米雪喺社交網上載咗一系列嘅慶生相，相中見到有蛋糕又有花，米雪仲送上利是，睇嚟Erica今個生日認真大豐收。正所謂「三個女人一個墟」，佢哋全程不停玩自拍，雪梨仲向囡囡獻吻，相當溫馨。
藝人米雪同姨甥女徐頴堃（Erica）一向感情好好，日前Erica踏入31歲，米雪就聯同妹妹雪梨齊齊為Erica慶祝生日。
其中，紮起孖辮的米雪以全粉藍嘅造型現身，加上戴住Cap帽，真係少女味十足。
聚會中除咗有三位靚女，就連雪梨大仔徐偉棟都有「參與」，佢透過視像通話隔空向Erica送上祝福，認真有心！
(on.cc東網)
1號風球仍然懸掛，熱帶風暴「艾雲尼」目前以偏北方向移近廣東西部沿岸，按照現時預測路徑，「艾雲尼」會在今日(7日)日間逐漸靠近香港，預料香港風力有所增強，「艾雲尼」的雨帶亦會繼續為香港帶來狂風大驟雨，天文台考慮在下午2時前改發3號強風信號。而與艾雲尼相關的外圍雨帶在未來一兩天仍會為廣東沿岸帶來驟雨及狂風。
教育局表示，由於天文台預料可能在未來數小時內發出3號熱帶氣旋警告信號，幼稚園、肢體傷殘兒童學校及智障兒童學校今日停課，但上述學校須保持校舍開放，同時實施應變措施，照顧已返抵學校的學生，並在安全的情況下，方可安排學生返家。
在上午10時，熱帶風暴「艾雲尼」集結在香港之西南偏西約340公里，預料向北或東北偏北移動，時速約10公里，移近廣東西部沿岸。山泥傾瀉警告、雷暴警告現正生效，預料香港有幾陣狂風雷暴，高達每小時70公里或以上的陣風繼續吹襲香港。
狂風驟雨影響，香港多區落起大雨。天文台在上午7時發出特別天氣提示，指香港大部分地區可能受大雨影響，呼籲市民提高警覺。而天文台在6時50分發出新界北部水浸特別報告，指新界北部尤其上水一帶正受大雨影響，在過去幾小時該區錄得超過100毫米雨量；6時40分則發出局部地區大雨報告，指沙田區在上午6時35分的過去一小時錄得超過70毫米雨量，有可能出現嚴重水浸。
預測香港今日多雲，有狂風驟雨及雷暴，雨勢有時頗大，最高氣溫約29度，吹和緩至清勁東至東南風，離岸及高地間中吹強風，海面有湧浪。
（on.cc）
劉德華嘅6歲獨生女劉向蕙今日幼稚園畢業，一向私生活低調、十分保護家人嘅華仔，下午3點幾孖老婆現身灣仔伊館，兩夫婦極罕地公開出席，親眼見證囡囡喺台上行畢業禮。溫馨過程被讀者葉太拍到。
早前已被傳媒拍到肚凸凸湊女 （資料圖片）
向蕙就讀嘅幼稚園今日舉行第53屆畢業禮，當輪到囡囡上台攞畢業證書時，華仔更興奮到企起身，而疑似大肚嘅華嫂就全程坐下，似乎想保持低調免引起注意。
葉太接受電話訪問表示，華仔現身伊館時，十分哄動，但更加引起葉太注意的是，「華嫂」朱麗倩肚凸凸孕味甚濃，育有兩子女嘅葉太語氣堅定表示：「佢肯定係有咗，睇個肚似有5個月。」
葉太話佢坐喺華仔夫婦隔籬，所以可以近距離拍攝兩人相片，從葉太提供相片所見，清楚影到華嫂嘅正面，着白色裙嘅華嫂雙手叠在腿上，肚部明顯隆起，的確孕味甚濃，與身旁嘅華仔專注望着前面，似等囡囡上台行畢業禮。
（讀者提供）
目前兩夫婦倩只育有獨生女向蕙，華仔曾坦言想追多個小朋友，但老婆年紀漸大，兩人已放棄追B希望。想不到現年52歲嘅華嫂，傳出再度懷孕嘅喜訊，早前佢戴口罩現身中環中建大廈，有指是去睇婦科醫生。
(apple daily)
荷李活電影《侏羅紀世界：迷失國度》昨晚喺中環ifc戲院舉行首映，劉嘉玲、楊千嬅、陳奕迅、徐濠縈等人有出席。
