郭羨妮今日喺石門為舞蹈學校擔任開幕嘉賓，囡囡Kylie亦係學生之一，已經學咗3年，經常參與好多大型跳舞比賽。郭羨妮話囡囡由2歲幾開始學爵士舞：「初初都係當玩玩吓，有時去啲商場表演，佢仲唔識認真，要望隔離個同學仔。佢o依家6歲，生日嗰晚去咗參加全港嘅大型舞蹈比賽，老公第一次陪我去睇，我哋緊張到不得了，好似我自己出場咁。」佢話囡囡最後都攞咗個銀盃，成績算唔錯。
今年43歲嘅郭羨妮之前講過想生多個，不過因為老公工作好忙，搞到冇時間造人，唔知仲會唔會再生小朋友？郭羨妮笑笑口話：「下世喇，初初都有諗，不過年紀大喇，不如專注喺個女度，我又可以做自己嘢。」仲話已經向囡囡講可能沒有細佬妹：「佢OK，叫我哋陪佢玩囉。」至於暑假活動，郭羨妮話已經安排咗囡囡學唔同嘅興趣班：「太悠閒唔得，我又唔會帶佢開工，怕自己照顧唔到佢，不如畀佢學下自己鍾意嘅嘢好過。」
(蘋果日報)
一代才女林燕妮於上月底病逝，當年林燕妮與黃霑的一段情最惹人談論，因為黃霑拋妻棄女戀上林燕妮，受盡千夫所指的林燕妮，不單背上「小三」之名，更令父母痛心疾首，林燕妮曾經講過：「你鍾意一個人要有勇氣、要有決心！」她與黃霑相戀了14年，分手時林燕妮坦認甘心，正當大家認定林燕妮一生最愛非黃霑所屬，原來她心中所愛是大學同學建築師戴天頌。
一生追求浪漫愛情的林燕妮，曾經自爆有76個男朋友，原來她跟黃霑分手後，有着另一段刻骨銘心的愛情，她與大學同學的建築師戴天頌有過一段6年情，當年戴天頌都有陪伴林燕妮出入ball場，可惜兩人生活模式完全顛倒，最終戴天頌向她提出分手要搬走，再受情傷的林燕妮一直未能忘懷，林燕妮曾經講過同黃霑分手後，沒有跟對方說半句話，但戴天頌卻令林燕妮足足傷心了十年之久。
(on.cc東網)
藝人伍詠薇（伍姑娘）最近接受電台錄音問訪，節目中，她透露89年參選亞姐，是因為接受與她年紀相差31年的首任丈夫翁江培提議，之後二人於1990年結婚，但婚後13天，翁江培於陪同她到深圳登台期間心臟病發猝死，當時伍姑娘年僅21歲，她坦言當年年紀太輕，不懂應對措手不及的劇變：「嗰時結咗婚十幾日，丈夫同佢嘅家人同幾位朋友就陪我去登台。嗰時我都未唱完，我先生突然離場，我仲以為佢可能想出去呼吸新鮮空氣、去一下廁所。點知唱完後，屋企人就同我講：『佢突然唔舒服、抖唔到氣，依家去咗醫院。』到達醫院，已經睇到佢喺度進行心臟電擊搶救，之後醫生就同我講：『呢個人已經離開咗。』太突然加上當年太年輕，係唔識反應。
自揭當年受盡委屈
翁江培離世後，外界一直盛傳伍詠薇繼承了亡夫的1億7000萬遺產，伍詠薇否認傳聞之餘，更自揭當中承受不少委屈，形成今天硬淨的性格：「冇呢件事發生過，就係被屈，莫講話一億七千萬，就算我畀屈盜竊，冇做過，我都一定唔會妥協。之後，周圍啲人都變咗編劇，話我剋死佢、『劏豬凳』、話我『有一億七，都唔使出嚟拍戲！』我通通有苦自己知，都唔會同屋企人提傷心事。鍾意我嘅人會覺得我強、我型，但唔鍾意我嘅人會覺得我好討厭。我試過喺街上竟然有唔認識嘅人鬧我八婆，我嗰幾年就係咁樣過。你依家睇我嬉笑怒罵，其實係感謝嗰幾年幫我練出嚟。」
