藝人陳展鵬、單文柔（Phoebe）已是公開的一對，展鵬更經常帶同Phoebe出席好友聚會，大家都對她印象相當不俗，讚她又乖又有禮貌！日前，展鵬出席活動時，被問到女友Phoebe是否已融入家中時，展鵬即風趣謂：「佢又唔係菲傭！點會融入家中，總之大家相處舒服！」
無錯！相信佢哋真係相處得唔錯，剛剛於新加坡出席無綫「big big channel」活動的展鵬，一返港就即陪女友，男女拍拖不外乎食飯同睇戲，今晚展鵬與Phoebe去餐廳撐枱腳，之後仲去咗戲院睇戲，仲畀東網讀者影到添，佢哋仲好大方唔介意任影唔嬲！讀者都大讚佢哋nice爆！展鵬休息咗半年，好快就要開劇嘞！有時間真係要多啲陪女友同家人先得嘞！
吳日言（Yan）出席寵物店開幕活動。
提到Yan造人大計，佢話：「小朋友係上天安排，隨緣啦，寵物就可以自己決定，亦可同BB共存，不過十劃未有一撇，我都希望有消息。」係咪唔夠勤力？Yan話：「都有啲眼紅身邊朋友，明明放棄咗又突然有咗。」Yan透露有睇中醫，又聽過啲偏方：「坊間太多奇怪偏方，好三級唔方便喺度講，又玩倒轉又盛，都唔知得唔得。」Grace竟然話：「我有聽過一位前輩講，一定要倒轉，佢個仔仲好靚仔，不過我唔講係邊個。」Yan笑話：「咁可能為咗生個靚仔返去都要倒轉一下，第日大家見到我個仔靚仔就知我有冇倒轉。」
（Apple Daily / singtao）
洪朝豐20年來飽受抑鬱狂躁症纏擾，要終生服藥，豈料去年先後確診舌癌和淋巴癌，將他的人生推落谷底。經切脷手術及電療後，洪朝豐總算撐過來重新振作。他日前首度開腔分享抗癌經歷，感激前妻葉桂好悉心照顧，並笑言不再為外貌有變感自卑：「你覺得我條頸好核突，唔係我問題，係你問題。」
曾是香港當紅DJ的洪朝豐，去年10月確診舌癌，兩個月後切脷保命，竟再發現患上淋巴癌，幸經多個月治療後，總算撐過來。洪朝豐在本月5日進行完最後一次電療後，重新振作的他，重過新生。
洪朝豐說：「今次落難，得到好多人幫助支持同鼓勵，包括朋友同學生，如果唔係佢哋，我冇咁容易企番起身，我希望將呢種功德透過我訪問擴散開去，令到多啲人受到幫助。」
（圖片來源：蘋果日報）
切去半條脷後，洪朝豐表示進食和講說話也得小心翼翼：「我呢邊（左）牙床都出咗事，係癌前病變，醫生要削我牙床骨，下面有幾隻牙都攞走咗。將新造嘅脷蓋住呢邊（左邊）牙床骨，蓋住之後新造嘅脷要靠我原本條脷嘅帶動先郁到，所以我講嘢發音上有兩個音發得好辛苦，包括K音同埋個G音。當我講嘢同食嘢時，啲牙會親條脷，要就住。」
（互聯網圖片）
被連串病魔打擊，可覺上天不公？洪朝豐苦笑說：「原本我社會聲譽好好，賺好多錢，但抑鬱狂躁症令到我一無所有，神憎鬼厭，我經過好長時間努力，自力更生，然後企番起身教人打坐、唱歌，但個天『噗』一聲，全部攞走晒。我而家冇咗聲我點搵食？個天究竟想點？」
不但受樣貌、謀生能力及進食問題困擾，洪朝豐表示睡覺時不停流口水令他輾轉難眠，碰上電療期間連續幾日落雨天灰灰，令他心情更灰，因而萌起跳樓輕生念頭，他說：「但回心一諗，跳樓死咗就一了百了，但唔死咁點算？累人累物係咪先？」有日，他的打坐學生到家中探訪，送上一本手抄經書，教他嘗試將美好感覺貢給佛陀，洪朝豐一試，晚上竟睡得甜，令他有所頓悟：「突然睇到我存在價值，我同自己講，電療完之後要開始番正常人生活，將美好嘅嘢貢畀人。」
洪朝豐感激一班打坐學生對他精神上和經濟上的支持。互聯網圖片
