【仲有人同安仔爭Bonnie…】再有港姐加入《愛．回家》！

2018-04-13

原來佢已經秘密加入《愛．回家之開心速遞》劇組，應該好快又會出場。另一位新加入《愛》劇仲有佢，佢會介入安仔（周嘉洛飾）同Bonnie（林凱恩飾）呢一對喺ig留言﹕「安仔，我要你輸得心服口服，Bonnie係我0架。」林凱恩好快就回覆。。。

講粗口好流利，當選後被網民封為最「MK港姐」嘅馮盈盈，最近人氣急升，佢喺無綫劇《果欄中的江湖大嫂》飾演MK妹「小狼女」真係入型入格，惡又得喊又得，令粉絲人數倍增。

《果》劇今晚就大結局，但粉絲們唔使擔心，原來馮盈盈已秘密加入《愛．回家之開心速遞》劇組，應該好快又會出場。「送水輝」許家傑今日喺ig story播出一段有三個瑩瑩同場嘅片段，除咗湯盈盈同姚瑩瑩，中間仲多咗個馮盈盈，許家傑話：「三個盈盈，好亂呀！」

佢哋逐一對鏡頭揮手後，之後鏡頭就影住呂慧儀，仲話佢係「偽盈盈」，許家傑話﹕「吖，原來係蟹。」馮盈盈喺《果》劇江湖味十足，但嚟到《愛》個look即刻變得好純情，同湯盈盈、姚瑩瑩喺office密密斟。

另一位新加入《愛》劇仲有張明偉，佢會介入安仔（周嘉洛飾）同Bonnie（林凱恩飾）呢一對，張明偉喺ig留言﹕「安仔，我要你輸得心服口服，Bonnie係我0架。」林凱恩好快就回覆﹕「我係屬於我自己0架。」

而現實中，林凱恩近日被爆同阮政峰先係正戀人……咁多角關係，真係有啲亂呀！

(蘋果)

【一月停工】今日宣佈確診患上乳癌

2018-04-13

25歲嘅佢於今年一月宣告因病暫停活動，今日她於社交網網站突然公開病榻照透露去年12月發現身體有異，到醫院檢查後確診為乳癌，她2日動手術切除左邊乳房和淋巴結，之後。。。

日本女團SKE48前成員矢方美紀於今年一月宣告因病暫停活動，今日她於社交網網站透露確診患上乳癌，已做手術切除左乳與腋下淋巴結。

現年25歲的矢方美紀，透過社交網站公開病榻照，透露去年12月發現身體有異，到醫院檢查後確診為乳癌，她已於本月2日動手術切除左邊乳房和淋巴結。

矢方美紀接受手術後表示對病情感樂觀，她留言說：「手術之後出乎意料地精神。雖然還有一些痛楚，但總算能順利出院。因為切除了淋巴結，今後難將左手舉到肩膀以上，相信只要勤於做物理治療，相信會恢復以前的狀態，希望能盡快康復。」

矢方又表示將會復工，參與主持電台直播節目，她說今後定會遇到許多困難，但自己有很多想做的事情，故會續積極向前，希望大家繼續支持。矢方於2009年加入SKE，曾於前年隨主將松井珠理奈跟隊友古畑奈和來港辦見面會，直至去年2月畢業離隊，之後主力於名古屋繼續演藝活動。直至今年一月宣告因病暫停活動，她一直未有公開病情，更曾於上月30日於社交網站表示要入院做手術，流露出不安的心情，令粉絲大為擔心。

(蘋果日報)

【估唔估到係邊個？】小學一年級157cm已經有長腿？

2018-04-13

本身佢本來係諗住感慨同朋友識咗30年超難得，但網民見到張相之後都錯哂重點，激讚：「原來細細個已經知道要守時！」、「小時候已經係小女神」由細靚到大真係冇得彈～

真的很犯規。犯規在佢嘅圖。呃Like就一定，但圖片往往生歧義，令人錯重點。好似上年聖誕（由舊史講起），周嘉儀明明想介紹下三款頭飾，仲親身示範，點知網民嘅重點都係去晒一對長腿。頭飾？乜有戴到頭飾咩？

