賈靜雯同修杰楷嘅兩個囡囡咘咘同Bo妞，因為長相趣緻可愛而廣受網民關注，近日佢哋參與拍攝《媽媽是超人》，令人氣再度急升，不過亦因為節目中部分表現，例如搶玩具等，引來網民批評，連原本係「好老公」代表嘅修杰楷，亦因為成日上鏡而被批評太想红。
賈靜雯昨發長文，表示：「不要用大人已經不純真的心批判才2歲多的小孩好嗎？」而修杰楷則轉發該帖文，留言一個「看」字，簡單地盡表對老婆嘅支持。
芒果影視站：賈靜雯髮長文回應兩女兒咘咘Bo妞上節目《媽媽是超人》惹爭議，賈靜雯：請用美好的眼睛看待！對於網友的猜測和過度解讀，賈靜雯懇請網友：「不要用大人已經不純真的心批判才2歲多的小孩好嗎？理智網友力挺賈靜雯「咘咘已經很棒了，教育的很好」！也有網友說並非對孩子有批判，只是覺得為什麼修傑楷一直在，他不用上班么？ — 芒果影視站
(SINA)
藝人羅力威同雨僑上月拉埋天窗，新婚冇耐嘅二人繼續開工，工作排到密密麻麻，難怪雨僑都話要拖延造人計劃啦！
唔知係咪太忙嘅關係，令身體亮起紅燈，今日雨僑喺社交網發文表示朝早突然胃痛，仲痛到床都落唔到，可想而知有幾犀利！
雨僑只好叫醒老公幫佢攞藥，但由於羅力威有色盲，加上藥盒以日文寫說明，所以唔小心攞錯咗止痛藥。幸好雨僑食完藥就冇事，佢亦留言話：「不要緊的，吃對了藥之後我現在又一條好漢開工了！」要小心身體呀！
（on.cc）
梁詠琪（GiGi）、周汶錡（Kathy）、周麗淇及謝婷婷今晚喺九龍麗思卡爾頓酒店，出席「卡地亞Résonances de Cartier」展覽揭幕，日前剛完成巡迴演唱會嘅GiGi，話已經瞓咗一晚，唞番夠本，重回生活軌道。
佢笑言今晚見到啲金光閃閃嘅珠寶都好開心，問佢係咪好想帶返屋企？佢笑言：「係長遠嘅目的，珠寶係留俾自己小朋友，一路傳承落去，所以一定會揀啲自己最鍾意嘅。」GiGi又透露囡囡Sofia鍾意啲靚嘅嘢，有時見到媽咪啲靚首飾都會摸吓話想戴，但因為GiGi怕整唔見或整爛，所以首飾多數放喺保險箱。GiGi仲話之前同囡囡為雜誌影相，囡囡出主意教媽咪擺甫士，GiGi都有配合，佢讚囡囡似足父母夠高大，有做model嘅天份，佢亦唔反對囡囡做model。
提到GiGi今晚身上珠寶總值1,900萬，問到佢會唔會買嚟送俾個女，佢笑言要賣樓先買到：「珠寶都係一粒、兩粒咁買，實用為主，呢個成層樓咁貴要下一世。」佢話屋企都係傳統啲，買完磚頭先買珠寶鑽石，至於老公Sergio有冇送？GiGi話結婚戒婚嗰啲都有，而o依家過節都已經少咗買奢侈品，都係食餐飯買吓花，鑽石珠寶留畀個女。
嚟緊母親節，GiGi話要幫老公代理嘅童裝品牌宣傳，囡囡唔會跟去，但就會送畫，GiGi話係學校教嘅，好期待收禮物嗰一刻。至於同樣生咗混血B嘅Kathy，被問到有冇約埋GiGi個混血囡囡玩？佢話：「朋友成日想撮合啲女同囝囝一齊玩，（囝囝有冇怕醜？）唔怕醜，佢細細個就有好多朋友。」
