，所以o依家一唔使開工，佢盡量抽時間陪家人，袁偉豪更因壓力大，甩咗唔少頭髮，出鏡時惟有盡量遮掩。
雖然二人拍拖一年，處於熱戀期，不過女友張寶兒知道目前袁偉豪最重要係陪伴家人，寶兒做跟得女友，不時開解男友，唔介意一齊去飲茶、閒時一家人食飯，同時寶兒都好照顧袁偉豪媽咪，報道又指袁偉豪同寶兒並冇諗過閃婚沖喜，認為結婚係認真嘅事，唔可以衝動去決定。
(蘋果日報)
每年母親節，李嘉欣都會和和奶奶、媽媽一齊食飯，今年亦不例外。已為人母的嘉欣，跟囝囝Jayden Max之間，都有悄悄話、小秘密分享，有時仲會講下爹哋的「小壞話」。
問嘉欣為人母之後三件難忘事，她說：「最難忘可以講係佢出世嗰一刻，因為之前真係picture唔到會有個人仔、喺手術室攞咗出嚟，喺你隔籬，仲喺度喊，個嗰係一個好震撼嘅畫面，真係好難忘。」
第二件難忘事，係為囝囝考小學。雖然報了三間學校，但一直忐忑兼擔心。至於第三件事，就係第一次收到囝囝親手做嘅禮物：「嗰刻真係好開心，0依家我就好衰，Jayden間中會送咗啲唔係好睇得明嘅藝術作品俾我，唔想嘥位，只係影低就掉咗喇。」
嘉欣坦言，作為母親，她一時是慈母，一時是嚴母，囝囝亦怕她多過怕爸爸許晉亨，有時亦要同步管理埋老公，但感覺幸福，「我有嚴肅嘅一面，但惡得多都會攰，有時都會用朋友之間方式相處，但母子之間唔係真係朋友，我需要管教佢，所以之會氹，會鬧，亦會同佢講道理。」
(蘋果日報)
Angelababy覺得自己卻無法融入其中，失落到忍不住哭了出來，「我感覺我是個局外人。」
《奔跑吧》（跑男）第6季開播，Angelababy回歸班底，和大家一起上天下海出外景。最新一集內容中，她因為體重太輕的關係，無法上場參與龍舟賽，為此失望落淚。比賽結束後，鄧超、李晨、王祖藍也全都哭了，感人氛圍也感染不少觀眾，令人動容。
《奔跑吧》龍舟比賽。
龍舟比賽前兩天，Baby因為體重太輕，和隊員們相差太大，被安排成替補成員，無法跟隨《奔跑吧》成員們一起上場比賽，看著大家努力練習的模樣，自己卻無法融入其中，失落到忍不住哭了出來，「我也好想划，大家在討論戰術的時候，我感覺我是個局外人。」
「我也很想上場，我也好想划，他們很認真，我又不好意思去打擾他們，真的是沒參與感。」吃飯時，女教練察覺Baby情緒異狀，握住她的手安慰，鄧超也上前關心，「不管在不在場上，我們都是一個團隊。」
Baby失望哭了。
面對落淚的Baby，鄧超說，平常每一個項目，Baby都會用足全力去做，「Baby是像一個男人一樣去完成的，比我們還拼！」面對眾人關心，Baby忍不住又哭了出來，卻也感受到隊員的溫暖，一邊流著眼淚、一邊笑著說：「我會為你們加油的！」鄧超也說，「我們一定給妳把獎牌拿來！」
負責在船上打鼓集氣的王祖藍，喊到嗓子都啞了，和大家一起抵達終點時，更是忍不住感動落淚。比賽結束後，眾人一起回到休息室，鄧超感謝隊員努力的同時，也忍不住哭了，一來是感動大家都如此拼命，二來是自責自己身為領槳員，划船時卻出現失誤，「我覺得我對不起大家。」
王祖藍喊到嗓子啞掉，抵達終點時感動哭了。
鄧超自責痛哭。
李晨、鄭愷也落下男兒淚。
