39歲女星跟演員老公去年1月秘婚，上月1日誕下囝囝後即出現癲癇症狀，被送到急症室救治，更曾一度留院ICU，幸好已於上月12日出院，之後入住豪華坐月調理中心照顧BB及休養。
她亦於節目中公開近況，表示可能因為係高齡產婦，囝囝出生後佢患上妊娠毒血症，出現痙攣嘅症狀，雖及時治療，但於痙攣過程中肺嘅情況唔太好，所以於醫院住咗一段時間，至今身體都尚未完全康復。
秋瓷炫在節目中不禁落淚。
琴晚，秋瓷炫於微博公開新影片報平安：「你們好擔心吧？現在恢復嘅過程中，好快恢復健康。我見到你哋支持我同祝福我，然後給我鼓勵，我真係好感動。」又叫粉絲唔好擔心，而且佢都好想去中國見到大家。喺短片中，秋瓷炫精神不錯，只係把聲有啲沙啞唔夠氣。老公于曉光更留言放閃：「你給我歲月靜好，我對你溫情以待！」
秋瓷炫又話，于曉光見到老婆生仔嘅過程咁痛苦，認為係夫妻必須一齊度過嘅困難，所以感覺變成真正嘅家人。秋瓷炫又感謝老公24小時守在身邊照顧佢，于曉光亦緊握秋瓷炫嘅手表白：「我愛你。」
（apple daily）
威廉王子伉儷的第3名孩子路易自4月23日出生以來尚未公開露面，官方僅在5月初發布由他母親劍橋公爵夫人凱特王妃親自操刀的官方照片。當時一同公布的另一張相片，還有夏洛特公主正手抱和親吻甜睡中的弟弟額頭。
劍橋公爵夫人凱特王妃親自操刀，5月6日公布的兩姊弟相片。夏洛特公主手抱着甜睡的路易小王子。（視覺中國）
英國威廉王子與劍橋公爵夫人凱特王妃（Catherine, Duchess of Cambridge）的第3名孩子路易小王子（Prince Louis）當地時間周一（9日）受洗。路易王子的受洗儀式被視為這個五口之家第一次集體亮相，屆時其教父母名單亦會公布。
路易小王子的洗禮儀式將由坎特伯雷大主教韋爾比（Justin Welby）主持，於當地時間周一（9日）下午4時在倫敦聖詹姆士宮（St James’s Palace）皇家教堂開始，儀式過程約40分鐘，有別於喬治王子（Prince George）和夏洛特公主（Princess Charlotte）在上午受洗。
此外，屬於王位第5順位繼承人的路易小王子受洗時，還將穿着與哥哥喬治、姐姐夏洛特的相同禮服——1841年維多利亞女王大女兒所穿禮服的複製品。
路易小王子在凱特王妃懷中睡得特別香，期間都沒有醒過來，而凱特王妃則是越看小王子越喜歡。
這次小王子接受洗禮，王室家族全員出動，新婚夫婦梅根和哈里王子也準時出席，希望他們也趕快生個小王子。
路易王子的受洗儀式被視為這個五口之家第一次集體亮相，包括女王伊利沙伯（Queen Elizabeth II）、王儲查理斯（Prince Charles）、哈里王子與薩塞克斯公爵夫人（Duchess of Sussex）梅根馬克爾（Meghan Markle）等眾多王室成員將出席洗禮儀式。另外在受洗當日，亦會公布路易的教父母名單，相信會是威廉王子伉儷的親密好友或其他王室成員。
這次為路易小王子洗禮，威廉王子一家人首次全體亮相，凱特王妃身穿白色的高頂禮服，威廉王子則是說一身藏藍色的西裝，喬治小王子則穿著短袖短褲，夏洛特小公主也是穿著白色的小裙子。
（綜合報道 / hk01）
孫耀威（Eric）前年同友人合作，投資近千萬喺尖沙嘴開設走高檔路線嘅禮服訂製專門店，而今日佢就喺facebook嬲爆貼文寫：「剛剛發現一位所謂藝人來我店借西裝，說是去”CHANNEL”活動，原來只是去馬來西亞參加朋友婚禮！其實你不用講大話啦。告訴我們真實用途就可以了！這樣不是更顯得你的低手嗎？！我送俾你都得啦馬先生！」