雖然今次活動由丁子高嘅公關公司做搞手，不過丁子高日前喺ig貼咗張手臂吊鹽水嘅相片，佢留話食完早餐出咗去跑步，點知個肚好痛，原來患上急性盲腸炎，要立即入院做手術。
問到丁子高o依家嘅情況，老婆楊千嬅就話：「佢噚晚開完刀，o依家休息緊，如果傷口冇血水出，今晚就可以出院！」唔知係咪真係食完早餐就跑步就出事，千嬅話：「唔關事，佢早餐唔係食好多，醫生話盲腸炎冇原因，可能抵抗力唔好，細菌入腸。初初以為係腸胃炎絞肚痛，之前試過有一次跑跑吓下肚痛，嗰陣佢話消化不良，不過我都有叫佢睇吓醫生，嗰陣佢應該聽我講。」
千嬅仲話：「不過o依家冇事，休息吓就得，收到消息嗰陣真係嚇死，好似拍劇一樣，但係我冇嚇喊，我以前係護士嚟㗎嘛！」唔知阿仔又知唔知，佢話：「知道，佢都驚咗一吓，噚日係阿仔6歲生日，不過真係好橋，6年前同一日，喺同一間醫院我生咗仔，點知到今日佢又喺同一間醫院攞條盲腸出嚟，大家都要小心身體！」
(蘋果日報)
昨晚7時13分，阿嬌同老公賴弘國（Michael）十指緊扣出閘，一個白帽，一個黑帽，打扮明顯經過悉心安排。面對大批傳媒包圍，Michael顯得有點不習慣，賴太就一派淡定，負責應對傳媒。
問阿嬌身份是否仍是準賴太，阿嬌就話：「其實我都話嗰個唔係一個……即係我哋真係係未簽紙，但因為我哋真係一齊嘅時間唔係話太長，所以想有個美好嘅共同回憶，所以同所有嘅好朋友想聚埋一齊，留一個好好嘅片段，之後諗住喺香港嘅婚禮就會播俾大家睇。」
至於香港舉行婚禮的日子，阿嬌表示係十二月：「係十二月，唔係九月，但係未搵到地方。所以確實嘅日子仲未可以話到俾大家聽。我唔係刻意隱瞞，希望大家體諒。」老闆楊受成早前表示會包起阿嬌嘅婚禮，阿嬌笑：「美國嗰個唔係，香港嗰個先係。」
楊生仲話送物業做賀禮喎，阿嬌就答：「如果老闆話係就係0架喇！」問阿嬌習慣俾人嗌賴太未？佢就甜笑不語，兩公婆又對望，然後猛話好緊張。講番美國個party，賴弘國唱咗首《愛很簡單》送俾阿嬌，事前練習多久？佢就話：「因為自己不是專業，現場全部人都是專業，所以當時很緊張。」咁阿嬌滿唔滿意老公嘅歌喉？佢就話好滿意。
阿嬌話喺美國舉行party後，去咗好多地方，包括日本同台灣：「叫做返一返屋企。」婚後賴弘國會搬來香港嗎？阿嬌就話：「我哋兩個都兩邊飛。」至於會否喺台灣舉行婚禮？佢就話唔會，只會舉行party。問賴弘國工作上會否唔俾阿嬌再拍性感戲？阿嬌聞言即搶答：「不嬲都冇性感過。」男嘅就話：「她開心就好。」減產？阿嬌笑了笑：「唔覺得有減少到。」阿嬌仲話：「佢送我返嚟，聽日就走喇！」
手上戴上巨形「小玩意」嘅阿嬌接受訪問時，見到阿嬌不停甜笑，兼同老公互相對望，甜蜜之情不用言語。一向寡言嘅阿嬌，榮升咗做賴太後，接受傳媒時就暢所欲言，無論講朋友、工作及夫家，都講得好開心。而阿嬌全程亦好體貼不擅廣東話嘅老公，每當記者以廣東話問老公問題時，佢都會提記者佢唔識聽，真係隔住個芒都感受到佢哋恩愛同甜蜜。而好多網民見到阿嬌返港嘅直播，都即時留言祝福阿嬌要幸福，但亦有眼利嘅網民話見到阿嬌身穿鬆身裇衫，覺得阿嬌孕味好濃喎！
(蘋果日報)
「見佢個肚超大，聽到佢同美甲師講話隨時生得，仲話呢胎生仔，但唔好講同人講。」
昔日係無綫「電波少女」，雖然演出嘅角色大部份都好楚楚可憐，好似《十月初五的月光》嘅汪海琳、《狀王宋世傑2》嘅小青等。但現實中佢係幸福人妻，08年與拍拖5年嘅圈外商人張忠弦（Joey）結婚，囡囡張梓彤（Kesha）都已經6歲喇，早前佢仲透露懷有身孕，預產期係7月尾，但一直唔講呢胎係仔定女。
