着住黑色衫配牛仔褲、打扮好Young，加上佢保養得咁好，一啲都睇唔出佢已經49歲，陣少女味仲喺度呀！網民見到張合照後紛紛留言話好羡慕周董，更大讚女神真係Keep得好好！！女神依然係女神、依然咁靚！
台灣天王周杰倫（周董）喺社交網晒出一張合照，裏面嗰部價值過千萬嘅超級跑車固然搶眼，但最吸睛嘅係周董隔籬企咗個90年代性感女神邱淑貞！
連周董自己都留言話：「香車配女神😁」有車又有靚女相伴，係咪大部分人嘅終極夢想先？
邱淑貞着住黑色衫配牛仔褲、打扮好Young，加上佢保養得咁好，一啲都睇唔出佢已經49歲，陣少女味仲喺度呀！而周董喺呢個環境下都心情大靚、Chok出個甫士又舉晒V咁。網民見到張合照後紛紛留言話好羡慕周董，更大讚邱淑貞駐顏有術、話女神依然係女神、依然咁靚！
(on.cc東網)
「當時我哋去日本旅行，佢好神秘咁帶咗我去一個沙灘，嗰度有一間白色教堂，然後佢就拎花同戒指出嚟向我求婚，我當時感動到喊於是就應承咗。我哋拍咗唔夠一年拖，都算係閃婚。」問到其實係咪雙喜臨門？佢哋就話。。。
馬嘉均(馬仔)、黃榕同鄭伊娜等主演嘅舞台劇《人性遊戲》，晚上喺西灣河文娛中心劇院公演，首次擔正做男主角嘅馬仔同黃榕接受訪問時表示，劇中會同黃榕有兩場色慾戲份，佢話：「我會淨係著平腳內褲，所以呢段時間好緊張，不停操Fit自己。」而黃榕就話會以內衣上陣。
同劇嘅鄭伊娜早前趁愚人節喺網上公佈婚訊，但就講到似是而非，晚上佢同男友潘敬祖一齊現身接受訪問時就直認：「真係即將結婚，當日喺網上寫嘅時候因為仲未決定點樣通知大家。」伊娜透露上月接受男友嘅求婚：「當時我哋去日本旅行，佢好神秘咁帶咗我去一個沙灘，嗰度有一間白色教堂，然後佢就拎花同戒指出嚟向我求婚，我當時感動到喊於是就應承咗。」
依娜稱求婚鑽戒好靚，色澤好好，不過唔記係一卡定兩卡重，而婚禮將定喺今年底舉行，佢話：「到時會喺沖繩行禮，遲啲先會再返香港補擺酒招呼朋友傳媒，但具體細節仍諗緊。」問道男友潘敬祖同依娜拍拖幾耐？ 佢話：「我哋拍咗唔夠一年拖，都算係閃婚。」其實係咪雙喜臨門？佢哋即刻否認：「唔係，我哋都鍾意BB，不過唔係依家，會慢慢順其自然。」
(蘋果日報)
於2015與較她年輕5年的男朋友熱戀，去年8月宣布於今日結婚！姊弟戀終於修成正果恭喜恭喜～新郎仲大讚新娘是十分體貼的女友，更透露父母十分喜歡準老婆。至於生B計劃，他們表示想盡快生B，計劃生兩個小朋友，希望第一名孩子是女兒，但無論男女都會很幸福。。。
韓國女團After School的34歲前成員正雅，於2015與較她年輕5年的籃球選手鄭昌永熱戀，去年8月宣布於今日結婚。
正雅今日與鄭昌永於首爾舉行婚禮，他們拖手現身見記者，正雅非常緊張，鄭昌永則一直拖實穿婚紗的正雅，並怕醜錫她的臉頰，更一起舉心心手勢，他們表示會幸福地生活下去。
而正雅與一眾After School的前隊友都十分老友，她們之前更一同影婚紗相，今日亦會有不少舊隊友包括Lizzy、珠妍及Raina等出席祝福正雅。
而兩人亦有接受韓媒訪問，準新郎大讚正雅是十分體貼的女友，想成為像好朋友一樣的夫婦，更透露父母十分喜歡正雅。至於生B計劃，他們表示想盡快生B，計劃生兩個小朋友，希望第一名孩子是女兒，但無論男女都會很幸福。
(on.cc東網)
今日佢就喺社交網上載自己嘅童年照，齊陰戴頭箍嘅佢眼神夠晒純真，眼大大皮膚白淨，佢又晒埋依家個素顏出嚟，Chok番同一個無添加表情，兩張相一拼埋，真係由細靚到大！大家又認唔認到係邊個大台花旦？
無綫花旦林夏薇近期演出無綫新劇《逆緣》，晚晚都可以喺電視機前見到佢個靚樣，不過佢細個個樣大家又有冇見過？
