今日公開婚照，透露二人因為深厚感情及非常信賴對方，因而決定結婚。由於佢哋之前並未傳出拍拖消息，一嚟就宣佈要結婚，因此震驚不少粉絲。。。
韓國男團XENO-T（前團名ToppDogg）嘅26歲前成員P-Goon，今日突然宣佈婚訊，表示將於下月25日跟女團BP RANIA嘅24歲前成員俞敏結婚，同時公開二人婚照。
P-Goon及俞敏今日透過媒體公開婚照，透露二人因為深厚感情及非常信賴對方，因而決定結婚。由於P-Goon及俞敏之前並未傳出拍拖消息，一嚟就宣佈要結婚，因此震驚不少粉絲。
P-Goon曾係YG事務所嘅練習生，曾經係男團WINNER嘅預備成員，而P-Goon離開YG後，於2013年以ToppDogg嘅隊長身份出道，去年P-Goon因入伍而退團。
(蘋果日報)
吳若希自從做咗人媽咪之後，不時喺社交網貼囡囡淼淼啲相開心share，今日佢就貼咗囡囡同另一小妹妹嘅玩狗相，仲留言話：「看到小可愛們的互動，都可以感受到滿滿的愛！喬喬一定會是一個很好的姐姐，淼淼也要快點努力學當一個好姐姐啦！」
表面睇嚟係一個媽咪對囡囡期望嘅一句簡單說話，但…咪住先，會唔會另有暗示？話晒淼淼都已經一歲幾，吳若希又已經逐步復出，事業家庭兩兼顧，要生多一個都唔係難事，係絕對有可能嗰隻！有唔少網民都估緊吳若希句說話係咪暗藏玄機，覺得吳若希係想添多一B，甚至有人認為，嗰一B已經喺吳若希個肚度……
吳若希接受東網訪問，忙緊拍劇嘅佢否認有B：「冇吖！」
(蘋果日報/東方日報)
今年26歲、2014年港姐季軍何艷娟（Katherine）申請入紙排期結婚，下嫁現年66歲的澳博營運總裁吳志誠。
昨日傍晚時分，東網發現剛成為人妻的Katherine在九龍站一個商場貴氣出巡，見她和有「清純栢芝」之稱的藝人楊埕在露天茶坐歎茶密斟，離開時更和楊埕肩並肩繼續傾不停，兩人尤如孖公仔般一同以連身裙打扮並大騷白滑長腿，當中當然以Katherine最亮眼，一身珠光寶氣闊太打扮，單是其右手手上的巨型鑽戒，已閃爆全場！
正式升呢「吳太」！
Katherine見到東網記者時初感愕然，並說自己趕時間，但仍稍停拍照及受訪，問到為何不見吳志誠？她即甜笑說：「今日女仔傾吓偈。（幾時舉行婚禮？）其實我哋已經簽咗字，婚禮遲啲先搞，籌備緊，請family and friends囉！（楊埕做姊妹？）係呀！（婚禮想點搞？）簡單，唔需要好隆重。」
問到婚禮會在香港或外地搞？Katherine則以「諗一諗先」作回應。
現正籌備婚禮的她的確忙不停，因有網民向東網爆料指曾多次目撃她在養和醫院的婦產科現身。
(on.cc東網)
90年代尾開始加入無綫拍劇，包括《溏心風暴》、《華麗轉身》、《宮心計》、《妙手仁心III》及《巾幗梟雄之諜血長天》等等，多年來主要做人媽咪角色，如《戀愛季節》中飾演胡杏兒媽咪；另外她亦不時登台做騷唱歌，如16年她便曾為「肥媽友誼長存30週年演唱會」擔任嘉賓。
《蘋果》今日收到消息，方伊琪年邁父親昨日離世，記者慰問方伊琪，她以短訊回覆：「感謝問候，老人家96歲，沒有病離開的，謝謝！」據知方伊琪與早前離世的陳文輝二仔陳志達相熟，二人多年來合作無間，很多時方伊琪做騷都是由陳志達化粧，下個月2日陳志達於紅磡世界殯儀館設靈，方伊琪本打算送好友最後一程，但因為家有白事，所以亦不便到靈堂致祭。
（apple daily）
前港姐李美慧（Vivi）早前同比佢年長25歲嘅富商曾文豪結婚，近日二人仲飛到法國莊園開派對兼度蜜月。