重申「無隻眼開隻眼閉」
今年是伍詠薇跟現任丈夫練海棠相識20年及結婚19周年，二人人前恩愛，但多年來，練海棠曾兩次被指出軌，對上2016年一次，伍姑娘更代為向公眾道歉。
正當人人以為伍姑娘縱容老公，對出軌新聞容忍跨過婚姻危機時，伍姑娘重申：「我無隻眼開隻眼閉！要我『隻眼開隻眼閉』，你會睇得出我係唔舒服嘅。我點解要『隻眼開隻眼閉』？有啲人會死頂，但我唔會！不過，當第一次面對呢啲問題，我第一反應係起晒雞皮。第一次有人畀我睇嗰啲相（老公出軌照）嘅時候，我係會起雞皮。之後，我就要保護自己，回應時要小心一啲，返去跟老公坦白咁傾：『可唔可以繼續走落去？發生咩事？』就算佢呃我，都要講，其實我自己都有責任，嗰個階段我好鍾意拍攝工作，變咗比較少時間陪佢。而最近嗰次出軌嘅報導，我就同佢講：『走唔甩啦！唔係我睇到，係記者發現！』係好心痛、好失望。但丈夫係自己揀嘅，與其諗係唔係一面倒佢錯，倒不如檢討吓自己有冇錯。我呢個人係傻，但我都好均真、好包容，所以我覺得發生呢種事，當中我都有問題。唔係話相唔相信佢，我信呢件事屬真，但件事發生咗，我係要去包容佢、再同佢相處，坦誠溝通後，再睇吓我哋可唔可以再一起走落去。」
(on.cc東網)
佢直言興奮，又表示感激太太：「今次見太太佗BB都比上次辛苦，都感激老婆！依家最擔心係驚唔知BB同家姐相唔相處得嚟，咁梗係希望佢哋兩個可以融洽相處，我哋One big happy family就最好喇！啱啱阿女一嚟到醫院，都話要抱細佬、錫細佬，依家睇都應該相處幾好。」
電影公司老闆黃百鳴仔仔黃子桓太太第二胎出世，母子平安，湊夠「好」字。黃子桓急不及待在社交網甫相，更透露B仔已改名黃希諾（Ethan Wong），乳名「芝士波」，體重6磅2安士。
再做爺爺嘅黃百鳴難掩興奮之情，回應東網指：「我男孫黃希諾昨晚出咗世，梗係好開心。我一仔一女，Edmond又一仔一女，一個『好』字，希望諾諾將來健康、開心、有自信成長。」
本身為吳千語經理人的黃子桓太太，亦回覆東網指：「多謝多謝！BB尋日（8日）出世，係開刀㗎。（再為人母心情如何？）當然好開心啦，一仔一女好圓滿，依家都好努力餵人奶。」
(on.cc東網)
今日真係非常熱鬧，36歲陳自瑤(YoYo)同34歲老公王浩信最近傳出婚變消息，敵不過七年之癢。男方對分居傳聞不作回應，女方就不時在ig貼上感性金句，如「最大的放生是放過自己」，令人猜想連篇。
今早王浩信喺YoYo現身前三個鐘，喺instagram貼出一張陽光普照風景相，留言：「無論任何人的關係都是一面鏡，它映照了你的本質，好好感恩你每一天仍然能夠存在，去感受，去活着，去愛，去驗體狂喜，我就感恩今日太陽終於出返嚟。」似暗示雨過天晴。至於陳自瑤ig則未有更新。
今午二時，YoYo準時現身，明顯消瘦，未有戴婚戒，一直保持笑容，但明顯有眼圈，應是睡不好。講到世界盃舉行在即，YoYo話佢支持阿根廷，鼓勵小朋友做運動，自己囡囡鍾意球類運動同有轆運動，好似roller咁。講到父親節方面，YoYo自言思想好傳統，所以會一家人過。
