去年宣布跟圈外男友註冊結婚，兩人結婚不足兩個月，昨日便公布懷孕喜訊。
日本混血名模道端Jessica的妹妹、32歲索模道端Angelica去年12月25日宣布跟韓國籍的圈外男友註冊結婚，兩人結婚不足兩個月，昨日便公布懷孕喜訊。
Angelica在社交網留言表示新生命將誕生，而她和丈夫每天都期待和他們的天使見面，真的迫不及待！她表示很想繼續工作，但會視乎身體狀況。至於Angelica懷孕幾多個月和預產期的日子則沒有公布。
Angelica於去年12月25日在社交網公布婚訊，並透露因骨折和生牛皮癬受到困擾，幸得另一半的支持，令她忘記辛苦。她又表示因丈夫是圈外人，所以不公開其姓名和照片。
(on.cc東網)
每次站在賣梳子的櫃子前，琳瑯滿目的樣式讓你眼花撩亂？依據材質、齒距，每一種款式各有不同的用途，正確使用能讓頭髮變得更美、更滑順，美國紐約知名髮型師提出7種款式的梳子，分別解釋其功用，教你怎麼使用，並找到最適合自己的絕佳利器。
1 大板梳（Paddle Brush）
2 陶瓷圓梳（Ceramic Round Brush）
3 木質圓梳（Wooden Round Brush）
木質圓梳一直是專業髮型師的最愛！Devin Toth表示，豬鬃毛能防止靜電，非常適合乾燥季節使用，除此之外，豬鬃毛可以將頭皮的天然油脂順著梳髮動作帶到髮尾，同時還能按摩頭皮，因此髮根毛孔不容易阻塞，頭髮自然就會亮得很健康。
4 通風髮梳 （Vent Brush）
5 寬齒梳（Wide Tooth Comb）
寬齒梳可是捲髮女孩的好朋友呢！它的齒距比一般梳子寬，可以避免乾燥打結的頭髮被用力拉扯而斷裂，Devin Toth表示，如果洗澡的時候發現頭髮打結，用寬齒梳從髮尾開始往上梳開就能輕鬆梳順，洗好再用它理順髮流，用手指纏繞一下，此時再烘乾就能恢復一般的捲度。
6 尖尾梳（Tall Comb）
尖尾梳是盤髮的好工具，可以替頭髮分線，尾端尖尖的部分可以照顧到細枝末節，把頭髮收得更乾淨，是分層綁頭髮，找瀏海分界點的小幫手。
7 刮髮梳（Teasing Brush）
頭髮收得乾乾淨淨早就不流行啦！女孩們綁頭髮蓬鬆的秘訣就是刮髮梳！利用濃密的梳子，逆著或上下來回梳髮就能製造蓬鬆感，但是細軟髮質的女孩要格外注意，若是動作太粗魯就造成頭髮損傷。
(自由時報)
去年嫁人兼極速做媽咪，同年10月一索得男。而早前再宣佈懷有第二胎，佗B五個月曬肚。。。
現年37歲嘅韓國女團After School前隊長嘉熙，去年嫁人兼做媽咪，去年10月一索得男。而早前嘉熙再宣佈好消息，宣佈懷有第二胎。
而上周陀住約5個月BB嘅嘉熙就現身韓國樂壇盛事「第七屆Gaon Chart Music Awards」，佢仲性感現身，不過當時陀住B嘅嘉熙就唔覺見肚。
到噚日嘉熙就喺Instagram上載新相，仲留言話「21周」，見佢個肚比上周大咗好多，睇嚟BB成長得好健康。
(蘋果日報)
細個嘅時候最開心係父母帶佢去樂園夾公仔，而依家最開心係見到父母開心。。。
藝人陳貝兒雖然依家係單身，但亦不愁寂寞。趁住新春假期，佢就同父母去咗日本旅行。
