有傳婚後減產的岑麗香（香香）已跟無綫解約，傳聞她離開娘家跟監製劉家豪的新劇《解決師》有關。消息指劇集本來預香香飾演女主角，但其後臨時易角由唐詩詠演出，惹香香不滿而要跟無綫解約。但另一版本是，香香有感已33歲，婚後應家庭為重要趕時間生BB，故推掉新劇女主角角色，好好調理身體，為生BB作好準備。就傳聞，香香和無綫助理總經理（藝員管理及發展）樂易玲尚未回覆。
香香被指堅持唔同無綫續約。
據知，香香六月中已經跟無綫正式完約，公司曾多次跟香香傾談，但她都堅持唔續約，希望能快些生小朋友！而《解決師》一劇亦不是臨時易角，是監製劉家豪搵唐詩詠拍，詩詠亦想再跟王浩信合作，所以接拍的！
傳媒就此事聯絡香香好友、一眾「處女黨」成員，李亞男，王君馨和苟芸慧都統一口徑稱：「唔清楚，留畀香香自己講！」至於鍾嘉欣則未覆。
(on.cc)
藝人薛家燕日前榮升新任奶奶，兒子石耀庭與陳素怡在酒店大排筵席宴請親朋，未幾網上流傳一條性愛視頻，更有人聲稱是薛家燕的新抱。家燕曾於公開場合力撐，指一切言論皆子虛烏有。
薛家燕更於社交網透過經理人公司發出聲明，指網上流傳不實、毀謗性短片和評論，嚴重損害薛家燕本人與其兒媳婦的名譽和個人形象。並指有關流傳內容全屬虛假，並要求有關單位停止轉載並刪除相關內容。更指會進行一切法律追究。
薛家燕微博
樂壇天后容祖兒與劉浩龍（師兄）被爆早於去年底已醞釀分手，五年情斬纜一說甚囂塵上，不過二人一直未有承認分手，就連師兄開騷祖兒都儼如「女主人」到場支持，上月又孖住為黃偉文慶生，令二人似斷未斷嘅5年情更加撲朔迷離。
上月孖住為黃偉文慶生
到咗祖兒38歲生日，咁重要嘅日子當然要同重要嘅人一齊過！原來祖兒尋日同大班Friend開船P，出席好友包括好姊妹蔡卓妍（阿Sa）、鄭希怡、謝霆鋒、彭秀慧等，認真一睇，原來師兄都有份現身！大合照時佢就同祖兒分開坐，反而選擇同霆鋒阿Sa黐到實，不過見佢都一臉風騷擘口擺POSE，繼續融入祖兒嘅朋友堆之中，隔開坐嘅祖兒都勁興奮，真係估佢哋唔到！
而阿Sa亦都帶埋男友石恆聰一齊現身，雖然未有親密合照，但係都Feel到佢哋夠晒甜蜜。
(on.cc)
藝人黃又南一直堅持與患有腦退化症的父親同住，但近日他向現實低頭，送父親到護理院，交由專業人士代為照顧。他承認忽略了媽媽不辭勞苦照顧病患者的感受，並坦言未能於爸爸有記憶時成家立室，是人生憾事。
2007年，又南公開承認為爸爸擔起約700萬港元的債務，近年黃父確診患腦退化症，又南一直默默承擔。（相關新聞：https://goo.gl/ptkPm6）
父親節將至，他接受專訪，感慨稱與父親相處有何憾事：「諗住27歲還晒債儲多3年錢，搵個女友拍拖結婚，等爸爸見到呢一幕，但事實非我能控制，搞到依家十畫都冇一撇。好彩嘅係兩年前爸爸腦退化初期，家姐已經喺沖繩結婚，相信喺爸爸嘅心中，一定會記得呢個難忘畫面。」
今個父親節，又南希望與爸爸同枱食飯的普通心願，卻隨着黃父入住護理院而添「變數」。原來Shine今年3月舉行演唱會前，又南入住酒店方便排練，黃母則留家照顧丈夫，她對兒子一直報喜不報憂，結果累壞了。他泛淚光說：「媽媽嗰次突然見暈，電召救護車送院，佢當時瘦咗好多，我先發覺自己一直只專注患者（黃父），而忽略咗患者身邊嘅人（黃母）。原來媽媽將所有心事，都只講畀我家姐知。我家姐試過提議送走爸爸，每次開聲就鬧大交收場，依家我先明大家都有難言之隱。送爸爸去護理院非我所願，但起碼媽咪有番私人時間，爸爸精神都好咗好多。」
