去年底宣布再度榮升媽媽，早前佢就同老公影咗多張美感十足孕照仲喺網上同網友開心Share，獲大家大讚相片超有美感。
不過原來轉眼名模Jessica C.（JC）已懷孕33周，佢今日就喺社交網晒出巨肚相，身材夠曬Fit，得天獨厚嘅佢手腳依然纖幼，難怪網民都話最美嘅孕婦，真係令人「葡萄」呀！
(on.cc)
【發生不愉快事件】廿四孝媽咪車婉婉：希望有心人同我聯絡
藝人車婉婉身為「廿四孝媽咪」，就算去外地工作都照帶埋囝囝「BBQ」，實行「B不離身」。不過佢日前喺外地做完嘢準備返屋企時，就發生咗一件唔愉快嘅事。
佢喺社交網發文話原本老公帶住囝囝搭的士去碼頭打算先行返港，點知一落車架的士就立即駛走，冇拎番佢放喺車尾箱嘅行李篋，佢話：「行李箱內有BBQ的大量尿片、紗巾、口水肩和衣服，仲有佢條孭帶，非常珍貴。」並指希望執到嘅好心人可以同佢聯絡。
車婉婉老公同仔仔。
(on.cc)
【想生個豬女】周家蔚：有時幾難搞 頂唔順…
藝人周家蔚（Janet）為創世電視母親節特備節目《當家好媽》擔任嘉賓，接受主持人葉家寶訪問。她表示在大仔5個月大時第一次過母親節，當時已經好感觸，到細仔現在3歲，比以前還更感觸，覺得自己好犀利，可以湊大兩個化骨龍：「佢哋有時幾難搞，有兩樣嘢頂唔順，就係會爭玩具，但依家已經唔會插手，等佢哋學識自己處理。」她笑指另一個問題就是兩兄弟平時會在車上鬥嗌，自己惟有慢慢教，覺得這個是他們的溝通方式，有時哥哥會特登激嬲弟弟，令弟弟忟憎：「我都要慢慢去拆局，點樣令細佬脾氣好啲，不斷都有新挑戰。」
問可有向老爺洪金寶請教教子心得？Janet笑言：「佢唔會教我啦，依家假期兩個小朋友去咗爺爺屋企瞓，而天明去咗馬來西亞，諗住自己可以安樂瞓個好覺，點知半夜要起身拍蚊。」她指平時4人同住一間房，兩個兒子在半夜會郁動，故睡得唔好，同時與老公鮮有機會二人世界：「係間唔中兩個仔去爺爺度先有機會，不過佢哋都好鍾意，有晒裝備喺嗰邊，一去兩個都要去，其實佢哋愛大家又恨大家，有時分開咗會好寂寞，會互相記掛對方。」
談及日前弟弟三歲生日，問哥哥有何表示？她笑言：「哥哥喺出面對佢係好溫柔，會炫耀自己有細佬，但番到屋企就另一樣嘢，其實佢好錫細佬。（想生個女中和吓？）都驚生咗個刁蠻公主，但都想生個豬女，期就好易夾，視乎呢個時候適唔適合生多個，驚到時會忽略咗二仔。」
（on.cc）
【就咁睇都脹咗幾個size】坐月熊黛林貼激腫相！
名模熊黛林（Lynn）早前就為老公郭可頌誕下一對孖女，Lynn生咗後都留喺家中靜心休養。
熊黛林早前就為老公郭可頌誕下一對孖女。（資料圖片）
今日Lynn就喺社交網上載一張腳腫相，相中見到Lynn兩隻腳都腫得超勁，就咁睇都脹咗幾個size！
Lynn對腳真係好腫喎！
難怪Lynn都留言表示：「這雙豬蹄甚麼時候才能塞進高跟鞋裏？」仲大呼話：「好想和全世界說一聲：媽媽真偉大！ 」大批網民都話見到自己隻腳咁腫係難受啲，仲話做媽媽就係要放棄好多嘢，高踭鞋一定係其一呀！不過大家都力撐Lynn，相信為咗囡囡咩都值得呀！
網民留言教Lynn點去水腫！
（ig / on.cc）
【連用4支驗孕棒】拍劇殺青突然宣布自己懷孕5個月！
