藝人李璨琛早前就喺農曆新年期間涉嫌醉駕被捕，更被警方落案檢控一項醉酒駕駛罪名，並於下個月11號喺觀塘裁判法院提堂。
而懷有身孕嘅太太梁志瑩（Pae）今日就喺社交網上咗一張超聲波相，原來轉眼佢已經懷孕40週喇，應該好快就會見到BB嘅來臨，難怪作為媽媽嘅Pae都好心急，仲喺網上「催生」搞笑話：「雖然我果（嗰）個係豪華倉，但係你都住左（咗）成40個星期啦，快d（啲）出黎（嚟）啦！乖！」Pae仲話BB出世後就會帶佢去主題公園玩，相信Pae絕對錫到BB燶呀！
太太梁志瑩（Pae）
(IG / ON.CC)
被指背住女友跟一位四眼妹透過視像對話，更肉緊得啜爆對方，經理人男友在社交平台回應：「工作關係我每天四處走，所以和同事間的溝通，大部分以視像進行，如傳媒有拍到我所謂『啜爆』影片，請提供，Cap一張講緊嘢嘅表情圖就當係？」
經理人男友邵子風又指該雜誌沒有向他求證，只是搵女友蝦頭（楊詩敏）問件事然後就影低反應，邵子風續說：「我係覺得『得啖笑』嘅，有新聞好過冇新聞呀，最慘係我同事，人地（哋）大好家庭，有老公、有仔仔，而家無厘頭變成『肉肉女』…」
蝦頭（楊詩敏）經理人男友邵子風
東網再找邵子風，問他會否覺得搞到女同事而唔好意思？他說：「我又唔覺得唔好意思，平日我同我細佬、阿媽都係視像傾偈，呢個係我嘅習慣，我同好多人都係用視像呢個科技。」
問到邵子風跟蝦頭的感情？他說：「目前冇乜嘢。（仲係男女朋友關係？）係！我覺得好搞笑囉。（蝦頭事前有冇話你知？）有。」邵子風表示該女子是他的秘書，兩人日日都會視像溝通，他說：「我想講我唔會改變我呢個習慣，我同男男女女都係用視像，（蝦頭對你百分百有信心？）係！」
其後，蝦頭喺網上現身並發長文訴心聲。佢表示身體抱恙失聲中，但依然到醫院探望病重嘅嫲嫲，同時亦要準備舞台劇工作，加上分手傳聞滿天飛，心情相當複雜及難過。不過，樂觀嘅蝦頭坦言懶理是非，仲話家人先係最重要，佢留言話：「每人每天或許要面對各式各樣的困難處境，有家人在身邊就是動力的來源。那些所謂的是是非非流言蜚語對我來說不必費力無謂上心，家人才最重要。感謝愛我支持我懂得欣賞我的每一位。我會繼續學習忠於自己，做好我的戲，唱好我的歌，活好我的人生。」加油呀！
邵子風亦話女友蝦頭對自己百分百有信心。
(on.cc)
生日好多時會祝福壽星年年有今日，歲歲有今朝，對於噚日40歲牛一嘅前無綫藝人、有線前主播劉家聰，今年生日意義重大，因為佢今年初發現有腦瘤，聽從醫生吩咐要立即安排入院做手術。
曾爲兒童節目擔綱，主持《放學ICU》和《至Net小人類》，又曾拍攝《法證先鋒II》、《創世紀》等劇集。
劉家聰一直活躍社交圈，樂於跟友人分享生活點滴，但1月18日忽然喺Instagram留言：「嚟到今日，日子已不多，我信我，正能量會戰勝一切。多謝我兄長Kelvin安排，好彩沿途有你。」
(劉家聰IG圖片)
佢冇交代發生咩事，過咗幾日Ig貼出剃頭相，劉家聰仲係笑住面對鏡頭，1月22日，已剃頭戴帽嘅佢又發文：「好…六點正需要起床啦！！萬事準備充足（其實已準備兩個星期）不論個人情緒及爆棚意志（因為我好幸福，有家人、兄長、朋友、老防兄弟、工友及中學同學等等），萬事俱備，整裝待發，上場打漂亮一仗，Fighting。」原來劉家聰腦有一個6厘米大嘅瘤，壓住左手左腳嘅神經線，必須要立即進行開腦手術，1月22日佢就一早入院，做咗長達7小時開腦手術，佢由手術室推出來，仲要留喺ICU觀察，農曆新年已出院返家跟妻女團聚，經過一個多月休息，佢身體康復進度理想。劉家聰近日再重返社交圈。
名媛諸葛紫岐（Marie）與老公薛嘉麟晚上到灣仔出席保良局周年慈善餐舞會。
身穿高踭鞋的Marie行路有少少拐拐吓，她解釋日前穿了不合size的波鞋，着了一日後覺得腳痛，三日後睇骨醫證實患了骨膜炎，要物理治療及搽藥膏，問到為何還穿上高踭鞋？她笑說：「其實都諗咗好耐，因為要靚，影相啫！之後就會入去換鞋。」 
諸葛紫岐又透露之後會跟家人到日本旅行遊覽主題樂園及動物園，大約逗留一星期，老公亦會同行，問到老公是否負責「造人」？Marie大笑說：「佢會照顧我哋，幫手拎嘢做咕哩。（係咪真係會造人？）希望快啲有好消息！（想BB係日本製造？）其實邊度製造都冇問題，想快啲有喜訊！最想係要龍鳳胎！（接唔接受人工受孕？）未使！遲啲先諗。（點樣催谷老公？有冇畀虎鞭佢食？）唔使啦！咁恐怖！佢好忙，食嘢係唔健康，又飛來飛去，不過都冇乜食補品，我相信順其自然，就算身體唔好，上天要畀你都會照有。」
(on.cc)
最近先同謝安琪一家慶祝細女Karina 一歲生日，仲帶埋一對仔女去主題公園開心番日，一家都超Sweet!