由於連月忙於工作，又南日前才有時間探望爸爸。談到以往與爸爸的軼事，他說：「以前我會擔心佢唔記得我，但依家我淨係想佢健健康康。其實爸爸好錫我，我細個時佢生意好景，會陪我去旅行，我小學送畀佢嘅父親節卡，佢當寶咁珍藏。當爸爸破咗產要成家人搬嚟同我一齊住，有晚佢好唔開心咁企喺露台，我跟出去同佢傾偈，話我冇怨過佢，而且一直好愛佢。」
（on.cc）
藝人陳倩揚育有兩個囝囝，依家仲懷有第三胎佗B八個多月。雖然佢粗身大勢，但係都親力親為照顧兩個寶貝仔，真係位廿四孝好媽媽！
陳倩揚同老公陳浩然。
呢日陳倩揚屋企搞咗個小型派對，除咗有兩個囝囝之外，仲招呼一大班小朋友。倩揚仲親自下廚，專誠炮製一碟又一碟嘅日式章魚小丸子，氹得個個小朋友都非常開心。
倩揚喺社交網貼相大晒自己嘅作品，並留言：「一口氣整咗過百粒小丸子，多謝各位小朋友捧場。」相中見佢整嘢食有板有眼，而且啲小丸子嘅賣相了得，難怪啲小朋友食得咁滋味啦！
（on.cc）
去年九月在港擺喜酒的時裝設計師鄧達智（William），與同性男友、44歲醫生陳梓欣（Clement）於倫敦結婚。二人穿上一黑一白禮服襯到絕，於倫敦時間下午二時在當地進行簽字註冊儀式，成為合法同性伴侶。
相片所見，二人相視而笑甜到漏，完成儀式後，一對新人將與友人再舉行慶祝派對。而Clement更手捧代表同志的彩虹花球，Sweet爆！
時裝設計師鄧達智（William）跟陳梓欣（Clement）在倫敦結婚簽字註冊，有朋友上載現場直擊短片，見到一對新人從房中步出來，受到朋友們歡呼拍手恭賀。而儀式由一位女律師主持，當宣誓一刻William對住律師答「I do」，律師即提他應對住Clement說，全場爆笑，而Clement就沒有犯這個「蝦碌」，期間他們又多次咀嘴，非常甜蜜。
從誓詞中兩人都以「Husband」相稱，隨後一對新人在婚紙上簽字禮成，而兩人的好友女畫家楊素姍則出任證婚人。
(on.cc / appledaily)
千億女友郭嘉文自從升呢做咗「楷女郎」，被超級富豪「小小超」李澤楷下旨確認：「We are fine」，最近郭嘉文喺社交網變得好活躍，頻頻高調上載新相，甚至連床照都貼埋，日前就喺ig晒半趴床、手托香腮嘅沉思相。
（讀者提供圖片）
現年29歲的梁洛施（Isabella）先後為「小小超」李澤楷誕下長治、長亨和長軒3名兒子。
但於11年與李澤楷分手，其後於13年復出接拍張艾嘉執導的台灣電影《念念》，及於14年應師傅詹瑞文邀請，合演舞台劇《快樂勿語》及客串吳君如賀歲片《12金鴨》演出。
舞台劇《快樂勿語》
台灣電影《念念》
不過，事隔多年，本來一直專心在外國照顧三名兒子的Isabella，原來又有新動向，Angelababy經理人Kim昨日在Ig宣佈，Isabella將會加盟旗下，她留言說：「多年後再次合作，期待新開始，一起加油！」記者昨日向Kim了解，她透過短訊回覆說：「我不是做她經理人，我以個人名義和Bella合作。我們認識十幾年了，有拍戲的計劃，希望很快和大家見面。」Isabella高調埋班，全面復出拍戲搵錢。
（Kim ig圖片）
（Kim ig圖片）
梁洛施曾表示準備全面復出演藝圈。（Kim ig圖片）
（IG / apple daily）
眾所周知無綫花旦黃心穎對上有三個家姐，父親為名中醫師黃沛霖，從小跟隨母親移民溫哥華，僅留下父親一人在港行醫，努力賺錢給家人過最好的生活，她謂：「我爸爸好偉大，一個養四個女同老婆，我哋仲要唔係特別慳家，爸爸只係每年過嚟一、兩次探我哋，所以我成長時期有十幾年冇同爸爸一齊住。」
小時候，估到哪個是黃心穎嗎？
四姐妹個個都靚爆鏡!
