【10月結婚】姊妹團除咗鍾嘉欣香香之外仲有…

2018-07-04

「婚紗已經揀好，有少少性感，如果有長輩在場時，會加個拖尾(遮蔽性感部份)，夜晚同朋友派對時先拆走。不過我唔想嘉欣太辛苦，其實都要到時先知，睇下佢哋安唔安全，交畀上天安排。」

苟芸慧、江若琳(Elanne)、湛琪清、林芊妤同歐陽巧瑩一眾即將踏入人生另一重要階段靚女們，今日齊齊參與尖沙嘴一間精品香水概念店開幕活動。

十月出嫁嘅苟姑娘指婚禮籌備上只參與了揀婚紗、姊妹團及賓客名單，佢話:「婚紗已經揀好，有少少性感，如果有長輩在場時，會加個拖尾(遮蔽性感部份)，夜晚同朋友派對時先拆走。」為咗能親自答謝每位來賓，婚禮當日會分不同時段宴請不同親友，另外又會返加拿大舉行家庭式婚禮，姊妹團方面，佢話:「我搵咗鍾嘉欣、岑麗香、李亞男、劉溫馨同兩位選華姐時朋友，不過我唔想嘉欣太辛苦，其實都要到時先知，睇下佢哋安唔安全，交畀上天安排。」

Elanne今朝零晨捧愛隊英格蘭差啲嚇到心臟病發，幸好愛隊能夠成功晉級，佢希望四年後能夠親身到現場睇世界盃，講到屆時可能已經有小孩，佢話:「我覺得都有，希望有3歲。」豈不是現在要開波造人？佢笑說:「仲有半年俾我結埋婚先，我想結婚時係最靚嘅狀態，唔想大住個肚。四年後小朋友仲細，應該仲可以二人世界去睇世界盃，再多四年就可以帶埋小朋友一齊去。」

婚禮上基本嘢已經定好，至於婚紗亦已經設計好，不過無畀另一半睇，留番大日子畀佢驚喜，Elanne話:「佢話如果太性感會黑臉，又會準備一件西裝褸，覺得唔對路就包落去。」

(蘋果日報)

【夏天防曬功夫做到足？】小心病完又病！

2018-07-04

像提高免疫力，近年來受矚目的就是維他命D。維他命D是紫外線在體內生成的唯一維他命，攝取方法也相當簡單，只要多曬太陽就可獲得。過去維他命D被認為是強化骨骼的好幫手，除了可以幫助鈣質吸收，也可以強化骨骼的新陳代謝。近年來則著眼於免疫力的提升。

維他命D與流感的關係

根據美國研究，調查人們血液中的維他命D發現，一年之中日照最長的八月，維他命D濃度最高，日照最短的二月濃度則最低，而二月也正好是流感的發病顛峰。而根據浦島充佳的臨床研究則發現，無攝取維他命D的中小學生比攝取維他命D三至四個月的中小學生，感染流感機率幾乎高出兩倍。

維他命D不足的原因與對策

《原因1：極端地防曬》
有些女孩愛美白，出門的防曬總是做到滴水不漏，不只夏天也穿長袖長褲戴帽子，連防曬油都塗了好幾層。這樣或許可以換來白皙的肌膚，卻沒有足夠的陽光讓身體產生維他命D。此外，上班族早出晚歸，又幾乎整天都待在辦公室內，晒到太陽的機會少之又少，當然容易感冒。

對策1：適度的日光浴
日光浴晒太久會對皮膚造成傷害，但如果適度地晒則有益健康。冬天以外（春夏秋）一天最多晒5～10分鐘，而冬天一日最好能晒足60分鐘，不需要待在同一個地方晒完，也可以四處散步健走曬太陽。適度曬太陽可以讓你精神比較好，因此，像冬天就不需過度防曬。

《原因2：多吃肉少吃魚的飲食習慣》
隨著飲食習慣漸漸西化，人們的日常實用肉類已經從魚貝類轉換成雞牛豬等家畜，但其實魚貝類中所含的維他命D較為豐富。浦島充佳提醒，我們常常會意識到自己缺乏維他命B或C，卻忽略維他命D也該積極攝取。