又例如，今年初……身穿白色緊身衫嘅周嘉儀，用一個似笑非笑嘅表情（睇圖），呻年頭又係繼續不停食食食，結果塊面真係好似圓咗啲，仲問大家有咩減肥方法。

結果大家嘅焦點，又去錯晒件衫被「擴闊」嘅幅度。

今早，周嘉儀如常同大家講早晨，仲貼咗張三十年前嘅學生相，有感而發：「我嘅一年級同學尋晚send咗呢張相俾我，最記得以前每年小學旅行都係非常之期待，因為呢位同學嘅媽咪一定會整啲好好味嘅大菜糕俾我哋食。不知不覺原來我同呢位朋友已經識咗30年喇！望住張相好感動，一日朋友，一世朋友，亦不禁要講一句：青春多好！」

Hashtag係：多謝呢位朋友幫我勾起咁多美好回憶#光陰似箭#細個有對兜風耳好彩大大下變返正常#青蔥歲月永遠最開心身穿P.E.短褲仔嘅周嘉儀，小學一年級已經有一雙長腿？佢解釋番：「這張應該是四五年班，已經157CM」亦有人留言話：「原來細細個已經知道要守時！」、「小時候已經係小女神」……錯晒呀，人哋係講緊大菜糕同友誼咋！

（蘋果日報）

【皇室大婚爆出醜聞】梅根馬克爾唔肯…

2018-04-13

英國哈里王子與美國女星梅根馬克爾（Meghan Markle）下月將舉行大婚，不過最近就爆出醜聞。梅根馬克爾嘅家姐Samantha Markle於社交網Twitter表示，自己及家人通通都不獲邀去婚禮，仲寧願邀請2,000個陌生人去，都唔請家人去。

王子大婚將會邀請1,200個唔同階層嘅市民去婚禮，但Samantha Markle就憤怒表示，家人卻無份去：「完全無尊重同人性，如果2000個陌生人都被邀請，Markle家族都應該被邀請，我哋嘅叔叔、兄弟、我、30年嘅好朋友、侄（都無份），呢個唔係有幾熟嘅問題，家人就係家人。」

據指梅根馬克爾嘅爸爸媽媽會出席，但其餘家人明顯就不獲邀。

(蘋果日報)

【城城冇得輸！】方媛真係好驚喜

2018-04-13

郭富城去年迎娶大陸嫩妻方媛，同年誕下寶貝女Chantelle。方媛早前出席公開活動時，表明好想幫城城追個仔，現在已努力不設防。

「城嫂」方媛咁乖巧，城城梗係錫到佢燶，唔使開工時都會陪住老婆同囡囡。

噚日方媛喺ig貼咗張攬住一大束粉紅色玫瑰花影相，留言﹕「Surprise～吃飯居然收到了這麼美麗的花，謝謝我們的CEO，我最愛的粉色。」

方媛雖然冇講明「CEO」係邊個，但唔少網民都估係城城送嘅，大讚城城份人好浪漫，sweet到爆。

(蘋果日報)

【同吳奇隆一直都好恩愛】驚爆劉詩詩有婚外情仲有埋BB！？

2018-04-13

噚晚台灣傳媒忽然爆出一個驚人消息……指吳奇隆同結婚3年、兼細佢16年嘅大陸女星劉詩詩三年婚姻玩完，標題仲話劉詩詩有婚外情，仲有埋BB……

唔是嘛？咁突然？早排兩個先至去洛杉磯過二人世界，點解無啦啦變三人世界？呢個驚傳離婚嘅風，其實係來自大陸。台灣傳媒引述大陸消息稱，劉詩詩出軌並懷孕，但BB爸爸唔係吳奇隆，標題仲寫著「卓偉爆料：劉詩詩承認婚內出軌，和吳奇隆已協議離婚！」卓偉，即係喺大陸有「第一狗仔」稱號那位。睇到呢度，證據呢？

大陸傳媒報道，一名知名博主向卓偉求證，卓偉就話係俾人借佢個名亂講，並無此事。吳奇隆身邊嘅工作人員都話，「兩人感情挺好的」。往常見親吳奇隆夫婦，大多數都係喺機場，而且畫面通常都係吳奇隆一人推住成車行李，氣質人妻劉詩詩就好整以暇，篤手機或者欣賞老公嘅強勁臂彎。

