【孕婦注意】懷孕腹痛竟是急性盲腸炎

2018-06-20

懷孕腹痛應及早就醫查明原因！台中一名29歲王姓婦人懷孕24週時，突然腹痛難耐，她先到住家附近診所看診，原本以為是早發性宮縮，但服用安胎藥後多日未見改善，前往亞洲大學附屬醫院診治，才發現竟是盲腸炎且肓腸化膿，緊急採取腹腔鏡微創手術切除盲腸。

腹腔鏡微創手術緊急切除

但因王婦盲腸化膿情形太過嚴重，引發菌血性休克，導致血壓狂掉，且出現肺水腫，一度情況危急，緊急送往加護病房觀察治療，3天後轉到一般病房，住院休養11天才出院。所幸後續產檢一切順利，並在5月底自然產下3570公克的健康小男嬰。

經安胎休養自然產下男娃

亞洲大學附屬醫院婦產部主治醫師徐興國表示，孕婦發生急性盲腸炎的機率約0.06%至0.125%，機率與一般人相同，症狀也多為腹痛、噁心、嘔吐、發燒等。但因懷孕，子宮變大，會使盲腸位置上移，以致不易檢查，且因懷有身孕，為了胎兒的健康，通常不會安排X光、電腦斷層等檢查；抽血檢查時，因孕婦本身代表發炎的白血球數量本來就比一般人多，以致孕婦罹患盲腸炎時不易診斷。

徐興國表示，王婦就醫時，除了早發性宮縮還有發燒，因此安排她接受核磁共振檢查，確診盲腸化膿後，會診一般外科醫師，透過腹腔鏡微創手術，將盲腸完整切除，以防盲腸破裂等病變，導致母體及胎兒有生命危險。

徐興國表示，接受盲腸切除手術後，仍可繼續懷孕，甚至可足月自然生產，若是孕婦或家屬擔心開刀會有風險，卻可能因不手術而面臨更大風險。準媽媽只要配合醫護人員的指導，術後多臥床休息，通常發生早產的機會不高，不用擔心。

(自由時報)

【特別係夏天…】同BB沖涼要注意呢幾樣嘢！

2018-06-20

吹彈可破的寶寶肌膚雖然人人稱羨，但夏天高溫導致的大量出汗，再加上口水、排泄物、母乳、牛奶、離乳食等髒汙刺激，容易引起皮膚搔癢、紅疹等症狀，讓不少媽媽們傷透腦筋。日本小兒科皮膚學會會員濱崎芹表示，正確的清潔方式可減少寶寶肌膚問題產生，讓寶寶更舒服的度過炎炎盛夏！幫寶寶洗個香噴噴的澡吧！以下為濱崎芹提醒的寶寶洗澡注意事項。

可以不用沐浴乳清潔
濱崎芹表示，除了手腳有髒汙或有使用防曬乳外，平常可不用沐浴乳，直接用水清潔，避免寶寶肌膚的潤澤被沐浴乳洗掉。沖洗時水壓轉小，並且用手確認水溫(約38-39℃)。另外，一天洗兩次即可，頻繁洗澡會使得皮膚失去油脂，導致肌膚乾燥。

流汗記得要擦背
炎熱的夏天，寶寶容易汗流浹背。濱崎芹建議，用擰乾的毛巾擦拭汗水，必要的話換件乾淨的上衣。睡覺時可在寶寶背後墊上吸汗巾，頭後方也可鋪一層毛巾加速吸汗。

尿布濕了立刻換
寶寶尿尿或大便的話，濱崎芹認為，一定要立刻換上新的尿布。屁股被糞便沾到時，可將洗臉盆裝溫水，採座浴的方式清潔屁股。擦乾屁股時不要太大力，否則容易引起肌膚問題。濱崎芹建議，輕輕得擦拭水份，待屁股乾潔後再穿上尿布。此外，外出時也記得帶上幾片尿布，以便隨時更換。

洗淨污垢容易堆積的部位
脖子、腰部、手肘，以及有皺摺的部位容易堆積污垢，清潔時必須特別注意。沐浴乳在手中起泡後，用手溫柔得輕洗寶寶的身體，接著用水徹底沖洗乾淨。

洗澡水溫宜38-39℃，不宜泡太久
洗澡水溫度過高容易使得寶寶肌膚失去水分，濱崎芹認為，38-39℃為最佳水溫。若有濕疹的話，為了不要使搔癢程度加劇，建議用38℃的溫水清潔。另外，泡太久也會使寶寶肌膚乾燥，最多以5分鐘為限。