懷有身孕嘅Vivi，一直手腳都好纖瘦，今日佢喺社交網站上載一張同繼女曾昭亮等人嘅合照，見佢哋幾位都齊齊着上一件頭泳衣，笑得好開心，而Vivi個肚已經開始好大，但最難得係Vivi冇乜水腫，認真令人羨慕！
佢留言：「原來肚裡（裏）面的BB和自己的作息時間是不一樣的！佢有佢瞓，我有我瞓，哈哈，怪唔之得，我有時會感覺到佢喺度郁緊，有時候就好安靜，原來瞓咗。」
(on.cc東網)
於在社交網站公布向女友求婚成功，他上載了兩人在泰國布吉的合照以及求婚戒指，他寫道女友送她一個生日之旅作為驚喜，他則向女友求婚反過來給對方驚喜，他感謝如此美好的女人走進他的生命。不少網友紛紛留言恭喜他。
明珠台節目主持人的蘇頌輝（Desmond）
Desmond表示求婚已籌備了四個月，他解釋：「因為我一直想旅行求婚，所以要等機會去旅行，咁啱女友畀我驚喜我，安排咗個生日Trip送畀我，我覺得呢個係合適機會。我哋先去新加坡，再去布吉，其實都有啲擔心旅程中會唔見咗隻戒指。」
他稱由於計劃已久，腦中已經有詳細rundown，不過現實卻事與願遺：「我諗住搵一個靚相位求婚，同埋會錄晒成個過程，但去到已經天黑，後來變咗喺酒店房求婚，平時用相機拍片好順利，但今次就搞咗好耐都搞唔掂，我估女友其實都估到我想同佢求婚，到真係求婚嘅時候，佢有少少取笑我，雖然唔係照住我心目中個rundown去做，但都好難忘。」
(on.cc)
陳豪今日喺灣仔出席Swisse法拉利F1車隊官方合作夥伴傳媒活動，以賽車手造型現身嘅佢，笑指喺F1賽車方面，自己係「處男」，難怪佢獲邀玩F1模擬賽車遊戲嘅時候，見佢揸得好慢，事後陳豪指自己平時揸車，雖然快又得，慢又得，但都係一名安全駕駛者，尤其係o依家有咗小朋友，不過佢好有自信咁話：「我試過揸唔靚嘅車，但揸到好似賽車咁。」
講到老婆陳茵媺（Aimee）帶住3個子女返加拿大多倫多探親，陳豪被指可以放暑假，佢笑住話：「反而佢哋走咗，我覺得好空虛，唔知點咁，睇電視又睇唔到咁耐，瞓又瞓唔到咁多；我因為有嘢做，所以離唔開，不過去加拿大在於小朋友嚟講係好，因為可以見到公公婆婆。」
Aimee一拖三返加，陳豪指上年已經試過，但最難搞始終係搭飛機嗰陣，佢話：「妹妹上年仲係BB，但今年就周圍走，大哥好啲，佢都會睇下電視，但二哥同妹妹對電視冇乜興趣。」
陳豪表示每日同3個子女都會視像親子樂。提到Aimee獲網民大讚佢係Super Mum，陳豪即刻話：「佢係呀！佢生3個已經唔容易，仲要湊3個。（你呢？）I am Super Dad，有準備就唔難湊，冇問題！不過媽媽同爸爸嘅湊法有唔同，媽媽有規律，我就會用糖、朱古力賄賂，但最後我都會被媽媽鬧。」
（蘋果日報）
4月歷經喪母之痛，送走94歲老母，父母都離世，唯一的女兒也早在1997年過世，21年過去，她仍然忘不了女兒的死，甚至還留著當年遺體被撈起時的照片，「現在談到她，我不哭了，但我不能忘記她曾經這麼可憐。」僅管住在偌大的億元豪宅，卻只剩她孤單一人，也讓她無奈表示「這是自在，更多的是寂寞。」
據《鏡週刊》報導，女星白冰冰當年離婚，挺著孕肚隻身從日本回台灣，一路含辛茹苦湊大女兒白曉燕，但她從小就告訴女兒「世界是美好的」，孩子也一直這麼相信著，她常常叮嚀出門要小心，還反被糾正：「妳把人想得太壞了，妳不是說這世界是美好的嗎？妳把它想成好的，它就會變好的。」
21年來，她曾經為了再見白曉燕一面嘗試觀落陰，不但沒觀到，還被神棍騙了錢，又想把白曉燕生回來，做試管嬰兒。「做到更年期，做到16次，最後一顆卵子都沒有了，沒人像我這麼多次，這是金氏世界紀錄。」人生的缺憾再也無法填補，只剩下名利跟寂寞。
