藝人袁偉豪（Ben）之前睇戲嘅時候就捲入「薯片風波」，當時引起咗唔少網民嘅熱烈討論。繼「薯片風波」之後，Ben就喺社交網站PO咗張相，原來發生咗一件事。。。
Ben就喺社交網發文指喺提款機撳錢嘅時候，發現身後嘅女士用手機對住佢，而該名女士嘅友人喺旁邊亦做咗一啲相當尷尬嘅行為，所以Ben就懷疑自己被偷拍，佢仲好似有啲嬲豬咁話：「請問這位女仕（士）到底你想影乜野（嘢）呀？討厭！」
Ben嘅留言一出，唔少網民都指該女士應該係Ben嘅粉絲，不過亦有人話該女士應該光明正大咁問Ben，唔應該偷偷摸摸。而好友蕭潤邦更笑言：「如果我有你咁大個波，我一定個波夾爆佢部手機啦！」
(on.cc東網)
許多家長以為，教小孩刷牙時牙膏要多用一些才能刷得乾淨，但牙醫指出，6歲以下小孩吞嚥能力還不是很好，太多牙膏怕小孩吞下肚，其實只要約青豆粒大小的牙膏量即可。
生物科技公司水中銀早前為市面12款兒童牙膏進行「轉基因鯖鱂魚」及「斑馬魚」胚胎毒性測試，並參考歐盟、美國、中國及日本等多個國家與地區安全標準作出評級。水中銀指出，在12款樣本中全部樣本不含有類雌激素，其中6款含月桂基硫酸鈉（Sodium Lauryl Sulfate，SLS），為常見的個人護理用品起泡劑材料。而6款牙膏樣本含有氟化物，兒童選用含氟化物的牙膏可防止蛀牙；但若兒童吸收過量氟化物，日後長出來的恆齒或出現白斑。
其中獲綠魚評級的兒童牙膏
根據香港衞生署資料顯示，一般成人牙膏含1,000至1,450ppm氟化物，兒童牙膏就含有500ppm；食水中的氟化物含量則建議為每公升0.5毫克。衞生署提醒，幼兒應該選用氟化物含量較低的兒童牙膏，並限制每次刷牙的分量如青豆大小。若小朋友蛀牙偏多，建議先諮詢牙醫意見，才選用供成年人使用的含較高氟化物牙膏。
所以兒童牙膏不是用越多就越乾淨，建議3歲以下幼兒最多便用米粒大小、3至6歲青豆大小即可，1天至少刷牙2次。最好小朋友懂得怎樣吐水後才選用含氟化物的牙膏刷牙，而且本港的食水亦加入適量的氟化物，用以保護牙齒。
江欣燕（欣欣）4年前與前夫吳積遜結束12年婚姻，當時江媽媽戥女兒難過：「我唔知佢當時咁唔開心，一定忍咗好耐先做決定。當時我哋（同江爸爸）喺英國，我話唔使擔心，你搬返嚟住，我哋會預備房間畀你。」
欣欣近日被指為前夫吳積遜還債，她出席《逆緣》宣傳活動時說︰「我沒有幫他還過債！」欣欣指吳積遜是個好人，雖然他們離了婚，但仍會保護對方。
對於吳積遜被發現在街上錫女仔，欣欣說︰「幾好，人生應該精彩！我身邊也有很多異性朋友。（何時找到個合適的？）讓我自由多一會兒，難得有自由時光﹗我不心急結婚，還有少少卵。」
(明報)
歌手古巨基一連五場紅館演唱會今晚開鑼，來到「另一半」環節，基仔播出聲帶，笑言自己是靚仔歌手，但做了件令萬千少女傷心的事，就是2014年帶Lorraine去美國結婚。他謂94年他22歲就認識了Lorraine，因對方是唱片公司派來湊他：「冇諗過湊吓湊吓咁就湊埋做兩公婆。」表示有結婚的念頭是源自一次意外，有日他們去沙田踩單車，見到Lorraine跌落地下，隻手流血，頂頭盔都裂埋，基仔在醫院陪她縫針，便興起要與她結婚的念頭：「因為佢太論盡，我要每日都睇實佢，自此古太冇再仆親。」他又說很多人說婚姻是愛情的墳墓：「但我就話婚姻係愛情嘅馬蹄露，一開始食幾甜，食食吓要𡁻吓𡁻吓，又甜吓甜吓，咁就一世。」
