提到早前表示計劃於今年推出新歌，她表示下周將出發到北海道拍攝MV一星期：「產後第一次出門，我依家開始唔捨得BB。」講到當地正受暴風雪影響，問到可會擔心，她笑說：「其實都驚，依家都準備啲厚衫。同自己講唔好凍死，要返嚟照顧BB。」
藝人陳敏之出席理財活動並擔任司儀，投資開資曲奇餅店的她自言對投資略有心得，認為無論小孩及大人都應該有儲蓄習慣。
問到有否為囝囝「雷冬至」儲錢？她表示有為囝囝買基金，還有為他生日及新年收到的利是儲起：「由一出世我已經有幫佢儲起，囝囝好犀利，有時同佢出event，佢賺到嘅錢已經夠交playgroup學費，同一年保險費，係小富翁，哈哈！」
談到在劇集《溏心風暴3》的拍檔唐文龍與無綫36D咪神黃文意的緋聞，陳敏之表示有留意報道：「如果佢有拖拍好開心，係適婚年齡。我有send message恭喜佢，但佢話係好耐之前。（即係已經分咗手？）佢話好耐之前，我冇再追問，唔想咁八卦。（想佢快啲搵個伴？）咁梗係啦！佢大過我，應該快啲結婚、生BB，佢鍾意打功夫、做運動，可以同佢玩。」
(on.cc東網)
繼女星佐佐木希宣布大肚後，日本藝能界今日再度傳來喜訊。現年38歲的日本女星仲間由紀惠，結婚4年終於願望成真，被爆現正懷孕4個月，將於今年夏天首度成為媽咪。
據日本傳媒報道，結婚4年的仲間為52歲演員丈夫田中哲司首度懷孕，現正大肚4個月，預產期在今年夏天，兩夫婦得悉懷孕後都相當高興。仲間其後亦透過事務所親自報喜，她表示自己亦來自有兄弟姊妹的大家庭，故十分期待有加入新家成員加入。仲間已向身邊工作人員報告懷孕喜訊，由於38歲的她屬高齡產婦，故她會視身體情況繼續藝能工作。仲間有份演出的劇集《相棒season 16》將於本月14日大結局，仲間有份演出的戲份已在上月煞科，而她有份主持的音樂節目《MUSIC FAIR》亦會繼續。
仲間於2014年9月與田中哲司結婚，一直恨做媽咪的仲間，婚後刻意減產計劃造人，但去年中傳出男方趁着她出國期間疑偷食，令婚姻一度亮起紅燈，最後要發聲明向老婆仲間謝罪。
「笠滋滋」的三月份，是其中一個令敏感肌容易「病發」的季節。對於擁有敏感肌的朋友們來說，初春不單止是百花盛放的時節，更是紅，腫和痕癢來襲的時候。接下來我們一起打破三項護膚迷思，讓敏感肌振作起來，戰勝潮濕天氣，迎接這個充滿無限生命力的春天﹗
的確，健康的肌膚每天都要「飲飽水」。一般擁有敏感肌的朋友對護膚成效都不敢奢求大多。「補濕」作為其中一種最基本的肌膚護理，自然得到十分的重視。但敏感肌在選擇補濕產品時要格外留神。某些街知巷聞的補濕乳液或乳霜的質地比較「杰」，感覺上補濕成份非常濃郁，因此深得大家歡心。但塗在臉上「笠滋滋」的質感卻為細菌提供了很優越的生長環境。敏感肌受到刺激便會即時變紅和痕癢。選用了不適當的補濕產品，不但得不到理想的護理效果，反而有機會令敏感一發不可收拾。
大家普遍認為標榜無添加，有機或植物成份的護膚產品理應比較天然。因此它們都成為敏感肌的護膚首選。事實上，對敏感肌來說，「天然」不等於萬無一失。
一些含有植物成份的護膚產品，例如玫瑰花成份等，就不是人人受得來。特別在肌膚水油失衡的潮濕日子裡，有機的植物成份愈活躍或愈天然，愈有機會刺激不穩定的敏感肌。因此我們必須清楚自己的肌膚到底對產品的什麼成份過敏，以便作出更精明的選擇。
根據天氣替換保養品能夠照顧肌膚不同的需要。但大前提是要以肌膚的真實狀況去調節，不要「為換而換」。敏感肌一般對保養品的接受能力不太高。如果要在回南天為保養品換季，首選成份簡單而且質地清爽的產品。專業的皮膚科醫生建議，每當肌膚開始變得不穩定時，就得停止所有複雜的護膚程序，以清水洗臉，有需要可塗上簡單的乳液。另外，保養品的更換程序適宜循序漸進。要是把所有慣用的保養品一氣更換掉，不但容易刺激敏感肌，亦不能找出令肌膚過敏的罪魁禍首呢﹗