今日林夏薇就喺社交網上載自己嘅童年照，齊陰戴頭箍嘅佢眼神夠晒純真，眼大大皮膚白淨，佢又晒埋依家個素顏出嚟，Chok番同一個無添加表情，兩張相一拼埋，林夏薇個靚樣真係冇變過，由細靚到大，唔怪得之佢咁有勇氣晒素顏啦～
(on.cc東網)
藝人張景淳在社交網上載了一批接受治療的相片，見他瞓在床上身體插着針和疑似接受電療，雙眼無神的他望着鏡頭，精神狀況不是太好。他發文表示：「沒讓你看，不代表沒有。給你看一處，不代表沒有第二處。只給你看到外在的，不代表內在沒有。總不能挖開給你逐一檢視過才代表一些事的存在。」
但未有提及文中提及的「你」是誰。
張景淳又表示：「傷如是，我是怎樣構造的我的苦衷也是。有人不想被誤會，每天每步都展現出來，而我卻本是一個不喜歡甚麼都說出口的人，但有時候也會忍不住。此刻心裏在落淚。看不到的事，起碼現在這點是告訴你了。在意是因為重視。真的要都說出口才能被理解嗎？才能保護自己？」
至於誰「誤會了他」、「重視誰」，網民大叫開估。
(on.cc東網)
仲記唔記得《男人一生，只為尋覓一個肯同自己捱麥記嘅女人》呢篇網絡潮文？但係呢家要改寫成《男人一生，只為尋覓一個肯同自己捱麥記慶祝結婚周年的女人》，個個聽到都會覺得唔係啩，結婚周年食麥記？但真係有咁嘅女人，佢就係陳琪！
尋日（27日）係佢同胡諾言（胡仔）結婚9周年的大日子，但係因為胡仔要開工而沒有任何慶祝活動，到胡仔收工的時間已達深夜時份，大多數餐廳已閂門，只剩下麥記，兩人惟有在麥記歎漢堡包，更拍下一張結婚9周年合照，胡仔喺社交網留言表示：「收工已經係深夜時份！食乜野（嘢）無所謂，最緊要係同邊個食！」
陪老公開工做小粉絲
以為就係咁簡單？原來唔係，陳琪原來一早就入咗電視城陪老公開工做跟得老婆，喺佢陪老公開工時佢就連發兩篇文章，佢話：「9週年嘅慶祝活動，沒有花，沒有燭光晚餐，沒有驚喜！……不過我可以陪伴佢在工作中渡（度）過，我知道男生總是將工作放第一位。我可以做他的小粉絲，在現場支持他，是我最大的幸福。」
陳琪仲話：「9年前嘅今天我正式成為大家認識嘅胡C9，我喜歡呢一個稱呼，感恩一個傻佬肯娶我做老婆。老公成日笑我唔夠完美，我就會同佢講 ： 你自己揀嘅，唔關我事……不過我知道再俾老公揀多次佢都一定會揀我。」相信胡仔睇到一定冧到爆，佢都覺得自己冇揀錯老婆。
(on.cc東網)
對於卓林與外籍女友Andi在Youtube放片，自爆患創傷後壓力症，交代自己無家可歸一個月。今日《蘋果》致電吳綺莉好友郭秀雲，佢認同卓林受人擺佈，佢話：「Etta(卓林)依家受人擺佈，佢講嘅嘢都唔係講得啱。老實講，佢話佢parents係homophobic，第一，parents係兩個家長，咁佢係吳綺莉個女，另外嗰個根本都冇企出嚟去同佢有任何關係，所以佢要企出嚟認一個家長，嗰個應該係吳綺莉。
o依家係佢自己攞返晒自己啲嘢，返屋企剿，翻轉間屋，攞晒啲嘢之後，就唔聲唔聲消失咗，咁佢媽媽根本冇辦法控制到佢，因為佢已經18歲。而佢話佢父母係homophobic，亦都係非常之錯，因為我同Elaine(吳綺莉)都有朋友係男同性戀或女同性戀者，我哋對於呢方面嘅人絕對冇任何歧視或唔好諗法，因為老實講，我自己就係有好幾個同性戀朋友好死黨，同埋好欣賞佢哋，所以佢講嘅說話聽頭個兩句，已經唔使再聽落去，根本係受人擺佈，有咩目的？自己去諗。」
郭秀雲更爆料指Andi母親曾向吳綺莉攞錢，佢話：「仲有一樣嘢，佢指homophobic parents，話嗰補習老師嘅父母，我就知道嗰個補習老師係有個媽媽，嗰個媽媽曾經叫吳綺莉send個囡去加拿大，去佢到住，只係求其收返佢幾萬蚊一個月，脆脆地唔係好多，老實講，都唔係細銀碼。若然你問我，咁如果嗰女仔補習老師個阿媽喺加拿大，又有屋企，又可以照顧到，咁佢哋要搞到話要淪落係街頭呢，再加上望落佢兩個都似乎肥肥白白，似乎佢拍嘢嗰度，背景係屋企嚟，究竟搞邊科？」
