【害喜嚴重】梁麗翹：佗B佗到成條喪屍咁‍

2018-04-09

現年33歲嘅無綫主持梁麗翹（Nicole）去年12月宣布造人成功！數吓手指Nicole懷孕已經差不多八個月，今日佢就喺社交網分享佢懷孕嘅經歷。

Nicole仲話佢因為怕肥所以唔敢飲市面上嘅媽媽奶，認為均衡飲食就夠咁話！但胃口真係好差嘅時候佢就會靠飲豆漿嚟「吊命」。佢話其他孕媽媽如果真係想飲媽媽奶粉最緊要係揀一隻易入口同比對吓成分就OK！

做媽媽真係唔容易，聽到都戥佢辛苦呀！希望Nicole生番個肥肥白白嘅B女，咁就咩都抵番晒啦！

Nicole喺自己嘅社交網留言：「《#孕吐》知道自己懷孕之後，最快出現嘅Symptoms（徵狀）係好攰好眼瞓，成條喪屍咁‍。跟住就係口味改變，作嘔作悶，嘔出嚟可舒服一陣，但係之後又想嘔！佗B真係睇人，你舒服係你好彩，人人反應都唔同，有人冇事，有人三個月，有人半年，有人嘔足全程；初懷孕媽咪唔好期望遲啲冇事，怕你失望。我開頭都以為自己冇嘢，不過八周後就嚟料！嘔到6-7個月，坐車又暈車浪，食得多飽得滯想嘔，唔食嘢仲辛苦！不過，每日同自己不停洗腦，心中諗住，『都係一種經歷，唔會死嘅，要感恩要加油！好快就過去！』口味改變咗，最喜歡食豬扒飯同湯粉！我諗有自己喜歡的食物都幾緊要，在冇胃口時食少少塞飽個肚！」

梁麗翹忍唔住發千字文大呻佗B之苦！

梁麗翹（資料圖片）

(on.cc)

【同發哥肉緊攬錫！？】網民祝福：恭喜終於揾到…

2018-04-09

當年怒撇劈腿嘅「木偶哥」林師傑後，一直尋尋覓覓搵真命天子，去年與圈外男友撻着，噚日32歲鄧穎芝(Vangie)喺社交網貼合照放閃，慶祝男友生日兼拍拖1周年，曾經喺《G1格鬥會》被Vangie扯bra，搞到幾乎露點嘅唐紫睿（Hazel）留言：「一望以為係後生版周潤發」！

(ig圖片)

相片中Vangie攬實男友送肉嘴，男友個樣笑到好鬼冧，網友紛紛留言祝福：「恭喜終於揾到個好男友」、「結婚結婚」。早前Vangie承認有圈外男友，但每次公開戀情都冇好結果，所以諗住低調處理，O依家終於高調放閃，睇嚟感情好穩定。

(ig圖片)

不過，正面睇又唔係好似…..(ig圖片)

（Apple Daily）

【開心又感動】徐子淇自爆終身美麗秘訣

2018-04-09

「千億新抱」徐子淇（Cathy）結婚後除了相夫教子外，亦熱心公益，Cathy以智行基金會大使身份接受護膚品牌慈善義賣捐贈，幫助內地活於艱困中愛滋遺孤之教育開支。Cathy既開心又感動，更多謝大家的善心，能幫助內地的愛滋遺孤有機會上學和脫離貧窮，希望藉此以知識改變命運。

Cathy除了身體力行外，更身教子女行善，不時帶他們親身採訪，希望小朋友從小建立樂於助人的精神，學懂珍惜，同時擴闊眼界。前一陣子，Cathy便與子女們到了老撾探訪，她分享道：「那次探訪給孩子們留下深刻的印象，當地的兒童沒有錢買玩具，令他們學懂珍惜，其後更自覺地捐出一半的利是錢，希望為其他小朋友送上實際的幫助。他們自發性的參與，令我感到十分欣慰。」

此外，Cathy亦分享了達至「終身美麗」的秘訣：「我相信心善則美，美麗不但是指外在美，還包括內在美。平日多關心身邊人，有機會參與慈善活動，給其他人帶來正能量，不僅可以淨化心靈，達至外表美麗，人開心了，連內心亦變得美麗。」

（on.cc）

【男友偷食】前港姐決絕取消婚約疑似復合！

2018-04-09

前港姐喺15年因為發現當時仲係男友偷食o靚模而決絕取消婚約，但係佢哋嘅關係認真撲朔迷離，分手後經常俾人影到出雙入對，仲試過俾人影到齊齊去旅行，不過事後堅稱只係好朋友兼生意伙伴，感情事統統低調處理。

前港姐朱慧敏同彭懷安(Eddie)日前又現身拍拖勝地，即係數碼港，不過今次佢哋唔係去戲院睇戲，而係去咗商場，雖然佢哋冇乜親熱行動，不過佢哋好有默契咁平排而行，最初佢哋行咗一間餐廳，見佢哋好企喺門口研究個餐牌，之後又捉住啲侍應喺度傾偈，又周圍望吓個場，唔知係咪為咗book場研究得好仔細。