雖然Eric全程未有指名道姓誰是「馬先生」，但明顯矛頭直指剛與好友吳千語去馬來西亞，參加當地億萬富商陳志遠大女陳雪玲婚禮嘅馬天佑。Eric貼文後，不少好友都紛紛留言「猜猜馬是誰」，有人講笑話一定唔係馬浚偉，因為佢冇時間去飲，又有人估馬國明，但Eric都否認。
不過，Eric卻堅持唔開名，仲話：「我不在page post已經仁至義盡！不想有新聞！益埋佢！」之後傳媒聯絡Eric了解，問到係咪鬧馬天佑？以後仲會唔會借衫畀佢？Eric表示：「唔回應。」
而被指講大話借衫嘅馬天佑，回應傳媒時，就自動對號入座，承認自己係Eric口中嘅馬先生。佢解：「我啱啱由馬來西亞返香港，已經即時向同事了解咗，證實咗的確有件咁嘅事。」
馬天佑 （資料圖片）
馬天佑再解釋：「我之前真係唔知道，我喺公司試嘅時候，冇問清楚西裝係如何借返嚟就攞咗出trip。不過點講都好，咁樣做係好唔啱，我喺呢度衷心同Eric道歉，亦都已經同同事講咗，唔可以再有同樣嘅事發生，今次件事真係好對唔住，我會再親自同Eric道歉。」
（apple daily）
42歲張新悅07年嫁現任區議員嘅楊哲安後，先後誕下三個囡囡，今年1月，佢同老公、三個囡囡一齊拍片，宣佈意外懷第四胎，至4月再公布BB性別依然係女。不過，佢話一直無追囝囝嘅諗法，所以唔覺得失望，三個囡囡知道有妹妹亦好開心。
今日，張新悅就喺社交網宣佈，囡囡已經喺7月7日出咗世喇！佢留言話：「四女兒7月7日終於誕生了，小小個子2.65公斤(約5.83磅)皮膚紅紅很趣緻。望着她心裏會唱起IQ博士「小雲同小吉好重要」，所以改她為「小雲Lola」
而除咗囡囡獨照，向來貪靚嘅佢張新悅仲有化晒妝，著晒靚衫佢同老公、囡囡一齊拍短片，感激醫護團隊之餘，又代囡囡留言：「Good morning I’m Lola. The latest addition to the Young family.本來前日就可以同你地見面，但媽咪嫌自己唔夠靚要化返個妝先同大家見面還要拍條片留為紀念，真覺得自己被寵愛。」
（apple daily）
早前與交往多年嘅男友分手，佢哋喺街外人眼中一直都勁恩愛，真係跌到一地眼鏡！
尋日佢又突然喺社交網上載咗一張相，相中嘅佢挺住一個似有5、6個月身孕嘅肚，莫非佢唔聲唔聲嚇你一驚？
藝人楊詩敏（蝦頭）留言話：「今晚8:30，準時收看新劇 《BB來了》！因為有我客串呢！」原來佢呢個只係新劇嘅造型。有網民話佢個「假bb」整得好似，「恭喜你」三個字都已經講到口唇邊喇！
最近同胡定欣拍完《包青天之再起風雲》
（ig / on.cc）
26歲人妻吳若希（Jinny）奉女成婚，去年10月同澳門闊少何兆鴻（Alex）拉埋天窗，寶貝女Giselle話咁快已經1歲，Jinny不時喺社交網晒老公與「前世情人」相片扮呻醋，一家三口樂也融融。不過，日前佢哋到灣仔食完茶記離去，被讀者直擊Jinny躁底爆老公嘅過程。
(ig圖片)
當日大約早上11點幾，讀者陸小姐在灣仔蘇記茶餐廳門外，發現Jinny一家三口：「我喺對面街，見到佢哋行出嚟，最初係被佢哋嘅情侶鞋吸引，再望上去先知道係佢哋。」兩公婆應該食完早兼午餐離去，企喺街上等司機駕車接載。
當時Jinny雙手抱住1歲囡囡，讀者陸小姐表示：「佢抱得好衰，囡囡pat pat墮晒落嚟，雖然我唔係媽咪，但明眼人都見到佢抱得唔好。佢老公冇幫手抱女，我見到吳若希有啲躁，鬧咗老公兩句，好晦氣咁指手畫腳，我企喺對面街，都聽到佢好似講：『應該等埋先啦！』似乎係話應該等司機車到咗先行出嚟，因為嗰日都幾熱，企喺條街都辛苦。」
（讀者提供圖片）
從讀者提供相片所見，小公主Giselle瞓咗覺，Jinny似乎唔係好夠力抱囡囡，所以Giselle都墮到有啲低，不過見Jinny雙手箍實囡囡，保護十足，而Alex就兩手攞住購物袋兼背囊，不停撳電話似催促司機，問到Alex被老婆埋怨有乜反應？陸小姐話：「佢老公頭耷耷冇出聲，之後唔知係咪發現我影相，佢哋行前咗少少，好似等咗五、六分鐘司機才到。」
