林峯堂妹林夏薇喺15年7月秘嫁身家逾20億嘅金融才俊莫贊生(Jason)，雖然林夏薇做咗豪門少奶奶，不過喺老公嘅支持下，佢仍然好努力發展佢嘅事業。
之係話晒結婚咗都有2年，而且老公年紀都唔細，所以林夏薇都要乖乖停工，展開佢哋嘅造人大計。
藝人林夏薇完成拍攝電視劇《十二傳說》後，即停工專注造人，希望同老公生B，現時夏薇的老公一有時間都陪住她，夏薇亦積極養好身體，更不時做運動。
不過對於有指她生一個便可獲獎一億時，夏薇回應傳媒時坦言：「其實屋企嘅計劃唔好用錢嚟衡量，識我哋嘅朋友都知道我同先生係嚮往開心、簡單嘅生活，先生唔係圈內人，佢更加低調，可能我依家有劇播緊，所以有呢啲新聞，咪當宣傳囉！如果因為我嘅工作而影響到佢我覺得唔係咁好，我哋兩公婆都係好努力工作，生BB有計劃嘅，依家可以多啲時間陪家人同埋睇吓自己嘅生意都係好事，多謝大家關心。」
(on.cc)
老公劉愷威今日亦留言支持老婆：「小冪。。。」
大陸女星楊冪喺2015年電影《我是證人》飾演一名因意外失明嘅見習女警，演出後有好深感受，當時有大陸報道稱楊冪喺發佈會上，推動一項捐贈失明/視障兒童物資計劃，承諾捐出100支盲杖同50部盲人打字機，不過近日有大陸媒體指事隔3年，楊冪仍未有兌現承諾向成都一間特殊教育學校捐贈物資，楊冪工作室先指聯絡唔到中間合作人了解事件始末，一直以為中間人已完成捐贈，引起網民熱話，楊冪工作室為補鑊速購50萬失明人士物資，上載兩張採購嘅單據，之後楊冪首度回應稱「知道這件事時，整個人特別震驚難過，一直沒說話是覺得自己沒資格。不管甚麼理由，讓孩子們等兩年就是我和團隊嚴重的工作失誤」。
老公劉愷威今日亦留言支持老婆：「小冪、公司的同事們、我們每一個人一直都真心的希望能够幫到需要幫助的人，失誤的地方需要改正，需要吸取教訓，但也希望大家了解真相，不要讓善心被無端利用。」
以為事件已告一段落，點知楊冪工作室口中嘅「中間人」李萌日前接受大陸傳媒專訪，今日登出一篇「『詐捐門』重大隱情」嘅報道，當時嘉行楊冪工作室一份聲明指2013年開始，作為中國輪椅天使公益協會推廣人嘅李萌主動聯絡嘉行傳媒，提出公益方面合作；2015年李萌再度稱可以為楊冪喺《我是證人》中表演提供幫助，李萌提出以楊冪名義捐贈手杖和打字機的公益行為」，其後中間人李萌聲稱「沒拿過楊冪一分錢」作回應。
李萌喺報道中稱楊冪工作室發聲明後，自己曾同嘉行傳媒相關人士溝通，楊冪所屬嘅嘉行傳媒有一位同事用私人口吻同李萌講，希望李萌出面澄清呢件事，李萌續道：「讓我主動聯繫嘉行的高層，把這件事澄清，替楊冪進行說明。」但李萌稱聲明中指始終未能搵到「中間人」，不過李萌直言嘉行傳媒有唔少人都有佢個微信，現時都可以睇到對方朋友圈：「事實上要不是我主動聯繫他們，是沒有人聯繫我的，我的電話換過一次，但微信都在，不可能只有電話這一種形式吧？壓根是不想找我。」
