無綫藝人陳豪愛飲咖啡，近年將興趣變成生意，除了開烘焙工場，還在尖沙咀開咖啡店。談到狗年願望，他希望咖啡生意大展鴻圖，演藝事業上有更多不同發展：「今年想貪心啲，演藝事業有更多唔同發展，更上一層樓。咖啡生意亦希望有更大發展，屋企人開心，小朋友快高長大，聽聽話話。」
陳豪希望演藝事業可以更上一層樓，咖啡生意就有更大發展。
屋企方面，陳豪就想家人開開心心同埋小朋友快高長大加聽聽話話。
陳豪與太太陳茵媺育有三個小朋友，一家五口出動拜年十分熱鬧，他笑說：「新年會幫小朋友打扮得靚靚，着紅色衫，帶佢哋去長輩、朋友屋企拜年。自己屋企會擺桃花、揮春、全盒，會畀利是佢哋，依家自己大個咗都會畀利是長輩。」
一家五口出動拜年一定好熱鬧。
(東方日報)
有「英國奧斯卡」之稱的英國電影學院獎（BAFTA），香港時間今日清晨在倫敦舉行頒獎禮，繼上月的金球獎後，BAFTA亦響應「Time’s Up」反性侵運動，安祖蓮娜祖莉（Angelina Jolie）、瑪歌羅比（Margot Robbie）等獲提名的女星紛紛響應，穿著黑色晚裝現身，令紅地氈呈現一片黑海；但也有人沒遵從，正懷第三胎的劍橋公爵夫人凱特跟丈夫威廉王子到場，凱特挺着巨肚穿著墨綠色晚裝現身，據報王室只會在喪禮上穿著黑色，所以若選穿黑衣支持這活動是違反王室禮節。但網上卻議論紛紛，有網民認爲「當每位女士都穿上黑衣，凱特穿綠色晚裝坐在前排，不會不好意思嗎？」「說實在的，如果她不打算展現對女性的支持，就應該好好待在家。」
不過，這日並非只有凱特沒響應「Time’s Up」黑衣行動，憑《廣告牌殺人事件》在BAFTA封后的法蘭西絲麥杜文（Frances McDormand），亦穿著黑底紅色圖案的禮服到場，但致謝時她承認自己沒守規矩，但她會跟姐妹們團結一起，又説「權力在人民」，成功避過指摘。
腹大便便的凱特
凱特坐在前排
（mingpao / hk01）
跟年輕一代說「李元霸」，或會被當成歷史人物。但如果有睇開電影台翻播又翻播的舊港產片，應該絕不會對這貌似「成龍」的筋肉演員感到陌生，只是總喊不出「李元霸」三個字。
這天，霸哥接受了《蘋果動新聞》訪問，提到跟成龍似樣時苦笑說：「我好尊重呢個人，但係我可唔可以唔想似佢呀？」
現年59歲的霸哥，早在八十年代初，食住當時諧趣功夫片水尾，拍攝了元奎執導的《龍之忍者》紅遍亞洲。《龍之忍者》雲集「聯合國」演員，日本有真田廣之、韓國有黃正利，而霸哥則是由美國回來拍，共通點是全部不懂廣東話，片場一時日文一時韓文，完全雞同鴨講，霸哥笑說：「我哋講嘢係笑到你死，我廣東話就亂講，總之嘴形啱就得！」
說得輕鬆，但當日有幾辛酸只有自知：「佢哋用到我盡呀！你睇番我部戲，每一拳係入位，佢哋真係打我，我返去沖涼係全身瘀晒。」霸哥的付出換到回報，88年有機會跟周潤發合演《老虎出更》，扮演四肢發達頭腦簡單的差佬，他記得發哥在片場不時搞gag：「佢係幾好人，幾好玩。有料啲人，做乜嘢你都會欣賞。」後來霸哥又拍了《老虎出更2》，其中拍攝一個飛電燈柱的危險鏡頭，差點賠了性命，他說：「個個都話『喂唔好做呀』，咁我諗吓，出嚟21呎，落地下三四層樓，我二百磅。我好想做一個動作，一世唔會忘記，我預咗斷兩隻腳。」
很不容易捱出名堂，霸哥卻突然在高峰中離開，甚至完全銷聲匿跡，原因只有一個，就是母親患了怪病：「我離開電影界因為媽媽生病，佢患硬皮膚症，抵抗力係零，佢病嘅時候全身郁唔到。」