Kathy仲爆囝囝鍾意同啲姐姐玩，仲笑囝囝「好猴擒」，佢話：「佢鍾意同啲大過佢嘅姐姐玩，同年紀嗰啲就唔睬佢，啲高過佢、大過佢，（囝囝）就會攬住佢、追住佢同熊抱人哋，有時覺佢好猴擒，仲喺度諗『使唔使咁呀？』佢又鍾意揀啲長頭髮嘅，返playgroup時特別留意啲長頭髮嘅女仔，就會攬住對方，所以我就知佢嘅taste。」
但Kathy話囝囝愛長髮姐姐同自己無關：「因為我都係束起嘅。」問到母親節點慶祝，Kathy話自己以往會拒絕老公送珠寶，但o依家唔會再咁儍：「可能老公都會送吓花，老公好好嘅，有啲咩節日都會識做，揀啲珠寶俾我，但我同佢講，下次可以帶埋我去揀，可能佢知我唔係好鍾意嗰款，叫我自己去換，不過唔敢帶我去，可能驚我揀件仲大件嘅。之前我真係拒絕佢叫佢唔好送，係咪好儍呀？o依家自己鍾意咗，因為少買衫，啲珠寶一來可以保值，又可以配搭，又值得投資。」問佢捨唔捨得轉俾未來新抱？Kathy話：「都係㗎，所以呢個excuse幾好，仲可以叫老公送多啲。」
(蘋果日報)
有記者發現原來佢上個月喺香港入紙排期註冊結婚，其擬結婚通知書亦正式曝光。
曾參加過2011香港小姐選舉，佢都演出過唔少劇集，當中包括到《愛．回家之八時入席》、《巨輪II》、《幕後玩家》等。
而之前於《不懂撒嬌的女人》中，其裸背上陣與林文龍上演的親熱戲都成為網民熱話。Lena而當中最為人津津樂道莫過於在2016年無綫台慶上，性感演出肚皮舞技驚四座，成為熱話。
左一為前港姐李天縱（Lena）
喺劇集《不懂撒嬌的女人》中同林文龍演出親密戲，又喺劇中大晒玉背而為人認識。
31歲嘅Lena與32歲、報稱職業導演的唐寅入紙在港排期，唐寅申報地址為內地。李天縱接受傳媒訪問，她表示由於自己都快要開拍劇集，故舉行婚禮的日子還未確定。
《果欄中的江湖大嫂》飾演張國強情人。
(on.cc)
68歲的薛家燕人生閱歷豐富，婚姻失敗造成不可磨滅的烙印，猶幸兩女一子陪伴她走過幽暗低谷，亦成為她的精神支柱！時光荏苒，薛家燕對離婚後首個母親節仍歷歷在目：「當時冇心情，但幾個仔女去快餐店買咗啲嘢返嚟食，話要同我慶祝，我攞住個包食唔落，淨係識流淚！」
大家姐幫手教細佬妹
當上帝關了一扇門，必打開另一扇窗！這段失敗的過去令三子女更加團結，成為薛家燕復出的後盾，同時她的事業喜迎「第二春」。大女兒石祐珊見媽媽工作忙，在家擔起管教弟妹的責任，難怪薛家燕笑謂：「家姐對細佬妹仲嚴過我。我嘅仔女好生性，好似當年我攞模範母親獎，我都話個獎有一半係屬於我啲仔女嘅。」三位子女如今各有發展，兒子Jackson更成立製作公司當老闆，為不同企業製作短片以及廣告片，兼且正在進修電影專業培訓課程，自令薛家燕十分安慰。
爆仔仔「瘀事」
薛家燕坦言這些年的母親節對她來說苦樂參半，令她最窩心感動的一次，要算是三位兒女夾錢送她「珠寶」：「佢哋攞住800蚊，去金舖買咗個印有『母』字嘅金牌畀我，我珍藏到依家。嗰時Jackson得7歲，有日我發現佢有張欠單寫畀家姐細妹，內容係話欠佢哋二百幾蚊，下個月一定還，原來佢將啲零用錢買晒嘢食！」在旁的Jackson聞得「瘀事」即謂：「呢件事令我唔敢再問人借錢囉。」
