【Aimee超大反應】陳豪陰陰嘴咁笑：大家冷靜啲…

2018-02-22

陳豪同陳茵媺(Aimee)今日夫妻檔現身銅鑼灣，為時代廣場「金龍醒獅賀新歲」活動擔任主禮嘉賓，兩夫妻齊為金龍點睛後，更分別舞龍珠同龍頭行大運，又接過醒獅送嘅三隻賀歲狗公仔送俾仔女。

陳豪同Aimee表現恩愛，全程十指緊扣，當Aimee感到有啲凍，陳豪就即刻為太太披上外衣。

為咗遷就仔女嘅時間表，今年陳豪一家留港度歲，Aimee覺得喺香港過年，可以同親友拜年兼佈置屋企，更有過年氣氛。陳豪就話仔女開心之餘，佢最期待係太太一年一度下廚整廣東菜，佢話：「上年整盆菜，由唔識整到好食，畀110分佢，佢煮得越嚟越好，越嚟越正。」Aimee就話今年嘅餸菜仲有蒸石斑同鮑魚㖭，真係聽到都流口水呀！

已有三個小朋友嘅陳氏伉儷，問佢哋狗年會唔會再添新成員，Aimee聽到即刻好大反應話：「What?」身旁嘅老公就陰陰嘴笑住叫大家冷靜啲，仲話唔係生唔生嘅問題，Aimee望住老公笑住話：「What do you say?」陳豪急急解釋是要花腦力同努力去照顧同教育，Aimee即認同暫時三個仔女便夠，問到是否有意再生？陳豪話：「畀啲時間我做埋仔女啲功課先。」

Aimee希望今年能兼顧工作及家庭，將會接拍廣告及出席活動，亦有傾談電影，有可能同老公一齊演出，陳豪笑指避了夫妻檔多年，也是避不了，Aimee覺得若果真實夫妻演感情戲可能太真。陳豪即笑說:「唔好閂後門，睇劇本再決定。」他不介意夫妻檔合作，甚至有接吻戲，他指最重要是藝術成份有幾高，作為演員當然會做最真一面，但要有限度地。

(蘋果日報)

【最大魔鬼係太太】天佑日吞30隻蛋白變肌肉人　老婆係旁邊食大餐！

2018-02-22

下個月初將在紅館再開演唱會的Shine，月初又南就上載了自己操肌的照片，差不多逼爆mon的胸肌同手臂，吸引不少女粉絲注意同尖叫！！當時又南接受《香港01》訪問時就透露過拍拖天佑都有密密操肌，大家都以為佢得個講字？天佑終於在今日中午就在facebook上載自己的成果，雖然就未有又南咁咁筋肉型，但4嚿朱古力的腹肌同埋好多男士夢寐以求的人魚線，女粉絲睇到這裡真的是心心眼又要出動！徐天佑接受《香港01》訪問時表示，「太太經常叫我po相俾大家睇下成果，我都覺得同鋼條身型越來越近！」

見到天佑fit爆嘅身型，表示心心眼很忙~

天佑為了今次演唱會實在唔話得，由去年12月開始就開始地獄式餐單，他笑言自己唔係好鍾意食肉，「所以太太就會煲湯，入面有海鮮同菜咁，當然每個星期都會有俾自己放蹤下一日，但依然要食30隻蛋白。」問到太太見到自己咁，有無意思一齊keep fit時，天佑就即刻話，「佢話唔好搞佢，所以我食緊呢啲餐單嘅時候，佢就係旁邊食大餐，佢都有問我想唔想食呀？當然我無食喇！」至於有無參考下拍檔又南個套操肌方法？佢就話大家健身目標都唔同，所以無特別同對方請教，但他們心目中都好支持對方，呢啲咪好兄弟！

5年前嘅Shine，真係好瘦~(視覺中國)

黃又南驚現狼人級肌肉　爆肌靠狂操：2個鐘只得30秒唞

呢張係天佑上年自製嘅key圖。(Facebook圖片)

天佑在hashtag就透露了自己今次目標是鋼條身型，同時亦向偶像李小龍致敬，另外亦po出自己的keep fit餐單，「由2018年計起，每日三餐共30隻蛋白 x 53天 = 1590隻蛋白；減去受傷延誤共2小時健身 x 38日 = 76小時健身、15200次Sit up、共150公里跑步」，他更笑言自己每日練歌練琴練舞，感覺好似一個運動員。每日食30隻蛋白，究竟係咩玩法？BTW見到他咁有毅力，真的不能不說一句意志有幾堅定先堅持到。

當大家新年期間瘋狂食蘿蔔糕嘅時候，天佑係屋企就係食呢啲嘢。

(HK01)

【老公曾傳偷食】周迅竟然帶佢返去拜年…

2018-02-22

43歲嘅大陸女星周迅同大佢5歲嘅美籍華裔老公高聖遠結婚三年，成日俾人傳佢哋離婚，去年仲有報道傳過高聖遠喺夜店偷食，仲有人爆料話佢哋已經離咗婚，但一直未得到當時人承認。

