歌手王灝兒（JW）為《明愛暖萬心》擔任嘉賓，談到她早前在節目《美女廚房》上劏魚時，表現驚慌兼雞手鴨腳。
可能仲未驚完！
她笑言：「我唔係好差啫，我係第二。因為我之前未劏過魚，平時都係工人或者媽媽處理，所以我真係唔識，其實中間係有師傅幫我，我先可以做埋落去。（之後要努力鑽研劏魚？）唔會，都係交畀工人同媽咪。」對於不少人將她劏魚時的驚恐表情截圖，她笑謂：「第二日已經有好多人喪send相畀我，我一世返唔到轉頭，就連男友嘅家庭群組都有截我圖，我覺得佢哋全家都好支持我，我好感動，佢哋唔會歧視我。」
JW揚言自己懂得烹調普通菜色，尤其煮咕嚕肉，所以她在《美女廚房》才選擇炮製炸魚，她又指男友也試過她的手勢，問到男友對其廚藝的評價時？她說：「佢應該係話全世界最好味，其實佢煮嘢食好過我。」
(on.cc)
藝人黃建東周六晚途經港鐵彩虹站時，聞得便利店職員大嗌「偷嘢」，立即與多名熱心途人追捕疑人，涉案男子被截獲及被接報警員帶走。
橙衫男拔足逃走。
見義勇為市民(左)截獲橙衫男，將其按在地上。
見義勇為的黃建東在事後卻遭到網民抨擊，指只是價值共40港元的麵包和焗豆，點解黃建東唔幫手畀錢？又唔幫口求情？
黃建東今日喺社交網舉咗「六點」詳述事件過程，表示當時出自本能幫助女店員，佢留言：「當我知道係發生咩事嘅時候，我有諗過個男人嘅情況可能好慘好肚餓，佢只係偷咗少少食物，俾（畀）人捉到亦肯俾返（畀番）錢，係咪應該就咁算數呢？但係首先，報唔報警係當事人話事，並唔係我哋側邊呢啲途人決定，必須要尊重番當事人。第二，無論個男人係咩情況都好，偷嘢始終係犯法係不對的，佢有呢個行動就必須為自己的行為負責。第三，當佢俾（畀）人捉到之後話『我俾返（畀番）錢你』，證明佢身上係有錢可以支付食物。第四，有街坊話呢個男人之前試過偷過好多次嘢，當然呢個係咪事實我唔會知道。第五，之後問返（番）便利店職員，佢話原來成日有人走來偷嘢，但係次次都捉唔到。第六，之前啲人成日話香港人好冷漠，但原來有起事上嚟有人求救要捉賊，大家係會願意停低齊心協力去幫忙。呢一點我係好感動的。」
黃建東又話每個人都有有唔同觀感，但係佢覺得今次做得啱嘅。
（on.cc）
懷有第四胎嘅名媛楊張新悅依家佗B 37週。
就快生得嘅佢就把握機會，喺生B之前出海吹吹海風。
佢喺社交網大晒靚相，着上三點式嘅佢先近鏡自拍騷線頭。
然後再嚟張全身照大晒巨肚，實行為封肚前最後一擊留低倩影。佢仲留言：「相信我一世再也不會有那麼大的肚，記念一次吧！ 」唔少網民都大讚佢四肢非常纖瘦，話如果唔係騷巨肚嘅話，真係睇唔出原來佢就快生得。
相比當時32週孕肚，今次望落去好似突然大咗好多…
(on.cc)
據知無綫搵律師研究過之後擔心合約細節上會有問題，所以唔敢搏，但電訊盈科就敢搏，結果就俾1750萬美金加200萬美金，即約1億5300萬嘅超荀價…
四年一度世界盃掀起全城睇波熱潮，今屆俄羅斯世界盃決賽周由電訊盈科旗下now TV同免費電視ViuTV取得香港獨家播映權，究竟，「小小超」李澤楷嘅電訊盈科係用幾錢買到呢個全球矚目嘅盛事呢？據《蘋果》收到嘅可靠消息，係超荀價1億5300萬，而無綫就因為「唔敢搏」而走寶。
上屆巴西世界盃，無綫以逾3億港幣買世界盃決賽周獨家播映，之後盛傳樂視出價逾4億搶到俄羅斯世界盃決賽周播映權，去年底樂視因為財困，於是將世盃播映權賣比nowTV同ViuTV。