(按圖了解更多)

(早安健康)

【之前雪咗15粒卵子】透露係自然懷孕：預產期係12月28日

2018-06-20

獲悉懷孕時忍不住爆喊，又透露之前已雪了15顆卵子，目前已懷孕3個月，預產期為今年12月28日。她笑言屬懷孕初期特別小心，原本想保持神秘，不告訴丈夫，但對方平日愛整蠱，當她告訴丈夫不要靠近她的肚子時，對方雙眼即時睜大。

剛於上月度過42歲生辰的韓國女星咸素媛，於去年10月與年輕18歲的內地網紅陳華公開戀情，今年2月在中韓兩地註冊結婚，雖然女方已屆高齡產婦，但二人有份演出的TV朝鮮節目《妻子的味道》，上周播出下集預告時，率先披露咸素媛懷孕10周的喜訊。

節目昨晚播出，咸素媛坦言以42歲高齡懷孕的可能性很低，對於今次自然懷孕非常開心，感覺似奇迹一樣，又透露兩口子在搬入愛巢前3星期，暫住父親家中時成功造人，她笑言屬懷孕初期特別小心，原本想保持神秘，不告訴丈夫，但對方平日愛整蠱，當她告訴丈夫不要靠近她的肚子時，對方雙眼即時睜大。

昨晚一集還播出咸素媛在丈夫陪同下，去婦產科接受產檢，獲悉懷孕10周時忍不住爆喊，又透露之前已雪了15顆卵子，而咸素媛目前已懷孕3個月，預產期為今年12月28日。

(on.cc東網)

【一索得男】32歲吳雨霏傳來喜訊！

2018-06-20

現年32歲的Kary（吳雨霏）和丈夫洪立熙（Brian）在2015年結婚，兩人婚後相當恩愛，前年Kary經歷小產之痛，幸得老公在身邊陪伴走過陰霾，重新出發再造人，努力多時今年2月終發放相片報喜，宣布造人成功。

早前Kary生日與老公、好姊妹鄧麗欣（Stephy）同區文詩（Angela）齊齊慶祝，Kary已經肚大如籮，隨時生得！

今日傳來喜訊，據知昨日傍晚Kary順產誕下麟兒，兩夫妻一索得男！

(on.cc東網)

【低調喺香格里拉酒店舉行婚宴】數唔到喊咗幾多次：遺憾冇請到好多圈中朋友

2018-06-20

「擺咗三圍，其實都係同屋企人、好朋友食餐飯，無請圈中人。」問佢㨂噚日簽紙有冇特別意思？佢就話：「冇乜特別原因，係師傅㨂嘅好日，自己就想一次過簽紙同請屋企人食飯，咁就唔駛煩喇！」

28歲林芊妤(Coffee)喺今年3月尾同拍拖3年多嘅男友翟志榮入紙申請結婚，Coffee本來計劃同男友喺年尾結婚，不過因為尾發現有咗，所以將婚期提前，今次雙喜臨門，真係恭喜晒！

陀b5月嘅Coffee仲話婚宴一切從簡，只係同親友食餐飯就算，但係一直都未有透露日子，噚晚Coffee嘅好朋友喺ig嘅stories公佈咗呢件喜訊，Coffee喺酒店同翟志榮註冊，身穿白色露背長裙嘅Coffee，簽完紙之後，即刻好sweet咁嘴嘴，現場傳嚟唔少歡呼聲！

之後Coffee好感性話：「今日現場所有人都係我生命中最重要嘅人，我最好嘅朋友，我嘅屋企人，咁就夠喇，我覺得呢個係對我最好嘅wedding！」

Coffee噚日亦都喺fb更新個人狀況，同Weng Chak結婚。原來Coffee噚晚喺港島香格里拉酒店低調舉行婚宴，筵開三席，只邀請至親好友出席，Coffee今日接受《蘋果》訪問，佢話：「擺咗三圍，其實都係同屋企人、好朋友食餐飯，無請圈中人。」問佢㨂噚日簽紙有冇特別意思？佢就話：「冇乜特別原因，係師傅㨂嘅好日，自己就想一次過簽紙同請屋企人食飯，咁就唔駛煩喇！」

問Coffee噚日有冇做齊出嫁儀式？佢就話一切從簡，「冇接新娘，冇上頭，亦冇伴娘，遺憾冇請到好多圈中朋友，因為今次好難，同埋都好攰，等BB百日宴先一次過請朋友嚟，希望唔好嬲我啦！」從Coffee好友喺婚宴拍攝嘅短片所見，Coffee除咗同老公攬住，甜到漏情深咀嘴婚宴，亦一度感動落淚。問佢喊咗幾多次？佢就笑住話：「數唔到，不過都係開心眼淚。」