呢日陳貝兒喺社交網上載多張旅行相片，當中包括以前童年時同屋企人去日本嘅相片做對比，佢仲感性留言話：「人生第一次去旅行係媽咪爹哋帶我去日本，當年我三歲。三歲人仔第一次出埠，對世界充滿好奇，多謝你地（哋）帶我看世界。今年我地（哋）再一齊去日本。事隔多年，你地（哋）話日本變左（咗），講真其實我真係冇乜留意，我淨係覺得你地（哋）冇變。」
貝兒仲講出旅行的意義，佢話細個嘅時候最開心係父母帶佢去樂園夾公仔，而依家最開心係見到父母開心，最後佢話：「希望爹哋媽咪永遠身體健康，我地（哋）要繼續一齊遊世界。The best feeling in this world is to know that your parents are smiling because of you…（世上最美好嘅感覺係父母因你而笑。）」
唔少網民都留言讚佢孝順，又讚童年時嘅「小貝兒」已經好靚女，果然三歲定八十！
(on.cc東網)
Shine即將喺3月2、3號假紅館舉行入行15週年演唱會《Shine Moments Live 2018》， 正密鑼緊鼓為演出做準備嘅成員徐天佑同黃又南，噚晚喺土瓜灣接受訪問，講到為咗今次演唱會特登製作新歌《不怕》，搵嚟黃偉文填詞，天佑話：「我哋好希望做一首類似《燕尾蝶》咁樣嘅歌，因為時代唔同咗，新歌希望以呢一代人對呢個城市嘅感情為主題，係一首正面嘅歌。」
佢哋話今次新歌係自資製作，花費十幾萬，為咗呢首歌特登喺英國請咗一名藝術家設計單曲封面，正當一切準備就緒嘅時候，佢哋發現原來新歌竟然同官恩娜啱啱派台嘅《寶貝兒》鬧出雙胞胎，即係同一位作曲人嘅作品。成員又南表示：「我哋都係新歌監製喺年三十晚從收音機聽到Ella呢首歌，先至知道竟然同我哋啱啱錄好嘅新歌係一模一樣，喺經過查詢下原來Ella早喺一年前已經收咗呢首歌，但因為佢生BB，所以斷斷續續到啱啱月中先推出咗，時間上啱啱畀我哋早咗少少。
事件發現之後Shine表示已經即時查詢作曲人同華納方面，發現其實係作曲人徐繼宗不慎出現行政上嘅錯誤，天佑表示：「其實唱片公司都有一份歌單交畀歌手，歌手們就係呢啲歌單上面揀Demo，當時Ella揀到呢首歌之後，歌曲冇喺歌單上刪除，咁啱到我哋亦揀中咗仲錄好埋，於是就發生今日嘅事。」又南表示：「作曲人事發後已經第一時間同我哋Say Sorry，其實呢件事唔係華納同我哋嘅錯，o依家大家仲喺度商討緊究竟應該點算 ，因為撞正農曆新年假期，唱片公司方面同我哋仲商量緊，希望下個星期會有好消息，因為首歌我哋真係好鍾意，而且相關嘅產品已經製作中，好希望可以完滿解決。」
佢哋表示同一首歌鬧出雙胞胎好罕見，天佑表示：「上一次有同類事情已經係陳慧嫻嘅《千千闕歌》同梅姐嘅《夕陽之歌》，希望有呢一個案例，可以令事情有一個完滿嘅解決方法。」至於官恩娜所屬嘅華納唱片公司發言人回應表示：「歌曲係喺去年收到，歌曲接近錄好階段時Ella發現自己懷孕，於是錄音工作暫停直到今年1月誕下第二位囡囡後，Ella希望將歌曲當做送畀兩位仔女嘅禮物於是將歌曲派台，後來 收到東亞唱片版權部查詢，先知道Shine亦錄好咗同一首歌鬧出雙胞胎事件。」
華納發言人續稱：「向來同Shine關係好好 ，而且兩件都係喜事，Ella係慶祝第二個囡囡出世，而Shine就係慶祝紅館演唱會，雖然鬧出雙胞胎事件係尷尬，但都無辦法。」
(蘋果日報)