聽見鄧超感性告白，不僅Baby，就連李晨、鄭愷也落下男兒淚，節目組後來也哭著道歉，坦言過去錄該節目以來，從來沒有把大家折騰成這個樣子過，但是比賽結束後，「我們覺得特別好，我們也很心疼你們，但是今天這樣划下來了，我真的從心裡特別尊敬大家、佩服大家。」全場包括藝人、工作人員，幾乎都感動到哭了，場面令人動容。
(ETTODAY)
尋日（11日）係安志杰41歲生日正日，咁高興當然要同靚老婆、佗緊第二胎嘅名模Jessica C.（JC）齊齊慶祝，加埋兩歲大嘅囡囡Tessa，真係幸福到爆裂！但原來佢哋唔止即將變為「一家四口」，今次仲「一家五口」賀壽添～～
點解咁講？皆因無論係上個月JC生日，定係尋日安志杰生日，安志杰嘅好兄弟伍允龍次次都出現喺佢哋嘅「家庭聚會」之中，仲要毫無違和感，直頭係一家人一樣。
JC一口氣上載咗幾段同老公慶祝生日嘅片去社交網，當中包括Tessa送吻賀爸爸牛一，同埋「一家五口」唱晒生日歌同吹蠟燭，Tessa Sweet爆坐喺安志杰大髀，JC傍住喺隔籬，而伍允龍就企喺安志杰斜後方。片中除咗「一家人」齊齊唱生日歌，伍允龍喺後面又掩面又做晒表情，連JC啜啜安志杰時，伍允龍都冇尷尬，當安志杰對住囡囡話「I love you」時，伍允龍又即刻接一句「I love you all!」
OK！正式宣布佢哋係「一家人」喇！
(on.cc東網)
近期很少更新動態的張柏芝再次更新動態了，因為5月12日是Quintus的八歲生日，張柏芝自然是第一時間為兒子送上生日祝福，帶著小兒子在外面踢足球，享受陽光，享受母子時光，畫面超溫馨。
仔細看張柏芝曬的Quintus照片，單眼皮，尖下巴，越來越像謝霆鋒了，網友紛紛喊話基因太強大了。
最近很少更新動態的張柏芝不知道在忙些什麼，此前張柏芝有開通自己的網店，售賣童裝手表等等，為此經常發廣告，兩個兒子還當了店鋪服裝的模特，銷量不知道好不好，張柏芝被網友吐槽的厲害，網友紛紛吐槽張柏芝拿兩個兒子當模特，是想蹭兩個兒子的熱度，還有給自己炒作話題等等，那之後張柏芝慢慢停止了更新。
Quintus 8歲了，越長越像謝霆鋒，基因太強大了。其實單親媽媽的張柏芝一直都是相當堅強的，張柏芝為了帶孩子，減少了很多工作，花更多時間陪伴在兩個兒子長大，母愛十足。
(騰訊)
該讀者表示不值「小三」所為，還提供二人多張蜜照，以及社交網對話截圖，從截圖可見，男方承認跟太太換了身份，兩人經過商討，有了共識才決定變換身份，希望大家能夠給予空間。另一張截圖則是女方被指摘破壞別人家庭幸福。。。
現年57歲的詹秉熙近日被爆與結婚30年的太太Sandy分居，有指他搭上「契妹」47歲的失婚女星顏仟汶，更傳出正印Sandy在朋友陪同下到顏仟汶位於錦田的屋企「捉姦」。
對話截圖曝光
該讀者表示不值顏仟汶所為，還提供二人多張蜜照，以及社交網對話截圖，從截圖可見，詹秉熙承認跟太太換了身份，又稱兩人已過了半百歲，明白感情是甚麼一回事，兩人經過商討，有了共識才決定變換身份，希望大家能夠給予空間。另一張截圖則是顏仟汶被指摘破壞別人家庭幸福，她扯火回應：「有乜嘢想知，唔該直接問當事人啦。」