能夠重新振作，洪朝豐要特別多謝他的前妻葉桂好在飲食方面悉心照顧，讓他專心治病。洪朝豐說：「而家同前妻一齊住，真係好微妙，我同佢分開咗30年，但佢願意喺我落難時照顧我。」可有機會復合？洪朝豐笑說：「唔會，佢唔愛我，我都唔愛佢，我哋好似家人咁，咁多人對我好，令到我喺呢方面可以鬆咗一啖氣，我先至能夠有一個轉化。」
前妻葉桂好 （互聯網圖片）
（Apple Daily）
藝人袁詠儀（靚靚）與老公張智霖（Chilam）日前拍拖到紅館撐王祖藍、阮兆祥及李思捷的演唱會。二人趁機與一眾好友於後台聚舊之餘，一向想生女的靚靚被「表演嘉賓」羅敏莊囡囡陳禛的魅力所吸引，拉着老公與陳禛合照留念。而陳禛面對影后級的靚靚及男神級Chilam毫不怯場，全程表現淡定，她又與一眾「靚姐姐」包括佘詩曼等鍾麗淇等大擺型爆甫士影相，氹得眾人開心不已，這位「明日之星」絕不客忽視！陳禛媽媽羅敏莊除相關照片上載到社交網站並留言﹕「一定要幫陳禛集郵！」
現年38歲嘅林峯同24歲嘅吳千語，由傳婚訊好事近變成傳分手，有傳千語戀上前政協施子清長孫施伯雄，空穴來風之際，日前林峯父母出動，要囝囝陪去海洋公園，同行仲有一名青春少艾、貌似千語嘅長腿美女。
現年38歲嘅林峯同24歲嘅吳千語，由傳婚訊好事近變成傳分手。（資料圖片）
日前林峯父母出動，要囝囝陪去海洋公園。（資料圖片）
同行仲有一名青春少艾嘅長腿美女（資料圖片）
噚日就有讀者向《蘋果》報料，指呢位「長腿千語」正名叫張馨月。（微博圖片）
林峯雙親顯然醉翁之意，目的似乎係想搞相睇，加上父母中途離開，俾晒空間林峯上馬，林峯亦做足本份，對個位「長腿千語」照顧有加，仲幫佢一擊即中掟咗隻PeppaPig，搞到新歡不知幾開心，攞住隻公仔嘟嘴自拍。
張馨月有幾張手機自拍，同「長腿千語」日前打電話時用嘅機款、手機殼一模一樣。（合成圖片）
噚日就有讀者向《蘋果》報料，指呢位「長腿千語」正名叫張馨月，英文名Carina，喺佢自我簡介上寫住係「平面、T台、影視廣告」模特兒，佢亦參加過2010全國時尚內衣模特大賽，喺比賽中得到亞軍。張馨月去年11月又以模特兒身份出席過廣州車展，作為大陸佳麗，之前讀者任小姐話喺海洋公園聽到佢用普通話交談其實都好合理。對比番張馨月微博同ig相，除咗身材、五官同「長腿千語」有九成相似之外，喺張馨月嘅相庫中有幾張手機自拍，同「長腿千語」日前喺海洋公園打電話時用嘅機款、手機殼一模一樣。仲有一點，上個月張馨月喺赤柱，所穿嘅墨綠色外套、黑色短靴非常非常之相似。
上個月張馨月喺赤柱，所穿嘅墨綠色外套、黑色短靴非常非常之相似。（合成圖片）
張馨月微博自我簡介上寫住係「平面、T台、影視廣告」模特兒。（微博圖片）
法官大人！綜合環境證供，有理由相信林峯新歡「長腿千語」都好大機會係呢位張小姐。張馨月喺ig用「愛生活，愛陽光」嚟形容自己，由今年1月起時不時喺香港出現，除咗去過赤柱，亦有到過銅鑼灣，上月底仲同港女一樣，食串炸豬大腸都要影相留言話係「HK街邊小吃」，而張馨月佢亦都有follow林峯嘅ig同微博，唔知今次行「老爺奶奶政策」嘅張馨月又會唔會成功變成林太呢？
佢亦參加過2010全國時尚內衣模特大賽，喺比賽中得到亞軍。（微博圖片）
(蘋果日報)
藝人羅仲謙到尖沙咀出席慈善活動。
羅仲謙明顯操得一身爆肌身形，西裝明顯被撐到脹卜卜，健碩身材無所遁形，他說：「我同張繼聰係同們師兄弟，大家同一個教練，依家一齊操fit，睇吓有冇機會去拍一個健身嘅旅遊特輯。（旅遊特輯係咪冇衫着？）唔會，最多特寫吓啲肌肉，希望可以同其他地方嘅藝人交流吓，唔係一定要比賽。（要操幾耐？）今次唔係要操大隻，係要操極致嘅線條，要操到好巔峰，依家完成咗一半。（同張繼聰邊個fit啲？）磅數比我強，我哋互相鼓勵，依家幾乎日日見，同見老婆一樣咁密。（戒口？）暫時唔使，仲要增磅。」