(蘋果日報)
選美出身嘅39歲廖碧兒（Bernice），入行18年戀事多姿多采，先後同劉愷威、陳豪拍過拖，跟住又同李澤楷表弟林忠豪傳緋聞，不過都係無疾而終，直到今年3月有《蘋果》讀者遇見Bernice與型男蜜遊芬蘭，事後呢位型男被起底，原來男友叫盧啟賢（Calvin），係一位失婚富二代，同前妻育有一女，當時有報道指Calvin認識廖碧兒嘅時候，身邊已經有一個泰籍女友Nina，不過Bernice出席活動承認新戀情之餘，亦否認自己係第三者，仲話男友係單身。
有消息指Calvin做投資生意屬隱形億萬富豪，其家族生意龐大，喺中港、新加坡、印尼、英國及加拿大均有物業，連楊紫瓊都係佢客戶，早前更被指在法國豪擲兩億歐元（約19.3億港元）狂掃香檳，日前又有讀者指Calvin喺蘭桂坊開party，除咗以逾50支價值約6千蚊嘅香檳出嚟宴客，玩得好high嘅Calvin仲同唔少靚女埋身影合照。
噚日《蘋果》又收到讀者黃小姐報料指，Calvin與Nina拍咗拖7年，雙方從未分手，身邊朋友亦形容廖碧兒係第三者，黃小姐表示：「Nina一直都係正印，佢同Calvin感情好好，Calvin亦啱啱先陪Nina去完泰國，佢哋兩家人都好close，所以唔明點解廖碧兒會講自己係Calvin女朋友。」
黃小姐又稱Nina有向Calvin了解：「唔知Calvin講咗乜啦，Nina都信佢。」黃小姐又話：「Nina係泰國華僑，佢屋企好低調，但為咗呢單新聞，屋企人都覺得好煩，Calvin都唔想好似俾人起晒家底咁。」
雙方家庭對近日嘅感情新聞感到煩惱，怕令Calvin形象轉差，黃小姐又指日前蘭桂坊party的相片，都係Calvin嘅同事。黃小姐亦透露身邊有朋友見過廖碧兒，不過Calvin同佢只可以話係close嘅朋友：「唔會無端端問人知唔知Calvin有女朋友，但咁多新聞出咗，佢點會唔知？總之一班朋友都係想幫Calvin同Nina，唔想佢哋生活受影響，又成日俾人跟。」
(蘋果日報)
藝人唐詩詠近日被網民指舊愛洪永城做宣傳，之後更引發網上罵戰。不過唐詩詠似乎冇受事件影響，呢日佢就去咗探好友，仲落手落腳幫手湊對方嘅囡囡。詩詠喺社交網上載咗一張手抱B囡嘅相，相中見佢揸住奶樽，小心翼翼咁餵佢飲奶。。。
呢日佢就去咗探好友楊洛婷（Rabeea），仲落手落腳幫手湊對方嘅囡囡Tanya。
唐詩詠喺社交網上載咗一張手抱Tanya嘅相，相中見佢揸住奶樽，小心翼翼咁餵Tanya飲奶，面上仲流露出慈母式微笑添。
唐詩詠亦有留言：「第一次餵飲奶，成功」，並大讚Tanya好乖。
(on.cc東網)
劉浩龍尋晚就啱啱開完演唱會，作為前度嘅容祖兒不避嫌撐場，睇足全場之餘亦非常投入，從祖兒嘅態度嚟睇，唔少人都會懷疑佢哋藕斷絲蓮！祖兒凌晨喺社交網就發咗張劉浩龍赤裸上身嘅黑白照，除咗睇到劉浩龍好大隻一身肌肉之外，唔通祖兒係想借呢張相宣布佢哋未分手？
睇埋祖兒嘅發文，原來佢係解構番佢哋嘅感情路同埋依家嘅關係，祖兒話係緣分令到佢哋聚埋一齊，兩個人互相影響、支持同學習，雖然劉浩龍個樣有啲招積，但係個人好真心同忠誠，不過人大咗明白感情有不同嘅層次，最緊要係感情不變，仲話「你快樂所以我快樂」。
文中仲有幫劉浩龍喺演出時失準講番句好說話，表示人總不能完美，知道佢已經盡咗力，偶有失手希望大家高抬貴手，仲讚劉浩龍係值得更多掌聲嘅。
(on.cc東網)
