【驚截肢！】孫慧雪凍傷腳冇知覺兼一撻撻…點算啊

2018-03-15

深得網友喜愛的藝人孫慧雪（雪雪）已完成結婚及生仔兩個人生階段，入行逾十年的她最近希望一圓做歌手的夢想，近日到日本北海道為新歌拍攝MV，配合自己名叫「阿雪」於是決定拍攝雪景，連續幾日在零下五度天氣身穿薄衫捱冷開工，期間幸運遇上大雪，鏡頭前有大量飄雪超唯美！

捱冷開工

不過，本身怕凍的雪雪有苦自己知，兼撞正生理期開工，捱冷兩小時後更凍傷腳，美腿變得紫色一撻撻，她說：「我喺一個水泉旁拍攝，啲服飾唔算太厚，拍咗兩個鐘，凍到成個人麻木晒，拍嗰陣好投入，到後期開始凍到震晒，對腳冇晒知覺，仲變咗紫紫地，當時我都好驚，大叫係咪要截肢㗎？走嘅時候自己唔夠力行落山，要邊行邊跣，都好多謝拍攝人員扶住我走，好照顧我！」雪雪連續幾天都由天光拍到天黑，又攰又凍又傷，不過認為絕對值得：「今次係我第一次睇到咁大雪，真係好靚，返到酒店暖番就冇咩事。」

囝囝唔肯瞓搵媽媽

自囝囝Riley出生後，雪雪都盡量接一些時間短的工作，今次是她首次出埠工作，自然對囝囝牽腸掛肚，一返酒店就要視像：「老公話BB係咁嗌媽媽，夜晚唔肯瞓覺，好慘咁，真係好掛住BB呀！」

為個MV，雪雪真係搏到盡！

好靚呀！

雪雪仲去埋雪地露營。

睇嚟雪雪真係好攰喎！

雪雪凍到隻腳冇晒知覺變咗紫紫地仲一撻撻添呀！

女神又點少得靚靚自拍喇！

注意保暖呀！

雪雪都話今次係有苦自己知。

飲熱嘢暖吓先。

好唯美！

(東方日報)

【原來已經一百日大啦！】眼仔碌碌超可愛

2018-03-15

原來已經一百日大啦！朱慧敏、盧惠光、羅鈞滿、范振鋒與李思欣兩公婆等齊來祝賀。。。

藝人李雨陽與太太鄭嘉詠日前為囝囝「小芝麻」舉行百日宴，朱慧敏、盧惠光、羅鈞滿、范振鋒與李思欣兩公婆等齊來祝賀。小芝麻這晚相當精靈，影相時全程眼仔碌碌，甚為可愛。

榮升爸爸級的李雨陽亦開心留言：「小芝麻一百日人仔，謝謝各位叔叔阿姨們的愛戴，將來長大成了大芝麻，一定會孝順父母，尊敬長輩，做一個對社會有貢獻的人﹗」

(明報)

【去年喪夫】97年參選港姐：剩番我一個好似孤兒咁…

2018-03-15

97年參選港姐，與翁嘉穗、李明慧、佘詩曼同屆的劉綽琪，落選後加入娛樂圈，效力無綫，拍過好多劇集同主持，最為人印象深刻，是與劉天賜、陶傑主持《犀牛俱樂部》。

06年劉綽琪轉投亞視，兩年後離港返美進軍荷李活。2015年，劉綽琪在fb公佈婚訊，之後鮮有在社交網露面。原來這一兩年，劉綽琪過得並不容易。結婚一年，外籍丈夫患淋巴癌，而且病情漸嚴重，而劉綽琪婚前早已知，但仍堅持結婚，希望用愛去創造奇蹟，無奈事與願違。後來丈夫拒絕接受治療。劉綽琪亦尊重對方決定，還放下手頭工作，兩口子四處遊歷，陪丈夫走過人生最後一段日子。去年經歷了喪夫之痛的劉綽琪，原來爸爸最近亦都離開。劉綽琪覺得自己係好幸運嘅人，佢相信上天有安排。(ig圖片)劉綽琪嘅爸爸最近亦過咗身。(ig圖片)

