董敏莉同可嵐昨日到荔枝角出席《港式婚姻的前世今生》講座，獲邀嘅可嵐話自己經歷過婚姻失敗﹕「曾經傷心同恐懼，但經一事長一智，會檢討自己同將來嘅愛情觀，而且唔會講前夫壞話。」
講到離婚經歷，可嵐話會令佢感到自卑﹕「即使有人追都覺得自己離過婚又有個仔，對人好無信心，又怕揀錯人，所以依家將心機專注落囝囝度。」又話聽日係囝囝七歲生日，已經安排好同佢開Party慶祝。
(蘋果日報)
【肥咗57磅】琦琦佗B頭三個月乜禁忌都做齊哂⋯
講到女兒任晴佳（Ella），琦琦總有講不完
的快樂事。回想當日懷孕，自己懵然不知，更險出意外。
「大肚嗰時真係唔知，仲好忙，飛來飛去，只係覺得個肚唔舒服，老公就話去睇下醫生，我係完全冇諗過自己大肚。我喺床上面，醫生話：『恭喜你！你有咗BB！』我話：『係咩？』，即刻啲眼淚嘩嘩聲流出嚟，因為真係冇諗過，係一個surprise。我之後即刻打俾華哥，聽到佢喺電話嗰面大叫。」
儍呼呼大肚，懷孕頭三個月是高危時段，琦琦竟然去了泰國跳水：「我去咗海邊玩，又跳水，又著高跟鞋，又飲椰青，乜都做晒，好彩無焗桑拿。我即刻同醫生講：『死啦，我咁咁咁咁，又坐飛機！』好彩冇事，真係上天俾嘅。」
本來名模keep fit大過天，琦琦為了腹中骨肉，積極進補，一胎就胖了57磅。「我知道大肚之後，醫生叫我飲牛奶，我就飲牛奶：朋友叫我食藍莓就食藍莓，一日食七種水果，食到自己好鬼肥，肥咗57磅。不過肥唔緊要，只要佢健康就得。」
暫停所有工作，懷孕那段日子，琦琦每日留在家中睇電視，和朋友見面，心情輕鬆，非常開心，「原來人生最幸福係做媽媽。你睇住BB喺肚入面一日一日大，個腳板仔踢你呀，係好enjoy。到生嗰陣，我咁大個人，從來未住過醫院，我好怕好怕醫生。嗰日瞓喺手術床上面，望住啲燈，真係好驚好驚。麻醉師話，你唔使擔心，數三下，數完真係瞓著，之後一睜開眼，醫生就同我講：『琦琦，你生咗個好靚嘅女』。」當日6磅3的小嬰兒，如今已長成170cm的美少女了。
(蘋果日報)
【熱咖啡竟係最強解便秘飲品 效果比熱水強60％】
便祕是許多人常會遇到的腸胃問題，大多大家會以多喝水、多吃纖維來改善狀況，不過有國外醫學專家研究指出，可以改喝熱咖啡效果比喝水還要強，更能促進腸胃蠕動，解決便秘困擾。
據《聯合報元氣網》指出，美國奧克斯塔大學消化健康中心主任醫師勞歐(Dr. Michael Ruscio)表示，熱飲料刺激消化系統，啟動腸道蠕動，使大腸肌肉把糞便推向直腸，所以任何熱飲包含熱開水在內，都有助於解決排便。
不過在勞歐最新的研究發現，所有熱飲當中，咖啡引發腸蠕動，比熱開水強60%，也比去咖啡因的咖啡強23%，據統計，大部分人喝下熱咖啡，都會20分鐘內可以感受到便意，成為解決便秘的好東西之一。
根據《康健雜誌》過去報導，喝咖啡會產生便意，主要是咖啡裡一種「未知成分」促進胃部「胃泌素」分泌，加速乙狀結腸蠕動導致。
但也有醫師提醒，雖然喝咖啡激發便意的效果類似吃通便藥，但便祕族可別高興得太早，長期藉由喝咖啡通便，容易讓腸道逐漸麻痺，失去自行蠕動的能力，最終演變成不喝咖啡就會便秘的局面，所以民眾也不能長期利用咖啡來助排便。
(中時電子報)
【原來小公主仲有個外號…】陳茵媺：好享受生B嘅過程