（資料圖片）
又被投訴唔喺屋企
羅仲謙透露今次操爆肌因為老婆楊怡嫌棄太瘦，不像以前好攬，他說：「停咗成年冇健身，之前老婆覺得我太瘦，話攬落去冇咗以前嗰啲感覺，咁我就同佢講，你唔好後悔，我一玩健身就會好瘋狂，佢依家開始投訴我成日下晝唔喺屋企。不過，脹卜卜好有安全感嘅感覺就快返嚟。」
（資料圖片）
(ON.CC)
歌手吳若希（Jinny）到銅鑼灣出席活動，模仿卡通人物大擺甫士，又與粉絲玩遊戲。受訪時提到女兒4月就1歲生日，她指到時老爺、奶奶會由澳門來港，全家人影全家福，又透露已跟老爺、奶奶提出要搬回香港：「囡囡遲啲會喺香港讀書，老爺、奶奶都覺得香港嘅教育同師資好啲，佢哋可能遲啲都會搬過嚟，搞緊車牌問題，港珠澳大橋通咗就會一齊搬過香港。」
留意自己報道
Jinny笑言發現了老爺是自己粉絲，冇意間在對方的家發現自己的報道，又試過聽到他大聲唱自己的歌：「全部都啱音，有音樂天分！（畀你見到就唔敢唱？）佢好冷靜，同我老公好似，唱完一句《那年花開月正圓》首歌就會收聲，若無其事行去餐枱食飯。我話我會同周柏豪拍劇集《多功能老婆》，老爺表情冇乜嘢，但感覺到佢好開心，好好笑！」
期待同千嬅合作
至於同劇的楊千嬅，Jinny指對方很久沒拍劇，很開心有機會合作，不過自己跟柏豪的對手戲較多：「希望畀人覺得我真係做嘢，好多人都覺得我唔憂做，但我想盡好自己責任，成為我個女嘅榜樣。」問到可會少了時間照顧女兒？Jinny指一日只有一組戲，將於5至8月開拍：「時間都就到。（老爺會嚟探班嗎？）我唔知喎！不過佢哋老人家好低調，唔會出現喺我身邊，但會默默支持我。」
(on.cc東網)
胡杏兒不時都會分享同老公Philip、囝囝Brendan一家三口嘅生活點滴，幸福滿瀉。
除咗家庭，杏兒都對自己嘅事業百分百上心！全面復工之後雖然好掛住囝囝，但仍要努力工作，唯有不時用電話睇下囝囝啲相同影片嚟望梅止渴～
昨晚杏兒又update IG同大家分享一個好消息！
杏兒留言話：「終於可以和大家宣布📣，我們KEVOLIE在上海的旗艦店正式試營業了👰🏻，佔地5000多尺，位於靜安區北京西路1228號 (我的結婚紀念日)😜，試營業期間會有各種優惠㊗，而我亦會不時在鋪頭出現👀，各位準新娘子有興趣的話❤，趕快預約來看看我們的婚紗禮服吧🤙🏻！！ 」
網民都紛紛送上祝福，恭喜哂杏兒！真係愛情事業兩得意～
(Instagram)
藝人湯洛雯出席無綫劇集《翻生武林》的馬鞍山宣傳活動，近日被揭與羅天宇結束4年情的她出席活動時心情不俗、沒有受情傷影響，她說：「心情Ok，有少少鬆一口氣，分開咗一段時間，都諗緊點樣畀大家知，咁啱新聞出咗，都唔想大家估咁多，因為分手新聞會牽連到其他人。」
撐陳瀅唔係第三者
湯洛雯力撐陳瀅不是第三者，她說：「梗係唔係，新聞出咗之後我哋有喺化妝間撞到，佢好無辜，佢本來冇諗住回應，覺得新聞太流。」
冇諗住復合
湯洛雯直言與羅天宇復合機會不大，因有些問題解決不了，復合也沒意思，現時再見亦是朋友。問到是否準備好接受新戀情？她說：「未諗拍拖，因為都拍咗一段時間、想沉澱一吓。不過有追求者都無任歡迎，拍拖要了解，需要時間認識。」
問到有什麼擇偶條件？湯洛雯說：「穩重、成熟、細心、有困難可以幫到我，我諗個個女仔都想搵完美男友，哈哈。」
(on.cc東網)
茄子是一種為數不多的紫色蔬菜，富含許多其它蔬菜所沒有的營養素。此外，茄子還具抗老、防癌、袪斑、消腫止痛、降血壓、清熱解毒等多種療效，對於人體健康有著很大的助益，但要如何吃正確食用才能發揮療效呢？