但昨晚張繼聰喺社交網站同大家講：「我張回鄉證四年前影，嗰陣冇留鬚，拍緊《老表，你好hea》，同o依家個樣有少少唔同，問題喺到喇，每次上大陸做嘢，我過關嘅時候都會被扣查，係，係真係被扣查，所以成日都聽到後面有啲朋友講話：『喂！嗰個張繼聰被人拉咗喎！』通常都係要出示埋身份證，仲大件事，因為我張身份證係十幾年前影嘅。」
講到呢到阿聰自己都苦笑咗一下，之後又話：「我覺得嗰啲邊關嘅工作人員做得非常之正確，因為唔單只你哋，我同事啦、我嘅工作伙伴、甚至我自己都唔係好相信呢三個人係同一個人，但係我張身份證同回鄉證又未到期換，所以呢個情況都係唔會改善，我喺到澄清一次，我冇走私，冇被人拉，我只係証明唔到我自己嘅身份啫。」
網民反應好好，個個都話想睇下到底張繼聰呢兩張證用咗啲咩相差咁遠，阿聰之後再拍片補充：「每一次過關，就算我拎住我自己張回鄉卡，我都係心虛嘅，我每次都好努力去嘗試，但係結果只係得一個，例如我試過笑住啦，不過我自己都覺得自己好可疑，我又試過認真啲啦，咁就直接入房喇，我又試過精神啲啦，因為每次都好攰，但係無論我用咩方法都係唔成功嘅。」
(apple daily)
藝人呂慧儀、林淑敏、謝芷倫及許家傑等下午到長沙灣出席《愛·回家之開心速遞》宣傳活動，與一眾家庭大玩遊戲慶祝復活節到臨。
林淑敏與謝芷倫齊齊受訪，對於被網友指二人愈來愈似樣，林淑敏笑說：「大家身高差唔多，又對咗1年啩，我哋依家好有默契，一個眼神就知對方想點。」
林淑敏與許家傑的情侶檔相當受歡迎，林淑敏透露二人「戀情」將有危機：「會有個香港先生加入，但暫時要保密。我好多人追，好開心身邊有咁多肌男。」
許家傑被問到被「撬牆腳」即謂：「我未知對手係邊個，不過唔擔心嘅，我咁有魅力唔會輸畀佢。」
(on.cc東網)
有唔少網民似乎唔係好buy呢個新組合，不過Chilam就好謙虛，一臉認真咁話：「唔係㗎！人人都做到。我都唔知，呢啲係緣份，有緣會再。。。」
最近有消息傳出，無綫將與大陸嘅騰訊影業合作，開拍經典劇《衝上雲宵》新版，製作費高達2億人民幣。但就因為蕭定一與無綫有官司問題未解決，搞到「Cool魔」張智霖(Chilam)同「夏晨」胡杏兒都冇緣演出，取而代之，就係近年喺大陸爆紅嘅陳偉霆，再加埋陳偉霆嘅舊愛Angelababy同緋聞女友迪麗熱巴都在名單之列。
不過，唔少網民似乎唔係好buy呢個新組合，有粉絲仲話：「還我Cool魔！」
噚晚Chilam喺中環出席Louis Vuitton舉行嘅Objets Nomades傢具系列展，被問到係咪冇人能及？Chilam好謙虛，一臉認真咁話：「唔係㗎！人人都做到。」
Chilam喺蕭定一公司旗下藝人，問到係咪因為蕭定一與無綫官司，令佢未能參與？Chilam話：「我都唔知，呢啲係緣份，有緣會再見面。我成日都覺得狀態唔會係永恆，呢刻未必得，相信唔會永遠都唔合作，期待有任何門口合作。」
(蘋果日報)
陳冠希（Edison）日前喺上海參加NIKE快閃店活動，突然被公安粗暴推走，搞到Live被迫腰斬，唔少粉絲都好擔心，幸好Edison最後冇事報平安。
Edison嘅家姐陳見飛今日仲喺ig報告咗Edison最新行蹤，原來佢已經返咗美國屋企喇。依家嘅Edison已經變咗深閨男人，因為有中國超模女友秦舒培為佢生咗個寶貝女Alaia，囡囡剛滿1歲，最近學識行路。