喺無啦啦爆出婚外情有埋BB咁嘔血嘅劇情之後，今日一大早，吳生吳太就現身上海機場，素顏嘅劉詩詩戴mask遮面，兩眼係咁游走喺老公身上，仲出手摸———手臂。吳奇隆呢？繼續做番佢一貫嘅角色——推行李。

兩公婆夾啱時間出埠兼用行動闢謠。

(蘋果日報)

【結婚多謝媽媽】真係好感動：沒有她沒有我

2018-04-13

佢喺婚禮上多謝母親「慈母萬滴血生我一條命」感動全場：「沒有他沒有我，所以每一位朋友要記住，生日最值得慶祝的是媽媽好辛苦用血汗同勇氣，生了我們出來。。。」真係超孝順！

剛剛新婚嘅藝人林子善36歲生日，正所謂生日即係母難日，繼之前子善喺婚禮上多謝母親「慈母萬滴血生我一條命」感動全場。

今日林子善再喺ig度發長文多謝媽媽36年來養育之恩：「36年前這位美女在他的肚內生了我出來，雖然今天是我的生日但我希望各位送上祝福是給我媽媽身體健康日日開開心心，沒有他沒有我，所以每一位朋友要記住，生日最值得慶祝的是媽媽好辛苦用血汗同勇氣，生了我們出來，感恩媽媽，祝佢日日身體健康日日開開心心媽媽我愛你，慈母萬滴血生我一條命。」

生日當然要有生日蛋糕啦，不過仍然要開工嘅佢就未能同老婆慶祝，好彩有監製好友準備個蛋糕仔同佢慶祝，子善上載合照笑言「正所謂！生日有工開，快樂又Enjoy」。

(on.cc東網)

【似爸爸定媽媽多啲？】原來心心豬已經出世十二日~

2018-04-13

近年流行初生嬰兒相，43歲大台媽媽今日貼出一家三口相，囡囡出世12日都有影呢類相，今日佢哋去影相留念，佢留言話過程幾順利，亦幾滿意呢輯相，佢又表示覺得心心豬似。。。

43歲無綫娛樂主播李漫芬喺今年愚人節生咗囡囡「心心豬」談在心，老公談成坤(Alvin)全程陪伴，李漫芬覺得BB似爸爸擁有一雙眼大大。

近年流行初生嬰兒相，李漫芬今日喺微博貼出一家三口相，囡囡出世12日都有影呢類相，今日佢哋去影相留念，李漫芬留言話過程幾順利，亦幾滿意呢輯相。

相中見「心心豬」着蠶蟲造型成個波咁，正在熟睡B嘅「心心豬」一時展露笑容，一時個樣看似瞓得好冧。

(蘋果日報)

【本身以為冇事】突然PO吊鹽水相：健康非必然

2018-04-13

上周日喺IG透露旅行返港後，即感到身體不適，諗住食得清淡啲，過幾日就冇事，點知之前竟然入咗院，今日放咗一張喺醫院吊緊鹽水嘅相：「是次紀錄作時刻警醒，提醒自己要。。。」

無綫藝人劉佩玥(Moon)早前同好姊妹陳瀅去俄羅斯Murmansk，上周日喺IG透露旅行返港後，即感到身體不適，出現嘔吐及肚瀉，當時未知係腸胃炎定水土不服，佢認為可能之前喺摩爾曼嗰邊飲嘅水比較潔淨，所以返港後腸胃敏感，諗住食得清淡啲，過幾日就冇事，成個人亦都消瘦咗。

點知之前劉佩玥入咗院，今日先喺IG報平安，放咗一張喺醫院吊緊鹽水嘅相，話終於出院，感謝醫護人員及同事喺呢段時間嘅愛護同照顧，才可以喺病痛中放下戰戰兢兢嘅心，去安心接受治療，劉佩玥續道：「請大家放心我已經出院了，是次紀錄作時刻警醒，提醒自己要愛惜身體，小心飲食，勿過份勞累，勿輕視休息。健康非必然，好好珍惜神給我們的生命。感謝身邊的祝福和關心，你們的愛，就是最好的禮物。」