《蘋果》向劉綽琪了解，她稱：「係，不過我唔想講係幾時嘅事，都係因為啲老人病！」又稱：「大家唔使擔心我，我好好，雖然我嘅屋企人離開咗，剩番我一個好似孤兒咁，不過上天會有晒安排，佢安排咗一班好好嘅朋友喺我身邊，而且我亦都習慣咗一個人，好享受呢份孤獨嘅感覺。」談到丈夫患病期間，劉綽琪仍決定結婚，珍惜餘下時光，不讓人生留有遺憾，她說：「係㗎，死亡係必需要面對嘅事，世事難料，我唔想到臨走嗰一刻，先發現自己原來有好多嘢都係未做，到咗嗰一刻後悔已經太遲，所以我覺得人一世物一世，乜嘢都要做咗先！」「其實我一直香港、美國兩邊走，我會返嚟香港探吓我契爺，我當然仲有興趣劇集同做主持工作，不過我都希望可以分享嘅工作，其實我覺得自己好幸運，仲可以得到咁多愛同關心，我為自己覺得自豪，好感恩可以擁有o依家嘅嘢，所以我都希望可以感染身邊嘅人，將啲幸福分享俾其他人。(ig圖片)

「我可以同大家講，我要經歷嘅嘢呢，我已經經歷過；唔需要經歷嘅呢，亦都經歷埋喇。我可以答大家，我係單身嘅，我都好enjoy單身生活，所以唔想拍拖住。但OK嘅，我對愛情仲有期望。」43歲的劉綽琪，自小父母離異，母親在她14歲那年自殺身亡。事發當日劉綽琪放學回家，抬頭發現母親冰冷的身體。多年前一個訪問，劉綽琪說：「冇可能被佢（陰霾）一世綁住自己，我唔想再被佢綁住，我唔想再喺過時過節時覺得好唔開心。」母親在生時，母女共度了很多快樂日子，例如去山頂觀光、海灘游水。劉綽琪話希望可以做多啲分享會。(ig圖片)

母親出事前一晚，兩母女更租了《秋天的童話》回家看——劉綽琪曾於訪問中說，有想過《秋天的童話》是一個hint，只是她當時沒有為意。劉爸爸在美國生活，妻子離世後，接劉綽琪到美國。劉綽琪說過：「爹哋性格好attractive，好玩得！佢好幽默、好Cute，所以好多女性都會好容易鍾意佢。我好proud of我爹哋，喺佢嗰個年代，喺上海大學畢業，然後一個人去美國發展，一啲都唔易。」雙親婚姻出了問題，劉綽琪肯定地說：「佢係一個好爸爸，好錫我同照顧我，依然當我係一個baby，好驚我冇錢用，哈哈！」

(蘋果日報)

【消委會】洗潔精過半測試樣本可致敏

2018-03-15

消委會參考歐盟消費者安全科學委員會（SCCS）標準作對照，在沖洗式皮膚護理品中，MIT最高使用濃度15ppm為安全水平建議，不過9款樣本濃度高於建議，有3款檢出CMIT和MIT總量高於15ppm，引致皮膚過敏反應機會較大。另有1款樣本的甲醇含量稍高於內地有關洗滌劑的食品安全國家標準上限。

消委會發現，其中21款檢出可致敏防腐劑，包括MIT、CMIT或BIT，佔整體抽驗產品6成。當中5款聲稱可清洗蔬果，亦有標榜「成分天然」、「不傷手」、「性質溫和」等，以及獲環保認證的產品；不過，有約6成樣本的產品標籤沒有詳細列明成分資料。消委會提醒，市民若經常接觸可致敏防腐劑含量高的洗潔精，可能引致過敏反應，甚至令手部皮膚出現皮膚炎。

