轉眼間，本月十八日係天王郭富城同方媛結婚一周年，一年內結婚又生女，城城簡直係人生大滿貫！出名錫老婆嘅城城，為慰勞方媛平時辛苦湊女，百忙中抽空放假，雙雙去杜拜慶祝結婚周年紀念，享受二人世界！話晒係天王，真係去到邊都會有人認得，有內地網友有圖有真相，影到城城兩公婆喺杜拜一個商場出現，當時城城戴晒黑超Chok爆出巡，老婆方媛就好似小綿羊咁，一身白裙兼全程翹實城城，一黑一白，呢對黑白配當然吸睛！
嗰位網友留言話，當日曾經上前要求合照，但即被拒絕！明嘅，難得享受二人世界，當然唔想有人打擾！不過方媛尋晚都有「洩蜜」，佢分享咗旅遊相，不過就唔見有城城出現，動物照就有幾張！佢留言：「太陽很大用圍巾遮一下，拍到幾隻可愛的野生小動物，分享給你們看，想給它（㸱）們餵點吃的。」
(on.cc)
出席時裝展活動，至懷有第二胎的她雖然肚凸凸，但面上未見浮腫沒有孕味。
名媛邢嘉倩受訪時表示今胎選擇順產生，當被問到知唔知道BB性別時，她說：「唔想知住，因為想留番少少驚喜。」
入面係黑色衫都遮唔住巨肚，其實係咪孖胎？
邢嘉倩與男友
(on.cc)
英國跳水王子戴利（Tom Daley）與美國金像編劇老公Dustin Lance Black今年情人節宣布透過代母產子後，周六舉行迎嬰派對，兩人在社交網站公開開心合照。
其中兩人都戴上寫住「噢嬰兒（Oh baby）」的眼鏡，又在身上掛上寫住「準老竇」的帶子，更一起拿著奶樽裝住的飲料，非常搞笑！
(on.cc)
36歲女星於去年7月宣布閃電結婚，當時已懷孕14週的她，於同年9月30日與交往一年的韓國餐飲企業家奉子成婚，並於今年1月7日一索得男。
榮升人母的韓國李詩英在產後短短兩個月便火速回復美好身段，上月初她便狀態大勇，穿上短裙出席代言品牌活動，是她產後首度出席公開活動。
身材弗爆！
而在產前曾佗B參加馬拉松的李詩英，今日在首爾江南參加運動品牌主辦的步行大賽。穿上貼身褲的李詩英身材弗爆，跟產前比較絲毫沒有走樣，點睇都唔似生完B。
成個少女樣！
(on.cc)
兩奪視后寶座的藝人胡定欣接受電台節目主持人梁泰來訪問，定欣入行以來曾先後公開與吳浩康及馬國明的戀情，但最終都因不適合而無疾而終。而近年定欣只與螢幕情侶陳展鵬傳過緋聞，但雙方均否認戀情，不少人都開始替她的感情狀況緊張。
定欣到了適婚年齡，坦言母親希望自己能在事業及感情間取得平衡：「媽咪以前都冇問我感情事，但近一、兩年趁去旅行嘅時候都會問一問，我就同佢講話『媽咪，Timing呢啲嘢，緣分未到就真係未出現，急都急唔嚟。』其實佢嘅出發點都係擔心我，三十幾歲，是係時候搵個適合自己嘅人去建立家庭，有個人去照顧我。佢知我好用心工作，但亦覺得我需要去諗一諗（感情方面）。而且呢幾年真係愈嚟愈忙，亦都未有咁嘅緣分出現。」