藝人陳茵媺出席活動，講到鍾嘉欣再有喜，她說：「恭喜佢，令我諗起抱住BB嘅感覺。（再生多個？）no，諗起四個就好驚，唔係生嘅問題，自己好享受生嘅過程，雖然痛但係同B奮鬥淨係女仔先至可以感受到。依家三個都真係太多，照顧佢哋日常、返學。
（仔女大個開始曳？）唔係，佢哋都好乖，我哋嘅教育方法係比較自由，想畀佢哋自己去選擇，等佢哋有獨立嘅思考，大仔性格好斯文，好識氹女仔，二仔就好獨立，好man，好有主見，好似我老公咁斯文，個女就好有管家性格，我哋叫佢做CEO。」
(on.cc東網)
【全職湊仔婆！】攬實人夫黎諾懿哭訴 佢準備做媽咪？！
黎諾懿與高海寧（高Ling）早前為無綫劇集《BB來了》拍外景，因拍劇而與BB演員日見夜見的高Ling母愛氾濫，直言將來做媽媽後會全職做湊仔婆！
藝人黎諾懿與高Ling早前為無綫劇集《BB來了》在中環碼頭拍攝外景，劇情講到高Ling心情不快，黎諾懿陪她吹海風，高Ling激動得抱住他喊！劇集煞科在即，高Ling表示拍劇時會偷BB玩，見到BB演員大得好快：「開鏡嗰陣見到啲BB原本淨係識爬吓爬吓，但劇集拍到尾聲嗰陣，小朋友已經識行路！」直言將來榮升媽媽想全職照顧子女：「都好期待將來做咗媽媽，想陪住佢成長，唔想錯過呀！」
黎諾懿密謀「搞多個」
至於黎諾懿準備與家人到越南旅遊，之後再同太太二人世界，他說：「太太話好想放低個仔，休息吓，因為4月先開劇，可以喺開劇之前出埠輕鬆吓，想順手搞多個！」隨即「黎醫師」上身，表示與太太睇中醫調理，更教路高Ling將來如果想生BB，不要相信「食肉生女、食菜生仔」的偏方，應該直接睇中醫對症下藥，他笑說：「嗰時搞『小春雞』都搞咗成半年，依家開始調理身體就差唔多！我想生多個女，咁一仔一女就完美啦！」
—————————-
東網巨星開咗ig喇，大家快啲follow啦！
https://goo.gl/KGuo2N
黎諾懿同高Ling為無綫劇集《BB來了》拍外景。
拍完劇之後會同家人去旅行，之後再同太太享受二人世界。
喺劇入面高Ling搵黎諾懿哭訴。
劇中小演員精靈可愛，黎諾懿當正係自己個女。
高Ling話啲BB大得好快，拍完套劇由識爬變咗識行！
黎諾懿希望可以順手搞多個B女就Fit晒。
高Ling挨住黎諾懿膊頭喪喊。
高Ling話將來做媽咪都唔想錯過小朋友嘅成長。
黎諾懿教路叫高Ling想生B唔好信偏方，搵中醫調理身體就最實際。
七情上面。
【原來從來…】唐文龍：我真係嬲咗
「我鍾意身材好，白雪雪同埋後生囉。」曾被指性向成疑兼冇女埋身嘅唐文龍，早排同「億萬千金」、無綫36D咪神黃文意（Mandy）被傳暗撻半年。Mandy年僅25歲，同大佢23年嘅文龍年紀爭一截。呢段父女戀，不被看好。而兩人回應戀情嘅態度，亦越來越奇怪。
最初Mandy「唔小心」自貼同文龍合照時，文龍曾話覺得女方「係好女仔，有智慧，我同佢係正常朋友來」，女方就承認「都有出過街」，似乎雙方互有好感，但後來呢……後來就係，報道出街之後唔夠兩星期，雙方反應180度大變，可能因為有報道指Mandy係「奀星」、借唐文龍上位有關啦，Mandy話喺認識呢位友人（應該係指唐文龍）之前，已經上過C1頭條，而且最近亦避席公開活動，反問「上位的通道在哪裡呢？」
至於文龍，佢都喺ig貼咗一張就好失落嘅黑白相，留言﹕「有時候，知道得越多，發現自己其實懂得很少。」咦……而咁啱，陳敏之唔小心爆響口話，佢有日send msg恭喜文龍拍拖，對方回覆：「唔係，好耐喇。」um……….