（hokkfrabica）
橫跨電影、電視、舞台劇界的資深演員黃秋生（Anthony），相信香港觀眾對他最深的印象是「寸」，向來低調的他，甚少公開談及私人生活，尤其是他的家庭背景，但秋生近日接受BBC訪問時卻鮮有地憶述當年被父親遺棄的悲慘童年。
訪問有提到他在1997年，特意回到英國尋根。（影片截圖）
相信香港影迷都知道，秋生是一名於香港成長的混血兒，較早前他接受BBC訪問時透露，黃秋生這個名字是他的母親所改，但他的全名其實是Anthony William Perry。在單親家庭成長的他，其父是港府英國高官公務員Frederick William Perry，據訪問所講，他的父親早在他 4歲時拋妻棄子，令他自小與母親相依為命。
這是秋生僅餘跟爸爸的合照，爸爸在他4歲時已丟低他和媽媽遠走，而該相片亦是1年前秋生放上facebook尋親的相片。（影片截圖）
秋生提到他小時候生活環境相當困窘，一副混血兒長相的他，在訪問中笑言「當時同學當正我怪胎」，坦言當時被同學歧視及被欺負。在香港成長的秋生，在學時曾入讀則仁中心學校，他指，當時同學都視他為怪物，以「蕃鬼仔」等暱稱戲謔其混血外表，他形容自己是「狹縫中長大」的孩子，笑言「覺得自己唔中唔英咁，實俾人恰死啦。
1997年，秋生跟媽媽去到英國尋根，雖然最終無功而還，但都得到一份釋懷。（影片截圖）
因為秋生長得一副鬼仔樣，令他初入行時角色類型相當侷限。1982年時，秋生加入亞洲電視演員訓練班，曾參演多齣恐怖電視劇，他在訪談中說：「加入電視台後，我其實冇咩角色可以做，所有角色都是蕃邦，所以好多時喺身份認同上係好困擾。」
自父親離開後，秋生跟媽媽相依為命，連「黃秋生」這個名字也是由媽媽改的。（影片截圖）
今時今日覺得半唐蕃的樣子很可愛，但4、50年前是一個負累。（影片截圖）
少年時的秋生，已有一股傲氣。（影片截圖）
（hk01）
藝人李彩華於2015年與「新五虎」之一何遠恆拍拖，期間二人感情穩定，去年更大方結伴欣賞黎明演唱會，李彩華更曾揚言2018可能爆閃婚。但近日卻傳來二人因共同理念和婚姻共識出現分歧，令感情出現問題，並分手已經一個月。
東網聯絡到李彩華，問到分手原因和是否涉及第三者？她表示：「其實都冇乜特別回應，都係希望大家畀多啲空間我哋，大家都需要時間recover……是和平分手，其他嘢就唔交待咁多。」
(on.cc東網)
楊怡與老公羅仲謙（謙謙）結婚一年多，婚後各有各忙聚少離多，一直想生B的二人至今仍未「造人」成功，為了趕生狗B，楊怡今年還大幅減少工作量，夫婦今個農曆新年亦雙雙留在香港度歲，趁機造人。
謙謙日前出席活動後更往操定副靚Body陪老婆，當日他離開時更被一班粉絲包圍要求影合照，當中有男有女又有小朋友，但女Fans佔大多數，親民的他亦來者不拒逐一跟粉絲影合照後，便乘七人車前往旺角的健身室做Gym，向來有「巨胸謙」之稱的他為了增添情趣，當然乘機狂操其逼爆42吋胸肌，足足逗留了近兩小時才離開，急急乘車返大埔屋企，與太太積極造人。
至於另一日，謙謙於內地工作未能相伴，楊怡只得找來愛犬及母親作伴，當日下午1時半，她與母親帶着家中兩隻愛犬駕車離開大埔寓所前往附近寵物店。戴着Cap帽及口罩的楊怡，泊好車後與媽咪一人抱住一隻愛犬進入寵物店，甫見記者拍照，她即友善地揮手打招呼，然後將兩隻愛犬交給職員扮靚洗白白。
琦琦由兩年前開始，籌備自己的珠寶品牌QQM，推出半年已知名度大升。入門價數萬元，主打十字架設計，張艾嘉、李嘉欣，以至不少女星名媛都是捧場客，變成人生第二個事業。
「其實我未諗過，幾年前個partner一直搵我合作，但嗰時我有其他合約未完，我同佢講，你等我啦。依家出咗半年，好幸運，反應好好。」開office兼showroom，樓都未睇過就簽約：「QQM係我第一個office，個牆係綠色，因為我鍾意薄荷綠，我想我office好cosy，好home feel，顏色好簡單，有啲植物，所以搵朋友幫我畫咗一幅好多顏色、好開心嘅畫。」