相識過程點滴在心頭
然後身穿燕尾服、右肩有結婚蛋糕模型的基仔上台，表示今次在紅館開騷已變了人夫，多了個身份，又笑言好似娶了個周星馳回家，因對方常帶給他很多歡樂。他又謂第一次見到Lorraine是化咗妝：「但落咗妝都係咁靚，佢係我公司嘅宣傳人員，第一次見到佢就着咗露腰嘅冷衫，着冷衫即係凍，但佢又要露腰，可能佢想吸引我，呢啲點滴都記在我心頭。」然後唱出兩人相識的第一首歌，即他入行第一隻歌《愛的解釋》。
老婆扯鼻鼾最可愛？
唱完後基仔問大家覺得另一半最可愛是幾時？有觀眾大叫「瞓覺」，基仔笑言：「講咗我嘅答案，我想講係佢扯鼻鼾時，點解？因為我嘅工作關係佢好忙，我比佢遲瞓，當我每晚入到去見到佢，最平靜嘅佢就係最可愛，當然佢少講嘢佢係最可愛，但我想講係佢喺屋企好舒服、安全咁瞓覺，就咩都值得。」大家拍手，他即謂掌聲是畀古太，然後唱出《愛回家》。
爆老婆搞笑事
接着基仔繼續分享兩人的搞笑事，笑言古太成日叫他估嘢：「我哋開餅舖，一入門口，佢話『快啲攞個雪櫃去芝士蛋糕』，佢好鍾意叫我重組句子，所以睇佢幾論盡。」但他亦謂Lorraine經常陪在他身邊生活及工作，並唱出《以你為榮》給Lorraine。然後他謂台上的鋼琴是當日婚宴上用過，並唱出自己寫的《我與你》給Lorraine，台上螢幕就播出當日基仔畫兩人婚禮上的畫的片段。
期間Lorraine在後台出來望一望，然後很快就入返去後台。
(on.cc東網)
劉美娟今日喺尖沙嘴宣傳新書《擁有失去》，趁著母親節推出，佢話喺電台工作之後，就開始構思出呢本書，受訪者包括張栢芝、歐陽震華、王祖藍等等嘅人生經歷。張栢芝一章除咗提及感情、婚姻之外，亦有提到其演藝事業。
栢芝憶述，當年拍《喜劇之王》，試鏡要見周星馳，星爺要求佢攞支筆扮點煙，當時栢芝見到枱面有包煙，就問：「點解唔俾我真嘅煙？橫掂我都食煙，直接啲。」當時星爺先是一呆，然後再隨栢芝意思做，當然最後取錄咗栢芝。事後星爺有問栢芝當時點解有咁嘅反應，栢芝就反問：「若果我真係進入角色，唔通拎住支筆去演嗎？」劉美娟形容：栢芝就是如此率直敢言。栢芝係單親媽媽，而父母亦喺佢9歲嗰年離婚。
栢芝話當年媽媽好想帶佢走，但爸爸唔同意，於是佢就將收喺床下底嘅曲奇餅罐拎出嚟，裡面收埋佢儲咗多年嘅幾萬蚊（時維1989年）。栢芝用紙包住啲錢塞畀媽媽，又寫咗字條，內容大意叫媽媽好好生活、有機會嘅時候先至帶佢走。至今栢芝媽仲保留張字條。栢芝又表明，一定會再婚，但唔係為咗兩個仔，而係為咗佢自己，因為佢從來都冇放棄過愛情，自言依家仲好似十幾歲女仔咁，相信愛情。
另外栢芝都有講教仔法，自言身教好重要，好似有次栢芝教Lucas溜冰，Lucas怕跌倒，挫敗同丟臉，不肯嘗試，於是佢刻意喺囝囝面前一再跌倒，甚至跌得瘀晒，要俾Lucas知道，跌倒唔緊要，重新爬起來就是了。劉美娟坦言欣賞栢芝，能夠喺別人眼中最痛苦嘅事，重新搵到真正嘅自己。