雖然錯過了心穎的成長期，但在她眼中，父親是一名民間超級英雄，行醫多年成功為不少病人醫好病痛：「爸爸幫助好多人，個個當佢神醫咁，好多病人後來都同爸爸變成好朋友，真係好犀利。」
談到印象最深刻的一次，心穎指18歲時身在加國發生交通意外昏迷，當送到急症搶救時，家人急急致電黃父趕到醫院，但直至心穎昏迷數小時醒來後，但不見父親蹤影：「醒番見全家人都喺度，但淨係唔見爸爸，原來係爸爸收到消息之後好驚，手都震晒，驚我有咩事接受唔到，一路唔敢嚟醫院，後來知我醒番先嚟睇我，所以我覺得爸爸真係好錫我。」
為補償成長期與父親的相處時間，心穎現時一有空便陪伴父親，即使僅得幾小時也照殺，至於今個父親節，心穎除了會相約父親及家人食飯慶祝，還決定買一部新電視機給父親作為禮物，她謂：「爸爸平時好慳，唔追求啲乜嘢，雖然我冇一個富爸爸，但心中已經好富有，舊年幾姊妹一齊夾錢買咗隻貴錶畀爸爸，今年呢…佢平時好鍾意睇我啲劇同節目，見佢電視壞咗就買部新嘅畀佢啦！」
而家雖然有男友馬國明錫，但心穎都不忘父母恩~
（on.cc）
無綫主播李漫芬誕下女兒Alfa後已坐完月全面復工。
當時要緊急開刀生B女，食全餐~
好得意呀！
今年是做了媽媽後李漫芬的第一個生日，老公談成坤（Alvin）都相當識做，買了一紮花給老婆。
而二人即將於6月24日為女兒Alfa搞百日宴，另外，原來Alvin同樣是六月生日，今個月真的可謂三喜臨門！恭喜恭喜！
(on.cc)
歌手陳奕迅（Eason）現身在俄羅斯睇世界盃，昨晚的開幕戰亦有到場支持，入場不久Eason已經被發現，不少人走上前要跟他拍照，起初Eason都好大方來者不拒，但球賽開始後繼續有人找他影相，還有人在他附近不停偷拍，搞到Eason不是太開心，還被網友拍到他竟然公然舉中指。不過Eason的經理人甘菁菁向記者解釋事件經過，還原真相，Eason並不是向粉絲舉中指。
她表示當時Eason坐在自己的座位上，現場有好多中國球迷認得Eason，很多人扮自拍，其實在偷拍他，亦有好多人一見到Eason就湧埋去，場面頗為混亂。當Eason見到場面有少少失控時，而座位又很窄，於是他就企起身行落一行，叫大家不要再湧埋來，免生危險，她續謂：「但期間有中國球迷橫跨咗個外國人，嗰個外國人唔識Eason嘅，但佢見到原來大家係為咗Eason先咁樣，所以佢就向Eason舉中指兼爆粗鬧佢，Eason覺得既然個外國人咁冇禮貌問候我，我只不過回應番佢。」而甘菁菁也說：「外國人都唔應該咁冇禮貌，只不過中國粉絲見到Eason好興奮啫。」
（on.cc）