主演電視劇今日終於殺青，她同時宣布自己懷孕了！導演葉天倫驚喜之餘，回想當時在舊金山的公園拍戲時曾不小心跌倒擦傷膝蓋，現在回想起來大冒冷汗，直呼「所幸沒動到胎氣」。
演員陳怡蓉感性地說：「在這近五個月的拍攝過程中，導演把大家照顧的跟孕婦一樣好。」一語雙關，間接宣布她已懷有身孕，她透露，去年12月因為那2部戲，身體太累經期來了2次，因此使用驗孕棒後還不敢相信真的中了，連續用了4支驗孕棒才確定喜事。
陳怡蓉宣布懷孕5個月
聽聞消息，同劇演員溫昇豪、黃柏鈞、曾珮瑜開心祝福她，而戲裡與她配對的黃柏鈞表示，曾在拍攝一場公主抱的戲時，陳怡蓉緊張地直說「我會嚇到」自我解圍，但她因為擔心影響拍攝進度、讓劇組綁手綁腳，所以陳怡蓉貼心地到殺青當天的最後一場戲，才跟導演透露懷孕的喜訊。
與老公當年在清邁舉行婚禮
（自由時報）
【捉住麥玲玲密密斟】原來未打算封肚！
他絕對是圈中「多仔公」！兩夫婦早前到陳伶俐在銅鑼灣開的餐廳，更約了玄學家麥玲玲，同麥長青（麥包）一齊食飯。
老闆娘陳伶俐不忘捉住兩位舊同事合照。（東周刊圖片）
席間，多仔公陳浩民同麥包兩個男人密密傾計，而老婆蔣麗莎就乘機捉住麥師傅，請教佢關於風水命理的問題。據東周刊報道，蔣麗莎問起麥師傅好唔好再生第五個，又問再生會係仔定女咁，看來還未打算「封肚」！
和麥玲玲狂斟！（東周刊圖片）
他們生得多的同時，十分關心仔女的學業，正考慮遷就子女在北角區上學，準備由何文田搬去北角住，實行「孟母三遷」，又問麥師傅哪裡風水好。陳浩民同老婆相當甜蜜，不介意在人面前耍花槍，難怪夫妻感情這麼好，生夠一隊足球隊指日可待！
（資料圖片）
（bastillepost / 東周刊）
【男友陳炳銓送…】李佳芯：希望一擊即中
李佳芯（Ali）為珠寶拍賣預覽演繹5套珠寶、手錶及手袋，總值超過4億港元。
Ali自言有收藏鑽石，但媽媽教導應收藏玉器、黃金及翡翠，不過後生女會比較喜歡鑽石，男友也曾送首飾給她，鑽石則未試過。她說：「可能一係唔送，一送就係求出婚嗰隻。（期待求婚？）唔知呀！珠寶首飾自己買都可以，不一定要人送，因為自己買就覺得成功同滿足感。」
Ali坦言想快點成為業主，通常首次置業都留意較久，希望一擊即中。她說：「希望有個風水好、單位有升值潛力，揀樓同揀老公一樣，不過老公同樓我都無。」問到男友是否屬於樓花？她說：「買樓花好過買現樓，做人同買樓一樣要買穩陣有升值潛力，我係一個穩陣的人，希望工作同感情都穩步上揚有升值潛力。」母親節將至，她表示會跟媽媽慶祝，因為媽媽生日跟母親節日子相近，所以會送一份禮物同利是；她說試過跟男友的媽媽於節日吃飯，但未想到如何跟伯母慶祝母親節。
男友陳炳銓(右)
(singtao)
【住院半年】小予恩終於可以…
患先天性膽管閉塞的一歲女嬰予恩，去年底於瑪麗醫院進行肝腸脗合手術後一度昏迷及心跳停頓，至今仍未康復。
(資料圖片)
小予恩的家人昨日在社交網站Facebook分享愛女的最新狀況，指予恩約有半年沒有接觸陽光，故特意安排予恩出外曬太陽，予恩顯得特別開心，又指予恩最近眼睛意識多了，有時能轉頭望人，「躺床久了會咦咦呀呀提示媽媽抱」。
予恩父親表示，予恩最近眼睛意識多了，有時能轉頭望人，惟肝膽問題仍未痊瘉，肝膽指數至今仍然高低反覆，幸沒有進一步惡化迹象。