Edison無時無刻都陪住愛女，見Alaia一邊聽住強勁音樂，一邊學行，雖然震吓震吓，仲唔小心跌低咗，但Edison就好有耐性，一步步退行讓愛女行多幾步。
佢好興奮咁「Wow」咗幾聲，然後話﹕「Say hi everybody,I can walk,I can dance.」囡囡亦好醒目咁手舞足蹈。現在Edison大部份時間留喺美國居住，有工作先會中港台四圍飛。
咁外國間屋當然係好大好大啦，同好靚好靚啦，其中一個角落全部都係村上隆嘅flower ball咕臣，仲有隻巨型龍貓，咁就唔怕小朋友撞傷，真係細心。
(蘋果日報)
不過最近盛傳男方身邊不時有很多女伴氹氹轉，女方今日突然在私人社交網表示：「我要分手喇！」受情傷的她明顯很難過，但男方就堅稱自己。。。
70年代「香港舞王」麥德羅（Robert）去年宣布今年會迎娶卡拉OK老闆娘劉麗萍（Apple姐），兩人先後結過婚，Apple更經歷兩段婚姻，而兩人在年輕時曾拍拖四年，幾年前重遇後，一撻即着，再拍拖不久後便宣布「閃婚」。
不過最近盛傳麥德羅身邊不時有很多女伴氹氹轉，Apple今日突然在私人社交網表示：「我要跟麥德羅分手喇！」東網透過訊息聯絡Apple姐，她以短訊回覆：「唔好意思，現在唔想講話！」更附上一個哀傷的emoji（表情符號），受情傷的她明顯很難過。
係好癡戀嘅粉絲
麥德羅接受東網電話訪問，他的聲線同樣無厘心機，問到Apple表示跟他分手，他說：「有啲誤會啫，依家箍緊煲，叫佢唔好亂諗嘢！（你係咪同Apple指嗰個女人有路？）唔係呀，佢有啲問題㗎，嗰個女人癲㗎！（嗰個女人同Apple爆你哋啲嘢？）佢亂噏嘢！（你哋真係冇嘢？）真係冇嘢！（發誓？）可以，佢係嗰啲好癡戀嘅粉絲，係想搞破壞嗰隻，我唔知佢同Apple講咗乜。」
冇背叛Apple
麥德羅跟Apple同居多年，麥德羅坦白說：「佢尋晚冇返嚟，我都搵啲朋友搵緊佢，但未搵到，我再試吓WhatsApp吓，我會氹番佢，自己都好唔開心。」有指Apple三年前已叮囑麥德羅有關那個女人的事，麥德羅承認：「喺兩年前，佢有同我講過，話你自己有知名度，小心啲啦！」他再三強調沒有背叛Apple，沒做過對唔住她的事，他說：「真係冇呀！」
(on.cc東網)
鍾楚紅、文詠珊(JM)、林嘉欣等噚晚喺中環出席LV傢俬系列展覽，剛宣佈懷有第四胎嘅張新悅腹大便便，拖埋老公楊哲安一齊現身。
提到下月1號就係好友張國榮逝世15周年，紅姑話：「佢成日喺我心入面，唔使咁多儀式，佢無處不在。」
紅姑透露之前去歐洲同熱帶地方旅遊，亦有重返與哥哥之前喺歐洲拍戲時到過嘅地方緬懷吓，紅姑仲話好鍾意巴黎，佢話：「嗰度天氣好，好多植物、花、展覽同博物館，去到唔會悶，會坐巴士地鐵，好自在，仲會着得好隨意去街市買餸。」
相反，喺香港去到邊都俾人認出，紅姑笑言有時會喬妝，冇人認得嘅時候就會開心周圍行。
同場嘅JM就恭喜前老闆黎明即將榮升爸爸，透露已經傳短訊恭喜Leon，不過自己都感到突然，佢仲大讚Leon話：「我覺得佢會係一個好爸爸，佢好細心，屋企有咁多寵物，就知道佢係一個好有愛心嘅人，期待佢BB。」放完假後JM喺5月就會返內地拍劇，佢仲話同男友感情隱定有默契，大家都喺內地工作時都會相約見面，認真sweet sweet！
(蘋果日報)