李萌又指與嘉行嘅合作關係並唔係好似聲明講自己主動搵對方提出合作，佢解釋當時嘉行傳媒核心人士稱要拍《我是證人》要求佢幫忙：「不存在我主動提出我要參與《我是證人》，我需要怎麼樣，這也是一個很大的問題。」李萌又指成都路演點解會出現捐助一事，係因為北京發佈會上盲人到場與主角互動嘅效果唔錯，嘉行決定喺成都活動上都增加公益元素，李萌表示嘉行仲希望佢可以提供三項幫助，「安排楊冪體驗生活，協助尋找專業道具，以及提供老師進行幫助」。
李萌喺同嘉行溝通後，先臨時用手機搜索成都特殊學校，李萌回想當時打電話搵呢間成都特殊學校嘅過程：「提出了我們下午有一個電影的活動，在活動上，我們希望能跟校方有一個互動，希望更多的人關注到這個群體，能不能幫助一點。」但李萌同時表示自己冇喺電話中講過要捐贈任何物資俾學校，校方亦冇提出，為咗以示尊重，李萌喺電話講過如果有其他需求，落實以後可以喺能力所及下提供幫助，學校同意後，一位男老師同一位女老師帶住一個失明兒童來到發佈會現場，李萌表示當時兩位老師主動提出學校物資匱乏，可唔可以捐盲杖同打字機，李萌稱：「當時我覺得出於禮貌性的，說等活動結束以後，我送您跟孩子回到學校，我親自去學校看一下情況，如果有需要，我們再進一步溝通。」
李萌喺報道指活動中學校兩位老師提出想安排盲童向主辦方贈送一幅自己畫嘅畫作為禮物，點知呢位失明兒童喺送完畫之後突然提到，自己仲有一封信要念俾楊冪。呢個由李萌講出嘅版本似乎有啲怪，失明兒童讀出一封信，李萌再講：「我們總不能說不讓孩子來念這封信吧，但是孩子念的信的內容完全出乎我們的意料，孩子念的信是感謝楊冪捐給這邊這些東西，而這些東西是我們沒有提前溝通過。」
活動後，校方亦向媒體表示楊冪答應捐贈100根盲杖同50台打字機，李萌亦曾喺私人場合下，與嘉行團隊溝通，表示既然孩子有需要，能幫就幫，李萌強調捐贈係公司，而唔係藝人，係應該由公司去處理，李萌又指2015年起，校方一直催促，而佢都有同嘉行反映，打算去年年底國際殘疾人日上完成捐贈，但與楊冪一方溝通一直無果，事情先被迫擱置。羅生門終於打開!!!
（蘋果日報）
2011年加入無綫，捱咗7年終於由「茄哩啡」做到男二，難得上位，當然要將感情事低調，冇諗過佢一公開講就係「分訊」，日前佢承認同拍拖三年幾嘅29歲女友陳芷尤分手。
之前共同分手聲明都夾曬，同一個背景。
今日有周刊指，分手導火線係因為張振朗拍劇成日好多小花埋身，加上男友工作忙，為咗唔想影響大家事業，佢哋一直玩地下情，之不過30歲張振朗成日有新緋聞，令女友冇咩安全感，而且張振朗事業上緊位，工作比之前忙好多，聚少離多之餘，結婚更加冇可能，雖然陳芷尤喺IG稱大家分咗手仍然做朋友，互相關心，之後陳芷尤仍會貼一啲生活相上網，不過報道影到佢行街時都係悶悶不樂，全程撳電話，似乎未走得出情傷；至於，張振朗近排忙住拍《包青天再起風雲》，喺劇中演展昭，戲份都幾好，又有一班人陪開工，自然冇咁lonely喇!