今個農曆新年，周迅身邊亦唔見老公蹤影，反而係帶相差22年嘅忘年閨密竇靖童(童童)返老家衢州過年。近日有網友影到佢哋一齊返鄉下拜年，見周迅同童童都係着住全黑羽絨，襯到絕！

大陸傳媒仲話佢哋係手拖住手去一齊去拜年，不過張相有啲黑，雖然睇得唔係太清楚，但返得屋企拜年，感情都係超好。

而另一位網友就上載兩人與親友嘅合照，見周迅素顏戴住眼鏡，但仍然容光煥髮。其實童童早前找來寧波車幫手剃頭「出家」，周迅亦都有去現場撐場，足見兩人交情非淺。

(蘋果日報)

【原來有個妹妹】兩個都咁靚！

2018-02-22

內地女星孫儷因為出演《後宮甄嬛傳》中「甄嬛」一角紅遍全中國，之後主演《芈月傳》、《那年花開月正圓》等大熱劇集，私下又係一個幸福人妻，但原來佢仲有一個同父異母嘅妹妹孫艷，最近妹妹被爆出多張生活照，仲被網友狂讚外型清秀可人，同家姐一樣咁靚女添！

現年17歲嘅孫艷，年紀輕夠晒卜卜脆，擁青春本錢素顏上陣影相，雙眼皮深邃，清純外貌擄獲唔少網友嘅心。

雖然孫儷與孫艷係同父異母姐妹，但孫儷都好照顧妹妹，唔單止承擔對方所有教育費用，更有傳孫儷當年睇完《甄嬛傳》劇本，特登向導演提議畀細妹演出「小玉嬈」一角，帶挈孫豔第一次收到片酬，真係姐妹情深。

對於被問及妹妹會否入演藝圈，孫儷曾表示會推薦妹妹，仲大讚阿妹外表Ok添，睇嚟妹妹都好大機會會入行啵。

(on.cc東網)

【河水不犯井水】F4成員被爆主動提離婚！　百億妻拒絕簽字！

2018-02-22

娛樂中心／綜合報導

吳建豪（Vanness）2013年與新加坡棕櫚油百億千金石貞善（Arissa）結婚，未料，隔年開始傳出在網路上隔空互罵，婚姻屢傳亮紅燈，結婚4年來鮮少曬恩愛；近日女方回台和友人聚餐，他則繼續待在美國，據身邊友人透露，他的確提過離婚，但礙於女方不願意，只能維持貌合神離的夫妻生活。

▲吳建豪傳主動提離婚（圖／翻攝自吳建豪、石貞善IG）

▲吳建豪傳主動提離婚（圖／翻攝自吳建豪、石貞善IG）

石貞善即便身為人妻，夜生活仍依舊精采，據《蘋果日報》報導，近日她帶愛犬Hercules到動物醫院看診，面露憂心神情，之後直奔信義區餐廳和好友聚餐；夫妻倆養的兩隻英國鬥牛犬叫做Hercules與Bowie，Hercules健康狀況差，吳建豪也曾帶著Hercules看診，還在IG發文，發動歌迷力量替愛犬集氣。

▲吳建豪傳主動提離婚（圖／翻攝自吳建豪、石貞善IG）

▲石貞善帶愛犬看診（圖／翻攝自吳建豪、石貞善IG）

夫妻倆對一對愛犬惜命命，卻曾在IG隔空互嗆，因而爆出婚變，身邊好友透露，當時吳建豪的確提出離婚，但石貞善不願答應，婚姻關係雖然持續，卻已是貌合神離，如今吳的友人表示，夫妻倆關係其實沒有外界想像的糟糕，兩人還是住在一起，也會一起出門遛狗，試圖打破婚變傳言。

▲吳建豪傳主動提離婚（圖／翻攝自吳建豪、石貞善IG）

▲石貞善夜生活精采（圖／翻攝自石貞善IG）

吳建豪過年前在IG上傳和愛犬的合照，但就是不見和老婆的合照，今年過年他飛回美國和媽媽、姊姊團聚，中間利用空檔出席NBA明星週比賽相關活動，接下來要忙著為美國南方音樂節練團，忙得不可開交，要到3月中才會回台，夫妻倆各過各的春節假期，婚姻關係再度引發討論。

▲吳建豪傳主動提離婚（圖／翻攝自吳建豪、石貞善IG）

▲吳建豪PO出和愛犬的合照（圖／翻攝自吳建豪IG）

(ettoday)

【宣佈佗B六個月】仲係面尖尖超省鏡！

2018-02-22

夫妻先後在社交網站貼出大肚相，佗B接近六個月但仲係咁FIT。。。

台灣天團五月天成員瑪莎，大年初一向歌迷報喜宣佈榮升父親，瑪莎與太太先後在社交網站貼出大肚相，「瑪莎嫂」隆起的肚子明顯可見，但身形不似已懷孕近六個月，依然面尖尖相當省鏡，獲一眾歌迷大讚是「最美準媽媽」。