對策2：積極攝取含有維他命D的食物
像是魚類、海鮮類、菇類、雞蛋、蔬菜等都含有豐富的維他命，且無論怎麼料理都不容易流失。特別像是紅鮭、鰻魚這類脂肪較多的魚類維他命D特別多，無論是魚乾還是生魚片都很健康。
詳情：兒童維生素 D3

(早安健康)

【老公有話生個女】葉翠翠：再生仔真係連屋都拆埋呀！

2018-07-04

上月30日剖腹誕下囝囝的葉翠翠，今日由老公與大仔接出院，一家四口溫馨合照，老公更輕吻翠翠。

翠翠身穿露肩裙與四吋高跟鞋示人，精神奕奕，她稱BB足月出世，有九磅重，她也意想不到：「bb一出世，醫生抱住佢就話BB實有七磅幾，點知攞去磅係九磅。今次生仔冇上次咁驚，我上次都係開刀生，雖然局部麻醉，但都好痛，今次我同醫生反映咗，佢畀啲氣我聞，成個過程冇痛，好舒服。」問到名字？翠翠表示仍未為BB改名，她笑言：「英文名，我老公都諗咗幾個月，尋晚佢話不如叫Titus，我上網睇，原來係牌子名，所以打消咗個念頭，我諗佢要花多幾個月去諗。中英文名都係老公改，我諗乜都冇用，佢唔會批准，應該會夾吓八字去改名，但都係交畀老公負責。」

至於會否再追女？翠翠即時耍手擰頭：「唔會，兩個已經攞命，今次佗得好攰，又要照顧大仔，但我又抱唔到佢，個心都好唔舒服，兩個都夠。其實我係鍾意女，但依家社會好危險，生女好多嘢要擔心。」她揚言要封肚，沒有計劃生第三胎，意外都要避免：「老公有話生個女，但如果再生都唔係女咁點，再生仔真係連屋都拆埋呀！」

翠翠指BB大食，會餵人奶之餘，也要補奶粉：「補奶粉都要三安士，我諗我要努力，但我唔主張畀太大壓力自己，只要唔好餓到BB，我唔介意補奶粉。」見她已着高跟鞋，她自認貪靚：「我今次佗b好緊張，因為我經常Facebook教人長胎同點保持狀態，我要做個人版畀佢哋睇，生完唔可以好憔悴，要畀人知保健同保養好重要。」期間她以紙巾抹眼，她澄清：「我唔係感動，係有嘢吹入眼啫！」

（on.cc）

【男友4卡鑽戒求婚】感動到爆喊：我即時大嗌NO

2018-07-04

問到點解隔咁耐先公布喜訊？佢就表示因為之前家姐結婚，所以想等家姐出嫁後先再講。另外，佢指已同男友訂婚，但暫未計劃婚禮，想先享受一吓二人世界。。。

藝人甄子丹太太汪詩詩的表妹湛琪清（Jessica）今日喺尖沙咀出席活動，戴住4卡戒指嘅佢自爆兩個月前於峇里島旅行時，獲男友兼名醫之子金承威驚喜求婚，佢話：「我好鍾意飲cocktails，就連第一次見男友嘅時候都有一齊飲，所以佢嗰陣特登book咗個地方同我歎cocktails。第一杯都冇乜嘢，點知上第二杯嘅時候有份神秘小禮物，原來係個戒指盒。我即時大嗌『NO』，因為我又冇乜化妝又冇set頭，唔想咁嘅樣接受求婚。」佢續指冷靜過後即刻答應男友，並感動到爆喊。

未計劃婚禮

問到被求婚後有冇立即通知家人？Jessica笑指當時有段小插曲：「男友好浪漫，佢夜晚安排咗個好幽靜嘅地方食燭光晚餐，但嗰度冇WiFi，我又好想第一時間通知屋企人，所以想叫佢打包返酒店食，不過最後我哋都好快食完先再返去。」

問到點解隔咁耐先公布喜訊？佢就表示因為之前家姐結婚，所以想等家姐出嫁後先再講。另外，Jessica指已同男友訂婚，但暫未計劃婚禮，想先享受一吓二人世界。

(on.cc東網)