張振朗、陳芷尤 （資料圖片）
（Apple Daily）
藝人張頴康與太太麥雅緻（Angie），婚後育有一對寶貝仔女，一家四口樂也融融。不過，Angie呢日竟然「拋夫棄女」，帶埋前世情人即囝囝「小花生」出街，溫馨過二人世界。
Angie喺社交網上載咗多張合照，見佢冧爆攬實囝囝，又肉緊地錫額頭，果然有仔萬事足！着西裝圖案上衣嘅「小花生」，仲對鏡頭瞇眼放電，相當Cute爆！
其後Angie仲留言踢爆老公嘅秘密，佢表示：「帶小花生攞証件後去飲茶 #我情人好甜#老公唔畀我讚第二個男仔架#去街好開心#愛不釋手#似煎堆仔#肉肉肉全部都係肉」
(on.cc東網)
港鐵公司今日(12日)凌晨表示，昨(11日)接獲衞生防護中心通知，指一名在九龍塘站工作的月台助理被確診腦膜炎雙球菌，九龍塘站緊急進行消毒。今早九龍塘站服務一切如常，有乘客表示會戴口罩預防。
帶着小朋友的李太表示，今早得知有港鐵職員確診腦膜炎雙球菌，由於每天要帶小朋友經九龍塘站返學，故明日起會為小朋友戴上口罩，「今日係趕住出門唔記得」，但她相信港鐵亦會進行消毒工作。而另一名帶着兒子的楊小姐表示，本來想為兒子戴上口罩，「但佢唔鍾意戴」，但明白安全至上，明日會硬性要求配戴。
港鐵表示，接獲通知後已立即與衞生防護中心就有關個案保持緊密聯繫，並即時按照中心指引既定程序，安排清潔員工為九龍塘站進行清潔消毒。
腦膜炎雙球菌感染主要經由患者咳嗽或打噴嚏而產生的飛沫或直接接觸患者呼吸道分泌物而傳播。病菌潛伏期由2至10天不等，一般為3至4天。當細菌入侵血液造成腦膜炎雙球菌血症，或細菌包圍腦部及脊髓的內膜，造成流行性腦膜炎時，可引致嚴重病症。
經消毒後，港鐵九龍塘站如常服務。
腦膜炎雙球菌血症的病徵包括突發性發燒、劇烈頭痛、皮膚出現瘀斑、休克，而嚴重者甚至會致命。至於流行性腦膜炎的病徵包括發高燒、劇烈頭痛、頸部僵硬及嗜睡，亦會有嘔吐、畏光或皮疹等情況出現，若情況嚴重更可造成腦部損害或死亡。腦部損害可導致智力受影響、智力發展遲緩、失聰及電解質失衡。侵入性腦膜炎雙球菌感染更可引致關節炎、心肌炎、眼內炎或肺炎。
衞生防護中心強調，腦膜炎雙球菌感染是嚴重疾病，患者須盡快接受抗生素治療。與患者有緊密接觸的人士則須接受醫學監察，以察早期病徵，並在有需要時服用預防性藥物。
（on.cc）
相隔足足23年，影后袁詠儀（靚靚）終於再與影帝劉青雲鬥戲！二人於中環一間食肆，為麥兆輝執導的英皇電影《廉政風雲 煙幕》開工，不過今次二人由「情侶」變成敵對角力關係，扮演ICAC要員的青雲與貪污的海關關長靚靚「講數」，單是對稿已充滿戲味。
不過最「觸目」的，莫過於麥導自爆與靚靚「關係親密」﹕「佢點會肯客串吖？係因為我係佢堂表哥，大家由細玩到大！」
原來所謂的「堂表哥」，實質是麥導媽媽乃靚靚爸爸的表姐，但靚靚與麥導竟是首次合作，而且首天開工便來個大夜班，難怪靚靚笑問「堂表哥」﹕「你唔係諗住要拍到我個仔返學呀？」
雖然今次只是客串性質，但靚靚卻大讚角色有所發揮：「以前拍戲大部分都係演好人，今次有得做（戲），睇完劇本我即決定接。」
同青雲「重逢」
不說不知，靚靚與青雲自95年的《山水有相逢》後，在公在私都失聯。今次「重逢」，就連硬漢子青雲都感性地說：「對住佢，以前好多拍戲嘅回憶返晒嚟嘞！」靚靚則謂：「青雲冇乜點變，一樣咁少嘢講，但愈嚟愈有男人味囉！」
