被爆撻着年長兩歲嘅女演員，網上流傳二人蹺晒手嘅片段，即時爆出戀情。粉絲對於第一次傳出緋聞顯得好興奮，佢哋都笑言出道6年，終於有第一次緋聞，證明大個仔。。。
韓國7人男團BTOB今年出道6年，成員終於爆出第一單緋聞。根據韓媒報道，27歲成員李昌燮被爆撻着年長兩歲嘅音樂劇演員鄭在恩，網上流傳二人蹺晒手嘅片段，即時爆出戀情。
不過二人都否認戀愛消息，當中李昌燮方面就指二人嘅戀愛傳聞係毫無根據，而鄭在恩方面亦都否認拍拖，並指二人只係通過音樂劇嘅合作後成為很好嘅朋友，但強調二人並唔係拍拖。
其實今次唔係鄭在恩第一次同男團成員傳出緋聞，佢喺大前年亦曾同男團「ZE:A帝國之子」嘅成員金桐俊傳過緋聞，當時亦指二人因為合作音樂劇而撻着。另外，BTOB嘅粉絲對於團隊第一次有成員傳出緋聞顯得好興奮，佢哋都笑言BTOB出道6年，終於有第一次緋聞，證明成員都大個仔。
(蘋果日報)
姐姐去年誕下囡囡，依家就到妹妹一索得男，喜事連連恭喜哂！兩母子都十分健康，她自言懷孕與生產的經歷非常美妙，成為不可取代的回憶。。。
現年32歲的日本名模道端Angelica，去年12月跟韓籍圈外人結婚，未夠兩個月已火速宣布造人成功，並在上月挺着大肚假夏威夷行禮。
今天，Angelica在Instagram公開一張抱B相，宣布已在日前順利誕下一名男孩子，正式榮升首任媽咪，恭喜恭喜！
Angelica與囝囝都十分健康，她自言懷孕與生產的經歷非常美妙，成為不可取代的回憶，並十分感謝兒子和丈夫讓她有此經歷。適逢Angelica的33歲胞姊道端Jessica，亦於去年為荷里活電影監製男友高凱麟（Ken Kao）誕下囡囡，道端一家喜事連連。
(on.cc東網)
王祖藍喺15年嘅情人節同華姐冠軍李亞男結婚，嗰陣佢哋話計劃先過兩年二人世界兼努力賺錢，結果今年終於騰空檔期，噚日喺社交網宣佈造人成功！
出名係愛妻號嘅祖藍，又會住買乜嘢獎勵老婆呢？事實上佢哋結婚冇耐就豪擲一億二千萬，祖藍送贈大埔逸瓏灣頂樓連私人空中泳池複式單位畀老婆，今次為王家繼後香燈，培育出「王二代」，呢份禮物真係唔簡單！喺佢哋仲未向外公佈喜訊嘅時候，《蘋果》記者日前喺沙田大圍發現祖藍同亞男一身平民裝束「掃街」，當時係晚上八點幾，佢哋先去豆腐花舖，之後再去買煎釀三寶同魚蛋。
喺李亞男心目中，祖藍永遠都係好叻、好Man同好搞笑，知道老公喺出面搵錢辛苦，難得同老公拍拖行街，就會服侍周到。現場所見，亞男真係好細心，雖然自己唔食豆腐花，但見老公畀緊錢，佢就即幫手加糖，唔使問已完全知道老公口味。
o依家睇番咪明白嗰陣因為大肚婆喺初期係唔可以食豆腐花，所以佢咪忍口，呢個準媽媽真係夠晒細心！
唔少街坊都認得佢哋，難得佢哋完全冇架子，同人吹水打招呼。而小食店旁咁啱係一間地產舖，祖藍同亞男似乎好有與趣，雖然冇行入舖內，但對住門口嘅新樓盤資訊都即密密斟，睇咗大約十分鐘先離去。
事後《蘋果》都有問祖藍係咪有意再買樓投資？佢回覆話：「我只係周圍食吓嘢，近排想了解一下樓市，因為身邊好多朋友想買樓，幫人睇啫。」
(蘋果日報)
楊穎（Angelababy）同黃曉明結婚3年，育有囝囝「小海綿」，今年已經歲半，一直以嚟兩公婆都好保護囝囝，唔畀佢正面曝光。
