藝人鄭希怡（Yumiko）嘅囡囡梁浸浸一向都古靈精怪，性格又非常活潑，年紀細細已經識踩單車、游水同滑雪，咁叻女，你話點可以唔鍾意佢？
呢日Yumiko就喺社交網上載浸浸爬樹嘅短片，片中見到浸浸想爬上棵樹度，不過佢爬極都爬唔度，但都依然冇放棄，不停用盡辦法，可惜最後都上唔到。
難怪Yumiko話：「無從入手，爬樹真係征服唔到。」之後老公梁學儲再晒出一段浸浸咬住支飲管，不停揈個水樽片，網友都話浸浸嘅精力真係多到不得了，可愛程度爆燈呀～～
(on.cc東網)
【都係上年十月】黎明將當年同樂基兒嘅紀念送咗俾Wing⋯
黎明BB嘅媽媽典助手Wing，依家專心安胎，ig同fb都刪晒，求耳根耒靜唔好再俾傳媒起底搵番佢同有米前夫以及富二代男友嘅戀事。不過，收到風嘅，點止傳媒？仲有一班好愛黎明嘅fans。
就咁嘅，黎明同樂基兒熱戀期間，經常去一家叫做RIVA嘅法國餐廳約會，黎明為紀念兩人甜蜜溫馨嘅日子，於是買咗個車牌，就係R1VA。但，原來去年十月嗰陣，R1VA呢個車牌，已經轉咗去Wing嘅黑色福士！
呢個轉變，係黎明fans先發現，但呢架車係AMusic公司登記，所以最初大家都冇為意。今日有周刊報道咗歌迷呢個驚天發現……咦，去年十月？去年十月Wing仲同緊車房之子、富二代Vincent一齊去周國賢細妹個婚禮，但依家，Wing依家已經係黎明BB媽媽，懷孕六個幾月……一言難盡。
講番呢個「R1VA」自訂車牌，黎明喺2010年，曾豪擲500萬元購入法拉利458 Italia型號黑色超級跑車，當時都係掛上「R1VA」呢個車牌。嗰陣仲係Amusic高層王凱文同助手子泉代黎明收車同驗車。依家呢個咁有意義嘅車牌，已經去咗Wing度喇！
(蘋果日報)
【終於知道係咩婚紗~】今日結婚啦恭喜晒！
英皇藝人羅力威今日迎娶拍拖7年的女友雨僑，早上於淺水灣行禮，繼早前羅力威的新郎look曝光後，網友都好想睇新娘雨僑究竟咁樣靚法呢？
羅力威好友鍾舒漫就喺ig上載一對新人簽字儀式，見雨僑穿上低胸婚紗淺露事業線，兩人笑容一致真係襯到絕，難怪鍾舒漫都話係郎才女貌啦！
而電台主持人梁泰來都將一對新人行禮的盛況拍片放上ig同大家開心分享。
(on.cc東網)
【坦言之前其實早已疊埋心水單身】親自陪試裙褂做到足！
真係甜到漏！對於呢份心意，佢非常感動，亦不諱言之前其實早已疊埋心水單身，想不到命運有此安排。。。
62歲嘅無綫資深演員陳榮峻，與已屆57年、同屬無綫資深演員吳香倫（Helen）譜黃昏戀曲，拍拖三年，婚已經求咗，仲係黃翠如幫手做媒人添。嚟緊就要著手籌備婚禮喇。
早前兩人接受田蕊妮主持嘅《1+1的深情》訪問，陳榮峻個仔仲現身，多謝Helen陪爸爸行過人生低谷，跟住阿田又讀出陳榮峻嘅女兒嘅一封信，同樣亦多謝Helen兼祝福佢哋，令陳榮峻同Helen都感動流淚。婚事籌備得如火如荼，結過婚嘅陳榮峻話好緊張，因為Helen未結過婚，希望可以好似求婚一樣，俾一個美好回憶對方。佢又話希望喺教堂行禮，等未婚妻有機會披婚紗，婚禮預計四、五月舉行。
對於峻哥呢份心意，Helen非常感動，亦不諱言遇到陳榮峻之前，其實早已疊埋心水單身，想不到命運有此安排。今日讀者黃先生就喺灣仔冠南華撞到陳榮峻同準陳太試中式禮服，兩人全程笑不攏嘴，Helen仲試咗幾套「褂皇」、「大五福」（即褂后），精心細選。
由於中國人忌諱「返頭嫁」意頭唔好，所以新娘只可以着一次裙褂，試身時點算？唔著下半部分，以拼湊方法去度。
繡莊師傅會為新娘預留吋半腰圍「走盞」，所以Helen都係下半身照着便服，上半身着褂。至於陳榮峻就試咗兩套，其中一套似皇帝衫，好多職員搵佢哋影相，陳榮峻亦十分樂意合照，成間舖都洋溢一片喜氣洋洋。
(蘋果日報)
【承認添食】林淑敏：依家證明老公鍾意我多啲
藝人林淑敏下午出席活動推廣台灣美食。