於產品成分標示方面，消委會發現逾6成樣本未有詳列成分，認為消費者未必能掌握產品是否含可致敏物質例如香料或防腐劑。另外，有7款樣本只標示含有表面活性劑和香料或添加劑，但該種標示方法對消費者瞭解產品特性的作用不大，另12款更完全未有以中文或英文標示成分資料。

測試結果又發現，各樣本洗滌量表現懸殊，清洗碟子數量最多相差近5倍。當中以一般配方樣本平均洗滌量表現最參差，以清洗100隻碟的費用計算，花費最多和最少的樣本均屬一般配方樣本，但費用相差逾15倍。測試結果顯示，不論「一般」、「濃縮」或「超濃縮」配方，均有洗滌量較多但費用較低的產品，故不能單靠聲稱選擇。

（原文：香港01）

【同關智斌…】張敬軒大方回應：我哋仲係好Close好Close

2018-03-15

歌手張敬軒（軒仔）去年宣布作「短期休息」後，今年全力「復出」，將於6月15至17日舉行三場演唱會及國語、廣東新碟，其中一代表作就是親自籌備一年，將音樂及餐廳結合，逾7位數字開餐廳。

感情有「缺」

軒仔在自資的餐廳為新歌《缺》接受專訪，問到37歲的他有名有利有餐廳，唯獨感情事有「缺」，但軒仔卻大爆：「過去幾年都有啲情緣，對方係工作時認識。（好多個？）我都係個好材料嘅㗎，你覺得我係咪筍盤，我大人大姐話冇你都唔信啦？」問是否應戥他高興？他說：「有乜好高興，空歡喜一場。（冇試吓發展？）我怕麻煩，大家未去到發展嗰一步，只係大家Feel到互有好感。」

自認超難相處

軒仔直言是個典型水瓶座的人，是個超難相處的人，他先反問說：「你都應該Feel到？我係個好麻煩嘅人，啲衫要摺到起角，對一個有偏執狂嘅人，我生活嘅快感來自一隻叉擺得正唔正，盞燈擺得靚唔靚，就係呢啲，我暫時未必需要一個伴侶，咩人需要伴侶呢？就係對方喺我世界裏面，我可以包容佢嘅嘢，好似污糟邋遢，好似買傢俬咁，當你想擺一張兩座梳化時，自然會騰出一位置。」已多年冇拍拖的他，可覺得錯過機會？軒仔坦言連阿媽都心急催拍拖，而他不只想拍拖，更因自己已37歲，更想搵個結婚對象：「心裏面都想搵一個一直陪你行到釘蓋嘅人。（對另一半有咩要求？）首先要有Feel啦，要持家有道，仲要事業上幫到我。（外表呢？）唔使靚樣，高大，身材好。（都好貪心喎？）所以咪冇囉！（降低啲？）咁點呀，唔通搵個人返屋企篤眼篤鼻咩？」

曾被媽媽懷疑有「問題」

軒仔覺得對象難求，跟他做娛樂圈有關：「呢行見得人多，引誘又大，相處時間又唔多，但一個人時，自己鍾意幾時飛就幾時飛，我嚮往自由。（鍾意畀人錫？）我鍾意照顧人多啲，隨緣啦，上帝自有安排，但我唔Enjoy，你畀反應㗎嘛，做呢行男男女女都會向你示愛，可能被人追慣咗，應該搵啲高難度啲，我去追人，但我又未搵到一個好吸引嘅，水瓶座啲人係咁。」又指傳媒經常安排「新歡」給他，就算將來搵不到心目中的理想伴侶也覺得無所謂，因為他性格好自我及獨立，連他媽媽曾懷疑仔仔有「問題」：「一個人唔覺得唔好喎，我阿媽細個時幫我問米，以為我撞鬼，我成日自己同自己講嘢，一個人玩，我係個習慣獨行嘅人。」