霸哥為照料行動不便的母親，全天候24小時都待在她身邊，由刷牙梳頭換衫沖涼抹屁股全部做齊，他說：「我唔係孝順，我係好愛我阿媽！」
如今母親已經離世，霸哥將兩人相處的經歷拍成電影。霸哥還會客串麥浚龍的電影《風林火山》，似是有意回歸影壇，他自信滿滿的說：「我係李元霸，我返嚟啦！」
(蘋果日報)
林盛斌(Bob)同黃心穎兩人在兩年後又碰面！這裡說的心穎不是真正的黃心穎，如果大家有記性的話，兩年前的農曆新年，初三赤口的時候，Bob在其Facebook上post出了一位友人的家傭，加上一句「去拜年，見到黃心穎！」，而且還tag上了心穎。當時心穎的家姐黃心美也加把口留言：「佢靚過我細妹好多！」心穎都沒有因此而動怒，反而回應：「我曬黑啲，佢可以替我返工！」，睇得出他們三人其實好鬼老友。
事隔兩年，Bob竟然又係同一位友人的家裡拜年，又撞返同一位工人姐姐，當然心穎也是要中槍，Bob在其Facebook上說：「兩年冇見，非律賓心穎BB肥咗又靚咗！」唔知今次心穎又會點還擊呢？
呢個菲律賓心穎keep得唔錯！（網上圖片）
正牌心穎（網上圖片）
正牌心穎（網上圖片）
正牌心穎（網上圖片）
(HK01)
新美心妹妹童星胡梓盈（Keicy）早前與家人上郵輪玩足三日兩夜，今次是她第二次上郵輪，在郵輪上Keicy化身小廚師，學整雪糕及壽司，Keicy媽咪大讚囡囡有烹飪天份﹕「佢平時喺屋企都會幫手整嘢食，例如過年會整湯丸，佢今次好開心，因為佢好鍾意食雪糕同壽司，之後返到屋企都有再整畀大家食。」
另外，Keicy又試玩VR過山車，不過，途中卻因為太怕而叫停，Keicy媽咪笑言﹕「佢向來好細膽，反而細佬同妹妹就由頭玩到尾，仲覺得好好玩。」
剪8吋頭髮捐癌症病人
談到新年，Keicy媽咪有感近期流感肆虐，所以未有外遊，不過就帶Keicy做了一件十分有意義的事，她說：「我帶咗Keicy去剪頭髮，捐畀癌症病人，剪咗8吋，啲頭髮原本及腰，依家就到膊頭，佢當然有少少唔捨得，但幫到有需要嘅人都好開心。」
Keicy（左）幾年前喺美心裹蒸糉廣告入面，一度成爲廣告新寵~
與媽媽Fiona
（on.cc）
周杰倫（周董）昨午在instagram上載愛女「小周周」背面照片，相中小周周身穿羊毛款外套，並梳了馬尾，她站在3隻綿羊玩具前。
而周董留言寫到Four sheeps（4隻羊），隨即被細心網民發現語法錯誤，指不需要在”Sheep”後面加”s”，笑指周董的英文要再培訓。
不過周董就留言表示：「不管 就是要加s。」還放上2個笑臉圖案，網友笑說，果真是任性的天王，也有網友說：「你開心就好。」
(明報)
內地當紅的女星楊冪和劉愷威結婚約四年，夫婦雖長期分隔異地各自吸金，依然不時合體湊女，早前老爺劉丹曾透露楊冪農曆新年會回港過節，但連日新春佳節卻未見她蹤影。
日前劉愷威便獨自外出，見他往買啤酒後便匆匆返家。
而於大年初二當天，劉愷威與女兒「小糯米」以及劉丹夫婦，三代同堂拉隊往深灣遊艇會食開年飯，同行亦未見楊冪，下車時劉愷威見記者在場一臉愕然，問到太太未有返港度歲時他未有回答，只笑笑口說：「新年快樂，多謝。」
至於精靈的「小糯米」則由爺爺抱下車，眼仔睩睩的她還不時望向鏡頭，極為可愛。
一行人吃了約兩小時便離開，愛女心切的劉愷威安頓女兒上車後，再吩咐父母上車，劉丹被追問新抱有否向他拜年時只笑而不答。