朱慧敏又同Eddie拍拖去數碼港，其實係咪又復合？

跟住朱慧敏同Eddie又行咗去第二間餐廳，今次佢哋揀咗一張室外又望住夕陽嘅枱，見佢哋邊食邊傾，隔咗冇耐Eddie走咗去另一間餐廳買外賣返去一齊食，仲好sweet咁玩自拍，最後佢哋又行咗去停車場拎車走人！

兩個人研究一間餐廳睇得好仔細。

（資料圖片）

朱慧敏同Eddie喺15年曾經談婚論嫁，但當時分手收場。(資料圖片)

（Apple Daily）

【宣佈懷孕後首度現身】靚媽首晒4個月肚！

2018-04-09

2月底宣布為結婚近一年的45歲老公首度懷孕後，今日首度現身公開活動，為主演電視台新劇《Daisy Luck》與夏菜、中川翔子等一眾拍檔出席記者會。

懷孕4個月的30嵗日本女星佐佐木希，穿上黑色平底鞋襯橙色鬆身連身裙亮相，腰間雖然有腰帶輕輕束起，但腹部未見太明顯。佐佐木希穿上橙色連身裙亮相，腹部未見肚凸凸。

大肚的佐佐木希（右二），穿上平底鞋與拍檔出席記者會。

談到踏入30歲的身體變化時，對於踏入三十歲，她說最深感受到身體上的變化：「年輕時食咩都唔會肥，可能肌膚較為緊緻。依家呢個年紀唔做運動就保持唔到體型，要控制唔食垃圾食品，覺得所有進食嘅食物都會想成身體一部份。」

將於秋天做靚媽的她，近日仍忙於為劇集開工拍攝，日前她便在Instagram上載與拍檔鈴木伸之的合照。

大住肚仍為新劇開工，日前上載與拍檔鈴木伸之的合照。

早前宣布為諧星老公渡部建大肚。

（on.cc）

【約滿發爛渣？】黎耀祥：唔鍾意可以唔拍

2018-04-09

黎耀祥到電台宣傳劇集《逆緣》並談及工作動向，他透露5月跟無綫約滿，很可能會以部頭合約形式再合作，自由度比以往更有彈性。

祥仔說：「公司好有誠意，除咗加人工，都係1年拍1部，如果唔鍾意可以選擇唔拍。」他提到始終不捨香港觀眾，自認是老一輩演員跟觀眾關係微妙，他笑謂：「我成日都去九龍城蒲，觀眾見到會打招呼，好似識咗好耐咁，其實又係唔識㗎喎！」

此外，祥仔提到曾經連續工作12年，近年才會抽時間去旅行，再加上兒子正在美國讀書，不論於工作或生活上都是好時機，他稱：「工作上可以試吓唔同嘅嘢，生活上就多啲時間陪吓老婆。」

(singtao)

【新照洩密】昆凌疑爆第三度懷孕！

2018-04-09

「台灣天王」周杰倫2014年與昆凌拉埋天窗，昆凌先後為他誕下大女「小周周」Hathaway和兒子「小小周」，一家四口相當幸福。

æå å¨åå«çåçæå°çµæ

ç¸éåç 一家四口超幸福呀！

今日，昆凌喺社交網上載咗一張同「小周周」穿上母女裝的合照，母愛即時出晒嚟，不過昆凌條裙比較鬆身，顯得腹部有啲微隆，結果就引起網友揣測佢係咪再度懷孕！另外網友又猜測呢張係舊相，可能昆凌當時係佗住「小小周」影落嘅，結果一張相就引起網民熱烈討論，不過當事人昆凌同周杰倫都未有解開網友疑團。

(on.cc)

【美國研究】超驚！嬰兒濕紙巾原來可觸發…

2018-04-09

超驚！大家要小心用嬰兒濕紙巾！因爲…

美國研究人員表示，嬰兒濕紙巾可能與兒童的食物過敏有關，表示濕紙巾擾亂了兒童身體皮膚上的天然防護屏障。

但據澳聯社報道，科研人員同時強調，患上食物過敏的嬰兒本身要有一些特定影響皮膚的基因突變現象。

有關研究的報告在《過敏及臨床防疫期刊（Journal of Allergy and Clinical Immunology）》中發表，發現食物過敏是由多個環境及遺傳基因的因素所觸發。

其中一個因素為使用嬰兒濕紙巾，研究人員表示濕紙巾導致嬰幼兒皮膚表面存留肥皂。

此外，皮膚表面接觸煙塵及皮膚吸收物質能力的變化亦可能觸發嬰幼兒患上食物過敏。

主導研究工作的西北大學（Northwestern University）醫學院庫克米爾斯（Joan Cook-Mills）教授表示，上述因素都是導致食物過敏的元素。