(on.cc東網)

【肥姐離世十週年】欣宜到墓前獻花悼念媽媽

2018-02-22

剛過去的新年假期，相信大家大部分時間都會留在家中回顧不少懷舊賀歲片，例如每年幾乎都會播出，由沈殿霞及董驃主演的《富貴逼人系列》三部曲。原來日前（2月19日）正是人稱肥姐沈殿霞的死忌，不知不覺她已離開了10年。最近回到溫哥華過年的鄭欣宜，期間亦有親自到媽咪的墓園獻花，並上載照片到IG寫下一句「放心，我過得很好。」不少粉絲見到後，都大讚欣宜孝順，並指在天上的肥姐都會以她為榮！

昨天欣宜在IG中上載了自己到媽咪的墓園前獻花，並留言「放心，我過得很好。」

肥姐出名十分愛鍚女兒，從小便喜愛唱歌跳舞的欣宜一直希望長大後能進軍娛樂圈發展，為了可以入行更決心減肥由近230磅減至130磅。2006年，肥姐得知自己患病後表示最放心不下的就是欣宜，更一早安排了幾位好友包括劉家昌，林建岳及陳淑芬照顧欣宜，並助她在娛樂圈發展。2010年欣宜正式出道，一年之內推出兩張專輯，在年尾頒獎禮上獲得多個新人獎，但仍受到外界不少批評，認為只是靠媽咪的光環在娛樂圈工作。

欣宜小時候，肥姐經常帶她活動。(視覺中國)

直到2016年4月，推出歌曲《女神》後因歌詞正面積極，希望女士們明白到「只要你有自信，你就是美麗」的信息立即引起迴響，成為欣宜首支４台冠軍作品，2017年初在各大香港音樂頒獎禮拿下好成績後發表感言時亦有感謝媽咪，可惜欣宜被認為是在消費亡母。所以去年肥姐的死忌，她並沒有在任何網上平台發表任何言論。而今年欣宜就憑電影《29+1》入圍今屆金像獎「最佳女配角」獎項，相信肥姐知道女兒今天的成就，也深感安慰。

肥姐在《富貴逼人系列》飾演的「上海婆」角色，深入民心！（網上圖片）

童星出身的肥姐，拍攝過百部電影，其後加入TVB人氣更上一層樓，70年代亦曾與張德蘭、汪明荃、王愛明組成「四朵金花」。招牌響亮尖銳的笑聲、貓頭鷹式髮型，及稍向上的黑框眼鏡框深入民心，是不少傳媒、政要及市民公認為香港人的「開心果」。2006年因為健康問題而暫停演藝工作，其後證實罹患肝腫瘤。2008年逝世，各界對她有很崇高的評價，當時的行政長官曾蔭權對沈殿霞的逝世感到難過，指出她雖然被病魔纏擾，但她的堅毅意志代表了香港人尊敬的精神。

(HK01)

【唔少網民都話好想…】陳茵媺一眾港姐去團拜~

2018-02-22

農曆年團拜梗係要扮到靚一靚啦！本身靚仲要係港姐出身，咁就梗係更省鏡！

一班港姐出身嘅靚女陳茵媺、張嘉兒、朱凱婷、曹敏莉同戚黛黛約埋一齊去團拜，真係顏值高到頂點。

睇番佢哋全部都係大有來頭，先講陳茵媺就係2006年香港小姐冠軍同國際親善小姐，係雙料冠軍；張嘉兒就係2007香港小姐冠軍；朱凱婷係2001年香港小姐季軍；曹敏莉就係2003年香港小姐冠軍、戚黛黛就係同年嘅香港小姐季軍，真係不得了，搞到唔少網民都話好想去同佢哋拜個年。

(on.cc東網)

【女人嘅噩夢】沈卓盈PO相：過年太放縱出晒事…

2018-02-22

肥咗真係好大鑊！

唔少藝人趁住新年假都好好休息一吓，順便去拜吓年感受吓節日氣氛，但就因為咁樣連續幾日都係懶洋洋咁「食玩瞓」，真係好容易出事！出咩事？咪就係會肥囉！就連平時Fit到爆嘅沈卓盈都「出事」，呢次佢就喺IG甫咗張靚靚自拍，但留言就話：「大家的新年過得如何呢？⋯我就胖了3磅⋯不管了，開心就算了！#過肥年#新年的放縱#不管啦！」3磅呀…3磅對女人嚟講簡直係一個噩夢，不過佢講得岩，最緊要都係開心啫。有唔少粉絲就話佢肥咗都係咁靚，仲話好睇過佢骨瘦如柴添！

但沈卓盈本身都唔肥！