定欣自爆會對有才華的人加分：「朋友經常話我『愛才』，對方總要有啲特質係我好欣賞、會想去學習嘅、好佩服、好仰慕嘅，呢啲會特別加分，亦都要係一個心地好嘅人，係人都鍾意好男仔！我冇話一定要係圈內定圈外，最緊要係適唔適合。」
對於現時與馬國明及陳展鵬的關係，定欣亦大方剖析：「我同馬國明係有承認過一齊，係好耐之前嘅事，依家我哋都係好好嘅朋友，最後都唔能夠一齊就證明我哋唔適合。有時都要分清楚鍾意同適合，鍾意唔等於一定要喺埋一齊。至於陳展鵬，佢絕對係一個好好嘅拍檔，最近兩次合作都可以感受到觀眾好鍾意我哋兩個。我好欣賞佢，佢係好鍾意演戲，所以拍劇過程中都分享咗好多關於演戲及工作上嘅經歷。」
馬國明
陳展鵬
(on.cc)
今年初，同拍拖年多的酒樓太子女，現為ViuTV主持的女友Michelle(李昭南)分手，更被人發現他失戀賣醉街頭喪喊，頹樣更不時在他的IG出現。
吳浩康同Michelle合照
不過感情的事無絕對！話咁快吳浩康同酒樓太子女兩個又復合，日前吳浩康在IG甫出同Michelle合照，仲話：「去會場接走我我最佳女主角！」成功箍煲嘅佢，擺明向其他對手示威。接女友放工之餘，仲用埋說話氹女。曾經是玩家嘅佢，今舖似乎被Michelle完全征服變痴男！
早前被傳媒拍得陪女友入醫院添！
（Apple Daily）
胡杏兒昨晚出席活動時稱想拍完戲加速追生第2胎，若然追到女兒就開心到暈；活動後她衫都唔換，就同老公李乘德（Phil）去食日本料理，仲嗒返杯清酒；Phil在社交平台就貼上杏兒一手掩臉一手舉杯的照片，留言李太自從前年12月後首次再飲酒。
Phil說夫妻情趣就是一齊出去喝點酒，令他不時想念，終於杏兒禁酒16個月後，囝囝Brendan都開始食固體食物，讓善良媽媽是時候放鬆和享受。Phil坦言這夜他們很快樂，李太杏兒隨即留言，直言一杯清酒後已很醉，重點是：「ok let’s make baby Lee 2 tonight」！急不及待，不用等拍完戲就追生B了！Phil都估不到杏兒這麼開放，給杏兒3個臉紅表情符號；網民就在旁食花生留言打氣加油！
(singtao)
最近播出的《棟仁的時光》，當然有唔少人都拭目以待視后唐詩詠的新作。不過，劇中賴慰玲的出現就成了不少網民驚喜! 事關賴慰玲以好戲見稱，加上樣子生得標緻，所以深受不少網民愛載。賴慰玲為了生B差不多成年都沒有同大家見面，依家播出她的作品，總算一解網民相思之苦!
賴慰玲成為《棟仁的時光》焦點
如果有留意賴慰玲的話，大家都會發現劇中的她肚凸凸。賴慰玲話︰「套劇對我好有意義，因為係我懷B時拍攝。當時只有監製、Ben、子善同長興知道。我們在戲中的是兄弟手足之情，因為他們對我的特別照顧。」好多人說胎教好重要，賴慰佗住BB拍攝， BB分分鐘盡得媽咪真傳啊!