他說：「研究結果揭示嬰幼兒早期患上食物過敏的原因，是同類型研究的重大突破。」

(sbs)

【老公好似好失望…】終於揭曉BB性別！

2018-04-09

早前宣布太太懷有身孕，今日二人終於揭曉BB性別！

仔定女？

仔定女？

歌手陳柏宇（Jason）將一段短片上載到社交網，Jason先拎出一張超聲波圖，叫大家估下BB有冇慈姑椗，然後再同太太符曉薇（Leanne）一齊切蛋糕，仲話切開之後就知BB性別，如果係藍色就係仔，粉紅色就係女！

Jason仲大晒超聲波相。

Jason仲大晒超聲波相！

事前兩公婆都話覺得係男仔，但Leanne就自爆其實係鍾意女仔。

Leanne就自爆想生女。

佢哋喺一大班朋友見證下，切開蛋糕係粉紅色，老婆開心到掩住口大笑，Jason叫﹕「哎吔…」跟住繼續低頭切蛋糕，唔知係咪有少少失望呢？最後一班好朋友開心大叫：「It’s a Girl.」然後大家仲一齊大叫「IT’S A GIRL」添！今次Leanne「如願以償」佗B女，好多網民都爭住留言送上祝福，恭喜佢哋兩公婆呀～

「IT’S A GIRL !」

係女呀～～～～

陳柏宇ig

未切蛋糕前，Jason都已經High到爆！

Leanne開心到爆！

(ig / on.cc / Apple Daily)

【自拍虐童片】港媽虐兒拍片為炫耀重案組通宵扣查

2018-04-09

上載片段的網民透露，指有朋友將虐兒短片上載給他，影片上半部為男童母親親自拍攝，再轉發給朋友炫耀。

本月7日流傳懷疑虐童片段。片段由3張照片及1段影片剪輯而成。由相片可見，一名約11歲男童，雙手雙腳被綁，跪坐在1個住宅單位的廁所內，之後又上身赤裸躺在地上。其後的影片，則相信在1個遊樂場內拍攝。1名女子把男童壓在地上連環掌摑，旁邊的1個小妹妹，更用不知名物件「插眼」，男童哭得淒厲。警方表示，網絡安全及科技罪案調查科正了解事件。

影片在網上瘋傳，未知由何人拍攝和剪輯。初段的3張照片，配有一把令人心寒的女聲旁白：「3點40分，細佬返嚟，我依家即刻喺沖涼房綁住佢隻手隻腳，你睇吓啲圖片係咪好好睇呢？」而後段的影片中，女子連續掌摑瑟縮地上的男童至少4次，未知因何事質問：「講唔講呀？」男童哭着大喊：「唔好打呀！」男童身旁站着1個小女孩，她在片段尾更向男童出手「插眼」。

上載片段的網民指出，片段分為2部分，前半段的綁手腳圖片為男童母親親自拍攝後，轉發給友人炫耀，而後半段為該名母親的友人在公園親自拍攝片段。該名友人稱，男童母親常上門騷擾，但因擔心影響家人而不敢報警。後來知情人士得悉事件後，將影片上載到互聯網，希望能幫助該2名小童。

女子在遊樂場連續掌摑瑟縮地上的男童至少4次。(網上影片截圖)

記者昨晚（８日）到涉事單位，一名女子證實是片中人，聲稱事件於上年夏季發生，被綁的男童是其幼子，當時十分頑皮，鄰居長者曾教她綁着兒子，但她強調很快便將兒子解開，又稱只曾綁孩子1次。

男童半裸瑟縮在一住宅單位廁所內。(網上影片截圖)

至於另一名在公園被打的男童則是其長子，她稱兒子經常夜歸，在街上認識了一名約40多歲的男子，而該男子不但帶壞兒子，更經常性騷擾她。當日她與長子在公園追逐，長子大喊：「追我呀，追我呀。」她於是壓低長子，細力拍打其嘴巴，而該名男子則在旁拍攝。她聲稱一家正領取綜援，不斷強調自己十分愛錫小朋友，否認虐兒，懷疑是該男子將片段放上網，以離間母子感情。

雙手雙腳被綁的男童，跪在廁所門。(網上影片截圖)

事件源於前晚（7日）網上流傳一段懷疑虐童片段。一名10歲男童，雙手雙腳被綁，跪坐在1個住宅單位的廁所內，之後又上身赤裸躺在地上。其後的影片，則相信在1個遊樂場內拍攝。1名女子把男童壓在地上連環掌摑，當時男童哭得十分淒厲。涉案一名姓張(41歲)本地女子昨晚被警方帶走並通宵扣查，涉嫌「對所看管兒童或少年人虐待或忽略」。

女子被帶署調查。（資料圖片）

涉事女子向記者剖白。

警方發言人表示，涉事母親至今仍被扣查，案件已轉交深水埗警區重案組第2隊跟進。

美盛樓平台休憩公園，疑為男童常流連的地方。（朱偉坤攝）

(on.cc)