激冧新抱仔
即將到來的母親節為薛家燕來說，可謂意義非凡，事關她將多了一位「女兒」：「Jackson同女友Zoe結婚，我咪多咗個女囉。我呢個新抱好細心，又知慳識儉，呢排大家咁忙，佢仲煲湯畀大家飲，其實佢工作都好忙㗎。」
薛家燕將自己的幸福與人分享，這天更帶同兒子及未來新抱到單親協會，向單親人士及小朋友派發自己出品的朱古力，席間更獻唱娛賓，度過了一個有意義的下午！
(on.cc東網)
做媽媽不容易，至今仍是單身的張慧儀卻為自己選擇一條不一樣的道路！2006年，她在北京經營果醬生意，一次在「平安之家」福利院做義工時，巧遇因患有先天性心臟病被棄養在天橋底而被福利院收留的兩歲的小男孩，因他一聲：「媽！」融化了張慧儀，母子緣由此而生，並為他起名為張晃維。縱使沒有父愛，但她仍盡力給予他一個滿滿幸福的家，經歷高山低谷，默默度過13個年頭。
今年的母親節，對張慧儀別具意義，因可跟一年沒有見面的Hanson共度。由於養子的醫藥費及學費等支出龐大，為「跑數」她忍痛將養子送返馬來西亞家鄉交由媽媽照顧，自己則留港拍劇搵真銀，直至近日才接養子返港共住。
日前她和Hanson接受傳媒專訪，全程充滿愛和暖，除了互餵甜品，Hanson更親手送上愛心卡和朱古力玫瑰花給她，並不忘肉緊的送上愛的咀嘴，氹得張慧儀笑不攏嘴。其實Hanson十分重視母親節，之前已親手砌了一副著名荷蘭畫家梵高所畫的向日葵砌圖給她。
談起過往一年，張慧儀百感交集，她說去年在港拍攝無綫劇《宮心計2深宮計》時，雖然日以繼夜趕拍，但怎忙怎累也心繫養子，有次拍至凌晨時分，雖然累極但未有回家休息，反而駕車到養子昔日上學的地方懷緬作慰藉。
她坦言不願與Hanson再度分開，雖然工作辛苦也覺得值得：「我日後唔畀佢返馬來西亞，唔想同佢分開，身體勞累我都仲可以支撐，攰咪休息囉，希望守護住佢，同埋喺香港睇醫生都方便啲。」
對於養子的醫療費要花過百萬，她解釋：「一切正常情況下，每年負擔醫療、醫藥費都唔過六位數，但如要做手術，就要過百萬，不過最近遇到個教會朋友係心臟專科，免費為Hanson檢查，都慳唔少！」
在收養Hanson時，張慧儀已知他因為先天性心臟病，壽命時刻和時間競賽，但她堅持收養照料，如今Hanson十五歲，就連她也覺得是奇迹：「係呀，真係賺咗！佢係陽光小朋友，由內向變得多嘢講。（健康穩定？）普通啦……只要佢有足夠休息，穩定生活同安全感就較好，以前喺北京住，天氣較為凍就差啲，返嚟南方住就好好多，同埋最主要嘅係，得到媽咪嘅愛，呢個係互相畀大家嘅動力，可以講係一種奇迹！」
張慧儀對Hanson萬分着緊，Hanson也一樣對她着緊，尤其是感情事，原來他曾當「媒人」說要介紹男仔給她認識，令她十分驚奇！
