吳若希今日喺康怡廣場出席新春活動，同財神齊齊派優惠劵、玩遊戲。
吳若希透露新年期間帶囡囡淼淼（Giselle）返鄉下福建：「太公太婆第一次睇佢，佢哋年紀大，平日精神都唔係咁好，但係見到個（曾）孫女就精神晒。」
吳若希笑指爺爺嫲嫲話囡囡似奶奶，令佢很傷心：「唔似自己會唔開心，咁似奶奶，應該係奶奶自己生㗎嘛！嫲嫲仲叫我生對孖嘅畀佢湊，遲多一、兩年先啦。」
吳若希仲話今個新年囡囡成日叫媽媽，原本係好值得記念，不過個女發脾氣先叫媽媽，玩嗰陣就叫爸爸，搞到佢話好傷心。
(蘋果日報)
【同愛人旅遊】張栢芝：2018年之前必定要生出BB來
藝人張栢芝向來都好享受同囝囝親子樂，近日栢芝又帶咗囝囝Lucas同Quintus去咗新加坡旅遊。
兩兄弟好好感情。
早前佢就喺網上為佢嘅手錶品牌發起抽獎，點知嗰名幸運得獎者竟送番兩盒直升機模型畀栢芝兩位囝囝，嘩！真係好貼心呀！難怪着上泳衣兼晒出事業線嘅栢芝拍片多謝粉絲。
粉絲送出兩架模型飛機畀栢芝兩個仔。
佢即刻拍片感謝。
另外，佢仲喺社交網分享多張同囝囝嘅遊玩相，並留言：「最珍貴的時刻！」見到兩兄弟玩紋身貼紙，栢芝好sweet同佢哋合照。
唔知栢芝同咗仔仔去邊度玩呢？
仲一齊食快餐店。
隨後，栢芝再晒出抱住一個小朋友合照，搞笑咁話：「實在太可愛了2018年之前必定要生出BB來，this is my goal！」相信此趟旅程佢哋必定玩得樂而忘返喇！見到啲小朋友咁可愛，難怪網民都話栢芝想再做媽咪啦！
栢芝見到小女孩突然話要生BB，仲要2018生出嚟？
(on.cc)
【佗B肥咗十磅】興奮宣布BB性別：真係好辛苦
蔣怡（CoCo）和李亞男兩位幸福人妻昨日喺旺角出席一個美容品牌推廣活動，噚日蔣怡喺宣佈再同老公翁狄森（Dickson）成功「造人」，CoCo昨日透露今胎係陀仔，已經5個幾月，連同佢哋之前嘅4歲女兒翁容，湊成一個好字，感到好開心。
腳踏兩寸尖頭高踭鞋現身嘅CoCo，身形發福，佢透露預產期係6月尾，可能係巨蟹仔。問到B仔改咗名未呢？CoCo話：「冇咁快，好難改呀，成件事太surprise，嗰陣時幫我個女改名完全冇留過餘地要改第二個名，第一個翁容已經好好聽，第二個男仔真係未諗到，又想簡單唔好太多筆畫咁複雜，但又想好聽，暫時冇乜feel，可能要再遲啲。」
咁會唔會停工待產？CoCo話：「陀BB 4至5個月都好少出嚟見大家，因為真係好辛苦，成個人胃口變晒，又冇力，好多時候都係屋企，o依家啲胃口返晒嚟，大家都見到我都覺得肥咗，我成日同我囡囡講我係媽咪pig。」CoCo指上個月已經肥咗10磅，自己都覺得有啲愕然，仲話：「可能係男仔關係，吸收好多，冇乜食嘢都大，好事嚟，做一個開心嘅媽咪pig。」
CoCo話老公應該都會想揀日子開刀， 依舊會幫BB剪臍帶同入產房，不過估唔到竟然囡囡都話要剪臍帶，仲話要幫BB沖第一次涼，同爸爸爭過。
另外，李亞男同王祖藍結婚3週年紀念在網上放閃，兩人先同家人去了北海道，之後去咗杜拜過二人世界慶祝，順便造人。李亞男話：「希望今年可以成功，當然唔好畀自己有壓力。」李亞男見到CoCo懷胎送上祝福，以及去摸下沾旺氣。至於講到佢個好姊妹苟芸慧（苟姑娘）公佈婚訊，李亞男戥對方高興，希望幫佢做到姊妹同阿四，等緊苟姑娘通知。
(蘋果日報)
【結婚3個月】陳嘉寶黑面冷戰！
藝人陳嘉寶（Anjaylia）去年11月與比她年長8年、任職滑水教練的富貴初戀情人黃頌祈拉埋天窗，榮升人妻的Anjay婚後與老公一直表現甜蜜，趁着大前日（22日）人日，黃頌祈就孖老婆外出拍拖過婚後首個佳節。