茄子是夏天盛產的蔬果，又名酪酥。江浙人稱為六蔬，廣東人稱為矮瓜，是茄科茄屬一年生草本植物。其結出的果實可食用，顏色多為紫色或紫黑色，也有淡綠色或白色品種，形狀上也有多種。茄子是一種典型的蔬菜，根據品種的不同，用法多樣。
茄子品種有白茄、紫茄、青茄三種，如紫長茄子、紫圓茄子、綠茄子。茄子最早產於印度，西元4～5世紀傳入中國，南北朝栽培的茄子為圓形，與野生形狀相似，元代則培養出長形茄子。
根據營養專家黎黍勻分析，茄子的預防疾病指數為26.29，生命力指數為9.7142，證明對疾病的康復具有相當高的價值，而對生命力的提高屬於有效範圍。
茄子含有維生素A、維生素B群、維生素C、維生素P、鈣、磷、鎂、鉀、鐵、銅等營養素。而茄子中有90%的水分，富含膳食纖維及皂甘，有助於降膽固醇，提高微血管抵抗力，具有很好的保護心血管功能。而紫色的外皮也含有抗自由基的多酚類化合物。且因其熱量少，又可以給人非常強烈的飽足感。常吃茄子，可使血液中膽固醇不致增高，亦不易發胖，故茄子可作為減肥的食療方。
植物中的抗癌物質維生素P、花青素、綠原酸、龍葵鹼，能抑制消化道系統癌細胞的增殖；元代太醫忽思慧著的《飲膳正要》謂「茄子饅頭」，為現代抗癌病患的常用食物。
茄子味甘、性涼，入脾、胃、大腸經。具有清熱寬腸、散血止血、消腫止痛的功效，中醫裡常用於治療熱毒癰瘡、皮膚潰瘍、口舌生瘡、痔瘡下血、便血、衄血等症。茄子屬於寒涼性質的食物，所以夏天食用，有助於清熱解暑，對於容易長痱子、生瘡癤的人，尤為適宜。
《本草綱目》中記載茄子可治療腸風下血。取帶蒂的茄子一個，焙乾後研成細末、用酒調服治療腸風下血。
用法：取10毫升白酒，溫熱後加6克茄子粉，調均勻後，空腹服用。每日一次，病情好轉後再繼續服用7天。
《滇南本草》記載，茄子能散血、消腫、寬腸。所以，大便於結、痔瘡出血以及患濕熱黃疸的人，多吃些茄子，也有幫助，可以選用紫茄同大米煮粥吃。把帶蒂茄子焙乾，研成細末，更常作外用。無名腫痛：把茄子搗爛，用醋調勻敷患處。
茄子可炒、燒、蒸、煮，也可油炸、涼拌、做湯，都能烹調出美味可口的菜餚。吃茄子建議不要去皮，它的價值就在皮裡面，茄子皮裡面含有維生素B，維生素B和維生素C是一對很好的搭檔，我們攝入了充足的維C，這個維C的代謝過程中是需要維生素B的支持的。果蔬顏色的不同總暗示獨特的營養。
蒸茄子
功效：此菜具有清熱消癰的功效，適用於熱毒瘡癰所致皮膚潰爛。
材料：茄子250克。方法：將茄子洗淨，切大條狀，放入碗中，入蒸籠蒸20分鐘左右；將蒸熟的茄子取出，趁熱放鹽、淋上麻油即成。
炒茄子
功效：此菜具有清熱解毒功效，適用於痔瘡出血患者食之。
材料：茄子250克。
方法：先將茄子洗淨，切成小塊，備用。鍋上加油燒至七成熱，傾入茄子塊不斷煸炒至熟，再加少許鹽即可。
蜜汁茄子
功效：此菜有助於潤肺止咳。
材料：茄子半斤、蜂蜜一兩。方法：先將茄子洗淨去蒂斜切，入鍋加水旺火燒開，文火再煮15分鐘，關火降溫後加進蜂蜜拌勻即可進食。
哪些人不適合食用茄子？李時珍在《本草綱目》中記載：「茄性寒利，多食必腹痛下痢。」所以消化不良，容易腹瀉的人，則不宜多食。此外老茄子，特別是秋後的老茄子含有較多茄鹼，對人體有害，不宜多吃。手術前也要注意盡量不吃茄子，否則麻醉劑可能無法被分解，會拖延病人甦醒時間，影響病人康復速度。
其它，像是皮膚過敏性體質者應少吃；神經質或易亢奮型燥動者應避免吃茄子；氣管炎、關節炎亦應避免「過量」食用。
※墨魚：茄子不要和墨魚一起吃容易引起霍亂。
※螃蟹：茄子不要和螃蟹二者一起吃，易傷人腸胃。茄和河蟹一起吃會中毒，可以用藕節汁解毒治療。
(大紀元)