努力創業，全情投入，原來背後更有一個夢想。「講真，我唔係真係等錢用，但可以將自己嘅興趣，發展成第二事業，係一件好開心嘅事。同埋，我依家個女開始大，13歲喇，如果將來有一個事業可以留俾佢，係一個夢想，係媽咪俾女嘅一個心意。」
琦琦每事親力親為，連飾櫃中的磨菇小擺設，都是自己去花墟逐間花店搵。十字架為主打設計，皆因她在維也納長大，四處都是教堂，媽媽也是天主教，設計中蘊含了她的愛與根源，「我自己都好鍾意好多大牌子，好似Van Cleef & Arpels、Bvlgari，人哋真係百年經典，我哋一個100% Made in Hong Kong的牌子，點樣可以傳遁我哋嘅特別訊息？所以我覺得由心出發，所以揀咗十字架。」
愛shopping的琦琦，亦希望定價平些，她說：「Shopping一定要happy shopping，買完一樣想買第二樣，我嘅手工、鑽石係好好，但價錢係開心價，呢個都係品牌精神。」琦琦公司的員工，除了管錢的會計，大部分都是90後：「因為佢哋做嘢好快，好有衝勁，好有活力，我鍾意咁樣嘅團隊，可以帶領團隊一齊向前衝！」
世間無免費的午餐，琦琦多年來都keep到靚樣及身材。心態保持年輕、做人積極，正是琦琦的凍齡心得。「女人最好嘅保養品就係做嘢，做嘢可以保持一個年輕嘅狀態，同埋每天要正能量、愉快心情去生活。」當然亦要自律，「食呢，我食得好健康，早餐好大個分量，嚇死你，但我唔食麵包，我係食黑豆粥啦、雞蛋啦、蕃薯啦嗰類，我寧願食飯都唔食麵，夜晚要少食澱粉質，一個星期至少五晚係戒澱粉質的。」
日常多飲水，養生飲品包括：紅棗杞子女、綠茶等。老公、囡囡愛拉筋、跑步，華哥亦買了一部跑步機，鼓勵琦琦一齊跑：「一個星期至少上一次跑步機，著晒啲打boxing衫，焗住出汗至少跑一個鐘頭，同埋跟黃佩霞一齊做瑜珈。」至於護膚，琦琦強調潔膚重要，「我好鍾意敷mask，eye mask都鍾意，一得閒就敷。」
(蘋果日報)
馮盈盈出名作風大膽，平時好似天不怕地不怕，但原來佢曾經都發生過啲𤓓爆嘅事。
大爆自己之前拍攝節目《學是學非》嘅時候，竟然冇拉褲鏈，仲要拍咗成大半日先發現，真係聽到都覺得尷尬！
不過咁都未算最爆，馮盈盈早前拍劇，其中有一場戲佢要當街大罵群眾，本來就安排咗一大班臨時演員畀佢鬧嘅，但係馮盈盈愈鬧愈投入，見到有名男士行上前，仲即刻好大聲咁兇佢：「你行咁前做咩呀？你以為自己邊個呀？」最後先發現原來對方係路過嘅市民，搞到馮盈盈勁唔好意思！
馮盈盈原來試過鬧爆街坊！！
（on.cc）
阿Sa一向處理感情事比較低調，之不過遇上「Mr Right」石恆聰(Anthony)似乎感情幾穩定，更愛得大方，唔介意公開戀情，亦會出席石家聚會，今日有周刊指阿Sa新年請假陪男友去布吉，難怪阿Sa日前忽然晒身穿露背泳衣，坐喺沙灘望夕陽嘅相，原來呢張相係男友操刀。
據周刊指阿Sa同男友Anthony喺登機前，一直扮唔識，企開一、兩個身位，阿Sa提高警覺，不時望有冇人影佢，玩咗四日三夜先返港，同樣係前後腳分開出閘，之後又再開工拍《PTU機動部隊》，今日難得放假，阿Sa喺IG貼出selfie相，留言：「趁今日唔洗開工又咁好天，去做吓運動先。」
阿Sa同Anthony細妹石佩藍一早認識，佢哋共同朋友係馬天佑，據阿Sa身邊朋友向報道指，阿Sa本來唔心急嫁，但係未知係唔係受好姊妹阿嬌影響，阿Sa都有啲恨，目前係等男友幾時俾驚喜，為咗多啲時間見，阿Sa先後同男友去東京、印度同布吉，阿Sa最近拍緊《PTU機動部隊》，本來佢想同劇組拎兩個禮拜假期去歐遊，唔知係唔係劇組放唔到人，佢先去布吉玩。
(蘋果日報)
