天王劉德華每年也會跟「華仔天地」粉絲舉行周年晚會，不經不覺已經30周年。前晚華仔於九龍灣國際展貿中心舉行「2018華仔天地30周年晚會」，來自世界各地過千名粉絲前來與華仔一齊慶祝，而華仔太太朱麗倩、6歲囡囡向蕙（Hanna）及劉爸爸和劉媽媽也有到場。現場保安森嚴，粉絲要憑實名票兼對樣始能入場。有份入場的粉絲亦非常乖巧，幾乎全都沒有拍照，所以晚會完結後在網上亦不見有照片流出。

現年50歲的劉德華與52歲太太朱麗倩6年前生下囡囡向蕙後，近日被傳再度懷孕。不過，前晚華仔偕太太朱麗倩、囡囡及父母到九龍灣出席「2018華仔天地30周年晚會」時，親向過千名粉絲否認太太再懷孕傳聞，但就揚言自己也很希望新聞說的是真的，還笑言：「每晚我都好努力。」恨生B恨到出晒面。

朱麗倩上月被本報直擊身穿鬆身衫和平底鞋到中環中建大廈，由於朱麗倩陀Hanna時的醫生蘇偉基正於該處大廈執業，至日前她與華仔出席囡囡幼稚園畢業禮時更肚凸凸，因而被傳再有身孕。不過，據悉一向視粉絲家人的華仔，前晚在台上否認說：「冇懷孕，我都好希望新聞係真嘅，每晚我都好努力。」明顯恨再做老竇。昨日便有粉絲在微博貼上一張華仔天地會員在現場引述的截圖，內容指華仔在現場向粉絲否認太太再有BB。

（讀者提供）

晚會開始時，華仔先在台上發言︰「好感謝大家撐咗我咁多年，今年fans club成立30年，有粉絲跟足我30年，佢哋由細路仔到少女，之後結婚變咗師奶到中年，家仲帶埋下一代嚟，好感謝大家。」之後華仔父母、太太朱麗倩及囡囡向蕙一起上台進行切蛋糕儀式，並一如過往由劉爸爸負責開香檳，其間華仔望住朱麗倩叫「媽咪」，十分溫馨。

（apple daily）

藝人余文樂（樂仔）自囝囝余初見（Cody）出世之後，成個人好似唔同晒，佢嘅社交網都三不五時就上載Cody嘅「斬件」相，雖然大家都仲未見到Cody正面，不過樂仔嘅慈父之情就已經湧晒出嚟！

所謂鐵漢柔情，一向都係潮人Cool爆嘅樂仔都轉晒性，今次佢就好開心同大家宣布Cody一個月大喇～樂仔喺社交網再次甫出阿仔嘅腳仔相，言簡意賅寫住「1 month~」後面仲要加個心心，睇嚟樂仔都真係掩蓋唔到內心嘅興奮啵。

（on.cc）

藝人梁烈唯接受電台訪問，講到他已為人父，在女兒眼中是慈父或是嚴父？唯唯笑言：「應該冇『嚴父』呢個字，爸爸應該係佢嘅玩具，係佢嘅『隨從一號』，佢跌咗嘢或者掟嘢落地我都幫佢執，但都會教佢唔准嘅。」

講到會否追個仔湊成「好」字，唯唯坦言都想生多個，但都要和太太好好溝通，因為湊小朋友都主要交給太太，明白湊小朋友不容易亦好辛苦。他透露太太身體是可以再生BB，但大家都覺得等女兒再大一點大概兩歲半才生多個較適合。
而事業上，唯唯表示之前嘗試不同類型的工作，亦有問自己最喜歡那一種，最後覺得最喜歡做演員，所以會演好每一個角色，不會浪費別人給他的每個演出機會。

(on.cc)