無綫熱播劇集《波士早晨》中藝人何傲兒「自毀」犧牲靚女形象，以醜女形象扮演李佳芯妹妹，令唔少網民紛紛討論，正反兩方各持己見，有網友指見到何傲兒扮演醜女竟然話食唔落飯，亦有網友為佢抱不平：「咁樣醜化傲兒好似好唔抵，感覺係咪有心整蠱人！」平時出席活動靚靚示人嘅何傲兒，唔介意公開扮醜嘅過程，仲見佢開心晒V，似乎好享受做醜女角色！
今次引起網民討論，何傲兒接受東網訪問話好多謝大家，會繼續努力，她說：「一定係多謝無綫同監製畀一個咁好嘅機會我，令我演技同扮相都有更大突破，其實呢個角色令我內心成長咗好多，好多謝網民關注，仲收到好多朋友叫我繼續加油，無論自己身在任何崗位同位置都會繼續努力。」
講到《波》劇係何傲兒離開無綫最後嘅作品，依家睇番係咪感觸良多？她說：「當然有啦，始終喺呢個大家庭屈指一算都有八年，我仲記得離開公司嘅最後一日，自己都仍然拍攝緊呢部劇，最深刻就係拍緊最後一個鏡頭，眼淚喺心裏面流出來，其實同劇演員都唔知我係最後一日，除咗監製之外。亦係因為呢個角色咁特別，令我更加確定自己係好鍾意演戲，所以我好愛『阿鳳』（指角色名）。」
何傲兒話雖然離開咗無綫，但仍然都有同同劇嘅演員聯絡：「套劇出街之後自己有睇番開工時同大家影嘅相，又諗番起工作時嘅點點滴滴，覺得好溫馨同開心，忍唔住Send番相畀佢哋，都希望我哋喺唔同嘅崗位都搵到發揮自己嘅空間啦！」
(on.cc東網)
「如果有人真愛你，那他無論忍受多少，都不會願意跟你分開。那種嘴上說愛，其實離你越來越遠的，不過是謊言。那種滿嘴真愛，其實一點虧都不肯吃的，無非是路過。真愛，就是奔結果去的。沒結果的，只能叫曾愛過。無論你愛過誰，結果只有一個。陪你到最後的，才是真愛。」句句都咁夭心夭肺，似乎係出自己一個有經歷嘅人。
呢番感言，出自羅霖微博，佢昨早貼咗兩張雪地新相，仲Post咗呢段文字。出處係「哲言心語」— 拍攝地點係法國滑雪勝地Courchevel。之前羅霖同細佢20年內地富二代男友王嶠（J君）拍拖，之前仲俾《蘋果》爆佢帶埋細仔Jonathan秘遊曼谷，J君大獻殷勤幫手湊仔拎行李，融入家中，而羅霖當時回覆指二人係好朋友，因為要拍劇半年，會以事業為重。
新年流流年初七羅霖貼啲咁嘅嘢，一係，就係有感而發；一係，就係分手後羅霖滑滑下雪上網見到段文有所感觸；一係，就係J君帶羅霖上雪山講分手。唔係咁浪漫嘛？應該唔係，因為羅霖事先張揚今年農曆年同細仔去法國滑雪。
咁究竟發生咩事？身在法國嘅羅霖接受《蘋果》電話訪時問時話，唔係情變：「我時不時都會抒發呢啲感情嘅嘢，有時寫啲人生嘅嘢，有時睇到啲文字我又覺得幾啱幾受用。」
至於同J君關係，羅霖話：「至於我同佢，都仲係朋友嘅關係，我都未係…肯定係佢。都要澄清，佢唔係我男朋友，係我好朋友之一。」
至於結婚，羅霖感謂：「嚟緊我都有工作安排，我諗住冇乜工作先至諗呢個問題，但我諗依家要擱置囉。」羅霖仲話感情都係随缘：「大部分原因是要努力工作给三兒子學費和生活費，所以會放棄自己的感情或愛情」，似乎佢同富二代感情真係有啲暗湧喎！
其實戀情曝光之初，羅霖講過佢係想搵一段簡單感情關係：「J君都有喺呢方面（財政）提出想幫我，我同佢講冇需要，亦都唔想。」
又話自己有三年計劃，可以儲錢畀首期買樓，亦唔擔心J君會走咗去：「佢細過我等得，佢急我唔急，我都結過婚，又唔會考慮生小朋友，我都生唔出。」去年中可能因為拍《宮心計2》太辛苦，諗番呢五年嚟日日開工都冇得休息，都想搵個伴，當時羅霖仲話「之前嗰個（J君？）都好大機會」……o依家……