林淑敏原來曾在台灣求學兩年，故對台灣美食有一定認識：「不過嗰時放學就要去補習，要追成績，反而之後改去多倫多生活，就真正重獲自由，所以我同自己講，如果我有小朋友，會送佢去外國。（諗住生？）唔得，有病（患癌）之後唔生得嘞，我老公本身好鍾意小朋友，依家證明佢鍾意我多啲。」
談到《愛·回家之開心速遞》添食加集數，她承認此事：「但未知加幾多。（挑戰當年《真情》？）梗係想啦，我哋成組人合作1年，依家感情真係好好。」
(on.cc東網)
【覺得好核突好鬼尷尬】陳柏宇：總之唔好行埋一齊
估唔到Jason會咁大反應好抗拒呢件事，不過為咗滿足老婆嘅要求有時都會畀佢得逞。。。
歌手陳柏宇（Jason）同老婆符曉薇（Leanne）兩公婆出名感情好，不過日前Jason出席活動受訪時被問到會否同老婆情侶裝出街，他就大呼怕怕：「佢成日都想同我着情侶裝出街㗎，我就成日都『吼』住睇下佢嗰日着咩衫我先至走去換衫嘅，不過有陣時都係會畀佢得逞，一次半次咁喇，通常如果我哋係着情侶裝大家都一定會喺社交網絡見到，因為都幾難得嘅。」
Jason又搞笑說：「所以盡可能都唔好同老婆買一樣款嘅衫。（點解咁抗拒情侶裝呢？）唔知喎，我覺得好核突，着情侶裝出街係會好鬼尷尬，如果係情侶裝出街嘅話我都一係行快啲、一係行慢啲，總之唔好行埋一齊！（出街唔會拖老婆？）我又好少話會拖住佢行，我成日都會行先囉，幫佢開路呀嘛。（唔驚轉個頭唔見咗老婆？）如果咁大個人都唔見得咁就死喇，唔會喇，我娶佢就係因為佢能幹呀嘛，識得照顧自己。（有時人多容易走散？）咁呀，就真係難搵啲嘅，我哋兩個都咁矮，惟有我盡量試吓跳高啲搵佢。」
(on.cc東網)
【網民勁大反應】心疼Jasper：他一直都覺得是真的
俗語有云「慈母多敗兒」，咁「嚴母」教導下嘅兒子又會如何呢？
今日台灣藝人王子(邱勝翊)就貼咗一張佢同陳小春、應采兒嘅囝囝Jasper，一人拎住個手掣，好似打機打得好開心嘅相，但係識睇緊係睇留言啦。
王子留言話：「有位嚴母不讓兒子玩遊戲，放了段Video讓我們假玩，但Jasper一直都覺得是真的，心疼他」，然後王子仲@應采兒，網民睇完都好大反應，紛紛留言。
有啲網民就戥王子慘，「心疼你自己吧，陪着假打還不能說」、「那你也是非常優秀了， 陪着假打，考驗演技的時候到了」。
亦有網民話：「哈哈哈，小孩的世界只有媽媽知道」，咁唔知老竇小春Jasper被騙又會有乜反應呢！
(蘋果日報)
【因為工人姐姐⋯】Bob嫂嬲爆PO文：我晚晚自己照顧到天光㗎大佬
藝人林盛斌（Bob）早前透露7個月大嘅囝囝林道申（Jaye）入咗醫院，狂呻連搵幾間醫院都爆滿，不過尋日（30日）就表示囝囝已經出咗院喇，都算係一個好消息。
而太太Pearl都終於有時間update社交網，提番囝囝入醫院，原來佢都谷鬼氣啵！
話說Bob嫂寫咗千字文，講佢同囝囝入醫院嘅波折之餘，阿仔原來係中咗「人類間質肺炎病毒」，搞咗一大輪終於搵到醫院畀專業人士照顧喇，Bob嫂就大爆當佢餵囝囝食藥時，佢哋嘅工人姐姐就黑佢面，又唔幫手照顧囝囝，搞到Bob嫂心情都大受影響：「…我每次餵四少食藥，個BB喊到拆天；個工人塊面黑到我好似餵毒藥咁，算點先？唔幫手都唔好影響我心情啦﹗😤我晚晚自己照顧到天光㗎大佬。」
不過佢都有講到個人要有好心情、好思想先會有好事發生，依家囝囝身體朝向好嘅方面發展，佢都希望囝囝可以繼續keep住健康喇～
(on.cc東網)
【被懷疑係孕吐】馬明凌晨四點親自接送黃心穎去睇醫生
真係好嚴重咁，所以一收工立即去急症室，仲係由馬明親自接送超細心！果然係廿四孝男友。。。
洪永城、黃心穎、湯洛雯同鄭子誠等，今日為新劇《丫鬟大聯盟》喺大台古裝街開工，拍埋呢兩個禮拜就煞科，黃心穎就聲沙沙咁拍劇，佢就話稱感冒未痊癒，皆因劇組人員交叉感染，藝員與幕後工作人員輪流病，自己跟湯洛雯也「中招」。
拍攝以來她硬撐未「冧廠」，有日拍戲拍到真的嘔吐才請了半日病假。她還被隔籬廠的同事追問是否孕吐？好尷尬！
心穎說的「隔籬廠」正正就是男友馬國明拍攝中的《白色強人》，馬明在劇中演醫生的角色。男友是否特別照顧？她說：「有晚拍到眼睛通紅，為怕感冒菌入眼，所以收工立即去急症室，由隔籬廠醫生（馬國明）陪我去。」