日前有人喺網上聲稱Baby同囝囝喺上海長寧區嘅Mini Mars Kids Club餐廳食飯時，小海綿失控喺餐廳哭鬧。該網友話Baby為免醜事外傳，同埋唔想囝囝容貌畀人影到放上網，所以指示助手同喺餐廳侍應「協助」下，要求逐一檢查食客嘅手機，仲「威脅」爆料網友嘅朋友話「如果有視頻流出一定能找到她」。有網友狠批：「明星這麼跩」、「好奇葩啊，誰給她權利沒收翻看別人的手機」。
不過亦都有網友持唔同意見，覺得上海嘅女仕並唔係省油嘅燈，冇理由任Baby擺佈。Baby嘅工作室今日就喺微博出聲明，澄清事件嘅內龍去脈，承認有呢件事發生，但就冇好似嗰位爆料網友所講，有出言威脅：「當日，楊穎女士帶孩子與友人在該餐廳消費，期間有餐廳工作人員提醒二樓有客人用手機拍攝。出於對孩子的保護，隨行的工作人員同該客人進行禮貌溝通，希望對方不要將孩子照片發佈到網路上。溝通過程中，工作人員並未與客人發生爭執。關於『搶奪』、『沒收手機』等言論純屬子虛烏有。希望大家理解作為母親對孩子隱私的保護，望大家互相尊重，給孩子一個安全快樂的成長空間。」
聲明中仲話會針對以上謠言，工作室已經啟動法律程序，叫大家唔好隨便信謠言喎。
(蘋果日報)
陳展鵬、譚俊彥、李施嬅、陳山聰、陳自瑤（YoYo）等出席新劇宣傳活動。日前YoYo與老公王浩信參加女兒嘅幼稚園畢業典禮，三人在會場合照流出，傳媒報道時亦未有打格。有網民笑囡囡唔似父母，有指王浩信大動肝火，揚言要出律師信。
日前YoYo出席活動，對於老公要發律師信一事表示不清楚，「相信只係小事。」又話唔希望囡囡個樣曝光，想保護小朋友。
今日傳媒再問YoYo發律師信一事，佢就澄清並無此事：「冇要出律師信，我都唔知道點解為咁嘅傳言。」
最後YoYo再懇請如果傳媒再有咁樣嘅照片，請為個女個樣打格。
(蘋果日報)
藝人李施嬅為無綫劇集《天命》宣傳，恨生仔但仍單身的他要求同劇的譚俊彥與陳山聰介紹男士：「咁你旺埋我啦，我都好想生仔，我一定會生，不過我鍾意女多啲。」
她又透露已恭喜了宣布懷孕的李亞男，坦言好羨慕：「好羨慕佢哋『處女黨』個個都生，我哋就得杏兒，我都好想生，但冇人同我生。（入錯黨？）唔係，我哋呢班好投入做嘢，我同定欣都想生，但搵唔到人同我哋生，要留意吓，哈哈……」
(on.cc東網)
根據TIME報道，研究員於美國佛羅里達州立大學找來51位學生，把他們分成兩組去洗碗。洗碗前，他們獲派一張字條。第一組只有精簡的洗碗指示，然後放任他們隨意洗碗。第二組則寫滿洗碗如何消除焦慮的指示，針對一個人洗碗時的心理狀態，希望他們用心感受碗碟觸感、洗潔精的香味和水溫。
研究員發現，經常洗碗的人，當他們專注於聞香皂氣味、感受水溫和觸摸碗碟時，壓力荷爾蒙明顯下降，靈感會提升25%，焦慮情況減少27%。另一邊廂，沒有專注洗碗的那一組，他們的情況沒任何改變。
日本神經專家小林弘幸指出，有三點令大家在洗碗時減壓：
當雙手接觸到流水，負責放鬆的副交感神經會被活化。同時，聽到流水聲，會令大腦製造錯覺，彷如身處大自然。自律神經的起伏也變得有規律，令情緒穩定下來。
洗碗的動作簡單而有規律，與我們的脈搏、心跳、呼吸同樣有節奏感，令腦部放鬆，自律神經及內分泌系統也平穩下來，降低壓力荷爾蒙濃度。
洗碗後，碗碟明顯變得乾淨亮麗，微小的成就感帶給我們快樂，不致陷入憂鬱中。
根據外媒報道，作為全世界最有錢的人，Bill Gates（蓋茨）在家中卻是個洗碗工。每次與家人吃飯後必將所有碗碟洗得乾乾淨淨，即使他人主動請纓幫忙，他也不會讓出洗碗手套和鋅盤。