今日文龍同陳茵媺、衛詩雅等人到尖沙嘴出席美容產品大賞頒獎禮，講緊扮靚keep住young心得嘅文龍被問到會唔會吸引到好多「妹妹仔」，佢就話：「我未婚，依家係單身，我都希望吸引到唔同年齡嘅觀眾同女仔。」
文龍又點會唔明記者想問啲咩呢？答完之後佢仲扮踢個記者「懲罰」對方。咁係咪真係同Mandy分咗手？文龍表示：「其實係冇喺埋一齊過。大家傳媒朋友對我好熱情好熱心咁報道過，俾咗不必要嘅壓力我同Mandy，同埋有啲措詞對佢唔係咁好，希望大家可以手下情。我覺得佢唔需要借人上位，我亦都冇位俾佢上。佢本身條件好好，係宅男女神又係大學生，我認識嘅佢係好有智慧，又讀到書，身形又好，希望大家放過佢喇，都寫咗兩個禮拜喇。」
新聞炒咗兩個禮拜，咁Mandy咪上位成功？文龍即補飛：「er…佢本身都好多fans嘅。我覺得觀眾都覺得夠囉，睇到厭。」至於發展空間，文龍斬釘截鐵話：「冇。大家係好朋友。」又稱依家專注事業。咁如果真係有妹妹仔飛撲埋身又點呢？文龍歎了一口氣：「唉﹛大家都知道我幾多歲喇。」又笑言傳媒寫親佢都寫埋年齡：「搞到啲friend都笑我，我真係嬲咗。」
(蘋果日報)
【唔跳唔知膽生毛】大峽谷 高空萬幾尺跳落黎 差D就…
女歌手衛蘭近日去咗外地旅行，趁機會去咗睇大峽谷吸靈氣，真係好寫意。今日，佢上載咗新相，原來佢去玩跳降傘，見佢在導師陪同吓喺空中翱翔，玩得好開心，一啲都唔驚喎，難怪佢自己都留言話感到好自由，網友都大讚佢好大膽呀！
空中翱翔原來係咁 Free！
海天一色…呢啲咪叫做大自然囉！
親身到大峽谷企吓，感受造物主嘅偉大。
衛蘭大叫好玩…
開傘喇…
坐直升機暢遊。
成個人都心曠神怡晒…
準備着陸…
(東方日報)
【想皮膚白裡透紅氣色好？】中醫師分享「米水」食譜幫到你~
很多女明星公開她們的養顏湯水食譜，但在中醫觀點裡，並不一定適用每個人。這次採訪香港名中醫師梁尹倩，皮膚氣色要好，食療還需要搭配個人體質，也提供她的米水食譜參考！
★溫薑水
生薑本身屬性溫熱，適合體質偏寒的人，像是嚴重怕冷的陽虛體質，適量飲用可以改善本來臉色偏白的情況。但溫薑水不適合2種體質每天喝，像是體味重、臉跟頭髮容易冒油，青春痘、暗瘡較多的濕熱體質；以及乾燥型、即使多喝水也不見得解渴、皮膚偏乾的陰虛體質。否則喝了只會火上加油，令體內偏熱症狀加重，出現暗瘡、皮膚泛紅等症狀。
★紅豆茯苓蓮子湯
紅豆茯苓蓮子湯內的紅豆屬性偏溫，不適合身體有偏熱症狀人士。
體質偏燥熱的人，比較不適合紅豆。（擷取自pinterest）
★桃膠銀耳皂角米紅棗湯
體味重、臉跟頭髮容易冒油，青春痘、暗瘡較多的濕熱體質，及身體圓潤、不喜歡動、嗜甜食的痰濕體質，如果喝過量的話，會令身體更濕重，臉色也會偏黃。
中醫師建議這樣喝…
中醫師梁尹倩建議，玫瑰花及茉莉花都有活血化瘀的功效，女孩子於月經前一星期飲用，有助改善氣血運行，增添肌膚光澤。臉色蒼白的人，伴隨容易疲倦、頭暈、手腳冰冷，可以紅棗泡茶喝。脾胃虛寒者要改善臉色蠟黃的話，最重要就是戒吃生冷，冰涼飲料及生魚片等生食都要戒，平常飲食或湯水裡，加入薏米、伏苓、白扁豆等健脾食材，可以幫助健脾並去除身體濕氣。另外，山楂、杞子能補腎活血，能加入花茶或單獨泡茶飲用，適合臉色偏黑的人。