同關智斌感情好

問到跟多年密友關智斌（Kenny）的關係？他指外界誤會了，他謂和Kenny一直感情好好：「早排都見過，我哋仲係好Close，好Close、咁多年大家齊做新人，好難得搵到一個我講啲嘢，佢又聽得明嘅。（你哋好似疏遠咗？）因為佢發咗達？講笑啫，只係佢多咗返大陸，我哋耐唔耐都有通電話，喺香港都有見面，阿Sa（蔡卓妍）生日嗰晚，我哋都有一齊喺度。」

冇抗拒同性追求

至於問到敏感話題，軒仔亦大方回應，指如有同性追求，他稱暫時沒有抗拒感，因本身有很多男Fans，又覺得：「唔知係咪因為做藝術行業，其實做藝術嘅人，係冇性別觀念，我唔話佢哋就係異性戀，佢哋又點樣，愛就係愛。」可會為緋聞而不開心，軒仔再次坦言說：「自己嘅事自己知，但最大問題係，有時自已都唔清楚，我冇辦法講你知，啲人話我出身軍部，好有權勢，我同大家講，大家又唔信，余文樂仲話唔好得罪我，我阿媽會搵部坦克車嚟車人，好多傳聞，初時都要諗點答，但後來又覺得睇、寫，被寫嗰個都唔介意就算。」

(on.cc東網)

【消委會】網約的士程式成功約車比率懸殊

2018-03-15

消費者委員會調查網約的士服務，比較七個應用程式，發現成功約車比率懸殊，由52%至98%不等，其中兩個程式，在繁忙時段約車的成功比率，都較非繁忙時段，急跌大約20個百分點。消委會又發現，多個程式都要求獲取用戶手機多種權限，包括拍攝、相片存取權、讀取記憶卡內容和聯絡人資料等，做法值得商榷，用戶如果不想被程式過度收集個人資料，應先仔細查閱存取權的資料，同意才下載。

消委會又表示，部分網約的士服務程式，以八五折車費作為招徠，但運輸署表示，法例規定的士要按錶收費，不可收取較低車資招攬乘客，署方已就消委會提出的個案，要求警方跟進調查。

(881903)

【皮笑肉不笑】由細驚到大！陳山聰同佢做對手戲毛管戙！？

2018-03-15

藝人陳山聰現在埋首為無綫新劇《金宵大廈》拍攝，劇中飾演看更的他，要接受一項大挑戰，就是與貓做戲。其實與動物做戲已經是一件相當困難的事情，不過山聰就謂:「今次個角色最大嘅挑戰就係同隻貓『靚寶』做對手戲，我由細驚貓驚到大，今次簡直係極級的挑戰，我直頭有啲毛管戙！」真係陰功！

陳山聰仲話同貓貓做對手戲搞到毛管戙！

(東方日報)

【爆分訊後首現身回應】容祖兒：你哋覺得咁係得嘅咩？

2018-03-15

37歲嘅容祖兒被爆同拍拖5年嘅劉浩龍（師兄）分手，報道一出大家都好關心。傳聞講到似層層，包括指祖兒因為唔想大病初癒嘅容媽媽擔心，所以一直隱瞞分訊。阿Sa亦表示支持祖兒決定。

噚日傍晚6時40分左右，一身鬆身白色長裙嘅祖兒到中環蘭桂坊出席活動，露出玉背，向在場記者展露甜笑，Joey接受訪問時，話自己心情幾好，問到係唔係放低咗，Joey煞有介事咁講：「你哋講嗰樣嘢，我唔回應，唔會回應。」咁即係分咗手？Joey再次話唔回應好啲，唔想講咁多，唔想之後有咁多新聞，佢解釋：「我一直嘅愛情生活都唔習慣同大家去講，留番俾自己去處理。」問到o依家嘅感情status係單身定係交往中，Joey笑言：「我嘅status係努力工作中，要多啲時間去工作。」