至於，平時經常論論盡盡鬧笑出唔少笑話嘅佢，喺婚宴上有咩笑料？Coffee就話：「冇呀，最搞笑咪老公扮唔記得帶戒指囉！」

(蘋果日報)

【平日係好男人形象】吳鎮宇：交給律師啦！

2018-06-20

有媒體爆料，仲講到鎮宇平日形象係好男人，估唔到會。。。講到似層層咁。佢透過經理人回應話：「首先多謝大家關心，當天我們。。。」

å³é®å®çåçæå°çµæ

啱啱食完糉，悼念完屈原，吳鎮宇就被屈，食咗隻死貓！據大陸媒體《搜狐娛樂》報道，指日前影到吳鎮宇某晚一人拖幾女，夜蒲唱K，仲講到鎮宇平日形象係好男人，估唔到會背妻約女唱K云云，講到似層層咁。之後，鎮宇工作室先喺微博回覆稱：「對此不一一回覆，請參照《刑法》第二百四十六條第一款，轉發過500後，我們來告訴你們照片中的每一位是誰。」

先跳一跳出嚟，到底「《刑法》第二百四十六條第一款」係乜嘢嚟呢？原來據刑法第二百四十六條第一款規定，以暴力或者其他方法公然侮辱他人或者捏造事實誹謗他人，情節嚴重的，處三年以下有期徒刑、拘役、管制或者剝奪政治權利。咁又咩為之「情節嚴重」呢？原來「點擊五千，轉發五百」，就會構成「情節嚴重」，所以所有謎底都要喺轉發過500後先至揭開……

好，返番入正題，鎮宇嘅助手喺下晝解畫，話當日係電影《洩密者們》嘅片方邀請約會，當日出席嘅人包括鎮宇及經理人、助手、化妝及髮型師，仲有兩位片方工作人員。當日鎮宇係同經理人、助理及化妝髮型師合共5人一齊坐一架車，其他人另坐一車。對於今次嘅事件，鎮宇經理人話：「白眼，那麼勁爆幹嗎5月不放！」而鎮宇則直接：「交給律師啦！」

《蘋果》亦聯絡過鎮宇，佢透過經理人回應話：「首先多謝大家關心，當天我們在北京工作完畢之後，電影公司老闆請我們吃飯吃宵夜，我們是一大夥人去的，我們團隊有我經理人、助手、化妝師和髮型師！此外還有電影公司工作人員和其他演員！請看看相片影到根本也是一堆人，我也在後面，由工作人員照顧我們上車回去！這些不實報道及涉嫌毀謗，我們會保留法律追究權利！」

(蘋果日報)

【唔係黃文意】唐文龍直認同佢…

2018-06-20

今年48歲嘅唐文龍，感情生活一直備受關注，之前就傳佢同年僅25歲嘅「億萬千金」、無綫36D咪神黃文意（Mandy）暗撻，共譜父女戀，可惜神女有心，男方就否認戀情，最後當然緋聞亦不了了之，今日就有周刊報道指，唐文龍約咗30歲嘅楊柳青撐枱腳，而唐文龍回應周刊時更直認同楊柳青相處愉快，會聯繫下感情先喎！

周刊報道指，唐文龍當日相約楊柳青喺蘇豪區一間餐食飯，仲話佢哋兩個見面時已經好開心，女方就不時掩面同撥頭髮，意態撩人，食飯時仲有講唔停，似有講唔完嘅話題。報道指，佢哋呢餐飯共食咗成個鐘頭，離開時，唐文龍見到身穿4吋高踭鞋嘅楊柳青，仲好man傍實女方。

原來唐文龍同楊柳青「緣起」於拍攝大台劇《溏心風暴3》時認識，報道指，唐文龍直認同楊柳青拍完劇後都仲有聯絡，佢話係因為之前搵過女方做佢特輯嘉賓，至於係咪有發展空間，佢就話要做好目前工作先喎，但文龍話同楊柳青相處得好愉快，大家聯繫下感情先喎！

今早唐文龍回覆《蘋果》時表示：「唔係拍拖，我哋朋友關係。我哋最近練習詠春多咗，有出來聚聚傾計，柳青之後會幫忙拍攝我師父詠春特輯，我在籌備製作，所以最近見多咗！」

(蘋果日報)