據《鏡周刊》報導，白冰冰提到豪宅唯一不變動的，只有女兒白曉燕的房間。「我現在還留著，白曉燕被從河中（新北市泰山區中港大排）撈上來，非常不完整，很可憐的相片，我留著，當年，還沒抓到歹徒的時候，我就拿來看一看。」
她看著一家四口照片中的大家曾經是那樣的快樂，但如今父母跟女兒白曉燕都已經先在天上相聚，只剩下自己還在世間繼續努力。
白冰冰母親 （Facebook）
語句看來相當悲痛，網友都留言希望安慰她要好好保重「來來去去，這就是人生」、「人生在世，有苦有樂」、「要放寬心好好愛自己」。
（sina）
靚媽陳茵媺(Aimee)早前出席活動，就講明會俾老公陳豪放假，會帶三個仔女返加拿大探親，說時遲那時快，陳豪嘅「暑假」已經正式開始喇，因為Aimee已經一拖三上咗飛機，飛咗返加拿大多倫多喇！
今日Aimee喺ig度上載咗一段短片，見佢帶住三個小朋友坐飛機，真係一啲都冇難度，四個人排排坐喺特選經濟客位，飛機起飛前Aimee就好開心咁拎住手機同三個小朋友拍片，可以飛返加拿大放假，Aimee仲開心過啲小朋友咁，開心到伸埋脷仔同細女同細仔，而哥哥就帶住超人玩具陪飛，佢都好開心咁喺鏡頭前舞動超人公仔。
Aimee留言話：「單獨一個人在飛機上，飛十六個鐘，照顧三個小孩 (ages 4,3,and 2) ，實在是一件不容易的事情！意外地兒女們在飛機上特別生性和聽話，令到媽媽照顧起他們上不太辛苦，My 3 munchkins are totally awsome！ So proud of these frequent fliers！We did it! #TRAVEL #ALIVE #wemadeit #toronto」。
有網民就大讚Aimee話：「帶一個就夠吃力，你還帶三個很叻」、「三位王子公主都顏值非凡啊！好可愛」、「Supermum！safe trip！」
(蘋果日報)
下月便33歲嘅宋熙年（Sarah），前年同陳智燊（Jason）拉埋天窗，佢哋呢對圈中模範夫妻出名鍾意小朋友，今年初如願造人成功，將一索得男，o依家陀B約7個多月，宋熙年個肚開始越嚟越大，早排仍然有做幕前演出。不過近日已開始停工待產，宋熙年趁住身手仍然咁靈活，佢日前就去咗影咗大肚寫真集，留下美麗孕記，佢今日貼社交網同大家分享靚相。
宋熙年大肚寫真，大玩黑白型格look，其中一張相，佢着住黑色露腰裝配三角褲，巨肚又圓又大，但佢手腳仲好纖瘦，未見水腫。
宋熙年笑着雙捧住巨肚，好似隔肚同BB溝通咁，呢個甫士好有愛嘅感覺。Jason當然同妻及BB來個「仨」人行，谷奶升cup嘅宋熙年不經意騷出事業線。
宋熙年都好小心飲食，見佢懷孕期間都有為老公準備住家飯。Jason好細心照顧老婆，講到呢輯相拍攝過程，佢今日回覆傳媒時話：「影相過程好開心，BB嗰日好聽話，冇乜點踢。Sarah呢排身體狀況好好，唔會太辛苦，好感恩BB狀況好，食得瞓得，BB檢查過所有嘢OK，我好安樂，希望其他嘢都順順利利。」有冇為老婆煮嘢食？佢話：「煲湯煮嘢食我唔識，問番Sarah。食清啲，澱粉質唔好太多，食多啲菜，佢食一般正常嘢。」
唔少星級爸爸分享過剪臍帶如剪豬腸？問到Jason有冇買啲剪吓練習？佢好搞笑咁話：「咁咪要去街市?」講到老婆已開始停工待產，Jason話：「停咗啦，輕鬆都OK，大肚婆要relax嘛，老公都可以relax。」
(蘋果日報)