記者問到如果Joey一直唔講，外界會一直覺得佢就係劉浩龍女友，Joey話：「我覺得最好所有嘢都唔好講咁多，以我嘅經驗係講唔講大家都會繼續寫，我自己唔講咁多會好啲，多謝大家關心。」記者追問係唔係佢哋關係未有定案，Joey斬釘截鐵咁講：「我冇特別嘢要補充同交代，自己嚟緊都要錄兩隻碟，又要去台灣同大陸，師兄又要做演唱會，總之我哋互相努力、互相關心，支持大家就最緊要。」問到是否想之後多啲時間陪媽咪？祖兒都係嗰句：「我唔回應喇。」

講到老闆楊受成早於2012年，即兩人公告戀情之初，受訪時表明擔心祖兒同師兄呢段戀情，又指希望對方係真心愛祖兒，唔好有其他目的。祖兒今日再被問及此事，就謂：「冇其他目的，從來冇人對我有其他目的，大家都係愛錫我。」

傳媒問祖兒同師兄係咪好耐冇見？佢話唔係。當聽到有報道指兩人由年初已冇見面，祖兒搖了搖頭：「太誇張喇。」咁準備好迎接新戀情未？佢就話：「太多事情發生，我未處理到。努力工作先啦。」

不過今次爆出分手嘅時間啱啱同師兄開騷時間相近，故不少網民都質疑係咪「宣傳手法」，祖兒聞言似少少忟憎，反問傳媒：「你哋覺得咁，係得嘅咩？大家都係現代人，呢啲唔係我哋自己拎出嚟講嘅。總之我哋係互相支持嘅狀態。」再問之前係咪好大壓力？祖兒只表示：「唔回應咁多喇。」然後助手終止訪問。容祖兒喺活動後，約於晚上7點50分左右離開蘭桂坊，見門口有傳媒及歌迷守候，亦有笑著揮手，不過現場保安則阻檔歌迷接近祖兒，而祖兒登上之7人車，其後直駛去灣仔英皇駿景酒店。

(蘋果日報)

【豁出去！】劉德華一家三口罕見同框

2018-03-14

一向低調保護妻女的天王劉德華近日罕見與妻子朱麗倩、女兒劉向蕙三人同時現身香港機場。據了解，劉德華這次是帶著女兒陪朱麗倩回馬來西亞娘家祭祖，難得的是劉德華不像以往與妻小分開搭飛機，而是一起露面，還動用了12人「護駕」，相當用心。

為了帶妻小回娘家，劉德華做足準備，在香港飛往大馬時，出動1名助理、2名保鑣和3名傭人，一行人在馬來西亞停留兩周時間，在馬來西亞當地還有2名司機、4名保鑣，一共12人照顧劉德華3人。

照片中的劉德華一身黑衣，鴨舌帽、口罩全副武裝，朱麗倩走在後面同樣帶著口罩。劉向蕙則由保母抱著，明顯比上次被拍到時又長大不少，精緻五官也越來越像媽媽。

一行人在保鑣戒護下急忙穿過人潮擁擠的機場大廳，到達停車場時，劉向蕙才終於被允許自己落地走路。或許是難得跟爸爸媽媽一起出來玩，劉向蕙蹦蹦跳跳，還主動去牽劉德華的手。劉德華先讓朱麗倩與女兒上車，自己則監督17箱行李全部上車，才安心離去。據了解劉德華每年都會帶女兒陪朱麗倩回馬來西亞娘家多次，但每次都是朱麗倩帶女兒，跟劉德華分開走，盡可能避免被媒體拍到。不過自從去年劉德華受傷後，劉德華也似乎漸漸放寬心胸，願意與老婆、女兒同框，讓媒體形容是「豁出去了」。

(SINA)

【降血壓、抗憂鬱】美國飲食指南全推佢！

2018-03-14

憂鬱症是非常棘手的精神疾病，罹患人數快速增加，被認為是世紀疾病，醫界投入大量研究資源。重度憂鬱症病必須服用抗憂鬱藥物，才能避免自殺的危險；但是長期服用大量抗憂鬱症，有人會有副作用，病人精神容易陷入遲鈍，日常生活容易失常。