頭耷耷冇出聲（讀者提供圖片）
(apple daily)
藝人陳小春和應采兒是娛樂圈中的模範夫妻，昨天是陳小春51歲生日，應采兒就在社交網貼出與老公慶生的照片晒恩愛，更在留言中連續寫下5個「愛你」，真係閃到爆！
應采兒發文：「陳先生 生日快樂 [愛你][愛你][愛你][愛你][愛你]」，更上載了她與陳小春慶生的照片。照片中的日曆造型蛋糕非常有心思，除了日期是陳小春生日，還寫下：「宜賭錢、睇波、錫老婆、忌黑面。」既搞笑又溫馨，完全可以反映出應采兒調皮的性格！
（singtao）
產後脫髮問題困擾不少媽媽，營養師伍雅芬（Arlene）指出，懷孕期間女性體內雌激素、黃體素水平增多，使頭髮壽命延長，產後體內雌激素恢復正常水平，賀爾蒙突變會導致大量頭髮同時進入休止期而脫落。
Arlene表示，一般人每天掉80根頭髮，產後媽媽則可達400根，脫髮問題一般在產後2至6個月最明顯。女士懷孕及生育後體内賀爾蒙水平的轉變無可避免，但可透過飲食攝取鐵質、碘質及蛋白質，改善產後脫髮的問題。
鐵質助頭髮攝取養份
她解釋，鐵質有助製造紅血球，在血液中輸送氧氣和養份，攝取不足會令頭髮細胞未獲足夠營養而脫落；豐富鐵質的食物包括：紅肉（每日可食2至3份）、菠菜（每日可食半碗）和紅腰豆等。此外，多吃含維他命C的食物（如橙、檸檬），可幫助身體吸收植物性鐵質。
碘質刺激頭髮生長
碘質可促進甲狀腺功能，有助刺激頭髮生長，含豐富碘質的食物包括：紫菜（每星期可飲1至2次紫菜湯）、菇類、芝麻、菠菜、大蒜。
蛋白質防脫髮
由於蛋白質屬構成毛髮嘅基本成份，Arlene稱攝取優質蛋白質亦有助預防脫髮問題，可進食蛋（每日1隻）、海鮮、豆類食物（每星期可吃3至4次，每次最多半碗），亦可適量攝取肉類。
Arlene教煲美髮湯水「紫菜豆腐蛋花湯」，有助吸收優質蛋白質和碘質；紫菜含豐富DHA，有助促進腦部發展，此湯水適合一歲以上的小朋友飲用。
材料：
50克 紫菜、1磚 豆腐、1隻 雞蛋、750毫升 水、1茶匙 麻油（只限成年人飲用）
做法：
1. 大火煮滾水，下紫菜煮開，滾火煮約1分鐘。
2. 下豆腐，再一邊下蛋液，一邊用湯羹拌勻成蛋花，熄火。
（Topick）
名媛周美鳳女兒蔡欣熹創立自家珠寶品牌兼任設計師，早前更獲著名珠寶店邀請Crossover婚戒系列，女兒有此成績，周美鳳大感欣慰。母女感情要好，但亦會嗌交，不過蔡欣熹一樣視媽咪為偶像：「佢人品好做嘢叻，但就好急好快，我反而跟唔上佢嘅節奏！」
小時候媽咪曾為保護她而破口大罵，令蔡欣熹十分感動：「我有弱視，為矯視要戴住個眼罩，好似海盜咁，畀啲小朋友笑。有次媽咪同我等過馬路，有個媽咪拖住個小男孩經過，個男仔指住我話：『呢個女仔做咩事，快啲走開。』媽咪聽到就即刻鬧佢冇禮貌，覺得歧視我，佢咁保護我，嗰刻我好感動！」
（on.cc）
現年26歲嘅前港姐何艷娟（Katherine）日前被爆出入紙申請同66歲嘅澳博營運總裁吳志誠結婚，二人年齡相差40歲，譜出「爺孫戀」。最近人逢喜事精神爽，心情當然好好啦！
今日Katherine就喺社交網上載食爆谷嘅自拍照。
仲開心留言：「Popcorns always make me so happy! My all time fav!（爆谷令到我好開心，係我最愛。）」
佢話自己最鍾意食爆谷
相中見到Katherine就tag咗自己身處喺泰國，仲嚟個低抄自拍。不過最緊要係佢人逢喜事精神爽，心情好好，唔少網民都問佢係自己去定與未婚夫同行呢？
未婚夫係澳博高層吳志誠(右二) (資料圖片：蘋果日報)
（on.cc）