至於歐陽震華（Bobby），劉美娟同佢真係老友鬼鬼，入行拍劇集《薛剛反唐》同Bobby結緣，至後期拍《壹號皇庭》成老友，而呢個劇亦係Bobby事業嘅轉捩點。Bobby喺書中憶述，佢出道時，英俊小生當道（其實任何時候都係0架喎…），佢係「最醜樣」一個，演的不是反派就是死屍，但演得多都熟能生巧，如擘大眼死、半閉眼死、抽搐中死、臉俯伏地下死、臉朝天死等等，全部都難唔到佢。
Bobby仲試過為演好死屍角色，吸一大口氣然後閉氣兩分鐘，讓胸口平靜落嚟，避免捱駡。拍《壹號皇庭》令Bobby事業有起色，因為當時佢已經喺電視台演二三線角色十幾年，打算再唔成功，就轉行重頭開始，事關當時有間服裝連鎖店經常喺電視廣告招聘員工，月薪比佢喺電視台人工仲高，如果佢喺服裝店做10年，話唔定已擢升為店長喇。
(蘋果日報)
徐子淇昨晚到灣仔一間酒店，出席珠寶品牌Cartier晚宴，Bruno Mars是夜仲擔任表演。
見到李太出現，傳媒當然先問下佢嚟緊點慶祝母親節啦，子淇就話通常都係同媽咪、奶奶及小朋友一齊食飯嘅。「之前我跟Save The Children去探訪，發現全球好多少女係童婚，係18歲以下嘅少女，結咗婚仲生埋BB，係好後生嘅媽媽。我覺得咁樣係好影響少女嘅一生，因為佢哋冇咗做兒童嘅權利，基本嘅返學都唔能夠返，亦好難脫離貧窮。」
子淇又心痛謂，見到有好多可能得11、12歲嘅小妹妹，要嫁俾年長過佢哋好多嘅男人，仲要生BB。「喺生產嘅過程，有啲BB會不幸過身，有時大嗰啲（指媽媽）都會過唔到。希望大家都可以關注佢哋。母親節係一個好開心嘅節日，但世界上好多母親都係需要幫忙。」
子淇又表示下周會帶同小朋友去柬埔寨探望，幫佢哋擴闊視野。咁小朋友會唔會送啲小禮物俾你？佢就話：「佢哋會畫下卡、整下曲奇，我已經好開心。」珠寶就不需要喇，「母親節最緊要係心意啦。小朋友同我哋一齊，已經好開心喇。」
提到二家姐本月16號就8歲生日，屆時會否開派對慶祝，子淇話會食下蛋糕咁啦，不會俾太多物質佢哋：「由細到大都唔會（指俾太多物質獎勵），有屋企人、同學仔陪佢哋玩，就唔使咁花巧。」談到會否介意女兒早婚，子淇就話結婚最緊要係緣份，總之唔好未成年結婚就OK，又話唔介意早啲榮升外母：「生個孫俾我啦，我好恨0架。」
咁佢會否再追多個小朋友？子淇就謙稱唔會喇：「追唔到喇！等佢哋生個孫仔啦。」又話會留番啲珠寶俾未來新抱0架喇。
(蘋果日報)
下月就49歲的大美人李嘉欣，08年與中建太子爺許晉亨結婚、育有7歲兒子Jayden Max（許建彤），成為幸福人生美媽媽。
今年二月，李嘉欣在社交網post出一張慶祝李媽媽生日嘅合照，更爆出原來媽媽已經八十歲。李媽媽皮膚白哲，外型體態呈「凍齡」狀態，看來只像六十幾歲，即被網民形容為「嫩臉逆天」。李嘉欣的高顏值，超強基因完全遺傳自媽媽，想不到今次驕傲晒媽，卻無意間透露李媽媽年齡秘密。
「有個小插曲，就係我post咗之後，我媽咪係有少少不滿，問我：『點解你要同人哋講我八十歲？我啲朋友冇人知我幾多歲㗎！』佢唔係太滿意囉！其實，我係覺得好光榮，因為媽咪唔止個樣，係健康啦、思想啦，各方面好似六十幾歲。」經此一役，李媽媽嚴嚴告戒嘉欣，不准再隨便刊登她的相。