曾與佘詩曼同蔡少芬一齊拍劇。
汪琳不幸在2014年小產，當時懷孕六、七周未穩定，有日做完活動回家就出事。
日前讀者李小姐透露日前下午三時許，見到腹大便便嘅汪琳喺銅鑼灣一間修甲店內修甲，汪琳全程戴住口罩。
李小姐話汪琳應該係熟客仔，與職員好熟絡：「見佢個肚超大，聽到佢同美甲師講話隨時生得，仲話呢胎生仔，但唔好講同人講。」李小姐話汪琳只係整指甲，逗留約45分鐘後離開，李小姐仲話﹕「聽見佢用英文講，叫個司機喺樓下等佢，家庭環境都應該幾OK。」
汪琳雖然已經40歲，但打扮同樣貌仲係咁青春可人。(網絡圖片)
汪琳現在已是全職主婦，對於被讀者爆今胎生仔，佢接受記者電話訪問時就啲無奈話﹕「咁都聽到？真係隔牆有耳。其實冇乜所謂，仔女都開心，等咗咁多年，個女都就快7歲，始終兩個好啲，有人陪吓個女。」問到生仔，老公係咪最開心？佢話：「開心啩！」汪琳直言生埋呢胎就會封肚，佢話﹕「我都一把年紀(40歲)，收爐啦！」
對於有司機接載出入，汪琳強調只係小康之家，佢笑笑話﹕「咁老公做中港生意，成日唔喺香港，有咩事都會多個人照顧。好似日前囡囡燒到近40度，我仲要喺醫院頻撲，哎吔，勞勞碌碌影唔到，剩係影我嘆世界。」問到點解咁貪靚？佢話：「因為生之前要拆晒啲gel，因為要夾手指公，但其實未生得，今次真係去整靚甲。」
(APPLE DAILY)
昨日突然自殺身亡，被發現倒斃住所內，相信她是自殺離世，震驚各界！
55歲美國女設計師Kate Spade 自殺身亡的消息震驚時裝界。
香港著名形象指導郭慶彬（Ricky）表接受傳媒訪問時表示：「睇到呢個新聞好唔開心，覺得好可惜，事件震撼時裝界。佢設計理念好成功，好受歡迎。佢設計好女性化，用啲顏色、花花圖案令顧客感到好開心。印象最深佢設計過一個小提琴造型嘅手袋，吸引到男、女顧客目光。網上有指佢有抑鬱症，所以大家真係要正視呢個病。」
名模琦琦：「佢創立呢個品牌，雖然股份都賣畀人，但係佢依然係品牌嘅靈魂，好可惜，唔知佢乜嘢原因，覺得無論有乜嘢病，都會好勇敢去生存落去，可能佢有說不出嘅苦衷，去了結自己人生，佢仲有個13歲嘅女。有乜嘢解決唔到，自己去咗個女點算？得13歲，做父母應該要為小朋友諗吓。」
香港名模陳嘉容說：「好傷感，我睇咗報道，我好驚訝！當然好唔開心，因為我真係好鍾意佢啲嘢，佢啲手袋、衫及首飾係好得意，同其他品牌唔同，完全別樹一幟，好傷心。（你見過佢本人？）佢嚟過香港一次開舖，所以見過一次，佢好正，爽快，好親切，一個咁有天分嘅人，突然間咁樣，希望佢上天堂安息。」
另一名模歐陽妙芝說：「我好耐冇用呢個品牌，我覺得好似生活逼人，每日都好似有啲唔好消息聽到，或者係一個解脫，希望佢安息，好可惜！（55歲好年輕？）好似愈來愈多年輕人用呢個決定去輕生，真係有啲可惜。」
潮媽陳慧琳（Kelly）曾穿戴此品牌，對此她透過電話表示：「我今年年頭做咗Kate Spade嘅活動，我聽到呢個消息都覺得好突然、震驚，我本身好欣賞Kate Spade嘅設計，因為令人好開心、顏色又好繽紛、設計好得意、好有諗頭，所以我都好喜愛呢個牌子，聽到呢件事好震驚、冇諗過，對佢嘅逝世覺得好可惜。」
(on.cc)
唔聲唔聲，原來兩年前已經求婚成功，計劃三個月後舉行婚禮，問到未婚夫背景，佢就封口保密，連名都冇公開：「佢好低調，我哋拍咗一段時間。。。」