早前甩拖的湯洛雯大讚馬國明是好男人，經常探班給心穎買食物，他相當有風度，也有預她的份兒。問她會否感單身寂寞？她說：「不會，我正在享受單身的樂趣，暫時又不太恨拍拖。」
心穎鼓勵湯洛雯不要對愛情絕望，笑說隔離廠有真、假醫生，她應往認識。
(明報/蘋果日報)
【特別係呢九種食物】識食先係真‧健康！
許多人都知道健康飲食很重要，但對健康食品存在許多誤解。
據Global New報道，多倫多註冊營養師兼職認證糖尿病培訓師戴弗吉（Shahzadi Devje）女士表示，食物本身不存在健康或不健康之說，是否吃得健康，取決於長期飲食習慣選擇。食物就像燃料，吃什麼都行。有時健康食品中含大量不健康添加成份，不注意的話，健康食物也會造成健康問題。
戴弗吉重點指出，以下人們普遍認為的9大健康食物，實際上包含不健康成份。
無麩質食品（Gluten-free foods）
對於乳糜瀉人群來說，無麩質食品並非健康選擇。戴弗吉說，無麩質食品含各種大米粉、澱粉和糖份，並不營養，比普通麩質食品熱量更高，沒有麩質過敏的人根本就不應該吃。
此外，英國醫學期刊2017一份研究指出，沒必要卻特意減少麩質食品攝入的人群，減少了有利心臟健康的全麥食品攝入，導致心血管疾病風險增加。
外賣沙拉（Prepared Salad）
戴弗吉說，除非在家自己做沙拉，自己很清楚沙拉中所有營養成份，餐廳外賣沙拉很可能含大量脂肪、熱量和鹽份，尤其沙拉調味料更是含大量脂肪、糖分和鹽份。此外，沙拉中的堅果和種子類營養成份，雖能提供人體所需蛋白質和纖維，但脂肪和熱量高，應少放。
她建議，在餐廳點沙拉時，一定要詢問一下放什麼調味料，密切控制其中營養成份。
混合果仁（Trail mix）
長期以來，人們認為混合果仁既天然又健康，營養全面又健康。戴弗吉說，實際上，果仁混合包含過量糖份和防腐劑，只能促進人體飢餓感，導致下餐一不小心吃過多，根本不利健康。
速食燕麥（Instant oatmeal）
燕麥是全穀食物，富含纖維，能長時間保持飽腹感，還能調節血糖和膽固醇，當早餐吃最好。但速食燕麥含大量糖份，只能是有害無益。
戴弗吉建議，早餐最好吃無味燕麥，鋼切或碾壓燕麥都行，2種燕麥營養成份差不多，唯一區別是碾壓燕麥熟得更快。煮好後，再根據個人喜好加新鮮或冷凍水果或堅果種子等。
果汁（Juice）
純果汁和水果，成份一樣，但營養程度不同。這是因為，纖維、維他命、礦物質和其它營養成份，只有水果中才有，果汁中沒有，都在榨汁過程中破壞了。此外，包裝果汁中有可能添加糖，營養更無法和水果比。
蔬果奶昔（Smoothies）
蔬果奶昔和果汁一樣，蔬菜和水果中的營養成分都在榨汁過程中破壞掉了，而且還沒飽腹感。即使家庭自製蔬果奶昔，有可能提供纖維、蛋白質、維他命、抗氧化物和礦物質等營養成份，但總感覺沒吃飽，導致下餐一不小心吃太多。
另一個關鍵問題是，食物到底是用來吃的？還是喝的？顯然是用來吃的。
無脂食品（Fat-free foods）
20世紀風靡的無脂飲食運動，是健康飲食最大誤區。戴弗吉建議，不要永遠都吃無脂食品，偶爾吃一下全脂食物，才是健康飲食。
酸奶（Yogurt）
酸奶本身其實很健康，但因添加過多糖份，營養大打折扣。戴弗吉說，吃純酸奶才能安全攝入鈣、蛋白質和維他命等營養成分，否則就是吃了一大砣糖。凍酸奶更糟，糖份相當於一盒冰淇淋中的糖份。她建議，買酸奶時，一定要仔細檢查其中的含糖量。
零食條（Snack bars）
零食條的確能節省不少人做飯時間，但營養既不均衡，也不全面，不宜經常拿來當飯吃。戴弗吉建議，實在要買，就選擇含均衡碳水化合物、富含纖維（每條至少3~5克）、脂肪含量少（5克以下）、10~15克蛋白質、富含維他命和礦物質的零食條。
她說，最好健康方式是，每天都要吃一頓有菜、加上牛油果和橄欖油等健康脂肪成份的營養均衡飯菜。
(大紀元)