已平安誕女，暫時未改名，將交俾王爸爸及林爸爸決定。老婆陀B期間，只係陪過對方做一次產檢，佢讚老婆體貼，全力支持佢嘅工作。。。

台灣前組合可米小子成員、曾經拍過《換換愛》及《醉後決定愛上你》等台劇嘅王傳一，眨眼已經38歲，喺今年5月，佢被傳雙喜臨門，秘婚「蠍子女」林筱薇兼成功造人，噚日就有消息指林筱薇已經開刀平安誕B，B女重6.6磅。

今日王傳一喺台灣出席手錶品牌發佈會，剛榮升爹哋嘅佢心情大好，佢透露太太已平安誕女，更將呢位「前世情人」暱稱為「小屁美人」，暫時未改名，將交俾王爸爸及林爸爸決定。王傳一又指，今次老婆開刀係外父計好時間擇時辰，王傳一原本仲打算9點鐘陪老婆入產房，估唔到自己8點幾翻瞓一陣，一瞓就到10點幾先驚醒，老婆已經被送入產房，後來佢先知原來就算冇瞓過籠，其實佢都唔入得產房，畢竟開刀生B都算係個手術。

近期都喺大陸等地拍戲嘅王傳一，透露老婆陀B期間，只係陪過對方做一次產檢，佢讚老婆體貼，全力支持佢嘅工作，但佢怕同妻女長期分隔兩地，將來囡囡都唔認得自己，佢話自己把聲好低沉，每天同妻兒玩視訊，所以應該會認得。被問到點樣獎賞老婆辛苦生B，王傳一話：「我連續一年拍戲沒休過一周，能多陪她們母女就是報答，目標是做好一台提款機，希望老婆能帶小孩陪我拍戲。」

(蘋果日報)

34歲的王浩信與36歲的陳自瑤結婚7年，育有現年6歲的女兒王靖喬，二人上月初傳出婚姻亮紅燈，有指Yoyo主動提出離婚兼趕Vincent出門口，兩人分別否認。不過，Vincent承認有信仰後學懂放下，並承諾重新學習、處理與太太的感情。而女兒成為他們的橋樑，他們愛女如命，昨日Vincent便抽空與太太出席女兒的幼稚園畢業活動，是傳婚變後首度合體！

昨午12時許，身穿黑衣、黑褲的Yoyo，帶梳孖辮的女兒先到達會場，她全程化身攝影師，用手機及相機不停為囡囡拍照，又不時為愛女整理頭髮，完全是廿四孝媽咪。

一小時後同樣穿黑色外套、長褲及戴口罩的Vincent出現會合兩人，他甫到場便跟太太閒聊幾句，然後一家三口排排坐欣賞台上表演，Vincent不時抱着女兒坐他大髀，親暱又溫馨。

當一家人合照時，Vincent更錫了女兒一啖，盡顯父愛。現場所見，夫妻倆不時有交談互動，Yoyo亦面露笑容，氣氛融洽。

可能為免驚動其他人，Vincent大部分時間寸步不離座位，反而Yoyo經常滿場飛，每當有其他學生表演，她就到台前影相，Vincent便負責照顧女兒，二人分工合作，甚有默契。之後女兒換上粉紅色畢業袍及戴上「四方帽」，Yoyo一度攬着她一齊看書，期間女兒突然托頭，擺出俏嬌甫士賣萌撒嬌，非常可愛。

至下午4時許三人離開會場，Vincent一手拿着氣球、環保袋與花，另一手則抱着女兒Man爆步出酒店，戴上黑超的Yoyo則兩手空空緊隨其後，當兩人見到記者時都面露笑容並大方揮手，其後Vincent登上座駕，Yoyo就攬實女兒坐在旁邊，然後開車離去。

事後Vincent接受電話訪問，表示今次是家長私人舉行的幼稚園畢業禮，問到心情，他坦言替囡囡開心：「成績好好咁完成咗三年嘅幼稚園學期，佢同啲同學仔又玩得好開心，我都好開心抽到時間出嚟同佢分享呢個時刻，其實我今朝都要拍劇，一拍完即刻過去。做父母最緊要小朋友開心、投入到校園嘅生活，所以佢唔使畀咩我，Enjoy到個校園生活已經係最開心。」

(ON.CC)

前無綫藝人李婉華，婚後隨夫移居加拿大擔任主持工作，閒時會與大女和一對孖仔四出遊玩，最近她們到大阪旅遊，於旅遊勝地清水寺內拍下不少傳統和服照，相中見她女兒Natalie已長得亭亭玉立，穿起和服與凍齡媽媽站在一起，十足一對姊妹花，索爆清水寺！

今年已經15歲的Natalie，很有明星相，堪稱索爆「星二代」，問到可會予女兒入娛樂圈，或鋪路三年後參加港姐？婉華謙稱：「個女樣唔差，但唔係傾國傾城，只係有啲性格，港姐未必得喇，入行就要睇佢自己興趣！（你同個女企埋似姊妹？）過獎啦！（點樣保養？）其實我都係Keep住運動，每星期兩﹑三次跑步，出身汗，保持心情開朗，個人自然後生！」

同阿女與一對孖仔去大阪旅行。

兩母女像對孖公仔報喜。

原來Natalie在演藝才華方面都很不錯，她在校內除參加演藝班外，跳舞、唱歌都很有天分，鋼琴已達10級演奏級，堪稱女版莫扎特。有其母必有其女，婉華雖覺女兒有演藝才華，但講到入行的話，她說：「佢仲細，都未知咩情況，依家娛樂圈同我哋以前好唔同，變化太大，不過佢係有興趣嘅，但我就唔太想囉！」

Natalie鋼琴已達10級演奏級，堪稱女版莫扎特！

(on.cc)