當脾氣飽滿後，臉色自然白裡透紅又有光澤，每天只要喝一杯屬性平和的米水。
★一人份作法如下：
紅米2湯匙、白米半湯匙、生薏米半湯匙，洗淨加入鍋內，
以800-1000毫升水煮滾後，用小火煮30分鐘即可。每天熬煮，不要過夜。
(自由時報)
【強國大媽害人不淺】尖叫呼冤中二生 原來數理資優具大學程度！
「佢好叻仔、IQ爆棚，識程式同工程，小小年紀已經好叻仔！可做到大學生做到嘅嘢！只係其他人唔明白佢！」一名中二男生，日前在深水埗街頭，因扯甩人家的易拉架，被一名大媽物主當賊般追截
最終驚動附近巡警，男生見被圍攏，頓時驚恐萬狀，大聲喊冤及尖叫，仍無法得到外人諒解，更被多名警員抬上警車。香港01記者找到該名男童，曾教過男生的老師直言，對事件感到「好Sad、好唔開心。」老師認為，男生只是想法獨特，但只要「冷靜啲講，佢會冷靜啲答番你」，情況就會不一樣。
男生日前在街頭被當賊般，被警員截查及抬上警車。(d18hk影片截圖)
上堂會「衝落操場瞓住曬太陽」
香港01記者經追查，獲悉男生在沙田一間中學就讀，他更是校內的資優生，只是間中幹出旁人較難理解的舉動，但同學仍對他有讚無彈。有同學指，他平時唱校歌時會尖叫；上堂時亦會「衝落操場瞓住曬太陽」；但強調他「心地好好」，會主動將屋邨內、七零八落的共享單車擺放得井然有序，「一架都好重，唔好話全邨的單車！佢會努力地做好每一件事。」
副校長：數理資優、品行善良
雖然他行為有異，但師生並沒有標籤他，更以包容的態度與他相處，有學生直言「佢更加需要人幫助。」與當日在深水埗街頭，被在場人士投以鄙視的眼光完全迥異。該校梁副校向記者證實，男生就讀中二，學業成績優異，數理資優，品行善良。校方昨已與男生傾談，他承認有碰過易拉架，但堅稱沒有偷竊，只是誤會一場。幸經駐校社工及心理專家經初步評估，認為他沒有心理創傷，「佢好平靜，一切如常。」
涉事男生為校內的資優生。(梁銘康攝)
老師都以「有教無類」教導他
今日中午時分，記者在校外遇見該名男生，見他身材高佻、身型瘦削。「佢識彈琴，又識整機械人，都幾出眾㗎。」據該校老師透露，該男生為一名資優學生，只是他想法相對特別，作出突出的行為。同學及老師都特別照顧他，但沒有標籤他為「異類」，他有感老師都以「有教無類」教導他。
對正確的事很執著
「佢正直到不得了！」該老師舉例指，男生見老師離開課室時遺漏物品，男生會立即上前提醒；對正確的事亦較執着，「小學都教得佢好好，好知書識禮㗎。」對於今次事件，老師認為事主過於敏感，「我覺得好傷心，佢又唔係打家劫舍，只係唔小心，細路仔玩下啫。」男生以為有人誤會他，加上女事主的語氣欠佳，令到男生覺得「好驚、好唔安落」，該老師相信事件只是一場誤會。事發後，老師有向男生進行輔導工作，期望將事件淡忘。
(HK01)
【同之前佗Kelly係好唔同…】鍾嘉欣曬BB超聲波照