據《蘋果》了解，樂視2年多前係以7000萬美金，即約港幣5億5千萬港元，喺國際足協（FIFA）嘅中介公司買入俄羅斯世界盃香港獨家播映權，分4期比錢，每期1750萬美金(約1億3733萬港元)，樂視比咗3期之後財困冇錢比第4期，由於合約規定第4期錢要喺去年12月1日之前交，否則樂視之前俾嗰3期錢全部作癈total loss，FIFA會將個播映權再攞番出嚟拍賣。喺咁情況下，樂視就搵無綫及電訊盈科等幾方面斟，內容係由佢哋支付第4期尾數，即1750萬美金，另外再加番200萬美金嘅簽約費比樂視。
不過，據知無綫搵律師研究過之後擔心合約細節上會有問題，所以唔敢搏，但電訊盈科就敢搏，結果就俾1750萬美金加200萬美金，即約1億5300萬嘅超荀價，攞到俄羅斯世界盃香港獨家播映權。而日前俄羅斯對沙地阿拉伯嘅世界盃揭幕戰，Viu TV就以平均10點收視（約66萬觀眾）撼贏無綫《晚間新聞》同陶大宇和郭可盈主演的重播劇《刑事偵緝檔案III》。
對於以超荀價1億5300萬買到今屆世界盃香港獨家播映權，電訊盈科公關回覆《蘋果》話:「No comment。」
(apple daily)
藝人張寶兒出席「big big channel KIDS x Think big 夏日大想」活動，她表示經理人正安排她上《美女廚房》，但未定日期，她坦言：「好驚，因為對住啲爐同鑊，要時間去適應。（想事前知道對手？）當然想，我都有睇《美女廚房》，有睇JW（王灝兒）劏魚，我都驚驚哋，未必劏到，我之前去韓國拍《學是學非》要畀啲魚仔食腳皮，我叫得仲大聲過坐過山車，我未試過劏生嘢，平時都係買處理好嘅食材。（要練習定？）我都要踏出呢步。」
另外，提到男友袁偉豪早前喪父，問到男友心情如何？她說：「成件事都過咗去，大家都知道要放低，但好難話有乜大改變，要時間去適應，佢嘅工作好密集，依家投入工作。（你點安慰佢？）陪佢多啲，好難有安慰說話，始終要靠佢自己去釋懷。佢哋全家陪到爸爸走最後一程，都算係好圓滿，冇乜遺憾。」
(on.cc)
岑麗香加入無綫7年之後，終於正式宣佈唔續約，要離開大台！
其實呢兩日已經有傳佢要走，大台高層樂易玲亦向傳媒透露，香香要返加拿大陪老公同調理身體，準備生小朋友。
不過打咁多嘢，都係冇解釋有傳佢被唐詩詠取代做新劇女主角後，決心離巢呢單嘢。
唐詩詠出席活動時就話係公司安排：「我冇權利去選擇。係公司安排，從來都唔知道係乜嘢劇。」又話唔會怕呢啲傳聞：「喺呢個是非圈工作，十幾年嚟已練成金剛不壞之身。」
（sina）
鍾欣潼（阿嬌）上月在美國洛杉磯舉行婚禮，好姊妹容祖兒因美國簽證過期險未能陪阿嬌出嫁，幸婚禮前夕祖兒終於辦好簽證飛抵洛杉磯，當日隨即貼上阿嬌、祖兒、蔡卓妍（阿Sa）和鄭希怡一個「龍虎豹蛇」見面合照。
今日端午節，阿嬌就在instagram隆重獻上當日祖兒抵洛杉磯給阿嬌驚喜的絕密片段「獨家曝光」，電梯裏的鏡子反映阿Sa負責拍片。
影片因為校了快鏡，聲音都變了卡通聲，幾個人七嘴八舌超搞笑，阿嬌就感動到抹眼淚，跟祖兒擁抱、拖手、錫錫；老公賴弘國隨即被遺忘到一角看這「姊妹重逢」感人一幕。
（singtao）
昨天父親節突然於社交網上載BB超聲波照宣佈做爸爸！Dash接受電話訪問，他大方承認笑說：「係呀！」原來Dash去年年初已跟拍拖4年的女友Joana求婚，還秘密簽紙結婚了！