她說：「早排我個仔話介紹個男仔畀我識，我覺得好驚奇，我問佢個男仔係點，點知佢話叫我問婆婆。我聽佢咁講，真係覺得佢大個仔喇！我問佢想我嘅另一半係點，佢話要講故仔畀佢聽，佢咁講我又覺得佢似番小朋友。」她續說就連衣着打扮，Hanson都會過問並施「限奶令」，她說：「佢會望我着咩衫出街，有時會指住我心口，意思係叫我唔好着得咁低，話個心口唔可以畀其他人睇。」
(on.cc)
歌手陳柏宇（Jason）早前因「棄養」事件搞到好大件事，仲同老婆符曉薇抱唔同意見。近日，陳柏宇就去咗澳門開騷，太太都有去撐場，但符曉薇睇完騷之後唔係好舒服！
符曉薇喺ig講番呢件事，佢仲話自己出血添，佢留言：「自澳門返黎（嚟）除左（咗）睇醫生之外，都無出過街，因為一落船竟然出血，只怪自己又抱小朋友，又捱夜又唔夠休息，而（依）家要係（喺）屋企休養，工又無得返，街又無得出，本來星期六去韓國之旅，都要取消，過乖寶寶，不過大家唔使擔心，醫生話休養下就無事。」真係乖乖哋，唔好去韓國住喇！
陳柏宇接受東網訪問，佢話：「冇咩嘢，醫生話唔係好大問題，係扯到嘅啫，同抱小朋友有關係嘅，都冇流血喇，休息吓就冇事。」而符曉薇就話：「醫生冇話佗唔穩，BB心跳各方面都好活躍，唔使擔心，應係係扯親，同埋唔夠瞓，要喺香港休息。連去韓國嘅機票都取消埋，Jason媽媽照顧住我。」
(on.cc東網)
惡臭會一直滯留在廚房中，一定要徹底地清除乾淨！雖然大部份住在高級公寓的人，會把垃圾丟棄在指定的垃圾場，但我想應該也有不少人並不會這麼做，而是把垃圾放在陽台之類的地方，等到垃圾清運日再一次丟棄。
廚餘、煙頭或小嬰兒的尿片都會散發出令人不舒服的氣味。尤其天氣熱的時候還很容易生蟲，所以務必要特別小心處理。有些人為了避免發臭會選擇將「廚餘冷凍保存」，可是要把垃圾放在之後要食用的食物旁邊，心裡多少還是會有疙瘩。
難聞的氣味，很容易讓人失去烹飪的動力，所以要盡全力「阻止垃圾的味道飄散出來」。接下來就介紹防止臭味飄散的垃圾處理原則。
1. 必須徹底地排除濕氣
惡臭源於細菌滋生。各位在丟棄垃圾時，是否會用水沖洗蛋殼？會不會用濾網或廚房紙巾充分濾除水分？好好地檢視自己丟棄垃圾的過程，一定要把水分確實濾乾再丟。
2. 海鮮類料理只在垃圾清運日的前一天製作
海鮮類，就是散發惡臭的原因。為了儘量避免在家中存放和海鮮類料理有關的垃圾，在規劃菜單時，就必須選擇距離垃圾清運日較近的日子，才製作海鮮類料理。
3. 放入小蘇打粉
小蘇打粉不僅可用於廚房的清潔，對於除臭也有很好的功效。只需將小蘇打粉隨意地撒在垃圾袋中的垃圾之上即可。小蘇打粉為鹼性。由於會損害食材並散發臭味的物質多半都屬於酸性， 利用鹼性的小蘇打粉中和酸性，就能達到除臭的效果。
在放置廚餘的袋子裡，事先撒入少許的小蘇打粉，也能有效除臭。小蘇打粉也有一定程度的吸濕效果。
4. 放入咖啡渣
咖啡對於除臭也很有效，據說效果甚至比家用除臭劑中內含的活性碳還好。作法很簡單。只要將咖啡渣撒在收集垃圾的垃圾袋中即可。經常飲用咖啡的人請務必試試這個方法。
5. 袋口的綁法