早前有媒體爆鍾嘉欣懷上第二胎，今日鍾嘉欣開腔親口承認有喜，她發表一張家庭照及長文表示與TVB合約已經屆滿，現階段只會有限度接工作，家人都希望佢好好安胎，佢又多謝TVB十三年的栽培，更點名多謝樂易玲及曾勵珍等等提拔過佢嘅人。
嘉欣接受東網訪問時，大方承認已佗B三個月，又直指今次佗B比上次辛苦好多，害喜反應厲害，不過佢都一樣覺得好開心：「好多謝所有媒體朋友關心我同咁錫住我。其實今次可以再次懷孕真係好開心！但係今次佗B就比較辛苦，同之前佗Kelly係好唔同，今次嘅反應係強烈好多，係攰好多，同害喜反應係好犀利，成日都嘔同想作嘔，但anyways，都係一件好開心嘅事，我亦都明白呢個係一個必經階段，好多謝大家嘅祝福，好希望可以再見到大家。」而嘉欣又叫囡囡Kelly錄音講多謝，真係Cute到暈！
鍾嘉欣社交網原文：「『雖然還未看見您，但我們知道，您是神再次送給我們一家人的，我們一定會好好珍惜您⋯⋯』
親愛的朋友和粉絲們：
要和大家分享一個喜悅：我再次懷孕了！
感恩上天再次給我們為人父母的機會，就連Kelly知道後，也為自己快將成為姐姐而高興大叫：「Wow！」 向大家宣布這開心事之前，其實，我和TVB的合約剛屆滿。面對着很多很多的不捨，但家人希望目前這段時間的我，專心和安心的去迎接家庭新成員。所以，暫時只會有限量和享受工作，待新成員出世之後，再和大家見面、努力去賺奶粉錢。Haha ～～～ 在此我特別要衷心感謝TVB多年來對我的支持和體諒。記得當年只有19歲的我，膽粗粗參加了《國際華裔小姐》比賽而入了行，當時甚麼都不懂、全無自信心、極害羞，是TVB這所安全屋為我遮風擋雨、供書教學，給我時間和機會去成長和磨練，讓我了解到自己是一個怎樣的人、有着甚麼才藝、有着甚麼使命，更令我可放膽在人前表現真我、懂得怎與觀眾溝通。
這十三年的經歷，對於我的人生是非常重要的，從中的堅持和努力，令我更加學懂去愛人、去關心別人，人也成熟了。現在，暫且跳出舒適圈⋯⋯但心存感激的。TVB，是您成就了今天的『鍾嘉欣』。 樂小姐：您一直保護我。 很多時候，您說我太乖太單純，不想有任何東西把我教壞、影響我的形象。您就像媽媽般疼我、愛護我。謝謝您！
珍姐：您給我第一個演出機會：《皆大歡喜》。 當其他人對我仍有懷疑的時候，您卻選擇相信當日我這個新人。您給我的試煉和推動，讓我達至一個就連自己也想像不到的極限。 謝謝您！
Herman哥：是您圓滿了我的歌唱夢，給予很多我很喜歡的歌曲，更一直從旁引導我。謝謝您！
Sandy：我們沒有很長的合作時間，但我也衷心謝謝您在這短短的幾年間，讓我參與了很多綜藝節目，令觀眾認識到鍾嘉欣的另一面。 謝謝您！
最後，非常感謝TVB其他上上下下的工作人員， 沒有您們用心和支持的打造「鍾嘉欣」，我不會是今天的「鍾嘉欣」！ 送上永遠的感激！
衷心祝福TVB這個大家庭內的每一位！
今天暫別，但感覺會很快再遇上。
lovelovelove 愛您們的 -L- 鍾嘉欣」
(on.cc東網)