【講到關智斌】張敬軒：其實咁耐以嚟我哋都冇減少…

2018-06-20

歌手張敬軒一連6場紅館「HINSIDEOUT張敬軒演唱會」完成最後一場，軒仔多次感動落淚，由於觀眾反應熱烈，唱至11時58分超時完場。

當時軒仔致詞多謝各合作單位，但講Credit之前，軒仔忽然話：「其實我前兩晚先至喺紅館見到神蹟。當Boy’z上到嚟之後呢，我見到就連傷殘位嘅人都企晒起身，我係第一次喺紅館見到神蹟！」之後軒仔再介紹一輪credit，講完之後，就問觀眾喇：「你哋想唔想有嘉賓呀？我就想睇下紅館點樣可以核爆！」語畢即走去台邊，邀請Kenny同Steven上嚟——留意番，軒仔係拉Kenny上台，Steven就係自己上台。一上到台，唔使講啦，未上已經核爆咁樣樣，Steven話：「Ai，我走先喇！」

軒仔轉身即追住Steven：「你唔好走呀，你好重要0架！冇你點成事，你哋係Boy’z！」明明觀眾已不停尖叫，軒仔仲嗌大家：「俾啲聲嚟聽下？！」全場嗌得更起勁。軒仔再話：「真係唔明點解，Boy’z同我會變成大家嘅集體回憶。我哋都唔係好老啫。」

此時觀眾又再瘋狂尖叫。軒仔笑言：「其實我哋都係00後。」軒仔又問：「大家想唔想再睇Boy’z開演唱會呀？」全場又嗌。此時Kenny忽然嗌：「我見到老闆（楊受成）呀！老闆不停咁點頭！」大會鏡頭亦馬上pan去拎住bom bom棒企咗起身嘅楊受成身上。

「上次就嘈到聽唔到，咁今晚我哋就唱多次《死性不改》。」噢，都係唔唱《預言書》。唱完喇，軒仔感謂：「唉，咁就已經十幾年喇。」Steven此時問：「如果我哋真係開演唱會，你嚟唔嚟做嘉賓？」軒仔話：「嚟！」再指住Kenny話：「我同佢合唱《眼紅館》都得吖！」

兩人落台後，觀眾仍不斷嗌encore，軒仔笑言：「紅館嘉賓俾人嗌encore都係第一次見。我哋上次之後有溝通過，佢哋真係好快會開演唱會0架，你哋等下啦！」

軒仔演唱會慶功宴上表示因為觀眾很好，所以每晚都好感觸好感動。講到Boy’z即興上台第二度任嘉賓，軒仔笑言:「第一晚驚喜啲，升上嚟，今晚Boy’z一早坐在觀眾席。本身諗住今晚冇嘉賓嘅」軒仔續說第一晚完騷後有老歌迷表示失望，很多想聽的歌軒仔都冇唱，所以第二日軒仔即調整Rundown，都係想令歌迷開心。

做女人上癮

提起「降兩度」的造型，軒仔笑稱：「我本人就係斯文啲嘅，而「降兩度」把口就賤啲，所以，有個分身係好玩嘅。（真係剃腳毛？）係呀，晚晚都剃，咁有啲睇唔到嘅位咪唔剃囉，即係格肋底呀！原來剃腳毛都要成個鐘，要換兩塊刀片。（咁硬？）我堅挺嘛！（太粗生？）係出得好快，鬚都好啲，腳因為想佢睇上嚟有光澤就着絲襪，但太粗試過刮爛對絲襪，真係女人不易做。」

親自搵Boy’z做嘉賓

講到是他親自找關智斌（Kenny）和Steven做嘉賓？軒仔說:「係呀。（冇推你？）冇，但Steven真係推劇組飛返嚟。（唔尷尬咩搵Kenny？）唔尷尬，不嬲都唔尷尬，係等緊啲機會，冇平時啲收收埋埋，邊會有今次咁爆嘅核彈呀！（咁你都編排咗十幾年喎？）咁真係有紀念意義先搵佢嘅。（點報答佢？）我哋之間唔講呢啲。（咁講乜呀？）講心囉！講心唔講金嘛，心意嚟。」因之前有傳兩人已「斷交」，是否再見亦是朋友？軒仔笑言：「等我諗下點答先……其實咁耐以嚟我哋都冇減少來往，只係有時啲報導唔想出到嚟答怕愈描愈黑咁。（關係一直Keep住？）咁多年都係好好、好好嘅朋友囉，好Close嘅朋友，新聞又好傳聞又好，有啲嘢愈講得多愈無私顯見私咁，同埋啲花邊新聞，蓋過咗我哋嘅努力，關智斌唔會因為張敬軒而見報，而張敬軒亦都唔需要因關智斌而見報，呢個係我哋大家有時封口嘅原因。」