他續說，妻子早前感冒發燒，自己獨自留守，期間不小心令予恩嘔吐，「連奶都不能餵，整晚怕出事不敢入睡。」他又指，親身體會妻子每天面對的身心壓力，更明白要多點體諒配合、少點自我意見，認為交由妻子主導照顧予恩，就是對妻子最大的支持。
(小予恩關懷禱告組 Facebook)
（小予恩關懷禱告組 Facebook / headline）
【人生污點】不禁哽咽：大肚係咪唔啱？
一名於某大護膚品牌公司任職行政管理人員的女士，本備受上司讚賞，後疑因懷孕而被公司以各種手法欺壓，如惡意批評工作表現、無故辱罵及要求自願離職，更指「生完仔返嚟即刻炒你」，事主啞忍至產假過後不足一個月，即被僱主在沒有適當補償下解僱。
事主鄧太表示，她2016年10月底受聘某大護膚品牌公司，負責品牌國際市場，因表現出色，2017年1月中已提前通過試用期。其後有一名男上司調任鄧太的上司，得知其懷孕的消息，突以電郵要求延長兩個月試用期，鄧太並不同意，該公司給予她兩個選擇，一是要求她自願辭職，不獲賠償，二是由公司辭退並留下極差工作紀錄，告知新僱主，鄧太重申其懷孕情況後仍被即時解僱，遂向勞工處投訴。
鄧續稱，勞工處介入後，向該公司表明解僱懷孕員工乃違法行為，惟鄧太復職後受大量無理對待，如將其位置調往廁所門口及茶水位置，不能用病假作產前檢查等，「嗰陣備受孤立，冇辦法同其他同事深入交流。」她指出，其後公司更要求延長試用期，鄧太沒有答應，最終被該公司於其產假後不足一個月無理解僱。
鄧太稱事件對其情緒有極大影響，不禁哽咽道：「人生污點，令我不禁諗大肚係咪唔啱？」她已於去年分別向勞工處及平等機會委員會投訴，經過勞資審裁處5次聆訊後，認為資方的證人有虛假陳述，判鄧太勝訴，要求資方補回近10萬港元的少付工資、醫藥費及代通知金等。平機會則正處理其申請。
記者會上展示勞審處就鄧太案件的裁決資料。
協助鄧太的工聯會立法會議員何啟明表示，香港有關保障懷孕僱員的條文落後全球發展國家，指國際勞工組織建議產假期最少14星期，惟香港10星期產假的安排已有48年不變。何要求政府設立產後工作保障期至產假後6個月，他又透露曾向勞工處處長反映，惟對方稱建議未必適合香港所有工種。
工聯會婦女事務委員會主任梁頌恩則表示，該會一直有收到婦女求助，雖然鄧太事件是較嚴重、個別的情況，但強調不希望類似事件會成為常態。
鄧太在記者會上憶述在前公司的遭遇時，不禁落淚。
(on.cc)
【連工作人員都欲救無從…】TVB男藝人現身晚宴 被男觀眾狂咀六七啖！
TVB 男藝人日前現身晚宴登台演出，對於現場觀眾的熱情程度，他們坦言大嚇一跳。該男藝人笑言讓他感到尷尬又好笑：「佢哋真係勁熱情，除咗喺我同Winnie唱歌時不斷衝上台要自拍，竟然仲有男觀眾衝上台狂咀我塊面，錫足六七啖，當吓真係呆一呆唔識畀反應！」
林敬剛同Winnie都話嚇一跳。
觀眾不停衝上台影合照。
藝人雷晴雯（Winnie）與林敬剛都話第一次遇到這種情況！
至於Winnie更險些被觀眾拉到跌落台，於唱歌期間被幾十人圍住不斷握手同影相，連工作人員都欲救無從，她笑言：「握手握到我連戒指都跌埋都係第一次，成晚高潮可以話係男觀眾攬住林敬剛狂吻嗰刻，我哋笑到齊齊甩嘴，差啲唱唔到落去。」
Winnie就握手握到戒指都跌埋。
Winnie、林敬剛
（on.cc）