昨下午兩公婆拍拖前往中環行街，沿途見Anjay翹着老公，原本兩人邊行邊傾相安無事，但黃頌祈期間掛住撳電話，冷落了身旁的老婆，搞到Anjay即時黑晒口面，全程擰歪面唔望老公。
擰歪面唔望老公
Anjay黑面黑到…
撳完電話的黃頌祈見到老婆嬲爆爆，隨即諗計出招…
帶老婆去時裝店「出血」任買，雖然只是平民化時裝店，但Anjay都睇得好開心，不一會已有斬獲，老公負責做阿四拿着大袋戰利品，見老婆買得咁開心，於是繼續同Anjay到附近購物，期間見到有記者，Anjay亦笑着揮手打招呼。
「出完血」他再去買雪糕補鑊氹老婆，果然甜品一出，Anjay當堂笑番晒，甚至邊行邊餵老公食雪糕，認真sweet！最後雙雙往停車場取車離開。
Anjay即時開心番晒！
仲餵番老公食雪糕添～
（on.cc）
【Yumiko唔小心洩蜜】原來佢已經結婚生仔！
依家各有家室，想約埋食餐飯都有啲難，貼相嘅Yumiko留言﹕「係香港都難見，日本先可以見到。」
唔知大家仲記唔記得「雷神」呢？唔係Marvel系列，而係三級系列嗰位，曾經拍過港產賣座三級片《3D肉蒲團之極樂寶鑑》嘅雷凱欣。雷凱欣當年憑住36F上圍，喺電影中一秒露點而成為佳話，被封「雷神」。不過有人質疑露點嗰個唔係佢，而係用剪接替身，被人話係「老點」。
但呢啲都係過去式，因為雷凱欣已經變咗一位賢妻喇！佢喺2012年撻著擁有近200架的士嘅車行太子爺陳智聰（Jack），自此絕跡娛樂圈，閒時同Jack周圍旅行，坐私人飛機吃喝玩樂，生活寫意。為咗「洗底」，雷凱欣都刻意低調，平時喺社交網多數貼食物或環境相。
點知噚日鄭希怡(Yumiko)竟然唔小心洩密，Yumiko近日一家三口去咗東京旅行，喺街上遇見雷凱欣都係一家三口，因為除咗Jack之外，佢仲揹住一個肥嘟嘟好得意嘅BB，面形圓碌碌，但樣似雷凱欣多啲，相信係二人嘅愛情結晶品。
據悉雷凱欣去年喺ig story貼咗一隻巨型鑽石戒指，當時好多人都送上祝福，但張相僅存24小時就冇咗。Jack同Yumiko嘅老公Andy好老友，Andy結婚當日，Jack都係兄弟團之一；但現在各有家室，想約埋食餐飯都有啲難，貼相嘅Yumiko留言﹕「係香港都難見，日本先可以見到。」
由於東京都幾凍，雷凱欣都係着住厚衫，但就戴咗頂帽同紮孖辮，一副賢淑look，與昔日性感女神形象相差甚大。
而雷凱欣隨後都有喺ig貼大頭相，但就得佢一個人，周子駒都驚訝留言﹕「終於見到樣！」
《蘋果》問過Yumiko關於雷凱欣嘅事，佢就回覆：「人哋嘢我唔講咁多⋯ 希望明白。」
(蘋果日報)
【首次公開露面回應】梁嘉琪：有報道之前…
藝人梁嘉琪與電台監製金志堅（阿金）拍拖四年，早前爆出阿金有小三，小三更疑似懷上對方骨肉，未幾嘉琪就表示「已一個人上路」，宣布與對方已經分手。嘉琪今日透露初六起已密密工作，覺得相當感恩與充實，拍完廣告又有商演，新一年希望身體健康、每日開心。被問到現在心情如何？她說：「開心，我好簡單，有工作就開心。（想行桃花運？）隨緣啦！」
梁嘉琪與電台監製阿金已此情不再。（資料圖片）
失戀的她被問心情回復未？她直言沒有甚麼大起伏，至於可有與阿金聯絡？她說：「其實我從來都冇乜點樣交代感情，今次都收到好多朋友關心，但係要講嘅嘢已講晒，私人嘢唔想公開講，呢個先係真實嘅自己！」
談到報道指阿金的小三懷上對方的骨肉，她說：「我唔知件事係唔係真，但係有報道之前，我哋已經分開咗，其他人嘅嘢唔答，唔去評論喇！」她又未肯透露何時與對方分手、分手原因等，至於是否因小三疑懷上阿金骨肉而分手？她說：「其實感情嘢，唔係一兩句可以講晒，而且我從來都好少講自己嘢。」至於有沒有人追求？她笑謂未有，但自己已準備投入下一段戀情。