事有湊巧，港台節目《舊日的足跡》王浩信嘅主持車淑梅訪問亦於今日發新聞稿，內容大致都係否認婚變，稱同太太當呢啲新聞係笑話咁睇，又表示不想私生活繼續成為大家茶餘飯後嘅娛樂。問到點去提升夫妻關係？王浩信諗咗一輪後話：「溝通最重要，我哋咩都會拎出嚟傾。喺我得獎之後呢段時間，我有好大嘅啟發，呢段時間亦令我哋溝通多咗，關係越嚟越清晰。」
活動後Yoyo接受訪問，佢話：「多謝大家關心，首先，第一冇提出離婚，第二冇趕老公出門口，第三小朋友都係同我哋一齊住。」否認分居。
係咪樓上樓下住？佢話：「佢有個地方係做office，喺屋企樓上樓下。」買樓事件搞成咁？佢話：「我知嘅。（係咪冇寫你名？）送畀父母係應該嘅。（有話送層樓畀你？）我相信佢做到。」
有冇搵師傅指點婚姻？佢話：「因為做節目先問到，係好正常嘅事，唔係一個大問題。（師傅話係返到香港有搵佢？）我冇問過，唔知中間有冇誤會。」做咩唔戴婚戒？佢話：「平時都冇戴，怕整唔見，好少會戴。」
訪問期間，陳自瑤講咗五次或以上稱「近日所有報道係失實」，但扔拒用「恩愛」形容夫妻關係，只係話「老夫老妻」，又指對上一次對方做令佢感動嘅事係上年八月生日。陳自瑤又否認消瘦，話係著衫技巧。
至於ig上嘅感性文字，陳自瑤表示只係有感而發，並非暗示夫妻關係有變，又指傳媒斷章取義，未有顧及前文後理。講到話少放兩公婆合照，陳稱一向都少，更反問係咪如果佢少咗擺同女兒合照，是否就代表母女關係有問題呢？
(蘋果日報/on.cc東網)
王浩信跟陳自瑤傳出婚變，王浩信對婚變傳聞曾經表示不作回應，而YoYo更是封口不提。
最近王浩信接受DJ車淑梅主持明日播出街的電台錄音訪問，訪問中王浩信談到女兒滔滔不絕，但對太太陳自瑤的婚姻關係，他就點到即止。王浩信與YoYo結婚七年，仍不是傳出緋聞，他表示與太太都只會一笑置之，希望私人生活不會繼續成為大家茶餘飯後的娛樂。至於如何提升夫妻的關係，他細想後認為溝通是最重要的︰「我哋咩都會攞出嚟傾，喺我得獎後呢段時間，我有更大嘅啟發，呢段時間亦令我哋溝通多咗，關係愈來愈清晰。」
大讚囡囡好聰明
問及當年28歲便結婚，有否擔心會失去觀眾的支持？王浩信指上天對他不薄，得到觀眾的支持之餘，家庭亦是他的一大支柱。他說：「我曾經以為（照顧）小朋友會花好多時間，又怕唔夠錢，慶幸個囡好聰明。我又發現小朋友嘅天真可以淨化自己心中嘅負能量。」王浩信回想女兒出生前一晚，緊張得徹夜未眠，終於在產房初見女兒，便忘卻所有疲憊。他說：「我哋會盡力保護女兒嘅私隱，唔會公開佢嘅照片，我都好少去學校接佢。個囡好鼓勵我，每次都叫我加油，我同佢嘅關係唔似父女，而係似朋友。」
王浩信在訪問中多次談及女兒，問到他和太太如何在繁忙的工作中，和女兒保持良好的關係？他直言以往太專注工作，或忽略了女兒的成長︰「依家每次放假，我就會爭取每日陪吓佢，個囡已經六歲大，好識得表達同溝通，呢段時間對我嚟講係一個彌補。」
(on.cc東網)
36歲陳自瑤(YoYo)同34歲老公王浩信最近傳出婚變消息，敵不過七年之癢。傳出係主動提出離婚嘅YoYo今日下午兩點會現身馬鞍山一個活動，親身為離婚事件解畫，而王浩信就選擇喺老婆現身前三個鐘，喺instagram貼出一張陽光普照風景相，留言：「無論任何人的關係都是一面鏡，它映照了你的本質，好好感恩你每一天仍然能夠存在，去感受，去活着，去愛，去驗體狂喜，我就感恩今日太陽終於出返嚟。」
