藝人鍾嘉欣出席講座分享懷孕心得，見她照踩3吋高踭鞋，肚子亦愈來愈凸出。她透露返港兩個多星期，今晚終於返加拿大，現時心情既期待又不捨，但女兒最為開心，更指腹中BB今日6個月。嘉欣笑言：「BB知道今晚飛返加拿大，所以出嚟見下大家，好開心呀！我嘅心情今日有啲唔同，眨吓眼我留喺香港已經兩個星期，呢個係last一個活動，要相隔1年時間先再見大家，有啲唔捨得，但係我又好期待見個女（Kelly)同老公，頭先facetime個女，可能佢知我返嚟，佢笑呀，平時佢多數喊，老公唔想收線，因為我收線，個女就喊，我話20小時後就見到我。」

問到今次返加國後，若果期間有可觀酬勞工作可會返港？嘉欣斬釘截鐵謂：「唔會，真係要生B，要祝福自己生產順利，因為過程只係一線之差，所以女人真係好偉大，希望大家祝福我3、4個月後生產順利，記得第一胎用咗17個鐘去生，聽日講第二胎10幾分鐘就攪掂，我希望都快，唔好喺車度囉！」

嘉欣表示屆時老公會陪入產房，拍攝生產過程、影相兼剪臍帶，雖然現時仍未想知BB姓別，但嘉欣就大讚BB溫柔，不像大女般，於其肚中使用拳腳。對於好姊妹李亞男欲生B，問到對方可有向嘉欣取經？她謂：「我生完大女後變咗營養師，會睇書、同老公朋友傾啲自然療法學習健康知識。（變咗專家？）啲朋友依家叫我Dr.鍾，有咩頭暈身㷫、生痔瘡都搵我，我平時會食維他命、一啲食療、鹼性水提升免疫力，坐月都跟足傳統，例如食薑飯。」

（on.cc / apple daily）

賭王三房公子何猷啟年初二喺微博宣布喜訊，向識咗無耐嘅國產女友GiGi求婚成功。消息公布之後，隔咗個幾星期，猷啟現身東華董事局新春團拜時，春風滿面直認已經同女友訂咗婚。

婚禮籌備中，不過時間地點未定。行動認真迅速，咁急趕，唔通……

所以，當時即惹來揣測，係咪雙喜臨門？猷啟即刻解畫，話仲未諗做爸爸嘅問題。

不過猷啟未婚妻近日被影到疑似大肚，報道仲話GiGi懷孕4個月，猷啟今日以短訊回覆蘋果，並無否認未婚妻疑似大肚的報道：「多謝關心，正如之前所講，我和GiGi正籌備年底結婚，有好消息一定同大家分享。」

何猷啟 (資料圖片)

女友Gigi

猷啟去年5月和以色列籍索模Angelika Nikolaeva分手，結束異地戀之後，話咁快又開始另一段異地戀。上年平安夜高調晒愛，貼出同新歡十指緊扣相，正式公開新戀情，元旦再貼被女友錫臉珠相，年初二已經宣佈求婚成功，計劃年底擺酒。

(apple daily)

天王郭富城最近同太太剛度過結婚一周年，雖然相差好多年，但越來越恩愛！而太太方媛愈來愈融入香港生活，更愈來愈高調。

兩公婆幾時都孖公仔出場！

一齊撐抬腳~

方媛好錫女兒，非常保護佢！

晚上她撇下老公及女兒，和女友人去欣賞演唱會，雖然觀眾對「城嫂」現身並沒起哄，但亦有人舉機替她拍照。身穿白毛衣、頭戴黑色Cap帽的她有點鬼祟地進場，更轉了位3次，不停避鏡頭。

城嫂個樣突然好慌張！

直至記者叫她才大方拍照。當去到Encore中段時，方媛就先行離去。

（on.cc）

31歲女星早前喺社交網留言透露因為活喺痛苦中而暗示要退出演藝圈，之後被媒體爆料，指佢未婚懷孕，而且計劃生完B後就跟企業家男友結婚。

之前好瘦！

今日，有媒體公開人氣女星李泰林嘅大肚照，照片中李泰林穿上白色裙，一隻手輕撫腹部，對住鏡微笑，望落非常健康。有指李泰林目前佗B 6個月，不過有網民認為李泰林個肚好大，猜測佢可能係陀雙胞胎。

另外，李泰林今日更新Ig嘅留言，表示決心要過平凡嘅生活，但唔會忘記所有喜歡過佢嘅人。

（ig / apple daily）