佢話呢排都收到好多朋友關心。
(ON.CC)
【龔嘉欣唔擔心】 姚子羚出嫁之日係分居之時
找到一個同居閨蜜十分幸福！
「少婦聯盟」的龔嘉欣和「胡說八道會」的姚子羚一直以來也是同居閨蜜，她們經常以「愛人」相稱，甜蜜滿瀉。二人於數年前收養了一隻被遺棄的唐狗，並將牠改名為「通仔」，好姊妹與狗狗一起生活得十分快樂。
嘉欣和子羚於數年前收養了一隻被遺棄的唐狗，並將牠改名為「通仔」。（網上圖片）
能成為同居閨蜜，對方定必有其吸引之處，問到嘉欣覺得子羚如何時，她大讚子羚：「心地好、心軟，同埋佢真係一個好好嘅女仔嚟。佢都係一個好好嘅聆聽者，又玩得，佢好玩得、好講得笑。」
談到當初為何決定住在一起，嘉欣說：「無㗎，大家話不如搬出嚟。」二人就這樣開始同居了，嘉欣表示因為當時住得很遠，駕車來回十分費時，令她缺乏休息時間，便決定要搬近一點。縱然「相處好同住難」，嘉欣卻從沒試過與子羚吵架，或許這就是二人的緣份。
嘉欣指曾試過出外工幹時與其他人同房，但即使時間短，對她來說都不容易：「我發覺就算係咁短時間，唔啱嘅人都會有啲啲嘅磨擦。可能同子羚性格都係咩都講，且唔介意去做埋對方嗰份。有時可能佢好攰，返到嚟除咗啲衫就擺咗喺沙發，我會幫佢摺。又可能我趕住出門口，擺咗啲鞋喺地下，佢又會幫我收返好。」
嘉欣和子羚性格相互配合，生活中不乏快樂事件，嘉欣分享一件小趣事：「佢（子羚）成日打爛野，好得意嘅，佢係唔會救嗰樣物件。例如佢見到隻杯跌落去，我會同佢一齊（大叫）『啊！』但大家係無Action諗住去救隻杯，咁佢就跌咗落地下，大家就係度笑。你又唔郁我又唔郁，係呀佢都跌落去㗎啦，都幾搞笑。」
「天下無不散之筵席」，談到子羚出嫁之日將會是二人「分居」之時，嘉欣直言不擔心：「佢如果嫁得出快啲嫁喇！為佢開心，反而我唔會諗驚佢搬走或者點，都會想佢搵到一個好錫佢嘅男仔，有佢嘅家庭，希望佢嘅愛情又好事業又好。」若然有天任誰要搬走，相信她們也不捨得對方。
(bastillepost)
【偏方害人】2歲女發燒抽搐 家人如同謀殺！
一名聲稱是內地醫院急症室的醫生，在微博發貼講述日前一名2歲女童因為發燒及身體抽搐，家人竟無知地給強灌半杯滾水急救，造成女童險些送命的病例，引起網民關注及熱議，當中有人直斥女童家人的愚蠢行為如同謀殺，也有人指出，內地仍有不少人迷信於坊間流傳的偏方療法，隨時搞出人命。
「2歲孩子發燒抽搐，家裏人為了促醒，居然往她嘴裏灌了半杯滾開水，後來可想而知，這個孩子口腔全部燙傷，嘴唇腫得跟驢一樣，關鍵是喉頭水腫呼吸困難」，發貼者稱，當時女童被送到醫院搶救時，已出現呼籲衰竭及心跳微弱，「還不好氣管插管，聲帶全水腫了，一插管就損傷黏膜，血直冒」。
發貼者更在貼中呼籲民眾不要用一些愚蠢、愚昧的辦法折磨孩子，「甚麼挑馬牙、挑喉嚨、灌開水、在燙傷的傷口上撒鹽……這些事我們兒科醫生都曾經碰到過」。發貼者直言，這些行為只會給孩子帶來更大的痛苦，甚至危及孩子的生命。
發貼者還透露，除夕當天度過了「驚心動魄」的一夜，除了2歲女童被家人強灌滾水急救，同時還有一名在路邊玩耍時遭汽車撞飛10多米的7歲男童。經診斷，該男童顱骨及雙腿骨折、脾破裂出血和失血性休克，幸好送院後經多個診科醫生會診，並進行4個小時的手術後，暫時保住了男童的生命。此外，當晚他們還接診了一名被電單車撞至顱骨骨折及腦出血的3歲孩童。