對於被指介入詹秉熙的婚姻，顏仟汶接受東網電話訪問，強調與他只是好朋友：「都係好好嘅朋友。（唔係第三者？）唔係囉！其他唔想講咁多，呢啲係佢同太太嘅事。（佢哋係咪分居？）呢啲咁敏感嘅問題，要當事人答。」被指是「小三」的她說：「其實講真吖，喺呢行咁耐，好多嘢都聽過晒，由得佢啦！講好嘅要接受，唔好又要接受，唔想回應啲乜啦！大家都咁大個人，至於佢哋嘅問題，等佢哋處理番。」不過，追問她與詹秉熙的關係會否再有發展時，她有所保留：「未發生嘅嘢唔會答，呢啲冇人知，大家都做咗半世人，下一秒可能我化為灰燼都未定。」
不會規勸和好
當提到日前她被「捉姦」，顏仟汶反應頗大的說： 「咁好笑？有啲咁嘅事咩？除非我失憶啦！我覺得件事好戲劇化，咁你哋可唔可以問吓佢捉唔捉到？喺張床度定喺條街度？我道門都冇畀人叩過囉！（咁你係咪住錦田？） 嗰頭囉！我啱啱搬咗冇幾耐㗎咋！」
至於會否覺得被詹秉熙連累？顏仟汶表示沒有埋怨對方。再問她會否勸詹秉熙兩公婆和好時，她說：「唔勸嘞！感情冇得勸，我自己段婚姻都咁啦！呢啲嘢，鍾意就鍾意，唔鍾意就唔鍾意！」
歸咎流年不利
另方面，詹秉熙接受東網訪問時，同樣以「好朋友」來形容與顏仟汶的關係，但承認跟太太婚姻出現問題： 「又未至於離婚，呢啲係我哋屋企人嘅事，唔會牽涉人哋！」
會否覺得累到顏仟汶被指是「小三」？他說：「或者我問吓佢覺唔覺得累咗佢啦！（佢成日上你屋企食飯？）我哋係好朋友，好多朋友聚會都會見到，上我屋企都係一大班人。」至於太太曾「捉姦」一事， 他說：「呢啲流言蜚語，真係冇可能，或者係流年不利啦！
(on.cc東網)
噚日黃昏，佢喺IG貼相，她和老公去海邊影婚紗相的相片，之後二人更穿上婚妙、禮服到街邊茶檔食麵。雖然懷孕四個月，但仍未見肚，不過相中見準新郎在崖邊將她熊抱舉起，加上佢穿低胸露背裝，則甜到漏攬着老公。
林芊妤（Coffee）日前被爆跟拍拖2年多圈外男友Weng申請註冊結婚，Coffee更自爆奉「子」成婚，現時陀B四個月。
噚日黃昏，Coffee在IG貼相，她和老公去海邊影婚紗相的相片，之後二人更穿上婚妙、禮服都街邊茶檔食麵。
雖然懷孕四個月，但Coffee仍未見肚，不過相中見Weng在崖邊將她熊抱舉起，加上Coffee穿低胸露背裝，則甜到漏攬着老公。
(蘋果日報)
古巨基嘅《WE我們世界巡迴演唱會—香港站特別版》，昨晚喺紅館開第二場，不過就發生咗小意外，就唔小心喺台上面跌咗入一個窿，不過十幾分鐘之後，古巨基就出返嚟同大家講冇事，演唱會繼續舉行。
喺9點9左右，Mani出現喺紅館附近出現，講咗一輪電話，面色有啲沉重，行咗一輪之後，就去到香爐位拎咗啲香，點着之後拜咗一陣神就入返紅館入面。
完騷之後12點幾，基仔就同埋Mani一行人就上咗一部黑色七人車離開。而楊受成離開嘅時候，都向記者揮手話：「無事！」12點15左右基仔就同埋Mani一行人去到養和醫院，問到基仔嘅情況點，佢就話：「要檢查下先。」
啱啱佢就喺社交網講解情況：「啱啱去咗醫院檢查，照咗磁力共振，我跌落地個位係頸背下邊，所以就照咗頸背位，啲骨係冇事大家可以放心，醫生講係啲肌肉拉親，所以有少少梗梗哋，但呢個絕對唔影響我嘅演出，大家放心唔使擔心我，聽日（今晚）照舊如常紅館見。」
好彩只係拉傷頸部肌肉，基仔仲話唔會影響演出，買咗飛嘅粉絲們記得今晚去睇騷啦！
(蘋果日報/on.cc東網)
