咁係唔係準備「封肚」？佢就話：「仲生！要同老公商量吓，兩個其實夠嘅，但我仲後生，可能過多十年，我仲生都唔定，o依家暫時湊好兩個先。」佢哋兩公婆開心迎B。。。

李蘊前年同圈外人羅章冠奉女成婚，同年5月誕下囡囡紫晞，今年3月喺Instagram貼相宣佈再度懷孕，轉眼7個多月，預產期係8月底。

昨晚佢PO咗張BB超聲波相，仲叫網民估下佢呢胎係佗仔定女，依家佢開估啦！

李蘊近日影咗大肚寫真，肚尖尖宣佈第二胎陀仔，湊成好字，拍照當日，腹大如蘿嘅李蘊着打扮靚靚出鏡。佢今日接受《蘋果》電話訪問話：「公佈呢胎係囝囝，生完囡囡，第二胎係囝囝。開頭預咗係女，冇咁大期望係仔。湊成好字，仔女一樣咁開心，唔使再追，之後就冇壓力，可以專心湊好兩個小朋友先。」

咁係唔係準備「封肚」？李藴話：「仲生！要同老公商量吓，兩個其實夠嘅，但我仲後生，可能過多十年，我仲生都唔定，o依家暫時湊好兩個先。」佢哋兩公婆開心迎B仔。李蘊講到影相趣事，佢話：「開頭帶囡囡去影相諗住搏一搏，睇吓佢肯唔肯同我影，點知佢興奮過我，周圍走。我帶定啲衫，好彩佢肯影，結果好成功肯影，囡囡係多相過我。今次搵新攝影師操刀，我上fb搵，我鍾意試新嘢，合作開心同舒服。」

(蘋果日報)

資深綠葉演員楊證樺同沈可欣自2015年結婚以嚟一直都好恩愛，兩人仲育有一子，非常幸福美滿呀！呢日就再次傳嚟好消息，兩公婆一齊喺社交網公布喜訊，就係佢哋屋企將會增添一個新成員！

（資料圖片）

楊證樺Post咗一張BB嘅超聲波相，留言話係佢哋嘅第二份禮物，仲話多謝上天的安排，字裏行間都滲透住喜悅之情呀！

一家三口宣佈再添新成員,嚇到呆咗…

楊證樺喺10幾年前對阿沈一見鍾情，最終喺2015年結婚托抱得美人歸。之前仲Sweet爆公開話鍾意老婆夠「師奶仔」！佢哋仲一齊經歷過生離死別，就喺囝囝1歲半時突然發燒，仲差啲離世。

兩公婆曾成爲《踩過界》一個故事單元主角，飾演一對聾啞夫妻，非常考演技和默契！

大家每晚都可以見到沈可欣（《開心速遞》劇照 ）

再有好消息傳嚟大家都好戥佢哋高興，紛紛留言送上祝福，幸福感滿滿嘅一家，羨煞旁人呀！

（Facebook / on.cc）

婚後相夫教女嘅李蘊（Renee）早前喺社交網宣布再度懷有第二胎，至今已懷孕7個月左右，不過佢就仲未公布今胎係囝囝定囡囡，搞到大家都好心急想知！

呢日李蘊就喺網上晒出一張超聲波相，仲好開心話：「Hello 小胖胖！」又叫大家估吓係「小胖子定小胖妹」！

雖然李蘊唔肯講「小胖胖」性別，但見到BB嘅輪廓已經出晒嚟，有唔少網民睇張相覺得似男仔，仲搞笑話一定係肥仔，唔通李蘊湊成好字？網友亦紛紛送上祝福，希望BB要繼續健康成長呀！

(on.cc東網)

林燕妮有三個弟妹，林振強、林雁妮及林振剛，三弟妹同樣因癌症先後離世，今日肺癌亦帶走了林燕妮，享年75歲。

2013年，其弟林振強離世10周年，林燕妮於雜誌的專欄中，她寫了一篇「對我眨眼的星星」來悼念胞弟。

她稱與林振強有互通的心靈感應，大家同屬水瓶座，所以有共同特質，林燕妮還提到林振強是她不會拒絕要求的大弟，無論林振強想要甚麼、想做甚麼，她都會答應，好似林振強要結他、想搞創作廣告等等，就算林振強話想要太古城一個單位，林燕妮都會幫他完成心願。

對於一個不會拒絕的大弟，就連林振強向她要骨髓保命，林燕妮都沒有拒絕。林燕妮於專欄這樣寫：「大弟那句：『姐姐救我一命』，就是千句萬句『姐姐我要』的壓縮句。今次要的是骨髓。骨髓啟合，再次證明我與你之間血脈相連，所以，今次你的需要，姐姐更不會拒絕你。」

林燕妮 （圖片：蘋果日報）

林燕妮更提到，很多人會奇怪林振強可以嚴肅得一言不發，但又可以寫出很多柔情蜜意的歌詞，更是傻散文的鼻祖。但林燕妮坦言，作為對方的家姐，她絕對明白，認為這是藝術加天分成就出來的一個成功人物。最後她提到當晚離開亞洲博覽館時，看到天上的星星，眨呀眨呀，就像林振強向她說：「家姐，我在這裡。」
林振强

（apple daily）