三母女感情非常好，與嘉欣在單親家庭成長不無關係。嘉欣小時候，葡萄牙籍父親移情別戀、離家出走，嘉欣與家姐嘉明就由媽媽打工湊大。父親離開前，兩姊妹有工人姐姐湊；雙親分開後，三母女一度要在鐵皮屋棲身，嘉欣14歲那年亦開始半工讀，幫補家計。單親家庭，雖然辛苦，但也開心。「我哋同爸爸係一齊住到十幾歲，佢哋先分開，媽咪好辛苦咁養大我哋兩個。開心嘅畫面好多，快樂嘅回憶好多。我最記得，我好鍾意食西瓜，生日嗰陣，我唔想要蛋糕，寧願要西瓜，咁媽咪就會買西瓜，切咗一半，擺好，插蠟燭，我覺得係好開心嘅事！」
嘉欣透露，李媽媽對兩姊妹打扮自少就很有要求：「上海人對自己儀容有要求，由我細個，到成長，到0依家我做咗媽咪，佢都不下好多次，要求我唔可以『烏wet』咁出街。」直到現時，李媽媽依然會提醒女兒，少穿波鞋，多穿高跟鞋。原來嘉欣嘉明小時候，母親要規定兩人出街一定要穿裙：「我哋細個係有工人姐姐湊我哋，weekend時，因為媽咪仲要返工（媽咪當年任會計師），咁姐姐幫我哋襯衫出街。有時係會send返我哋返屋企，換番佢幫我哋襯的衫，先可以出嚟同佢飲茶，係好嚴謹。」
裝扮得不夠好，會被「打回頭」返屋企換衫，嘉欣笑言：「由農村姐姐品味襯的衫，佢係覺得唔得的。我哋細個唔係好富有嘅家庭，但佢會堅持去一間出名嘅百貨公司，買啲好靚衣料嘅衫俾我哋，襯好晒一套套先出嚟見人。」嘉欣自言沒有遺傳母親愛美而執著的打扮習慣，雖然自己愛靚衫，但仍會假手於人，三母女亦間中會交換衫着：「媽咪係好新潮、好update嘅人，有啲我覺得好靚嘅舊衫，佢會照掉咗，我哋覺得好有紀念價值嘅首飾，佢一樣會拆晒佢，轉款。」
(蘋果日報)
名媛楊張新悅結婚十一年，先後誕下三女，早前宣布意外懷孕，第四胎又是女。她笑言就算生仔都冇錢分、冇丁權、冇基金，強調非為追仔佗第四胎。她坦言與老公曾經歷老夫老妻生活乏味的問題，得出結論是要有健康身體，才可有精神談戀愛及做稱職媽媽。
楊張新悅坦言從沒想過自己會如此「多產」，對於絕育問題，她說：「問題咁尷尬嘅！我哋都好努力做防備措施，但有時就係有意外。暫時未商量，絕育手術可免則免，就算微創都係手術，違背大自然定律，始終接受唔到。不過我都40幾歲，應該唔會再有。」腹中BB七月出世，她心情一點也不緊張，一家五口將添新成員，她笑言幻想將來屋企開心指數好高，平日看到女兒們相親相愛好溫馨，從不出現爭寵情況。
唔想變黃面婆
身為獨女的楊張新悅從照顧女兒學到分享和忍耐：「好似一包薯片三姊妹輪流食，佢哋習慣咗等同分享，我覺得人若太自我、太自私將來就會有問題，呢啲係大家庭嘅好處，但唯一係全屋女好多拗撬，不過鬧交係認識自己同對方最有效方法。」她有個良好習慣，就是每晚臨瞓前自我檢討，每日為自己做「人生報告」，將做得好和不好的事記錄下來。
問到婚後一直工作，是否獲老公全力支持？她笑說：「最緊要唔好理佢，如果女人變咗黃面婆，男人都唔鍾意，所以嘥氣！最緊要做你覺得應該做嘅嘢，我係鍾意做嘢，夾硬逼我做全職媽咪，我唔願意又何必呢！老公係支持，支持意思係唔反對。」她坦言與老公曾經歷老夫老妻生活乏味的問題，得出結論是要有健康身體，才可有精神談戀愛及做稱職媽媽。
女人唔補好易老