(蘋果日報)
藝人陳倩揚到中環為活動擔任司儀，正懷有第三胎的她現時佗B四個多月，雖然手腳仍然纖細，但已肚凸凸，連她自己都笑言：「呢個size應該係我之前佗五、六個月咁上下大，可能因為已經嚟到第三個，入面比較鬆動啲啩！總之希望一切順利健康，依家飲食同瞓覺都好正常，好滿足喇，等到三月頭就可以照到仔定女，暫時我咩都未準備。」
她表示知道自己生產完後坐月時是暑假，所以要趁現在多多陪伴兩個兒子，又謂兩個兒子對即將到來的小生命都好期待：「尤其係細仔，佢成日都同人講『你唔好叫我細佬喇，我係哥哥喇！』有時我喺架車度講嘢，叫哥哥嘅時候，佢又會話『你叫緊邊個哥哥呀？』真係好可愛，佢依家三歲多啲，開始多嘢講，真係日日都有笑料。個個都話細佬似媽咪，佢模仿能力好強，有一次同佢玩煮飯仔，佢攞住平底鑊同隻蛋，喺度扮拋鑊，我問佢點解會識，佢話『你喺廚房都係咁。』但係我已經好幾個月冇入廚，估唔到佢係觀察力咁強同埋記咁耐，希望佢會承繼佢媽咪咁鍾意煮嘢食，有相士話過我係旺煮嘢食㗎，睇吓會唔會承佢貴言。」
問到第三胎希望開刀還是順產，她就說不會太執着：「我頭兩個都係順產，呢個合作嘅話都希望順產，咁就好圓滿，但係如果身體有情況需要開刀我都唔會太執着，最緊要順利健康。」
雖然懷孕，她謂工作是一種對媽媽的肯定：「有人相信我哋嘅工作能力係會令懷孕嘅媽媽心情特別開心，而且都係胎教嘅一種，嗰種工作嘅energy佢係會感受得到，所以我會繼續做嘢。」
(on.cc東網)
內地男星黃曉明同老婆Angelababy（Baby）日前分別喺社交網上載拖住媽媽嘅相片，睇相見到佢哋應該同家人一齊去旅行，呢日曉明又再上載同一地點嘅旅行相，不過呢次就多咗囝囝「小海綿」嘅背影！
相片中佢兩公婆一人一隻手拖實囝囝喺雪地上漫步，而企喺父母中間嘅小海綿仲行到歪歪斜斜，真係好得意！
曉明留言話：「當你這樣牽着你的孩子蹣跚學步的時候，是否想到爸爸媽媽也曾經這樣牽着你的手。」
網民就留言話呢個一家三口嘅背影圖真係超有愛！
(on.cc東網)
藝人葉翠翠現時佗住第二胎，預產期係今年5至6月，翠翠依家主要留喺屋企安胎，不過今日就發生一件家居意外，令到翠翠嚇到肚痛！
佢喺社交網上載囝囝同救護人員嘅相片，留言話：「頭先真係嚇死媽mi（咪） 了。。下午工人姐姐準備小王子的粥仔，用blender整碎牛肉時，唔小心整到手指，真係差啲嚇到我暈低。。。流超多血，又唔知傷口幾深，但目測傷口非常長，我真係擔心工人姐姐會失血過多暈低，由整到直至救護員來到都有15分鐘，因我不是即時打999，用了幾個方法都不能止血，過左（咗）5分鐘都係要打。。真係嚇到我肚痛。。。」
翠翠仲話：「但係呢個小王子（囝囝）沒有幫手之餘，仲要救護員哥哥抱抱。。。雙手舉起咁樣。。。唔知救護員哥哥明唔明，但係媽mi知道小王子想做乜。。。本來想同工人姐姐一起去醫院，救護員說去洗傷口和要打破傷風針，唔知要不要縫針，但又沒辦法帶小王子一起，所以比（畀）定錢佢，睇完醫生就搭的士回來。幾位救護員非常細心，把之後程度（序）都告訴我，還叫我不用擔心！」網民都留言祝福工人姐姐快啲好番，仲叫翠翠保持冷靜，唔好動胎氣呀！
(on.cc東網)