而噚日王浩信亦喺ig貼出陪囡囡做功課嘅相片，一個好爸爸模樣，o依家又話太陽終於出返嚟，究竟係雨過天青，定係等老婆親身公告「重大」消息，一次過交代所有是非呢！回帶講番，今次爆出婚變，起因唔係同女星嘅緋聞，而係王浩信事先張揚要買獨立屋俾老婆，點知轉頭購入清水灣傲瀧高層單位送俾媽咪，事前老婆YoYo更毫不知情，張張「空頭支票」，主動提出離婚。
之後日日有新發展，王浩信稱近年信基督教，開始學識放下，明白要活在當下，接受好同壞嘅情況，強調婚姻關係冇改變，認為婚姻係會有困境，要學習同汲取教訓，但翌日就有報道指，王浩信同陳自瑤處於分居階段，女兒靖喬升小學後，就交由王浩信爸媽照顧。對此王浩信稱：「唔回應啦，多謝大家關心!」
(蘋果日報)
藝人林子善早前受到情慾短訊傳聞困擾，太太Kary出現力撐，兩人感情冇受影響外，更一齊出席去日本旅行補度蜜月。
連日來Kary仲將去日本旅行的靚相放上社交網，呢日就去咗環球影城玩機動遊戲，Kary Sweet爆咁留言話：「一個討厭排隊，唔鍾意玩機動遊戲嘅人＜同我玩足成日💕哈哈辛苦啦」
然後林子善即刻留言回應老婆：「傻豬！這是864天前我給你的承諾😘😘😘」真係閃盲人喇。
(on.cc東網)
思欣坦言沒料到夫婦二人因此大鬧一場，最終她選擇妥協，阿范亦表示每次見到，便會以核突及cheap來打擊對方，此後思欣與老公出席公開場合時，避免。。。
藝人范振鋒與李思欣出席首映，談到臨近夏天，思欣是否忙於準備晒水着騷身材？她表示老公尺度愈來愈窄，令家中的比堅尼泳衣也告遺失，更謂：「之前去芭堤雅，見到有人嘅地方，會叫我拉高件衫，我同佢兩個人，佢做影相嘅話，咁尺度會放寬啲，我就好滿足。」
思欣坦言曾於活動谷心形胸，沒料夫婦二人因此大鬧一場，最終她選擇妥協，此後與老公出席公開場合時，避免過分性感打扮。阿范亦表示每次見到太太穿得少布，便會以核突及cheap來打擊對方，問到是否同樣不讓旗下藝人性感？他謂：「要睇邊個，時下好多女仔鍾意擺水着相上社交平台，其實有實力嘅就唱好歌、拍好戲，畀like呢啲嘢都係一剎那啫！試過見到啲女仔相烏晒身咁，做乜啫！」
(on.cc東網)
藝人胡杏兒出席電影首映，她透露有追看好姊妹胡定欣演出的無綫熱播劇《宮心計2深宮計》，亦恭喜該劇網上點擊報節，她笑指定欣私下收藏不少性感照，有意叫對方放上社交平台分享，更謂：「對上一次我哋影水着差唔多成3年前，我又生完，都有講要影好快啲影，咪等我肥番、佢哋個個瘦猛猛先影，希望約到啦！（又搵張敬軒做攝影師？）好提議，定欣都ok！」
談到8個月大的囝囝近日出牙仔，杏兒表示囝囝牙痕到不時咬她，她謂：「佢見肉就咬，真係好痕，好在佢食得瞓得，成22磅重，好在冇超磅（準備好再生？）都仲有啲工作喺手，要睇多幾個月先。（完工即開工造人？）目標之一啦！好多人話豬年生B好，希望啦！」睇嚟Brendan好快就可以做哥哥！
(on.cc東網)