連日來沒有太太陪伴的劉愷威昨日再出動，獨自往銅鑼灣揀選家居用品，見他揀完櫈又揀櫃，期間更拍下照片研究，之後還到超市掃了不少啤酒才回家。
(on.cc東網)
蔡依林（Jolin）日前參加浙江衛視春晚勁歌熱舞，表演《什麼什麼》、《看我72變》和《野蠻遊戲》3首舞曲。她原定今天飛往米蘭參加時裝周，昨天卻因染病毒住院，臨時取消出國行程，據悉她最少需住院7天。
蔡依林日前參加浙江衛視春晚載歌載舞。
《蘋果》記者求證蔡依林經紀人表示，蔡依林過年期間急性腸胃炎，免疫力下降遭病毒感染，病毒擴散接近眼睛及耳朵，醫生昨診斷後，立即要求她緊急住院治療，目前人在醫院的她有家人陪伴照料，經紀人強調住院的原因並非因諾羅病毒，蔡依林這一次臨時取消活動邀約，對於品牌相當不好意思及內疚，經紀人也表示謝謝大家的關心，目前蔡依林在醫院休息靜養。
蔡依林近日為電影《捉妖記2》演唱主題曲。
蔡依林上周四在臉書發文，祝大家新年快樂紅包滿滿，身體健康旺旺來，但自己身體卻亮紅燈，在家躺了4天，昨天因太不舒服到醫院檢查，被醫生要求不能搭飛機，且立即住院觀察、治療，避免病毒侵襲腦部，也因此至少得待在醫院檢查、治療一星期，目前2月份的工作全部取消。
對於前女友住院，錦榮經紀人說「看到新聞了，錦榮以朋友的立場祝她早日康復」。至於是否到醫院探望？錦榮經紀人表示：「藝人私事不過問。」
蔡依林
(Apple Daily)
袁詠儀小學嘅時候就讀聖公會呂明才紀念小學，今次佢就同大家一齊返到佢嘅小學，袁詠儀仲講到以前教佢嘅老師姓羅，係羅家英嘅姐姐或妹妹，袁詠儀自己都唔記得，而呢個消息仲係家英哥話畀靚靚知。返到去小學，袁詠儀仲好受小朋友歡迎。
袁詠儀化身領隊帶大家重遊佢母校。
難得來到母校，當然要影相留念啦。
靚靚細心閱讀告示版上的一切。
講到讀書，袁詠儀仲分享佢嘅初戀，嗰陣佢大約十三、四歲，讀女校，對方係阿哥啲同學，都係警察嚟㗎。袁詠儀o依家諗番，都唔知對方大過自己幾多歲。唔使問，屋企一定唔俾拍拖。袁詠儀笑：「好刺激嘅，因為阿媽唔俾嘛，越係唔俾嘅嘢就越係刺激㗎啦。」做過啲咩？「拖下手去街囉！」錫錫？「梗係有啦，我話冇你都唔信啦，唔係點叫初戀啫。」頓了頓，補多句：「只到錫錫啫。」初戀維持咗一個禮拜就散，因為阿媽鬧：「我阿媽叫我都係唔好搞咁多嘢。佢話『其實識個朋友冇所謂囉，但你係咪要咁快就拍拖呀？會唔會好似又早咗啲呀？』突然間覺得阿媽講得好啱吖嘛。」
剛好學校正係午飯時間，所以靚靚才有機會進校內懷緬。
但係，若不是家有嚴母，袁詠儀話，「嗰陣時如果佢唔約束我、唔撳住我呢，即係例如，唔准去camp呀、唔准去街呀，唔准呢樣嘢唔准嗰樣嘢，咁我覺得以我咁愛玩嘅性格，我絕對係會變成一個未婚媽媽。」通常都係咁，一個唱黑臉，一個唱白臉。阿媽負責嚴嗰part，阿爸當然係溺愛嗰part，但身為警察嘅袁爸爸，嗜賭。「嗰時啲差人都好鍾意賭錢，我媽咪話畀我聽呢，嗰時出咗糧，我媽咪係唔敢買嘢俾我哋食㗎，因為可能出糧嗰時，爹哋已經輸晒啲錢。」
一眾小師弟妹，見到靚靚這位大師姐，都非常雀躍。
(蘋果日報)
繼早前花蓮大地震後，今晚大年初四晚上10點47分，北台灣發生芮氏規模5.3的地震，位置在宜蘭縣西南方19.1公里，深度46.5公里，據報時間約15秒，除了南部的高雄、屏東以外，幾乎全台有感、半個台灣震動。
身在台北的阿田（田蕊妮）也即時在臉書發文報平安：「人在台北按摩時地震！還以爲有人撞房門！第一次遇到地震！人沒事，不用擔心！」
（FACEBOOK/中時）