若垃圾仍帶有湯汁，可以先在垃圾袋裡舖上廚房紙巾或報紙，再一邊將垃圾下壓將空氣擠出，一邊旋轉袋身將袋口扭緊綑綁。夏季時可以再加一層塑膠袋，以防止湯汁或味道滲出。
海鮮類或是嬰兒的尿片也是，只要用這種方式綑綁袋口就沒問題了。若以十字形的方式綑綁，不但空氣進入袋內會增加垃圾的體積，也非常容易飄散出臭味，所以不建議以這種方式封住袋口。
充滿惡臭的廚房，讓人難以產生烹飪的欲望。徹底斷絕臭味的源頭，打造一個通風良好的廚房吧。
（元氣網）
歌神張學友正展開世界巡迴演唱會，上個月喺台北小巨蛋開騷時，衆星雲集，劉嘉玲、梁朝偉、邱淑貞一家、鍾鎮濤等，組咗幾十人團去捧場開心。
完成台北站後，學友就去咗大陸開騷，今日有大陸傳媒報道，指學友上星期五喺贛州開騷時，有逃犯因為去睇騷，安檢時被警方發現帶走。上月7日，學友嘅南昌舉行演唱會，現場有5萬觀眾，執法部門利用臉部識別科技，成功認出疑犯。今次再有逃犯被捕，消息一出，網民即封學友做逃犯剋星。
（apple daily）
在娛樂圈捱足15年，最近憑大台劇跑出，女友一直陪佢捱過低潮，上緊位嘅男藝人冇飛甩同甘共苦嘅女友，日前仲帶女友見家長陪老人家食飯，被讀者陳小姐透過傳媒分享，甜蜜又孝順。
當晚約8點幾，讀者陳小姐話喺馬鞍山嘅酒樓，見到陳家樂同父母食飯：「成枱6、7個人，除咗佢同女朋友之外，其他都係長者，佢幫手斟茶又夾餸，好多人搵佢哋影相，有啲女仔，連阿叔都影，佢出去埋單時，被阿叔捉住佢影相，佢好friendly，擺低嘢同阿叔影。」
憑大台劇《逆緣》跑出嘅陳家樂
家樂喺電話回覆《蘋果》表示：「唔係特別見家長，因為好耐都冇同嫲嫲食飯，其實好普通一個家庭聚會，有人認得我哋合照好開心。」家樂話女友Jennifer同家人經常見面，父母對女友印象好好：「佢哋覺得Jennifer好乖好上進，同埋覺得佢幫到我。」好旺你？家樂話：「佢哋都係咁覺得，不過主要係覺得我冇乜自制能力，有Jennifer喺度就可以令到我成熟啲。」
問到點樣冇自制能力？家樂坦言：「即係啲錢唔知攞咗去邊度用，佢幫我好好咁管理我成個人，我唔知係咪叫大使，係成日唔知使咗去邊，出糧之後又買結他又買相機，因為自己有拍嘢，見到新科技就想買，咁就用多咗啲錢。」女朋友幫你儲錢？家樂自爆：「我要寫報告囉，要每日話畀佢知啲錢用晒去邊度。」女友每日畀你用幾多錢？家樂話：「又冇咁樣去計，佢都知我有時要同朋友、同事食飯，但要知道我用得係啱，普通食茶餐廳二、三百蚊都夠用。」
家樂仲大讚女友好錫佢嘅父母，成日買嘢畀佢屋企人。記者笑佢可以好放心，最難搞婆媳關係冇問題，家樂笑說：「我諗呢個應該唔存在嘅。」問到幾時結婚？家樂表示：「睇吓儲錢儲成點先，o依家首期都未有，努力啦，希望盡快發展人生下一階段。」
女友余香凝Jennifer近年喺電影圈發展順利，上年更踏足樂壇，成績相當不俗！
上年被傳媒在地鐵站拍拖 （資料圖片）
十指緊扣（資料圖片）
（apple daily）