【發現有子宮肌瘤】宣布佗B四個月：搞到無晒心機

2018-07-04

現懷孕四個多月，她笑指為「佗B」幾個月沒護膚，只用清水保養自己：「有時無心機到連涼都唔想沖，頭髮都唔洗。每日食完嘢就嘔，嘔完就瞓，都幾辛苦㗎！」

藝人董敏莉（Monie）於社交平台報喜，宣布造人成功懷孕四個多月。Monie於網上笑稱「婚姻出現了第三者」，令好友擔心是否婚姻出問題，幸而「第三者」是指她和老公的愛情結晶品。董敏莉坦言「佗B」初期感辛苦：「孕吐反應都幾嚴重，嘔心、頭暈、胃脹，樣樣齊，搞到無晒心機，匿埋喺屋企幾個月，幾乎無見親戚朋友。依家都係無乜胃口，同埋成日口淡、口苦。」

照超聲波發現子宮肌瘤

董敏莉現懷孕四個多月，她笑指為「佗B」幾個月沒護膚，只用清水保養自己：「有時無心機到連涼都唔想沖，頭髮都唔洗。每日食完嘢就嘔，嘔完就瞓，都幾辛苦㗎！」Monie亦透露首次產檢照超聲波時，發現子宮長了頗大的子宮肌瘤：「起初好擔心個肌瘤會影響BB，幸好經醫生檢驗，肌瘤位置暫時沒有影響BB生長，不過都要定期檢查，以防萬一。」

董敏莉在社交平台上載了超聲波相片，她拒絕透露BB性別：「無論係小王子定小公主，我哋都同樣開心，所以我同老公都想幫佢改個男女通用的中文名。每次睇呢張超聲波相都覺得佢好似粒小櫻桃、好可愛，仲見到佢伸隻腳仔出嚟。」

董敏莉笑言老公似賭神不愛上鏡，所以家庭照中多數只有側面，她笑言現時除了電台工作之外，暫時專心養胎：「我會試下播法文兒歌畀佢聽，同佢講吓生活趣事，最緊要就係BB健康同開心！」

(on.cc東網)

【已經見肚啦~】宣佈懷孕後首度公開現身

2018-07-04

婚後半年傳來懷孕喜訊，宣佈造人成功，預產期喺今年秋天。首度公開露面，佢着住長裙配平底鞋，腹部已明顯隆起。。。

32歲日本女星宮崎葵去年12月23日再婚嫁V6嘅37歲成員岡田准一，婚後半年傳來懷孕喜訊，月前宮崎葵宣佈造人成功，預產期喺今年秋天。

噚日，宮崎葵挺住大肚出席於東京舉行嘅第44回放送文化基金賞，係自宣佈懷孕後首度公開露面，佢着住長裙配平底鞋，腹部已明顯隆起。現場宮崎葵憑劇集《眩~北齋之女》領取演技賞，中井貴一、樹木希林、滿島真之介與青木崇高亦有現身領獎。佗B兼攞獎，真係雙喜臨門呀！

(蘋果日報)

【地下情斷正？】先同無綫高層樂易玲一齊現身…

2018-07-04

日前晚上他由司機接載外出，與無綫高層樂易玲等人現身銅鑼灣食消夜，見他下車時亦極為警醒，不時四處張望。

當發現記者在場時亦笑笑口打招呼。

無綫高層樂易玲 (資料圖片)

另一邊廂，女方亦校準時間，首先靜悄悄驅車前往男方的寓所，並把座駕停泊於屋苑內的時租車位後，乖乖上樓做其「望夫石」呆等男友回家。她的座駕更連續兩日長駐停車場內，兩人關係更覺親密！

現年37歲的黃宗澤（Bosco）自從與胡杏兒甩拖後，曾與楊崢及日籍模特兒女友Jun相戀，最近他被指與25歲的陳嘉桓（Rose）撻着約半年。
黃宗澤（資料圖片）

二人還被拍得前後腳返回男方位於火炭的晉名峰寓所，戀情遭踢爆的二人，雖然夾定口供，口徑一致否認戀情，更死撐是男方請朋友到屋企開派對舉行大食會。為免再斷正，二人還密冚戀情，連日來亦未敢外出，只於男方寓所拍拖。

黃宗澤與陳嘉桓（資料圖片）

(on.cc)

