2010年華姐冠軍岑麗香（香香），當選後跟無綫簽下長約，一直備受力捧，未為人妻時已是網民心目中的女神。外號「香香公主」的她，當年與其他無綫小花鍾嘉欣、李亞男、苟芸慧與王君馨被封為「處女黨」。雖然前年成為人妻，但香香的人氣不減，依然備受網民追捧。

事業正如日方中之際，近日卻傳出香香引退的消息！

有關香香退出幕前生BB一事，無綫助理總經理（藝員管理及發展）樂易玲昨日回應時承認此事。

對公司少了一位好演員坦言感可惜：「香香唔係同我哋解約，佢喺2010年當選華姐冠軍後，就同我哋簽咗好長合約，到今年接近呢幾日就完約。佢同無綫關係就好似仔女咁，自從結婚後呢兩年，佢都想放多啲時間畀家庭，同埋想生小朋友，我都好明白！香香有同我講想返加拿大好好陪老公及調理身體生小朋友，所以唔續約，等第時有啱嘅工作先再返嚟玩吓！（可惜？）在公嘅話，公司冇咗個好演員係好可惜，但在私嘅話，我都祝福佢有個幸福家庭！」

跟香香情同姊妹的「處女黨」成員，被追問香香是否有喜？她們都口密兼統一口徑稱不清楚，留待當事人回應，其中身在法國的苟芸慧說：「I am actually at le mans in France, with the racing team. Not so sure of that. Its better to leave it to eliza to answer it herself.（我跟賽車團隊正在法國，對於這件事情我也不太知道，最好還是留給她回應吧。）」至於李亞男則稱：「我唔清楚合約啲嘢，可以問Eliza（香香的英文名）或TVB。」王君馨同樣「封嘴」，只說：「呢啲嘢畀佢自己回應好啲！」身在加國的鍾嘉欣則於截稿前未有回覆。

(on.cc)

06年落選港姐、現年31歲嘅李美慧嫁個有錢人，同「福建幫第二代富豪」之稱嘅曾文豪本月初共偕連理。曾文豪近年十分低調，其父親係曾叱咤商界嘅百億富豪曾紀華，97年離世後，將大部分財產留俾二房（馮婉琳）所出兩子，即曾文豪同曾文能。金融風暴後，曾紀華百億王國資產損手不少，之後曾文豪亦鮮有亮相公開場合。

李美慧上月婚訊曝光之時，已懷有身孕，就連《宮心計2：深宮計》嘅皇上馬浚偉都知仲爆響口，李美慧並不介意同大家分享喜悅。上月李宣傳《深宮計》時，表示係拍完劇集《深宮計》之後先至認識曾文豪，稱係朋友介紹，識佢嗰陣唔知男方家底。兩人拍拖半年就決定共諧連理。

飾演陳煒近身宮女秦槐

不過，李美慧喺今日出版嘅周刊訪問則稱，有錢人唔係傻人，如果你懷著目的埋身，對方肯肯定知，而且一定會起你底。

李美慧在訪問中稱，其實佢識曾文豪之前，都識好多有錢人，當然亦識好多草根階層朋友。佢個人認為呢，拍拖唔係講樣，亦唔係講家底、年紀，所以即使曾文豪大佢25年，佢都覺得冇所謂。只係最初大家仲「摸索」緊嘅時候，李美慧自言「自己知自己事」，既不夠美亦不夠慧，亦唔想令曾文豪以為佢埋身另有目的。結果都係由曾文豪主動以短訊表白。
李美慧與老公曾文豪

李美慧已屆31歲，雖然佢話同有錢人交往千祈唔好太急進，亦覺得男方年紀真係唔係問題，但問題係——女人三十，李美慧好想有個家，所以同曾文豪交往未幾，已向對方明言，佢好想有個家，結婚生子。如果男方只係抱持觀望態度拍下散拖打發時間，李美慧說得很明白：唔好嘥我時間。

於是，兩人計劃結婚，李美慧亦馬上不設防。本月3日，正式成為曾太。

（apple daily）