BMA、Red MR老闆羅傑承曾經喺92年投資拍《家有囍事》，成為唔少港人集體回憶，今次真係到佢哋羅家有喜事，佢大女羅雪儀(Cherry)日前同一班女友人慶祝生日，佢班朋友仲順手幫佢搞咗個bridal shower。
整個party都好有心思，成班女友人包括佢嗰妹羅欣儀(Gloria)搞咗個以「女王」為主題，見成班朋友都戴住皇冠食晚飯，仲整咗唔少「I got my hubby」、「bride to be」、「I’m a good bride」嘅道具牌影相。
Cherry喺Ig留言多謝朋友，話佢哋令佢有實現咗一個夢想嘅婚前派對，仲#我是女王、#bridetobe。《蘋果》就打畀佢恭喜，佢就好開心嗰party：「知道佢哋會搞bridal shower，不過好驚喜，個主題同佈置都好靚。」
問到未婚夫背景，Cherry就封口保密，連名都冇公開：「佢好低調，我哋拍咗一段時間，係喺英國讀書時，朋友介紹識，個婚禮係會9月搞，會喺香港舉行，阿妹會幫手做伴娘，細節遲啲先同你哋分享。」
講到仲有3個月舉行婚禮，佢就笑言好忙：「因為世界盃時間，我哋公司好多宣傳要搞。」其實，睇返Cherry嘅Ig，只係貼過幾次佢未婚夫嘅相，尋搜之下，知道佢嘅名叫Colin Wong，今年2月，就貼了同Colin去日本滑雪相，留言了「Last ski trip as a couple」，又hashtag了#fromMISStoMRS、#growingoldtogether，再睇返大概兩年前，佢都貼過一張二人喺遊艇船，佢留言「I say yes」，估計當時Colin向佢求婚成功。
(蘋果日報)
對上一次再踏舞台已經係六年前，為昔日合作無間嘅戰友兼老友黃偉文，喺紅館舉行嘅作品展擔任其中一位嘉賓。 育有兩名女兒，至今已經好大個喇。已經無喺幕前出現過好多年，點知琴日就被捕獲兩母女行街街，望真啲其實似兩姐妹多啲喎！
現年49歲嘅彭羚，98年嫁林海峰後，至02年推出翻唱專輯《給我唱過的男孩們》就退隱歌樂壇，至今已有十六年，多年嚟專心相夫教女，與林海峰育有嘅兩位囡囡林泳及林清，今年已分別18歲及13歲。噚日天文台雖然發出1號戒備信號，下午不時落大雨，但依然無損彭羚陪幼女林清購物興致，彭羚兩母女更手蹺手喺銅鑼灣shopping。
彭羚今日雖然不施脂粉，又將頭髮束起一個小髻，但穿上白恤衫加短裙仔嘅佢，企喺高度直迫佢嘅幼女身邊，猶如兩姐妹，母女感情亦非常好，全程有講有笑，林清更不時將頭挨近媽咪膊頭。兩人喺一間服裝連鎖店Shopping，林清每次睇中心頭好都會同媽咪研究一番。外形同親密程度同兩姐妹無分別~
(apple daily)
靚媽孫慧雪自去年誕下囝囝Riley後，同時要兼顧湊仔同事業，見佢久唔久出席吓啲公開活動，而佢又好勤力咁喺社交平台更新近況，保持曝光率。
雖然話已為人妻同做咗人哋阿媽，但個「殼」（外表）都係要keep嘅，雪雪早前抱埋囝囝出席活動時，自爆收身唔成，反而越見大隻，難怪佢心急求收身良方。
今日雪雪喺自己Instagram度貼相，佢透露自己開始近排好興嘅紮肚收身，佢透露其實之前紮過一次：「我之前生咗3個月時紮過，但可能個人體質問題，或者子宮傷口太大（因為我係剖腹產兼生大碼B），所以產後3個月紮到第3日，就子宮出血，於是冇再紮！」
經過另一靚媽黃婉曼介紹，雪雪重拾心情再試紮肚，佢話希望自己可以如願，透過紮肚紮番細個骨架，佢仲笑言今次紮肚嘅感覺似「箍牙」，仲話盆骨有啲「冤」嘅感覺，佢更留言為自己加油。
(蘋果日報)