【食飽就屙？】飯後不要急著上大號中醫：恐造成…

2018-07-04

先前介紹過「飯後不宜做的9件事」（詳情按這裡），這次中醫師石玉蘭又另外提出了3項吃完飯不該馬上做的舉動。

1. 喝冷飲

吃完飯立刻喝冷飲會造成飽脹不適、消化不良等症狀，而且飯後吃冰涼食物更是容易造成心臟負擔。

2. 大便

在胃裡充滿未消化食物時上大號，由於憋氣使腹內壓力突然加大，容易讓胃酸、消化酶逆流到食道，久了可能會造成反流性食道潰瘍。

3. 唱歌

飯後唱歌會讓隔膜下移，使得腹腔壓力增大，引起消化不良、腸胃不適等症狀。

飯後不能做的事那麼多，卻有一些行為如果利用飯後黃金半小時做，能達到養生效果，為健康加分。

1. 按摩膝蓋

中醫認為，早上7點到9點走胃經，而胃經在中醫經絡裡被稱作「長壽經」，恰好經過膝關節。因此在飯後半小時內重複按摩膝關節，可以使胃經暢通無阻。

2. 伸懶腰、踮腳尖、深呼吸

美國密西根大學健康體系研究中心指出，不妨利用午餐後半小時這段時間伸懶腰、踮腳尖或深呼吸，就能達到提神醒腦的作用。

3. 做家事

晚餐後做簡單的家事等輕度運動，例如洗碗或整理房間，既能活動身體，又不會影響腸胃消化。

4. 拍打經絡

晚餐後輕輕拍打小腹以上正中間的部位（也就是任脈）20分鐘，可以強身健體、幫助消化。

（元氣網）

【寫住BLESSED WIFE…】49歲陳淑蘭疑秘婚

2018-07-04

還有半個月踏入49歲嘅陳淑蘭，最近跟圈外好友Crystal公開反目，Crystal踢爆蘭子與利希慎家族成員利承武已分手！日前蘭子在電台受訪，揚言以後會帶眼識人，但拒回應是否已分手；然而，昨晚蘭子跟7位好姊妹預祝生日，收到一個寫住「BLESSED WIFE」生日蛋糕，引發蘭子秘婚疑雲，疑似宣示人妻身份！

當日蘭子在電台透露，獲高人指點今年生日要大搞，預計要60人，笑言：「我一向得罪人多稱呼人少，60人好驚囉，600個仇人就容易啫！」呢個盛大生日派對訂於19號正日舉行，昨晚踏入生日月，蘭子率先同7位圈外閨密預祝，並在社交網貼合照和生日蛋糕相，留言：「多謝親愛的姊妹們為我的生日月揭幕，被你們愛着，蒙福像個寶！」鄧達智、黎瑞恩、傅明憲、李蕙敏都留言祝福，鍾淑慧更寫道：「我心中永遠活潑可愛美麗動人的蘭子，祝你事事順心順意，身體健康，繼續美麗動人，幸福快樂哦?? happy birthday」

蘭子昨晚跟7位閨密預祝生日（網上圖片）

不過，幾位好姊妹送比蘭子嘅蛋糕，竟寫着：「HAPPY BIRTHBAY SHEILA BLESSED WIFE LOVE」唔通蘭子被生日蛋糕出賣已為人妻嘅秘密？記者致電向蘭子求證，佢表示：「唔係喎，噚日朋友幫我整咗蛋糕，BLESSED WIFE？啊，因為嗰班係查經班姐妹，其實我噚日都未有時間睇到蛋糕寫乜嘢，BLESSED WIFE係咪即係上帝嘅新娘呀？我要多謝班姐妹先。」

生日蛋糕寫住「BLESSED WIFE」，引發蘭子秘婚疑雲。（網上圖片）

全女班慶祝！

轉頭蘭子再回覆，大笑說：「仲好笑，原來唔係上帝嘅妻子，啱啱問咗幫我造蛋糕嘅朋友，原來佢係寫…哈哈哈…BLESSED WITH LOVE，可能啲人串錯字，BLESSES WIFE，哈哈，真係好笑，我因為老花呢，睇唔到啲字寫乜嘢。」問到係咪冇秘婚？蘭子哈哈笑說：「邊有秘密瞞得到你哋，梗係冇秘啦，便秘就有！」蘭子話7月係生日月，朋友提早幫佢慶祝：「朋友幫我陸續搞慶我嘅人生，等我下半生吉祥啲。」

(apple daily)