根據Business Insider報道，亞馬遜創辦人Jeff Bezos（貝索斯），每晚回到家後都跟蓋茨一樣愛洗碗。他甚至認為，洗碗是他所做的事最性感的。（I’m pretty convinced it’s the sexiest thing I do）。
(Topick)
生養子女是勞碌事，很多人說，孩子真要命，其實子女使人延壽。丹麥一項最新的大規模研究佐證許多先前的發現：當父母，即使是由收養而成為父母，都能大幅降低早逝的機率，特別是母親。
不少為人父母者常說孩子害人短命。《流行病學與社區期刊》網站刊登的這篇研究顯示，事實正好相反。
沒有子女的話，女性較早死於循環系統(心血管)疾病、癌症、事故等外在原因的機率，是有子女者的四倍。無子女男性早逝於這些原因的機率，則是有子女者的二倍。
有沒有子女(包括親生和收養)，精神疾病的風險也是四倍和二倍之別，但吸毒和酗酒者除外。
丹麥這項研究規模可觀，根據的是丹麥詳盡完整的醫學紀錄，包括1994到2008年的出生與死亡、收養、人工受孕(IVF)、住院、精神病的看診資料，以及勞動市場的統計數字。
研究報告沒有深入探討造成這些研究結果的原因，但研究團隊主持人艾格波博士表示，一大關鍵在於子女使人改變行為和生活方式，減少很多高風險活動。例如有孩子的人由於責任感驅使，走上比較健康的生活習慣，包括吃得健康一點。他們也比較可能買適合家庭用的汽車，無子女者比較可能買機車或開跑車。
艾格波博士自己有兩個孩子(一個15、一個10歲)，他表示能夠了解父母們為什麼經常心想會被孩子忙死：「討生活已經夠煩了，加上孩子帶來的壓力。不過我們的研究顯示，非父母的死亡率比較高。」
英國早先的一項研究也顯示，人的死亡率和有無子女關係明顯，包括有二到三個孩子的夫妻幾乎是長壽又健康的包票。但英國那項研究也沒有斷定這中間的因果關係，研究人員試擬的理論和丹麥這份研究一樣：沒有子女的人比較沒有照顧自己、生活健康的動機。
(元氣網）
無綫兒童節目《Thing Big 天地》主持鍾晴因其「憎狗論」，被網民狂轟冇腦冇愛心。藝人姚子羚在圈中是出名的愛狗之人，雖然曾被收養的愛犬咬傷面部而險毀容，但依然對狗隻愛護有加。
她透過短訊回應表示：「我知道每個人都有自己嘅感受，亦唔係每個人都喜歡狗狗，但希望佢哋都能將心比己！如果佢哋有得揀都唔會想喺工廠區又成身唔乾淨…都想有個家、有人愛！」
子羚續指身為藝人應該以身作則，傳播正能量，她說：「作為藝人我覺得應該傳遞多啲正面嘅訊息，了解清楚背後嘅故事，唔好令社會大眾有所誤解！」
(on.cc東網)
無綫劇集《天命》演員陳展鵬、譚俊彥、李施嬅、張國強、陳山聰、陳自瑤、何雁詩到啟業市場宣傳新劇。玩遊戲時，陳山聰要蒙眼試食，何雁詩餵吃缽仔糕時笑說：「我成日用嘅。」陳山聰即估中笑說：「你唔好擲出嚟喎，缽仔糕呀嘛。」
陳展鵬近半年經常去街市買餸，原來並不是為女友單文柔下廚，他說：「因為要煲湯畀媽咪飲。（媽咪身體情況點？）冇惡化，進步階段中，但係比較緩慢。（最叻煲咩湯？）有瘦肉就可以煲到好多湯，潤腸就木瓜啦，有時又會煲吓番茄，又煲吓涼茶，成日和捱夜。（做咗住家男？）唉，畀單文柔寸我，唔想我咁快轉呢個形象，煮嘢食佢叻啲，我甘拜下風。」
(on.cc東網)