至於「新進男神」陳家樂於戲內扮演青雲的下屬。能夠首次近距離接觸偶像，家樂坦言：「佢好投入角色，搞到我除咗打招呼外，乜都唔敢同佢講，不過坐喺度睇佢演出，已經好精彩。」
家樂獲封男神
談到電視劇《逆緣》收視高開，家樂更獲網民封為男神，他謙稱謂：「我好彩，接到個劇有黎耀祥同姜大偉呢啲收視保證，最緊要係大家繼續支持啫。之前我搭港鐵，聽到有3個男人喺度討論《逆緣》，又話陳家樂好Cute。我以為佢哋玩我，但當佢哋發現我，竟然一臉愕然同尷尬，係咁同我講唔好意思，我都開心擴闊咗自己嘅觀眾層。」
(on.cc東網)
尋日41歲台灣女星徐熙媛（大S）承認懷孕第三胎，今日竟然輪到同樣41歲嘅佢傳第三度做爸爸！
台灣天王王力宏最近忙住準備演唱會頻頻操肌練歌，據悉王力宏經理人喺facebook上載咗一段舞台後台嘅片，片中嘅王力宏小心翼翼扶住老婆李靚蕾落樓梯，而李靚蕾就着上鬆身長裙加平底鞋，行得好小心，疑似有喜！
據《蘋果日報》報導，李靚蕾已經懷孕，王力宏即將3度當爸，只是小倆口可能想在演唱會上公布好消息，但對此王力宏及經紀人都暫時沒有回應。
王力宏年紀比老婆李靚蕾大10歲，兩人2013年結婚，現時育有一對女兒，對於被爆再做父母，兩人未有回應。
（on.cc / sina）
天王郭富城嘅太太方媛自誕下千金Chant後，一直相夫教女，直至早前終於出席公開活動，呢排仲頻頻喺網上露面，唔通佢有意重返幕前？
今日凌晨，方媛再度更新社交網，並上載一張喺車廂內嘅自拍照，見佢換咗長直髮新Look，仲着住黑色衫戴上型格頸帶，相當Chok！美中不足係相片有啲模糊，方媛亦留言：「今天拉直頭髮突然發現變好長了，晚安。」
點知有眼利嘅粉絲發現，方媛幾年前為廠商做模特兒拍攝嘅頸帶一模一樣，不過影相戴嘅係白色，原來好有睇頭嘅，宣傳語句係咁寫，「方媛同款白色花朵蕾絲鎖骨項鏈女短款頸帶簡約韓國學生choker項圈」，網購11.9人仔，睇嚟佢對條頸鏈情有獨鍾喎！
亦有網民大讚身為天王嫂依然咁慳家，將條頸鏈循環再用多次，錫住老公個荷包，認真抵讚！
(on.cc東網)
一家人去旅行嘅謎底終於揭盅，原來係舉行婚禮！仲話已經搵到最好嘅人！佢表示：「講到我26歲終於等到今日啦！全世界最靚嘅新娘！」恭喜恭喜！
梁家輝一家早前出發去沖繩以為佢哋去家庭旅行，連日佢一對寶貝孖女Chloe同Nikkie貼咗唔少靚相上網，又同男友仔大晒恩愛。
一家人去旅行嘅謎底終於揭盅，原來梁家輝細妹Emmy前日喺沖繩Okuma Felicia Church舉行婚禮。
今日Nikkie喺IG貼出家庭相，恭喜姑姐Emmy同姑丈Kit，又話”So happy for my crazy Gu jie(姑姐)”，Nikkie稱姑姐已搵到最好嘅人。
而Chloe同Nikkie都係做花女，不過Nikkie就話：「又細講到大話要做你花女，講到我26歲終於等到今日啦！全世界最靚嘅新娘！」
(蘋果日報)
黎諾懿透露昨日剛跟兒子「小春雞」舉行1歲生日派對，收到不少玩具做禮物，更笑說：「朋友們好像不大件的禮物不送，我哥哥及弟弟送了大型法拉利玩具車，又有一個朋友送了籃球玩具，其實香港真的有土地問題，我家放不下，總之誰送大型禮物給我兒子，我將來一定回饋更大型的玩具給他們，哈哈！」
被問到會否為兒子搬大屋？他笑說：「如果樓市再升，我就快要抽新居屋了，因為我之前落錯車，元朗的房子早賣了，現在只是租屋住，但人生總會做錯事呢！（會否心急再入巿？）如果公司不加人工就不可能，就快要申請廉租屋添喇，哈哈！」
(singtao)