因被家人灌下半杯滾水的女童，送抵醫院時口腔全被燙傷嘴唇腫脹。（網上圖片）
（ON.CC）
【囝囝曝光】帶囝囝出街慶祝40歲生日！
今天40歲生辰的Gary弄兒為樂，昨晚在IG Story上傳與囝囝的近況。
前年10月退出韓國綜藝節目《Running Man》（RM）的韓星Gary，去年4月宣布與圈外女友閃婚，並於11月宣布妻子一索得男的喜訊，雖然一直有傳Gary的妻子是內地人，但其後Gary身邊的友人透露Gary的妻子是其事務所的職員，比Gary年輕十歲。而Gary自從榮升父親後，亦不時透過Instagram上傳他抱着兒子的照片，雖然兒子一直未有露面，但從照片可見，Gary十分疼錫囝囝。
今日是Gary的40歲生日，亦是他榮升人夫及父親後的首個生日，故近日有不少韓國及海外粉絲留言向Gary送上祝福，Gary昨晚特地透過IG Story與粉絲分享他與兒子外出的照片及動態，更以英文寫上「Thank you so much」，感謝各地粉絲的祝福。此外，上周有網民在日本捕獲Gary，更興奮上傳與偶像的合照，未知Gary是否跟Rain一樣偕老婆到日本慶祝情人節呢？
Gary上周在日本被粉絲捕獲，更大方與粉絲合照。
Gary昨晚在IG Story上傳與囝囝外出的動態。
(東方日報)
【14年感情正式完結】完全唔知被踢出局！
成軍14年的台灣組合F.I.R.（飛兒樂團）曾經創作無數經典好歌，《我們的愛》﹑《Fly Away》﹑《Lydia》等等都係年輕人唱K必點之歌，陪伴了一代人成長。然而近年團體很久無出唱片，不過大家仍然期待他們三人的新作，但萬萬沒想到其中一位團員飛就在社交網站自爆，已經無預警被退團變成「局外人」了，搞到唔少歌迷驚嘆，紛紛上飛兒樂團的官網問個清楚。
事緣團體要出新歌，不過身為團員之一的飛就完全不知情，透過不同人的轉貼才得知這件事，後來更發現自己被移除了管理員的資格，求證之下才清楚已被踢出局：「親愛的所有團朋友，真抱歉過完年迎來的是這則消息，但這也應該是件好事。這兩天有許多人轉貼給我看才知道，原來團要出新歌了！後來上了專頁才發現我已經在2/16被移除管理員資格了，剛與兩位老師求證也得知他們即將有新的計劃，雖然這個計劃不包含我，我也在不知情的情況下被刪除管理資格，但無論如何能聽到兩位老師又有新作品我也是非常期待！祝福他們能夠寫出更棒更優秀的歌曲。」
其實就在去年11月阿飛已經表明，團員之間存在一些問題不過要等待時間解決，自己好愛F.I.R.：「我是Faye，也是F.I.R.的一員。這是永遠都不會變的。」短短3個月之後，這個結局就改變了，雖然唔再係F.I.R.一員，不過飛仍然好大方：「沒關係，雖然我已是局外人，但過去三人一起努力的成果，都願意與彼此分享，這是我愛F.I.R.的方式。」
而另外一名團員阿沁就在凌晨時份發文回應此事，表明飛被退團自己完全不知，為了避免誤會，他自己都退出粉絲管理員資格，由官方公司統一管理。更揚言三人一直無法達成共識，只好給予彼此祝福：「祝福我的音樂戰友。」言語中已經睇得出F.I.R.正式解散了。
飛被踢出局搞到唔少歌迷都為她抱不平，紛紛上官網問個清楚，表明無預警退出太唔尊重人「不懂得尊重人也不值得別人尊重」﹑「沒有飛只好退讚」﹑「沒有Faye就不要叫F.I.R.了」等等，大家都唔相信有呢一日到來。
對於飛被踢出局，團長陳建寧亦已經證實，表明因為之前有太多人一齊管理一個帳號太亂，有這個動作只是想有一個官方統一管理，強調若果飛未來想再回來，絕對歡迎。
(hk01)