替胡定欣抱不平

而軒仔都逐一多謝容祖兒、陳慧琳、楊千嬅、胡定欣來做嘉賓，但問到可有留意網民說找胡定欣做嘉賓有點失望？軒仔稱都看不到太多，覺得網絡上的意見值得參考，但單看幾個留言就不太公平。

搞開騷門票好頭痛

至於有歌迷以「報失門票」入場而被拒門外，軒仔稱不太清楚這件事，但就他而言每次開騷門票都令他好頭痛，單他為歌迷會訂飛就墊支超過100萬元，但每次都有人甩底，今次他就硬食了幾萬元飛債，亦搞到開騷前凌晨三點他仍在分飛。

(on.cc東網/蘋果日報)

【眼腫腫鼻紅紅】囡囡攬實朱茵喊到收唔到聲

2018-06-20

黃貫中（Paul）同性感女神朱茵結婚6年，寶貝囡黃鶯話咁快已經5歲半，兩公婆一直好保護囡囡，極少畀佢曝光，早前Paul為《搖滾大俠奏》開騷，囡囡破天荒上台獻花後，估唔到最近Paul答應帶囡囡參加大陸真人騷節目，今日朱茵到機場送別兩父女，年紀小小嘅黃鶯要離開媽咪，傷心到喊實朱茵狂喊！

今日網上曝光Paul一家三口喺香港機場嘅相片，據知Paul獨自帶囡囡參加大陸真人騷《想想辦法吧爸爸》，呢個節目由《爸爸去哪兒》前導演謝滌葵負責。素顏朱茵現身送機，兩母女表現得難捨難離，黃鶯攬實媽咪喊到收唔到聲，眼腫腫鼻紅紅，十分慘慘豬，朱茵都忍唔住跪地抱實囡囡喊，最後一家三口更擁作一團！

相反，同時出發嘅洪天明三父子就表現冷靜得多，老婆周家蔚喺ig貼一家四口相並留言：「Hi everyone! I’m gonna be shooting for 24 days.電話會給收起來。沒法跟我聯繫敬請諒解！my phone getting confiscated.For 24 days.Bye!!」

有大陸網民亦野生捕獲洪天明帶兩子參與拍攝，將相片貼微博。

對於朱茵攬實囡囡狂喊，有網民認為有啲造作：「這一哭生離死別似的，戲真多！」

但亦有網民睇到好感動，留言力撐：「很正常啊，說不定是第一次要和女兒分開這麽久。」、「那孩子哭的眉毛都紅了，哎呀！」《想想辦法吧爸爸》係大陸真人騷新節目，以萌娃同明星家長為主，主要內容講由爸爸帶子女去旅行，體驗唔同嘅美景加深父子情，似乎與《爸爸去哪兒》如有雷同，實屬巧合。

(蘋果日報)

【被爆之前已經…】舊愛曾PO文：只配嫁窮郎

2018-06-20

「佢當時仲讀緊書，冇乜錢，Jason每個月都有畀生活費佢，但之後女嘅入咗娛樂圈識咗個男仔，跟住就用Jason畀佢嘅錢買嘢送畀對方，男嘅都知Jason存在，咁Jason後來發現好hurt，就同佢分手。」

24歲余香凝（Jennifer）同31歲陳家樂拍拖3年幾，曾共歷過車禍意外，男方更承諾照顧女方一生一世。但上周突然爆出余香凝疑貪新棄舊，與保險男高層許焯倫（Victor）過從甚密，陳家樂含淚認分手。

日前《蘋果》讀者Mark(化名)爆料，指余香凝以前都試過一腳踏兩船，而當時嘅第三者正正就係陳家樂。讀者Mark透露余香凝喺學生時代與一名藥業公司老闆陳秋山(Jason)拍拖，據聞Jason瓣數好多，亦曾經開過娛樂公司，力捧周秀娜舊愛陳偉成（Avis），但之後結業。

Mark話：「余香凝當時仲讀緊書，冇乜錢，Jason每個月都有畀生活費佢，但之後女嘅入咗娛樂圈識咗個男仔，跟住就用Jason畀佢嘅錢買嘢送畀對方，男嘅都知Jason存在，咁Jason後來發現好hurt，就同佢分手。」據讀者提供資料，余香凝17歲就同Jason拍拖，至2015年至分手；而余香凝與陳家樂就喺2014年拍港台劇《總有出頭天》時撻著，與Jason拍拖時間重叠。