全世界也都在老化，老人當中不少人會因中風而憂鬱，使得腦神經醫界開始注意除了吃藥，是否還能從生活飲食預防與改善。

抗憂鬱、降血壓！「得舒飲食法」好處多。(圖/康健提供)

繼《美國新聞與世界報導》周刊於2011年評比美國流行的二十種飲食指南哪個最有利減重，選出得舒DASH飲食排名第一，地中海飲食第二名之後，芝加哥若許大學醫學中心得到國家老化研究院資助，把他們於2015年推出預防失智症的「麥得飲食」( MIND ,Mediterranean-DASH diet intervention for neurodegenerative Delay)加入，在美國神經病學會（AAN）上發表對這三種飲食的研究。

他們針對964位60歲以上的芝加哥人，就記憶和老化項目，每年隨訪並隨時評估阿茲海默症的發展。除定期進行認知評估外，還應用流行病學研究中心憂鬱量表的10項版本對參與者進行憂鬱篩檢。同時他們還完成144項食物頻率問卷，詢問參與者在過去一年中多少次吃了什麼食物。

結果發現，得舒飲食比地中海飲食、麥得飲食都更利於緩解抑鬱症，DASH飲食的參與者比飲食中最不依賴飲食的人減少11％的憂鬱可能性。主要作者，血管神經學助理教授齊允安（Laurel J. Cherian）博士說，「DASH飲食可能具有預防心血管疾病和促進情緒的『雙重效益』。」

研究發現，得舒飲食比地中海飲食、麥得飲食更有利於緩解抑鬱症。(圖/康健提供)

DASH得舒飲食

是學者於1997年為控制血壓而設計以低鹽、低脂、低飽和脂肪、低膽固醇為主的餐飲，並強調以含高鎂、高鉀及高鈣、蛋白質和纖維的食物組合而成的，是最密切堅持低鈉飲食治療高血壓的飲食方法。

地中海飲食

同樣注重天然穀物、多蔬果、少量肉製品、少吃飽和脂肪，大量橄欖油與堅果、適量魚、乳製品(芝士和乳酪)及紅酒， 1940-1950風行於地中海，2013年被聯合國科文組織(UNESCO) 列為人類非物質文化遺產代表作。

麥得MIND飲食

是把DASH與地中海加起來改良的，建議十種有益腦力的食物：深綠色蔬菜、堅果、堅果、莓果類、豆類、全穀、魚（每周一次即可，不同於地中海飲食每日至少一次，）、雞肉、橄欖油、紅酒（每日不超過一杯）。五種應避免的食物：紅肉、奶油／乳瑪琳、起司、甜點、油炸食物和速食。

新研究表明，其實這三種飲食都比西式飲食好，典型西式飲食的全榖類、蔬菜、水果量偏低，而甜食、飽和脂肪與加工食品偏高。不過推估在緩解憂鬱症方面，這三種中以DASH勝出，原因是強調少鹽（低鈉）、無酒，還強調鉀，鈣和鎂等有助降低血壓的食物。

俄勒岡健康與科學大學中風中心副主任、腦神經醫學系教授拉昔（Helmi Lutsep）指出，在所有飲食中，DASH飲食強調飲酒最少，但地中海與MIND飲食都准許喝酒：紅酒是地中海生活方式的一部分，MIND飲食也准許每天喝一杯紅酒。酒精是一種抑製劑，飲用超過建議量可能會增高血壓。

另外，DASH飲食「可能比其他飲食更多嚴格規定，更加謹慎或強迫對食物的攝取量，」拉惜指出，因此這族組更願意堅持飲食。齊允安認為，這項新研究強調了食物作為醫藥的力量。「對神經科醫師來說是一個很有價值的工具，我知道中風後憂鬱症是一個無法解決的重大問題，並且會導致發病率上升。」

(中時電子報)