劇中不時見到她肚凸凸
(Apple Daily)
收銀員以後接觸熱感紙收據，或需考慮戴手套。浸會大學生物系研究發現，收據所用的熱感紙塗上化學物質「雙酚A」，屬已知賀爾蒙干擾劑。雙酚A可經皮膚接觸進入身體，收銀員日日提取熱感紙收據期間，化學物從手指皮膚走入血液，可於血液游走全身達一星期。接觸時間愈長，吸收劑量愈高，有機會造成多種代謝問題，或致癡肥、心血管病、抑鬱焦慮等。孕婦吸收過量雙酚A更可能影響胎兒發育。
浸大生物系教授黃港住表示，雙酚A是已知可干擾賀爾蒙的化學物質，約十年前曾從塑膠奶樽驗出，現時雙酚A主要見於罐頭內壁塗層和熱感紙。近年有研究發現收銀員尿液的雙酚A水平較高，大部分是從皮膚吸收。去年一項加拿大及瑞典聯合研究進一步顯示，參加者從膳食吸收的雙酚A可於廿四小時內清除，經尿液排出，經皮膚接觸雙酚A的參加者，一周後仍於尿液驗出殘留雙酚A。
黃港住解釋，經進食攝取的雙酚A進入胃腸後，很快經由肝臟代謝及排出體外，相反經皮膚攝取的雙酚A進入血管，游走全身才經血進入肝臟進行代謝，留在體內時間較長，期間一直干擾內分泌，對身體影響較由膳食攝取更大。
歐洲食品安全局一五年把雙酚A人體可容忍攝取量，由每公斤體重每日五十微克，大降至四微克，歐盟亦宣布，二○二○年起禁售雙酚A含量達紙張重量萬分之二的熱感紙。黃港住認為，雙酚A可擾亂內分泌及細胞之間的溝通，有研究指雙酚A可能導致抑鬱或焦慮、高血壓、心血管病風險、癡肥、糖尿病等。雖然各項實驗未有統一結論，但雙酚A對人體的健康風險已受國際關注。
他表示，胎兒和嬰幼兒接觸雙酚A後損害較大，因他們器官和身體結構處於發育階段，內分泌受干擾的後果較成人嚴重，「小童對有毒物質較敏感，同一個攝取量(大人與小童)效果很不同，而且造成的後果可能無法逆轉。」皮膚接觸熱感紙的時間愈長、面積愈大、手部濕潤、沒有洗手，經皮膚攝取的雙酚A分量愈高。
一般人從熱感紙攝取的雙酚A分量不多，但收銀員每日處理大量收據，黃港住建議可戴上棉手套減少接觸，以及接觸熱感紙後用梘液洗手，孕婦和嬰幼兒更要避免攝取雙酚A。
(on.cc)
歌手陳柏宇（Jason）同老婆符曉薇（Leanne）兩公婆出名感情好，早前更宣布就快做爸爸嘅好消息。不過尋日陳柏宇出席簽名會活動時，就指屋企兩隻愛犬因為成日打交，仲話可能要做最壞打算以將狗仔畀人，因此被網友指佢哋要B唔要狗。
陳柏宇因為兩隻愛犬成日打交，指可能要做最壞打算以將狗仔畀人，因而被網友指佢哋要B唔要狗。 （資料圖片）
Leanne今日就喺社交網嬲爆回應指佢同Jason一直都冇諗過棄養，只係喺BB啱啱出世時將狗狗暫時放喺朋友度，等等幾個月BB安定咗就會接狗狗返嚟：「我睇到哩（依）段野（嘢），覺得好好笑。睇埋入面留言真心嘔血 首先我地（哋）係唔會唔要Bessie B.B. 任何一隻動物 第二d（啲）人話我地（哋）教得唔好 如果成日上黎（嚟）我屋企嘅朋友都知 vv同Beisse以前唔係咁 係搬左（咗）黎（嚟）新屋哩（呢）幾個月先打到咁 第三 我地（哋）無驚過佢傷害bb 因為一個係（喺）地下 一個係（喺）bb床 唔通佢識飛上黎（嚟）咬bb 我地（哋）係驚佢地（哋）打傷 前幾日佢地（哋）打到vv差d（啲）咬中bessie眼球 好彩咬到眉頭 如果大家識得vv Bessie都知 佢地（哋）多次因為打交睇醫生 報導（道）話會比（畀）朋友 我地（哋）係諗bb岩岩（啱啱）出世時 先放去朋友度住（而個朋友係我地（哋）以前同屋） （Bessie第二個老豆） 等幾個月bb安定左（咗）就會攞佢返黎（嚟） 不過哩（呢）個最壞壞打算 因為陳生最愛嘅係Bessie 佢會因爲Bessie老而抱住Bessie喊（Bessie先10歳） Bessie哩（呢）幾個月變成咁 我地（哋）都唔知點解 所以要搵專業人士幫忙 vv由細到大都好忍讓 不過哩（呢）幾個月開始忍唔住Bessie 做出反擊 Bessie係一隻老虎狗 vv係一隻鬆師狗 佢哋打起上來 真係好傷 我地（哋）就係因為錫佢地（哋）先搵解決方法 唔通由佢地（哋）打死？ 所以希望大家明白報導文字意思」
(on.cc)