樂隊Mr.的bass手Dash的太太Joana是澳門人，對方從事飲食業工作，兩人拍拖多年，他一直有結婚打算：「舊年年頭我喺澳門同佢求婚，當時得我哋兩個，我唔想搵大班人畀surprise嗰種！（有冇鮮花、戒指同跪低？）都有，點都要跪一跪！（佢有冇喊？）佢冇喊，不過我哋兩個嘅相處好鍾意搞爛gag，求婚幫佢戴咗戒指後，我話唔捨得隻戒指，佢戴咗即刻走，因為驚我攞番。」Dash透露隻求婚戒指價值5位數：「合理嘅，因應自己能力，我覺得誠意緊要過幾多卡。」
老婆Joana仲已經懷孕6個月！
Dash表示求婚後，兩人在2017年的下半年於外地簽紙註冊，但他希望低調保留私人空間，他說：「我同太太都有共識，唔想講喺邊度註冊，當日都係好簡單簽約，冇着任何婚紗禮服，有通知朋友，屋企人知我哋求咗婚都成日問幾時結婚，我就話我哋有分數㗎啦。」他決定待BB出世後，才計劃明年在港或澳門補辦喜酒，因為不想太倉卒。
他透露太太已有6個月身孕，預產期在9月左右，他說：「依家乜都唔諗，等BB平平安安健康出咗世先。」Dash笑言當日太太發現有喜，他正跟Mr.其他成員開會，當時放低了電話，接近會議尾聲，驚見有幾個太太的miss call，還以為太太有事，其後才知道太太報喜，他笑說：「嗰刻我睩大眼擘大口呆咗，好想將呢個喜訊第一時間通知阿榮（他的孖生細佬），因為阿榮都喺度開會，當時我忍住冇講，開完會阿榮車我，等我哋兩兄弟我就即刻講，佢開心到錫咗我幾啖。」之後他也有通知成員自己快做爸爸的喜訊，他說：「今年係Mr.入行十周年，又有自己小朋友，意義重大。」他亦有朋友夫婦跟他差不多同時間有喜，笑言四個新手父母無從入手，大家不時上網找資料研究一番。
（on.cc）=
大阪遇上6.1級地震，暫時有3死逾200人受傷。在大阪附近姬路拍攝《街坊廚神》嘅傅嘉莉(Kelly)、小儀、金剛同衞志豪今早亦感受到地震，並已逐一報平安。
日本大阪18日上午發生規模6.1地震，導致大阪妙德寺的山門倒塌
Kelly在地震後亦有睇住當地新聞消息，佢今早喺ig story影住個電視機畫面話﹕「好得意呀，啲新聞，個畫面喺度震㗎，好搞笑，我哋頭先應該係feel到….emmm」。隨後佢接受訪問時話：「一切安好，沒事，有睡夢中被警報嘈醒，感受輕微震動，頭暈暈，兩、三秒後就停下來。看到新聞報導有些地方出現地陷、火災，不過我哋離大阪有一段距離，冇咁大震盪。家人都有即刻打來問我有冇事，我都有報平安。」
不過，Kelly事後都似乎知道自己講錯嘢，急急刪片，並補鑊貼番張喺日本影嘅黑白單人相。
留言道歉：「對唔住！引嚟咁大的誤會，係我唔識表達，唔夠智慧，無危機意識。之後再睇新聞知道有傷亡，先意識到這是一場很嚴重的天災…天佑大阪」。網民接唔接受佢道歉就唔知喇，但作為公眾人物，慎言的確好重要！
(apple daily)
尋日係父親節，歌手薛凱琪（Fiona）同爸爸兩父女做spa直落食飯慶祝，啲人成日話「女兒係爸爸前世嘅情人」，原來係真㗎！孝順女Fiona喺社交網上載多張同爸爸嘅合照，而且仲同爸爸齊齊拍片講「Happy Father’s Day」，臨尾仲向爸爸送上冧爆錫錫，畫面非常溫馨！
Fiona留言話：「今天跟爸爸做spa和吃飯。一路跟他聊聊天就是最簡單和快樂的事。爸爸跟我說我很乖，然後他突然落淚讓我也哭了。其實我也有我不乖的時候，只是我們都盡力地去體諒和愛對方，盡力的去看到對方的好。世上所有的爸爸媽媽都最偉大的。謝謝你爸爸把我帶來這世界上讓我可以 become who I want to be today ! 大家父親節快樂。」文字裏感受到充滿溫暖嘅愛意，唔少網民都大讚Fiona係孝順乖女。
(ON.CC)