最近她開始經營網上生意，一來可以在家工作，二來又可分享喜歡的事物：「十年前其實都搞過有機產品實體店，自己好重視健康產品，尤其女人去到四十，唔保養捱唔到幾耐，會喺網店介紹一啲健康保養品，好似『便便』問題亦同時係我嘅問題，會同大家分享。另外又會有朋友將二手物品寄賣，賣出嘅款項會全數捐出去做慈善。」
(on.cc東網)
原來佢近月已有BB，快將做媽咪，上星期六，喺中環搞咗個baby shower嘅party，千憶新抱徐子淇都有嚟！場面熱鬧，當中主角身穿藍色碎花裙同牛仔褸嘅佢已腹大便便，目測至少都有7、8個月身孕。成個派對就好窩心準備咗好多藍色同粉紅色cupcakes，等成班賓客估吓生仔定生女，最終就由準媽媽切蛋糕宣佈呢胎陀。。。
已故亞視創辦人邱德根孫女、即邱達昌大女邱詠筠(Winnie)一向戀事低調，最為人所共知係佢曾同過曾蔭權細仔曾慶淳拍拖。二人分手後，Winnie亦未再帶過男友現身公開場合。原來佢近月已有BB，快將做媽咪！
唔少城中富二代嚟賀呢位準媽媽，當中有何超鳳、澳門前特首何厚驊千金何芓諄、林建岳三個囡囡林恬兒、林灝伊同林心兒、東亞銀行李國寶兩個新抱鄺淑嫻同馮靈針同恒基千憶新抱徐子淇等。日前就擺咗唔少派對相上Ig，場面熱鬧，當中主角Winnie嘅兩個妹邱詠麒同邱詠賢陪伴左右，身穿藍色碎花裙同牛仔褸嘅佢已腹大便便，目測至少都有7、8個月身孕。
成個派對就好窩心準備咗好多藍色同粉紅色cupcakes，等成班賓客估吓生仔定生女，最終就由Winnie切蛋糕宣佈呢胎陀女。
今次Baby shower出席者只係得女子組朋友，而Winnie嘅男友董荷斌，係荷蘭籍華人，父母早年移居荷蘭，同時佢係一名賽車手，喺國際賽車圈有華人第一車手之名，佢仲係首位華裔一級方程式(F1)試車手。
35歲嘅佢，細Winnie三歲，因生得似台灣歌手林志穎，初入賽車界時被冠以「賽車界林志穎」嘅花名，03年曾羸出亞洲寶馬方程式，而06年就贏過三級方程式冠軍，目前仍然活躍賽車界，近年加盟成龍所擁有嘅耀萊成龍DC車隊，舊年喺法國Le Mans耐力賽，贏得全場亞軍。
據知，Winnie同董荷斌戀事低調，二人嘅Ig雖未有貼合照，但已認定對方，佢哋今年3月15號已喺灣仔君酒店低調搞咗訂婚派對，已計劃等BB出世後結婚。
(蘋果日報)
恭喜恭喜！余文樂做咗爸爸喇！
《蘋果》收到獨家消息，今日樂嫂王棠云（Sarah）喺港島一間私家醫院剖腹產子。據知樂嫂由樂仔陪同下，約下午兩點抵達醫院，當時樂仔戴住墨鏡出現，十分低調。
到3點鐘Sarah推入產房，由主診醫生操刀，順利誕下男嬰。36歲嘅余文樂，去年12月喺澳洲同Sarah結婚。
雖然之前婚訊已甚囂塵上，但樂仔一直「耍太極」笑而不語，婚事極為保密，都係趁喺當地拍廣告之便行事，樂仔經理人亦被蒙在鼓裏，只有三五好友包括彭于晏知道，仲飛抵當地出席婚宴。
結婚時Sarah已經懷有身孕，估計懷孕3個月，故之前亦有傳預期產是下個月；但若以今日開刀生B推算番，結婚時應已懷孕4個多月。肚大如籮的Sarah，婚後移居香港待產，平日仍keep住更新ig貼圖，也不時外出散步，日前她更足踏平底鞋，單拖到金鐘太古廣場閒逛。不過Sarah已四日未有呢更新ig，應是忙於準備迎接小生命來臨吧！
（apple daily）
